تنتمشى فهاد الغابة الزوينة لاخر مرة ليوم غادين نرجعو فحالنا.. توحشت ختي و عائلتي توحشت مدرستي..ما بقا والو على الموحد يمكن 3 ايام.. دوزت شهر عسل غزال.. علاقتي بزين زوينة بزاف..حاسة براسي وليت تنبغيه و لكن مزال مترددة نعتارف ليه..عايشين كأي زوجين علاقتنا كاملة.. مكاينش حدود بيناتنا واخا هو شخصيته تتفرض عليك تحتارمه..و لكن هو كذلك ما عمرو قاليا تنبغيك... وعندي فضول نعرف سبب زواجه مني و لكن ما قدرتش نسوله.. بغيت نعيش لي بقى فرحانه..
بعد مدة******
زين:الزين د زين فين سارحا(دوز ايدو على عيني) هيهو ريم
انا: ريمااا وا ريما هي سميتي R I M A ماشي R I M ما تبقاش تستفزني
زين: ههه فين كنتي ساهيه
انا:فوالو
زين:و صافي متقلقيش
انا:ما سميتيش ريم ا زين سميتي ريما ما تعيطش ليا بسمية بنت اخرى انا ريماااا
زين:هوب هوب هوب لا داعي تعصبي غير ضحكت معاك(خنزرت فيه و دورت وجهي لزاج معصبة غ بوحدي دور ليا وجهي و قبلني) متقلقيش ما قاصدش غير بغيت نضحك معاك(بتاسم ليا)
بادلته الابتسامة دورت وجهي لزاج د لوطو و تنشوف فالجردة د هاد الفيلا لي اول مره نجي ليها...
زين:مرحبا بيك فدارك ا ريما(غمزني)
انا:شكرا و لكن فين حنا
زين:دارنا دارك ا مراتي الزوينه هادي دارنا فين غ نكملو حياتنا و نولدو ولادنا و نشرفو انا و ياك (نزلات دمعة) هيييه لاش تتبكي تؤ تؤ تؤ غنتقلق منك عويناتك ماشي تاع البكى(مسحها و باس عينيا)
انا:ما تنبكيش غير دموع الفرحة(حاولت نخبي السبب الحقيقي زيفت ابتسامتي و عنقته تعليت و بسته)
زين:ههه ما تجبدينيش ا ريما ما تجبدينيش تابعنا القصر و لا عرفتي اجي نديرو بناقص
انا: لا لا لا غ ياله توحشت البنات (حنيت عيني تنشوف فالارض)و عماد
زين(طلع حاجبه): عماد.. شكون هذا؟
انا:خاصك تتعرف على عائلتي (تنلعب فصدف د قاميجتو) ما تتعرف تاحد فيهم
زين(سكت شوية و نطق بعد تفكير): شنو بان ليك نعرضوهم يدوزو معانا غدا
انا: لا لا خاص نتا تمشي (حكيت حاجبي بخجل) راهم بزاف و (دورت وجهي فالدار) لا لا بلاش كاين شي وحدين ما بغيتهمش يجيو و لا يعرفوني فين ساكنه مي ضروري تتعرف عليهم عليها نمشيو حنا غدا عندهم😅
زين(حرك راسو بعدم فهم):ما فهمتش لاش و لكن واخا..موافق
#عند شريفة ..
دنيا: اوا هاد ريما ما ناوياش ترجع لقرايتها و لا داقت الحلوى و نسات الباك
زارينا:ههههههههه سعداتها ما كرهتش نتزوج و نمشي فحالي اش غنديرو بشي قرايا و لا هم (ضربها شي حد لراسها) احح حما(شافت فيه) احم سراج جيتي
سراج:طلعي طلعي من بعد نتفاهمو على هاد حمار..
روشيا: واش ما غاديش نتسناو شريفه
سراج:واش انا شيفور عندكم لي بغات نوصلها توقف عند الباب فالوقت ماشي تنزلو معطلات و نبقى نجمعكم كي الفلالس
شريفه(تتخنزر):طوال ليك اللسان ا سراج عقل عقل ملي تجي عندي شريفة ديري ليا مسمن شريفة بغيت ساندويش.. عقل
سراج(دور ايدو على كتفها متوجه للوطو): مشهي الحريرة يرضي على (بهمس) مرات خويا
شريفه(بعدات ايدو): و هادشي بخبار(بهمس تاهيا) خوك
سراج(دفعها تركب): وا ترجلي معانا غ هو لي عنده الفم ياكل لي بغى
اسلام(وقف علينا): هو عندو شريفة كلها و ما بغيتيهش ياكل لي حبات خاطره..
دنيا:سوسو اش جابك
اسلام(خنزر فيها و شد ايدي): ياله ياله
سراج: فين العشير
اسلام:شي سخره لواليده و قالت ليا را شريفة تعرف البلاصة (شاف فشريفه) مقارياش العشيه زيدي تحركي(بلا ما يتسنى جواب.. جر شيري و توجه لشارع خدا طاكسي صغيره)
شريفه: فين غادين
اسلام(رمى ليها تيلي): بقاي تهزي زمرك ختك مفيقاني تتصوني
شريفه(بصدمه): ريماااا(تتصوني)اوف مالها ما تتجاوبش
اسلام:وا را قالت لك غادا عند دار ناسها المهم را وصاتني على شي حوايج را قالت اتكتبهم فالمسجات دخلي للواتس
*بلسان شريفة*
ما فهمت والو فاسلام تيهضر فشكل.. حليت الواتس لقيت شهاب و ريما و خالتي مصيفطين مسجات بزاف و تا ليليا..
