ּڛۜــٻۧــڣــ🔥؏ــڜــڦــ🔥دٰ̍ا̍

4

عند ريما المسكينه...
الام:ريما سمعي هضرتي هادشي را مصير اي بنت راجلك و دارك احسن لك.. و ياك نتي اتحماقي على المانيا هاربي سيفط لك راجل ايديك ليها...دو..دو..دو..دو
ما تقاداتش من الهضره ريما غير تتسمع و حانية راسها تتشوف فداك القميص د الجوهره البيج بالرانده مذهبه ما عارفا ما دير لا ما تقدم و لا ما توخر ما بقاش ليها فالدنيا بزاف و ميمتها باغى تفرح بيها.. و هي باغا تخرج من هاد العيشه باغى تهز عائلتها من هاد النيفو .. سكتات و سكتات بزاف تنهدات و سلمات امرها لله..
ريما:واخا اماما نشوفو و نقرر من بعد
الام(مرتابكه): على ما قلتش لك هو فالمانيا مزال ما جايش غدا ايجيو غ شي وحدين من عائلته يخطبوك
ريما بصدمه: خطبه؟؟؟ اش تتخربقي ا ماما يهديك الله اشمن خطبه لي ما يحضروش فيها خوتي(شريفه و دنيا و انور) و عماد شغنقولو المفروض يجيو نشوفو و يشوفني و نهضرو عاد الخطبه
الام(بصرامه): وا صافي هضره وحده قلناها سعدك جا تال بين ايديك و باغا تكفحي رزقك
بركات ريما تتفكر صونات لشريفه تعاود ليها و لكن البنت ناعسه ما تتجاوبش..ناضت ريما صلات زوج ركعات استخاره و ابخي ناضت تتعاون مها فالتوجاد
#عند شريفه..
شهاب:غنخسر معاك زيديك هادي
شريفه:و الله تا شبعت
شهاب:غير هادي صافي(كيحط ليها المعلقه عند فمها)
شريفه(كملاتها بزز):صافي الحمد لله و الله ما نزيد معلقه اخره
شهاب(جبد كاس د العصير):شكون قالك غنزيدك معلقه(مد الدوا)شربي هادو باش تنعسي شويه و هادا تاهوا و ما غنتناقشش شوفي حالتك وجهك صفر غير نهار مرضتي و بانت فيك
تلفتات شريفه فالساعه كانت 5:35 دقيقه خالها قرب يرجع و مغيعجبوش الحال باركه مع ولد فالبيت و بلا حجابها و لكن دارها ليها المرض باينا شهاب ملي جا ما خلاهاش بوحدها حنين بزاف ما ظناتهاش فيه فجنب السرير ميزان د الحراره و زلافه فين كان الثلج و الكمادات و ديك الجلده د الما سخون...
شافها فين كتشوف ضحك على تفكيرها ناض كيقلب تا لقى صاكها..
شهاب:هاكي اجوتيني فواتس و الى حتاجيتي شي حاجه انا خارج شويه
بتاسمات ليه بادلها الابتسامه جمع داكشي من حداها و طرف البيت نزل فالدروج هاز داكشي كان الصقيل فالدار الحاج خرج ملي صلى العصر ما رجع كيبقى فالجامع تايصلي المغرب عاد يرجع( بحال جدي الله يرحمه) باينا انور خارج .. طل فالصاله لقى الحاجه هازا تسبيح باس على راسها..
الحاجه:كلم اولدي انور الى شتيه برا قولو يدخل باش يقاد الكسكروط راه خاله كيجي مع 6
شهاب:واخا الحاجه
بتاسم شهاب..شخصيته حنينه و الحاجه و شريفه عزو عليه..خرج ما بانش ليه انور صونا عليه و لكن ما جاوبش..دخل لدارهم لقاهم مجموعين على الكسكروط..
شهاب:سفنج؟؟
دنيا:بغيتي شويه نحط ليك فطبسيل و لا غتخرج
شهاب:غنخرج..أجي واش كتشريوه من هنا فين كاين؟؟
دنيا:فراس الدرب كاين واحد مقابل مع الجامع
عيشه:كيبقات شريفه
شهاب:صافا خليتها ناعسه شربات دواها
عايده:الله يرضي عليك اولدي صافي غير رتاح دبا يجي انور من السوايع و يبقا معاها
شهاب ضربات ليه طن فراسه الدري لي الحاجه كتسناه راه قاري اصلا جاتو حشومه يخليها كتسنى طلع لبيته لبس سيرفيطه كحله و هز شارجورو دار كاسكيطه بالمقلوب زادتو جمال..طل فبيت خوه ما كانش..
شهاب:فين سراج
هيلاري:خارج مع بابا مساو لفيلا
شهاب:اه يشوفو فين وصلو الناس
الحاجه:معرت لاش باغين تمشيو فحالاتكم هايا الدار قادانا
شهاب:غير رتاحي الحاجه انا ماغاديش😉😂 عجبني الدرب و درت الصحاب انا بت هنا نبت(باس راسها و ضحك) انا غادي ما تسناونيش للعشا
دنيا:قول لشريفه راه عندنا متحان غدا
شهاب:مغتمشيش غناخد ليها اذن من الاداره
دنيا:هههه و راه بغيناها تشرح لينا اراس الطارو
شهاب(وقف مصدوم من المعيوره):راس الطارو هو نتي الكسوله(خرج و خلاهم كيشوفو فيه)

