على اذان العشاء
كانو البنات منقسمين ل شغل المزرعه
المهره وترف وشموخ قسم رجال وملاذ وعهود قسم الحريم وعهد ودانه الجلسات برا والحريم الكبار يسون القهوه و الجده تبخر و مهيار وسعود راحو عند سهم ( فرس مهيار) ويوسف ومعاذ يجيبو الغراض الناقصه
المجلس
المهره: خلصنا ؟
ترف : ايه خلاص
شموخ بضحكه : مفروض انتي ماتشتغلين عروس
ترف الي كانت بتنسى ذا الشي بس شموخ رجعته من ل اول : عادي ، وش يعني العروس يدينه مكسوره ؟
المهره: بس عروس
ضحكت ترف وراحت وابتسمو شموخ و المهره
شموخ : ياعمري عليه
المهره: ياقلبي تتوقعين انه ماهي موافقه ؟
شموخ : اكيد ولا مين ياخذ واحد يشتغل نفس شغل عبدالله باي وقت يموت لا سمح الله وخليك من كل ذا عبد الله ذا وارث كل القسى من جهة امه وابوه الله يعينه
المهره: امين
عند ترف طلعت وكانت واقفه على الباب وسمعت كل كلام شموخ والمهره واجتمعت الدموع بمحاجرها حطت يدها على فمها وراحت الحمام ركض بدون لاحد يشوفه
بصالة الحريم
الجده : خلصتو
ملاذ بحماس : ايه
الجده وهي ماسكه البخور : شايفتك متحمسه ل جيت اخوك وحرمه
ملاذ: اكيد
عهود : يالله مشتاقه ل شيخه
الجده : ههههه الله لا يفرقكم
ام خطاب وهي جايه ومعه الثلاجات : امين امين
اخذت ملاذ الثلاجات من يدين امه
ام خطاب: هذول المجلس يمه
ملاذ: ابشري
راحت ملاذ تحط الثلاجات
عهود : انا بلبس تبون شي ؟
ام خطاب: لا حبيبتي روحي
عهود : تمام
راحت عهود غرفة البنات
بالجلسة برا
عهد : مبروك خلصنا
دانه وهي اجلس : اي والله الحمد لله تعب
عهد : هسي بالكرف الي نحنا نحسه
جاء صوت من ورا يوسف: يابنت ياهي
عهد : لحظه لحظه
توترت دانه وسوت نفسه عادي
عهد : تعال
جاء يوسف والاكياس بيده : خذوا
كان كيسين فخذتهم عهد وراحت جت دانه بتروح وقفه يوسف : لحظه لحظه دانه
توترت دانه لانو هذي اول مره تكلمه بعد لقائهم ورا بيت الجد حتى بالتواصل الاجتماعي رسايل قليله مره كل بعد فتر هو يرسل دانه : هلا
يوسف: فيك شي ؟ قصدي مزعلت انا من شي ؟
دانه : لا ، ليش ؟
يوسف: مادري توقعت بعد ماتعرفيني انو نقرب زياده ماتبعد حتى رسايل ماعاد رسلتي مثل قبل الا لمى انا ارسل !
دانه بتوتر وكذب : لا ولا شي بس انشغلت مع ترف لانه عروس وكذا
يوسف وهو عارف انه كذابه : اه تمام نشوف بعد عرس عبدالله ، مع السلامة
دانه : مع السلامه
راح يوسف للعيال وراحت دانه للبنات
بغرفة البنات دخلت لقت المهره واقفه على المرايا
وكانت لابسه بلطلون اسود وسيع على بلوزه قصيره بيضاء وفوقه قميص اسود وتاركه شعره على حريته
عهود : خلصتي ؟
لفت المهره وهمست : ايه ، تبين شي ؟
عهود : لا بس اسال
