Loving Mr. Snobbish [Completed]

Chapter 13

Hindi pa rin ako sang ayon na pumunta dito pero wala akong choice kung hindi sumama sa kanila. Akala ko nga ay didiretso na kami kaagad papunta sa bar pero nag diretso muna sila sa condo ni Hannah para mag palit ng damit. Pinag palit din nila ako ng damit kaya nag palit na ako para maka punta na kami doon.

Kasalukuyan akong naka upo dito habang umiinom ng cocktail nang lumapit sa akin si Hannah. Umiinom ito ng alak habang sumasayaw. Sila Jaslyn at Camille ay sumasayaw din habang umiinom ng alak.

“Bakit ganiyan lang iniinom mo girl? Diba broken ka? Tara mag lalasing tayo.” pag aaya niya pero tumanggi ako. Wala ako sa mood mag lasing dahil may kailangan pa akong tapusin na project at may pasok bukas.

“Kayo na lang, marami pa akong gagawin na project.” pag tanggi ko dahilan para mapanguso si Hannah.

“Saka bakit parang gustong gusto niyo mag lasing? Huwag mong sabihin na broken din kayo ni Camille? Parang nung nakaraang linggo lang ay may sweet post pa kayo ni Taler ba yun?” aniya ko habang inaalala yung pangalan nung jowa niya. Taler? Tamer?

“Tanner yung pangalan niya beh, oo broken ako ngayon dahil nung mag kaaway pala kami ay nagpapa comfort siya sa iba. Grabe noh? Habang siya kino-comfort ako eto nag iisip ng paraan para magka bati kami. Ang sakit lang talaga, akala ko pa naman siya ang unang mag sosorry pero parang wala lang sa kaniya.” kita ko ang lungkot sa mga mata ni Hannah pero pinilit niya pa rin ngumiti kahit alam kong nasasaktan siya. Grabe naman pala yung boyfriend niya, bakit niya nagawa yun sa kaibigan ko? Si Hannah ang pinaka mabait sa amin tapos sasaktan niya lang. Ang kapal naman ng muka niya.

“Okay lang yan Hannah, ako nga kinalimutan yung monthsary namin tapos mas inuna niya pa yung girl best friend niya kaysa sa akin. Basta ang alam ko lang, wala na akong pakielam sa kaniya.” malungkot na wika ko bago ko ininom yung cocktail. Dahil sa sakit na nararamdaman ko ay umorder na ako ng limang baso ng alak. Kailangan kong kalimutan lahat ng problema ko. Kailangan ko magpaka saya, para makalimutan siya.

“Yeashh! That's my girl!” masayang sigaw ni Hannah bago siya nag lakad papunta kila Camille at Jaslyn. Base sa boses niya ay halatang lasing na ito. Kaya napag pasyahan kong uminom lang ng kaunting alak para hindi ako masyadong malasing at maka uwi kaming lahat ng ligtas.

Habang umiinom ako ay napa baling ang tingin ko sa lamesa sa may tabi at may naka upo ditong apat na lalaki habang nakatingin sa amin. Napansin kong kanina pa nakatitig sa akin yung lalaking may kulay asul na mata habang umiinom ito ng alak. In fairness gwapo siya, napatigil ako sa pag iisip nang biglang lumapit sa akin yung waiter at may inabot ito sa aking mukang mamahaling cocktail na may kasamang rosas at note.

‘Hi Ms Beautiful you look so hot, mind if i join you drink?’

Yan ang nakalagay sa papel na ibinigay nung lalaki ko. Agad akong nakipag titigan sa kaniya bago ko siya nginitian dahilan para tumayo siya at lumapit sa akin. Ang ibig sabihin kase ng ngiti kong iyon ay pumapayag ako. Gwapo naman siya at mukang mabait, hindi naman masama kung makikipag kilala ako sa iba diba?

“Hi I'm Justin, what's your name beautiful?” pag papakilala niya bago niya ilahad ang kaniyang kamay. Agad ko naman itong tinanggap bago nag pakilala.

“Keisha Faye, nige to meet you Justin.” pag papakilala ko bago inumin yung ibinigay niyang cocktail.

“Hmm, ang sarap naman nito.” aniya ko nang matikman ko yung cocktail. Hindi siya masyadong matamis at maasim, sakto lang sa panlasa ko.

“You like it? That's great, hey bro give her another 3 glasses of that cocktail.” pag utos niya at agad namang ibinigay sa akin nung bartender yung masarap na cocktail. Agad akong nabigla dahil 500 pesos ang isang baso noon, tapos tatlo agad ang ibinigay niya? Mayaman siguro itong lalaking ito.