اشهد ان الحب بلوى وهيام

دخل بثوبه الابيض وغترته البيضاء وبشته الاسود
وكانت واقفه تنتظره وماكانت تعرف انه تحبه الا الحين وبالتوتر ذا تقدم وسلم على ام عبدالله الي كانت تبكي
ام عبدالله: امانه انه امانه عندك
هُمام : بعيوني تامري امر انتي وهي
ام عبدالله: الله يحفظكم
طلعت ام عبدالله ولف هُمام على عهد : واخيرا حفيدة خطاب وافقك
مسكت ضحكته بالغصب
قرب منه وضمه : اوخ الحمدلله
بعدت عهد عنه
وطلعو علشان يرحون للفندق
عبدالله وهو يوجه كلامه ل عهد : انا ولد امك وابوك اذا زعلك بحرف قوليلي والله لاكسر راسه
هُمام بضحكه : افا
عبدالله بمزح : افا مـا افا الصدق صدق جرب زعله وشوف
هُمام : تطمن هي بيد امين
عبدالله : ايه
هُمام : عندك شك ؟
ضحك عبدالله: لا والله تتأمن على الروح
ضحك هُمام واتجهو للفندق
بالفندق
دخلو للغرفه
هُمام : ادخلي بدلي ثيابك وانا بطلب عشاء
عهد : تمام
هُمام : يالله
دخلت الحمام تبدل وهو طلب عشاء
وجاء العشاء وحطه على الطاوله وانتظره
اخذت دقايق وطلعت
هُمام : ياهلا
عهد : البقى
جلست على الكنب
هُمام بستغراب وضحكه : ليش جلستي حنا ؟
عهد : وين اجلس ؟
هُمام : قريبه مني
عهد : وانا قريبه
هُمام : بعدي ثلاث سنين و بتبعدين الحين ؟
قامت عهد وجلست جنبه : لا
هُمام : واخيرا يابزر
رفعت راسه بصدمه من كلمته وابتسمت
هُمام بضحكه : ايه بزر الي تلعب بالمويه واركض وتطيح هذي بزر قلبي
ضحكت عهد : لا تقول بزر
هُمام : من عيوني يا حرمي
عهد : لا تقول حرمي
هُمام : مو انتي زوجتي والزوجه حرم ل زوجه ولا تبيني اناديك بشي ثاني
عهد : مثل
هُمام : عيوني قلبي روحي انتي نقي وانا بين يدينك
سكت عهد وماردت
هُمام : ردي
عهد : ما ابي
هُمام : يعني كلهم
عهد : لا تفسر كلامي
هُمام : يعني تفسري صح ؟
عهد : ما ادري
هُمام : يعني ايه انتو العيله اعرفكم ترا اذا قلتو ما ادري يعني ايه
عهد : لا
هُمام : الا

صباح يوم جديد
بيت الجد
الساعة سته الفجر
قرر الجد انهم يطلعون المزرعه ويستقبلون هُمام و عهد
هناك
ركبو السيارات واتجهو
وعند وصولهم
نزلو ونزلو الاغراض
بصالة المزرعه
كانو جالسين يسلفون
شموخ : خاطري بقهوه
عهود: حتى انا
الجده : سو وش ماسكم
جاء سعود وهو ماسك الشنط ورماهم على الارض : امسكو شناطتم
ام عبدالله: وش بلاكم
سعود : كل ذا وش بلاني ؟
عهود : وش الي كل ذا
دخل يوسف وهو يوجه كلامه ل سعود : يرحم ابوك تعال شوفه
سعود بنفاذ الصبر : استغفر الله
الجده : وش البلاء
سعود: زوجك !
الجده: وش بلاه
جلس يوسف على طرف الكنب : بينقل جلسة الرجال قريب من قسم الحريم
الجده : ليه
سعود: مدري ، امش نشوفه
الجده : خذوني معكم
يوسف: حياك
راحو الجده و يوسف و سعود
شموخ : جدي لمى يفصل تحفه ليته يفصل على مهيار
المهره : حرام عليك
ملاذ : وسخه
شموخ : وش دخل ابوكم
عهود : حيوانه
بالجلسة
ابو مهيار: يايبه هذي الجلسه من اول ماطلعنا على الدنيا وهي حنا ايش تغيره الحين ؟
الجد : احسن ياولدي يا انكم تنقلون الجلسه هناك يا انكم تنقلون العزبه بس ابي اكون قريب من حفيداتي
ابو خطاب : تامر امر
قررو انهم يشلون العزبه له في الجلسه الثانيه
بالفندق
كانت صاحيه بدري دخلت الحمام ( يكرم القارى )
اخذت شور و نشفت شعرها
صحى ولف على جهة اليمين و ما لقاه سمع صوت الاستشوار بالحمام ( يكرم القارى ) وقام
هُمام : وش تسوين
عهد :اسوي شعري
هُمام : لا تسويه حلو بكل الحلات
ابتسمت عهد وبسرعه : عيونك الحلوه
هُمام : عيوني لانك فيه حلوه
ضحكت عهد : مو وجه مدح
هُمام : افا
عهد : نروح ل مزرعة جدي
هُمام بمزح  : لا ليش نروح
عهد : لا ياهُمام هم ينتظرونا هناك
هُمام : والله انا انتظرت ثلاث سنين مارح اخليهم الحين
عهد : قلته انتظرت ثلاث سنين ما تقدر يوم واحد ؟
هُمام : انا انتظر على شانك العمر كله
ابتسمت عهد وكملت شعرها
هُمام : طيب ردي وقولي وانا انتظرك ليش بارده
عهد : تبيني اكذب ؟
هُمام : تعرفي وش المشكله ؟
عهد هزت راسه ب وش
جلس قريب منه : انتي مثل عبدالله بالضبط ما تبينو مشاعركم ابدا
عهد : يعني عكس سعود و عهود
هُمام : عكس ما عكس مو مهم الاهم انتي
ضحكت عهد
هُمام : يعني حتى عبدالله الحين تغير وصار يبين مشاعره غيرته
عهد : يعني انت تبي تغيرني !؟
هُمام : لا ابيك نفس ما انتي لاني حبيتك كذا وابيك كذا ،
خلصي البسي وخلينا نمشي
عهد : ابشر
هُمام : تبشرين بالجنه
ابشر وطلعو من الفندق للمزرعه