اخذت عهود لبسها وراحت للحمام ( يكرم القارى )
دقته ولقت شموخ فيه وراحت الحمام الثاني
وراحو الكل يلبس ويتجهز
راحت عمود وعلى دخلته الغرفه الثانيه طلعت ترف
ووجه مبكي وانفجعت عهود
عهود : ترف ، فيك شي ياعمري ؟؟
ابتسمت ترف : لا مافيني شي
وراحت ماعطت مجال ل عهود تسال ابد
وراحت تلبس عهود
لبست ملاذ بلطان واسع بني على بلوز بأكمام ونص بيج ولبست عهود تنوره احمر غامض مع بلوزه بيضاء ولبست عهد فستان هادي ازرق ولبست شموخ قطم قطعتين باكمام ولبست دانه قطم قطعتين ولبست ترف تنوره اسود وبلوزه احمر غامض
كانو الكل مجتمعين ينتظرو خطاب وشيخه الحريم ينتظرون بالصالة الحريم ورجال برا بالهوش
وبعد وقت وصلت سيارت خطاب
الجد : ياهلا ياهلا يامرحبا
ابو خطاب : يالله حيهم
وقفت سيارت خطاب ونزلو منه شيخه وخطاب
سلمو على الجد وهو يحضن فيهم ويرحب
وسلم خطاب على ابوه وشيخه سلمت على ابوه بعدين سلمو على عمامهم جاء مهيار وهو يحضن شيخه
مهيار : يامرحبااااا
وسلم خطاب على يوسف وسعود ومعاذ
الجد : ادخل سلمو على الحريم جوا وتعال نستناك للقهوه
خطاب بأبتسامه : ابشر
راحو خطاب وشيخه قسم الحريم ورجال اتجهو ل خيمة الرجال
وقفت ام خطاب والجده والكل يستقبلوهم بالزغاريط
الجده : ياهلا ياهلا
تقدم خطاب وسلم على جدته وبعدين امه و حريم عمه وحضن ملاذ وكذلك شيخه سلمت الي على جدته وحريم عمه وحضنت شموخ وتوجهت لبنات عمه تحضنهم وتركتهم وراحت تحضن ملاذ
وابتسم خطاب : يالله انا استاذن بروح للرجال
ام خطاب : لا تطول علينا
خطاب : ابشري
راح خطاب لمجلس رجال وجلست شيخه مع البنات وحريم عمه وجدته
الجده : ها كيفك ؟
شيخه بأبتسامه : طيبه الحمد لله
الجده: الحمد لله
جلسو البنات يسلفون وياخذو اخبار بعض وقامو الجده وكناينه ل مجلس رجال
شيخه: ها وش اخباركم
عهود : انتي الي مسافره انتي قولي وش سويتي؟
شيخه: انا اقول بعدين انتم
عهد : تمام
شيخه : طلعنا من حينا ل مكه واخذنا عمره بعدين رحنا المدينه وشفنا المسجد النبوي بعدين
عهود : الله يهنيك ياقلبي
شيخه : امين ، ورحنا حايل و جده
شموخ : حلو الله يهنيك
شيخه : امين ، انتو وش سويتو ؟
واخذو خبار بعض وجلسو يسلفون
بقسم رجال
كانو كلهم جالسين ويوسف يقهويهم
ابو عبدالله: عاد ياولدي اعذر عبدالله عنده شغل ضروري وراح
خطاب : مابيننا ذا الكلام بعدين عبدالله اتصل وتحمد على السلامه واعتذر
الجد : ايه شغله ماخذ كل وقته لو يسمع كلامي ويجي هينا احسن
سعود: ايه بس هم تعودو عليه هناك وصعب ينقل
ابتسم الجد نص ابتسامه : وهاذي شغلتك بس تدافع
سعود بضحكه : الله يسامحك
الجده : الحين انتو وش عليكم منه هو بكيفه لاحد يزعله !
