عند البنات
دخلو البنات ونادت الجده الكل للغداء وقامو على صحون كانو البنات يلفون المرق على الحريم
ام عبدالعزيز : كثر الله خيركم
الجده : اجلسي تعشي
ام عبدالعزيز : لا يعطيكم العافيه
الجده : الله يعافيك عافيه
راحت ام عبدالعزيز ل المغاسل وجابت له ملاذ صابون
ملاذ : تفضلي ياخاله
اخذته ام عبدالعزيز : شكرا حبيبتي
ملاذ : العفو
ام عبدالعزيز : ملاذ حبيبتي بكلم معك
ملاذ : تفضلي
ام عبدالعزيز : انا خطبتك من امك وانتي رفضتي والدنيا قسمه ونصيب ما ابغاك تحسسي مني انا مثل امك اي شي تبيه تلقيني جنبك
ابتسمت ملاذ : واعز ان شاء الله
ابتسمت ام عبدالعزيز وراحت للصاله
عند عبدالله
عبدالله : هلا همام
همام مارد
استغرب عبدالله : همام همام
همام : هلا
عبدالله : وش فيك ؟ من اليوم اناديك ليه ماترد.؟
همام : ولا شي ، جيت اكلمك
عبدالله : امر
همام : ما يأمر عليك ظالم ، انا برجع اليوم
عبدالله : ليش ؟ نرجع انا وانت بكره
همام : لا انت لا ابقى هينا توك ملك وين تجي على الشغل
عبدالله: اخر كلام انا وانت نرجع بكره الصباح انتهينا
همام : ابو سيف اتصل
عبدالله: خلاص خلاص انا اكلم ابو سيف اول ثانيا جدي والعيال مارح يخلوك ترجع انتهينا
اخذ نفس همام : طيب
رجعو اهل الديره ل الديره وتوجهو الكل ل النوم بعد تعب طويل وعلى اذان المغرب
عند البنات
بالصاله كانو جالسين يتقهون ام المهره و وام خطاب وام عبدالله و الجده وام معاذ
الجده : الحمد الله تم كل شي
ام عبدالله : اي والله الحمد الله
ام خطاب : الله يوفقهم
ام معاذ : امين
الجده : البنات للحين نايمين ؟
ام المهره : اي والله من التعب الكل نام
الجده : لا اله الا الله ، قومهم لصلاه
ام المهره : انا اصحيهم
توجهت ام المهره لغرفة البنات
بالغرفه كانت جالسه على الجوال دانه وتراسل يوسف فجاء دق الباب ودخلت ام المهره
ام المهره : صاحيه؟
دانه : اي خاله امري
ام المهره: ما يأمر عليك ظالم ولا شي حبيبتي جيت اصحيك لصلاه
ابتسمت دانه : خلاص خاله انا اصحيهم
ام المهره: تمام
راحت ام المهره ورسلت دانه ل يوسف انه بعدين تكلمه وقامت تصحي البنات
عند العيال
كانو جالسين بتعب بالمشب
الجد : شفيكم هذا عقد وكذا لو عرس وش سويتو ؟
يوسف: متنا
ضحكو العيال وقام الجد والعيال يصلون
بقسم الحريم
كانو جالسين يسلفون وكانت الجده تسولف عن ايام زمان
الجده : ايه عاد حنا زمان على نياتنا بس الي يناظر فيك يعني يحبك مو زيكم جيلكم الله يستر منه
دانه : بالعكس جيلنا احلى
الجده : هو ، وش فيه حلو حتى حبكم مصلح
المهره : لا والله مو مصلحه على حسب الشخص
ام خطاب : الله يستر علينا
ام المهره : على حسب تربية امه وابوه
ام عبدالله : اي والله
دق الباب ودخل سعود ومهيار ويوسف
سعود : سلام
الكل : وعليكم السلام
جلس يوسف: وش تسولفون فيه ؟
الجده وهي تناظرهم بطرف عين : نكلم عن شباب الايام الي يلعبو بنات خلق الله يعشموهم وينسوهم
سعود: اه ومين ذول
الجده بمزح : شباب الايام وحنا ندعي انكم ماتكونو مثلهم
سعود : افا
يوسف : حنا نعشم وننسى
مهيار : مو احفاد خطاب الي يعشمو بنات خلق الله
وينسوهم
ضحكت الجده : كفو
عهد : ههههههه احفاد خطاب قلتو والله مالكم امان
سعود : ايا الوسخه
مهيار: لعنبوك
لف سعود ل مهيار وهمس : ابوي ماله دخل
رفع صوته ويمسك الفنجان ويرميه على عهد : ضبي لسانك
يوسف: قليلة حياء
عهد : بسم الله وجع
ام عبدالله : انتي ضبي لسانك عنهم مايجوك
عهد وهي تقوم : هين اذا تزوجت بخلي زوجي يضربكم
ناظره سعود بصدمه وهو يمسك الكاسه ورماه عليه و هربت عهد وجت الكاسه بالجدار وانكسرت وضحكو الكل
بالمشب
كان جالسين عبدالله وهمام
عبدالله : حنا بكره نرجع وكلمت ابو سيف وكل شي تمام
همام : ماتخاف يشفون اختفائك ويجون هينا
عبدالله : مايقدرون مايعرفون لا المزرعه ولا البيت وبعدين الي يطلع بيدهم يسونه مايقدرون يأذوني واحد بالميه ماعليك
همام : يصير خير
مسح عبدالله على وجه : لا اله الا الله
قاطع حديثهم دخول ابو مهيار معاه صينية القهوه
قام عبدالله واخذ القهوه من عمه وصب لهم
ابو مهيار : كيفكم كيف شغلكم
همام : الحمد الله كل شي على مايحسن
ابو مهيار : الحمد الله عاد انتم ابطال الوطن
ضحكو عبدالله وهمام
همام : تسلم
ابو مهيار: يسلمك
انتهى
اسف البارت قصير اسف بس لاني مضغوطه