دخلت عند ريما هي الأولى طلقت الفويس تاعها و نقصت باش نسمع بوحدي..سولات على احوالي و الدار و العائلة.. و قالت ليا نعلمهم بلي غتجي هي و راجلها غدا و طبعا راهم ما عارفينش اصلا من غير ماما و خالتي مامات دنيا حيت تا البنات و اسلام ما قالوها لتاحد..
دخلت نعلم شهاب بلي خارجه مع اسلام لقيته مسيفط مسج بلي اسلام صونا ليه علمو وصاني ما نبقاش معطلة برا.. و بزوجهم فيرساو ليا فلوس هههههه و كاتبين خودي شنو اتحتاجي.. جاتني الضحكة..جاوبتهم و نزلنا فالقيسارية انا و اسلام..
اسلام ما عمرني عاودت ليكم عليه..
اسلام ولد عمتي زياده و خلوق ففرنسا..علاقته بريما فشكل صديق مخلص هو واحد من الناس القلال لي عارفين سرنا..اسلام شكلا زوين و بزاف تيتيز و صوتو غزال الاكسنت (اللهجه) تاعو زوينه.. هو من سن شهاب.. كنت قلت بلي جا باش يدير مشروع ما عرفتش كيفاش بشخصيته الضحوكية ايكون مدير شركة.. و لكن على ما سمعت من عميتو بلي تيتسيف و شهاب فاش تيعرفني معاه ما تيخافش عليا واخا تيغير منه...
انا و اسلام اذواقنا بحال بحال.. خدينا بزاف د الحوايج لي انحتاجوهم غدا سوا على ود الاكل او الدار نيت... ضربات 3 مشينا كلينا و من بعد مشينا لمرجان.. و فلاكيس تاني انا نحلف و هو يحلف و تيقوليا على شحال عندي من ريما..
مع العصر دخلنا لدار دخلت كلشي لبيت شهاب لي جرا على اسلام باش ينعس لتحت و انا وليت تنعس تما...
انا:هانتا نزل عند انور شرح ليه الوضع و انا انطرف هادشي و نزل نعلمهم(هزيت ايدي للسما) ياربي مينة ما ديرش العصى فالرويضه..
سيفطت مسج لبنات لي فرمشة وقفو عليا..
دنيا: وايلي غ صباح جبدتها
زارينا: واش غير هي و راجلها و لا شنو
روشيا:معاش غيجيو
انا : وا سكتو ضريتوني فراسي..المهم سيري ادنيا عيطي لخالتي و ماما
عمتي(حلات الباب): ايه انا ما محسوباش العفريته (بقيت تنشوف فيها و هو يدخل اسلام)
اسلام:وا تبعتني لصقه عمتك لصقه شنو ندير ليك فكي حريرتك انا اندوز نقاد شي تخربيق(غمزني و خرج)
دنيا(من الدروج): كلم عايده و سعيده
بعد مدة....
سعيده: ايه مزيان ابنتي الله يرضي عليك مزيان لي ريما علماتك
عايده: دبا كملي شنو انديرو فالطياب
انا (وقفت جمعت شعري كوبشوفال): ما ضربي حساب انا غنتكلف و اسلام صيفطتو يجيب الحلوى
دنيا:انا غنعاونك
رقية(عمتي):اوهووووي ا بنت خويا ما نشوفكش تتخطري فالكونينة..(شافت فتيليفونها)نتي اتنزلي تهزي داك الصالون و تسيقي السفلي(شافت فزارينا) السطح ابنت خويا حيدي الحوايج و عيطي لدراري يطلعو الزرابي و ينزلو الزرابي لي صبنات شريفه ديك المرة..
دنيا: اوا و عمتي اش غتقولو ليها
الحاجه:شي ناس عزاز جايين و عندهم العزارا (غمزاتنا)
انا:الميمه هههه ياله كنت انزل نهضر معاك بغيت الطبقه تاعكم تري ليا على الدراري
وزعنا المهام بيناتنا كلها بشنو تكلفات البنات مع الدراري لي كاينين فالدار تعاونو.. اسلام مكاينش غابر.. و انا و ماما و عمتي فالدار الوسطانيه كل وحده و شنو تتعدل.. رقدنا الدجاج و اي حاجه خاصها الوقت بديناها... كانت ديك 7 د العشيه نضت عمرت زوج برارد د اتاي و نزلتهم لقيتهم باركين فالمرح محيحين بحال البعالك..
سفيان(حفيان و رجل مطلع ليها السروال و لاخرا لا): هحح جا فوقتو
اسامه (داخل مع الباب): سفينجااااااات سخان شكون قال ها شكوووون بغى
ناضو تيتخاطفو تقول كابرين فالجوع..مع سالاو تنسمع بشااااخ سطل د الما تخوا من الدروج هزيت عيني لقيتها احلام تتسيق بغيت غ نعرف شنو ايطرا فاش تعرف ريما تزوجات و هي لي جايا غدا ههههه..
طلعت لفوق و هزيت تيلي صونيت ابيل فيديو على ريما..
YOU ARE READING
ּڛۜــٻۧــڣــ🔥؏ــڜــڦــ🔥دٰ̍ا̍
Romanceشهاب- أحببتكُ ، حتّى أمنت بأنّ ما مَضى مِن العُمر قبلك كّان مجرّد إنتظَار لك 🖇♥️ ريما-حتى لو كان لدي مليون خيار ' سأظل أختارك دائما'💍❤ ليسا حبيبين..فهو مهووس بشقيقتها و هي عشقت صديقه.. حين يلتقي الهوس بالغيرة اي جنون يكون☄️🍒 هو شهاب و هي شريفته ...