الجد بهمس: جاء الدفاع الثاني
الكل : هههههههههه
دق جوال مهيار واستأذن وطلع يرد
مهيار: الو
ريان : سلام كيفك ياولد اختي
مهيار: هلا والله ياخال بعد زمان
ريان : توي راجع من الامارات
مهيار: الحمد لله على السلامة
ريان : الله يسلمك ، على الطاري انا دريت على الي صار بين امك وابوك
مهيار : ياخال
ريان: لحظه لحظه مهيار خليني اخلص
مهيار: سم
ريان : اسمع ودريت عن كل السالفه من اوله لين اخره و عتبان على اختي انه سوت كذا وعتبان عليك انك ماعلمتني
مهيار: على بالي انو خالي ابو فيصل علمك
ريان : ابو فيصل؟! ابو فيصل الله يعينه على ما ابتلاه
مبتلش بولده بالسجن ، والحين انا ابغاء اخذ امك امشيه انا قلت له وهي قالتلي خذ راي مهيار
مهيار: شيخه رجعت واكيد اتبي تشوفه
ريان: مو مشكله الحين اخذه على العلى بعد ماترجعون من المزرعه انا وانت و امك وخواتك نطلع نفطر
ضحك مهيار: تم
ريان: مع السلامه
مهيار: مع السلامه
سكر مهيار ورجع دخل المجلس ولقاء الكل فيه حتى البنات الي نادتهم الجده
الجد: وش بلاك
مهيار: ولا شي
جلس مهيار وارسل لشيخه وشموخ الحديث الي دار بينه وبين خاله
( ريان خال مهيار وعمره ٣٠ عنده شركه بالامارات )
بمكان ثاني
شغل عبدالله
عبد الله : حاول تحددو المساحه علشان تداهمهم
همام : ابشر
عبدالله: وكمان خلي المداهمه تصير باليل
همام : تمام
عبدالله: الله يعافيكم فيكم ترحون الحين
قامو العنصرين وانسحبو
همام : عبود
ناظره عبدالله بحده : عبدالله
همام : تمام عبدالله فيني افهم انت وش تسوي هينا ؟ فيه واحد بكامل عقله كتب كتابه بعد بكره ويجي الشغل
عبدالله: انا
استغرب همام : انت ماتبيه ؟ مجبور عليه ؟
عبدالله بحده : انا ما انجبر على شي
همام : اجل
عبدالله: انهي الموضوع ، بنطلع انا وانت على الفجر
ابتسم همام : ابشر
راح عبدالله ل شقته
المزرعه
بجلسه برا كانو يشو لحم ويلعبو ورق كانت جلستهم جدا جميله
الجد: العب انت وياه زين
كانو سعود وخطاب ضد معاذ ويوسف ومهيار والجد يشجعوهم وكان ابو عبدالله و ابو خطاب يشون والحريم يجهزون الاكل العادي
شموخ : بنات وش رايكم نسهر ؟
عهد : والله
المهره: يالله عند سهم
عهد : تخسين
المهره: ليش ؟
عهد : لا اخاف منه
شموخ : ما يخوف
عهد : الا
دانه وهي تأشر على الجلسه: خلاص الجلسه ذي
شموخ : لا عند الاسطبل
عهد : تمام ، بس ما تهربون عني وتتركوني
ضحكة شموخ : لا ماعليك
بجهة العيال
الجد: العب انت وياه زين من غشنا فليس منا
سعود: مين غش ؟
الجد: محد ، بس انا قلت علشان الي يفكر يغش يبطل
ضحكو العيال وكملو اللعبه وتعشو و اعلن الجد وقت النوم ونامو والعيال ضلو على شبة النار وشاي الجمر
خطاب : ها كيف مشت ايامكم ؟
يوسف: عادي ، مافي شي مهم
سعود: صح الي صار بس خطبة عبدالله
ابتسم خطاب : الله يوفقه
الكل : امين
يوسف : وش فيكم سكتو سولفو
مهيار: يالله انا بعطيكم شعر
ضحك سعود: اول مره انت تقول انا بعطيكم مو حنا نطلب
ضحكو كلهم
معاذ : ماعليك منه عطني خليني اشوف شعرك
تنحنح مهيار:
اليا دعتني فز قلبي ب سمي
ايو الله سمي يابعد كل مخلوق
يزين عمري كل ماجيت يمي
يا اغلى من الغالين ياسيد الشوق
يطيب جرحي وينجلي كل همي
في جيتك يا قمة الحسن والذوق
حبك سكن بالقلب وبعروق دمي
ياللي عليك اغار واحن واتوق
معاذ: صح لسانك
سعود: كفو يا الغيور
ضحكو العيال
خطاب : ماعليك منهم ياشاعرنا
عند البنات
كانو جالسين بالغرفه
المهره: يالله بنات ؟
شموخ بحماس: يالله
عهود: على وين ؟
المهره: الاسطبل !