بالجلسة الثانيه
المغرب
كانو جالسين يتقهون ويسلفون ويضحكون
عبدالله: هذا هُمام جاء
قامو كلهم يستقبلونه
الجد : يامرحبا يامرحبا
هُمام : البقى
سلم على الجد وعلى ابو عبدالله و اخوانه وراح للعيال يسلم ، اما عهد سلمت على الجد و ابوه و عمامه
وتقدمو له عبدالله و سعود يسلمو
راحت للبنات
الجده : ياهلا بعروستنا
عهد : يبقيك
ام عبدالله: : ياهلا
عهد باست راس امها وجلسو يتقهون
ام المهره : كيفك
عهد : الحمدلله بخير
ام خطاب : الحمدلله
عهد : هذام تعال تعال
جاها هذام وهو يحط يدينه على رجولها و شالته
جت شموخ : هذي قهوة العيال
ام المهره : الحين مافي احد يدخل الا ام عبدالله نسايبه و عياله وعيال اخوان زوجها
ام عبدالله: لا وين هُمام فيه والله اني استحي منه اتصلي على سعود ياخذه
عهد بضحكه : لا يمه استحي من الكل الا هو تراه بجيح
الجده : ايا قليلة الحيا
ام عبدالله: استحي تراه زوجك
ام المهره : والله البيت من بعدك فاضي كنتي تسلينا
عهد : يالله خلوني اطلب الطلاق علشان ارجع لكم
ضحكو
ام خطاب : اعوذ بالله الله يحفظكم لبعض
شموخ : ما نبيك لا تجين
عهد : افا
شموخ : امسكي خاله
اخذت ام عبدالله الصينيه وراحت
بجلسة رجال
جلسو يسلفون ويضحكون وكانو الشباب بس  دق الباب
سعود: ياهلا ب ام عبدالله
عبدالله: حياك حياك
دخلت ام عبدالله: السلام عليكم
الكل : وعليكم السلام
اخذ سعود منه الصينيه و قام هُمام باس راسه : اخبارك
ام عبدالله: الحمدلله اخبارك انت
هُمام : تمام الحمدلله
عبدالله: اجلسي يمه
ام عبدالله: لا بروح اشوف عهد
سعود: لا يمه لاحقه على الهم اجلسي
رفع راسه هُمام
سعود: ايه هم لا تناظرني
هُمام : اذا هي هم انت وش
يوسف: غم
سعود: لا سعاده
اعتلى المجلس ب الضحك
بعد ثلاث ساعات
كانو جالسين دائره كلهم الجد و الجده وعيالهم وحريم عياله واحفادهم واحفاد عيالهم
كانو جالسين دائره
جلس يوسف: يالله مهيار يعطينا شعر
مهيار : لا لا مو انا جدي يالله ياجد
رفع راسه الجد الي كان يسولف : وش البلاء
خطاب : نبي منك شعر
الجد : وش شعره ؟ كبرنا على الشعر والقصايد
مهيار : الشاعر شاعر لو ان الشيب كعبي راسه
الجد : فكونا سولفو
ابو المهره : يالله يبه
ابو عبدالله : لا تخليه بخاطرنا
الجد : مانخليه بخاطركم
مهيار : اسلم
الجد :
اسمعوني يا عشاشيق الغرام
من مجرب مايقول الا الصحيح
اشهد ان الحب بلوى وهيام
وان بغيت العلم بالشعر الفصيح
ان العشق ك البيت الحطام
و الفراق انسان بوجه قبيح
المحبه حرب مافيها سلام
والحضيض الي نجا منه جريح
اعتلت التعزيز من الكل والتصفير والتصفيق والكلمات المتلاحقة

لن اقول النهايه لان قصتنا لم تنتهي بل لازلت مستمره وبتفاصيل اكثر لكن حبري قد جف وانتهت اوراقي سأترك الباقي ل اقلام و اوراق الخيال فأنها لا تنتهي ، الى اللقاء بروايه اخرى .

رمضان كريم 🌙
اكتبو رايكم بالروايه ؟
افضل شخصيه ؟ افضل كوبل ؟
صممت فيديو لكم بالتيك توك شوفوه ❤️❤️