#6:10..حل باب دارهم الصقيل ليوم غير الجمعه واي البنات غابرات..طل فالصاله فين متواجد مو فهاذ الفتره مكيناش فبيتها كذلك الكوزينا خاويه..ساعا طلع ذكي طل على بلاصة البارد و الطيرموسات لقا البراد الكبير مكاينش توجه ديريكت للسطح...المكان المفضل عند شريفه و  ريما..
عماد:السلام عليكم
الحاجه:وعليكم السلام على سلامتك اولدي زيد تاكل سفينجات سخااان الله يرضي على ولدي شهاب
عماد كيشوف فالطبله كاين السفنج و الحرشه و الفرماج و العسل و صينيه د اتاي هز عينو فمو الي باركا فكرسي متحرك ديالها لي خاص بالسطح و فوق كتافها كاب رقيق و باينا عليها عاجبها حتيت شهاب و لكن تاوحده فالبنات ما كاينا.. جلس عماد مورا ما تسالمو سلام رجولي..بداو كياكلو و الحاجه كتعاود لعماد شنو طرا بنهار و كلهم كيضحكو على العذاب لي دوز شهاب على البنات.. جمعو الدراري الطابله بزوج..
عماد:هه غير خلي الماعن دبا نزل نغسلهم انهبط الواليدة و نشوف شريفه و نجي الدار داركم
شهاب:غير سير طل عليها و بدل حوايجك و كرم ديك الكوزينه انا نهبط الحاجه😂😂😂

عماد أصغر ابناء الحاجه ههه ولادته كانت صدفه لدرجه انه أصغر من مروان و عصام خوت شريفه ياله عندو 28 سنه من سن سراج مهندس كيخرج مع 4 و لكن ملي كيكون عندو شي بروجي و كيحتم عليه زياره الموقع كيبقا تال 6 الشكل دياله نسخه من شريفه و لا نقولو هي وارثه ملامحه لي شافهم يقول خوت شعرو اسود و عيونو عسليه رماديه رياضي عينيه هوما ريما و شريفه.. ملي تزادو كان هو اقرب الاقربين لدرجه لسولتي شريفه رتبي العزيز فخوتك كتقول عماد و انور عاد مروان و عصام.. اما ريما خلاص عماد هو العقل..

نص ساعه كانت كافيا دوش فيها عماد و طل على شريفه لقاها ناعسه و نزل غسل الماعن..
عماد:ياله نبركو فالقهوه بينما جا انور...
داكشي لي كان تحركو فالاودي ديال شهاب لقهوه راقيه بعيده على الدرب تقهواو و تعرفو كثر على بعضياتهم و من ضمن كلامهم شكر عماد لشهاب على اعتناءه بصغيرته كيف كيسميها...وصل مسج لشهاب..

💭شيري: شهاب👀
💭شيري:واش معاك عماد 🤔
💭شيري:وا جااااوب😔
💭شهاب:وي معايا واقعه شي حاجه؟؟
💭شيري:قوليه يجاوبني
💭شهاب:نسى تيليفونو فلوطو
💭شيري:اه اوكي مرسي
عماد:شبغات
شهاب:مبغاتش تقول
عماد(قهقه بكل رجوله): صافي عرفتها شبغات(شاف فالمغانه)نوض ياله وصلني لمرجان و لا كارفور😂

#بعد مده فمرجان..
شهاب(وهو كيشوف فالشاريو د مرجان عامر شكلاط و شيبسات و كل حاجه كتقول عليها سقاطه عماد يهز و هو كذلك كيهز)و الله الى صدقو البنات نفس السلاله
عماد:كيفاش
شهاب:التوين نفس المشكل ههه باز لرجلاتهم😂😂
عماد:قالت ليا شريفه فوطوكوبي ههه مي باقي ما حصلي الشرف نشوفهم..
شهاب:نهار غتشوفهم اتمنى كون معرفتيهمش..
خرجو و الطريق كلها هضرتهم كانت على شريفه لدرجة عماد استغرب من الاهتمام المفاجأ تاع شهاب لي باغي يزيد يعرف كثر..