عهود بصدمه : باليل ، منتي صاحيه انتي وياه
المهره : ايه عادي
ملاذ: يالله مغامره
شيخه: وش مغامرته ؟ انتي وهي اصحو لو شافوكم العيال
دانه : عادي وذا شافونا نحنا بالمزرعه
المهره: ان شاء الله مايشوفونا
لفت المهره على عهد : يالله
عهد: خايفه ، ليل و حيونات مايضبط
شموخ بضحكه : عادي ، هذي انتي وعهود بنفس الغرفه وعهود حيوانه
ناظرت عهود بشموخ بصدمه : يخس يا الوسخه اوريك
حضنت شموخ عهود من جنب : اسفه اسفه
قامت ملاذ: يالله
وقامو كلهم لفت عهد ل ترف بأبتسامه : يالله
ابتسمت ترف بخفيف : لا مابي
اختفت ابتسامة عهد ورجعته وجت دانه وهي تقوم ترف وتردف : يالله
ترف : مابي دانه
دانه : مو بكيفك
طلعو البنات كلهم وراحو الاسطبل وكل وحده معها كوب قهوة
عند العيال
طلعو خطاب ومعاذ و مهيار وسعود ويوسف يتمشون
طلعو البنات
عهد : بنات
وقفو كل البنات ولفو عليها
شموخ : وشو
عهد : اسمعو خلينا نركض
شيخه: ليش
عهد : علشان محد يطلع لنا
المهره بحماس : يالله
ركضو البنات وعند العيال كانو يتمشون و يسولفو
فجاء سمعو صوت ركض
سعود: لحظه لحظه تسمعون الصوت
يوسف: اي ، بس من وين
مهيار: ذا الصوت متجه ل الاسطبل
راحو العيال لجهة الاسطبل بهدو
عند البنات وصلو
دانه : شوفي انتي وياه تعبئت قهوه انكبت علي
شيخه : حتى انا
عهد : عادي بسيطه
دخلو البنات الاسطبل وسمعو صوت مشي
فزت عهد بخوف : يمه بنات
شموخ : وش ذا الصوت
شيخه: خلاص هدو اصبرو
ارتاحو البنات اول ماشافو العيال داخلين
سعود : وش تسوي انتي وياه هينا ؟
المهره : يمه قلبي
مهيار بهمس: بسم لله عليك
رفع صوته : وش فيكم
عهد : خرشتونا
خطاب : محد قلك انتي وياه تطلعون الوقت ذا
معاذ: ليه طالعين الوقت ذا
شموخ بعصبيه : يالله منك انت وياه استلمتونا تحقيق ، واذا طلعنا وش فيه ؟
مهيار: فيه كلاب تاكلك يادرج
شموخ : انا درج ؟ انتو الدروج
خطاب : خلاص ، وش تسون هينا
عهد : بنجلس هينا
مهيار: عند سهم لا
عهد : خف علينا اخر حبه
مهيار: ايه اخر حبه
سعود: خلصي انتي وياه وحده تروح مع واحد من العيال تجيب شاي وانا بشب نار
مهيار: لا تشبون بالاسطبل
سعود: لا لا برا
شموخ : انا
يوسف : يالله
راحو شموخ ويوسف و جلسو العيال والبنات با الجلسه المعداته وسعود يشب النار
عند يوسف وشموخ
دخلو البيت شوي شوي بدون احد يحس
دخلو المطبخ واخذو الشاي والسكر و المويه وكان يوسف شايل المويه وشموخ شايله السكر والشاي والنعناع
يوسف: اسمعي
شموخ : وش
يوسف: نلعب سباق ؟
شموخ بحماس: يالله
وقفو شموخ ويوسف جنب بعض
يوسف: واحد اثنين ث ث ثلاثه
ركضو وجوهم ركض
خطاب : هي هي
مهيار: خير بزارين
يوسف وهو ياخذ نفس وبضحكة : لا
سعود وهو ياخذ الاغرض من شموخ : اصواتكم جدي لا يصحى
سوا الشاي سعود وكل واحد معه كوبه وجالسين حول النار و يسلفون فجاءه وقفت سياره عند باب المزرعه
يوسف: فيه سياره جايه
سعود وقف: ايه
خطاب : هذا هو نزل
مهيار: هذا هو نزل انا بشوفه
سعود بارتياح : عبدالله عبدالله
لف مهيار ل سعود: وش دراك
سعود: شفه
بسيارة همام
همام : هذا هنا وصلنا ياعريس
ضحك بخفه عبدالله : عريس ! ضحكني
ابتسم همام : ماعليك الله قال وعسى ان تكرهو شيئا وهو خير لكم
همس عبدالله : لا له الا الله
همام : بعدين ايش شدراك بكره تصير تموت على الأرض الي تمشي عليه ( يقصد ترف )
ضحك عبدالله
همام : تتمسخر ! هين اتفل بوجهي اذا بكره ماقلت له عيوني
ضحك زياده عبدالله ونزل من السياره
عبدالله: اقول اصبر باخذ لك طريق
همام : تمام
عبدالله وهو يمشي : ياهو
بالجلسة
انقبض قلب ترف لمى قال سعود عبدالله وزاد توترها وخوفها زياده لمى سمعت صوته
عبدالله وهو يوجه كلامه للبنات : معي رجال ادخلو
قامو البنات وراحو بيت المزرعه
عبدالله : اقلط اقلط يا همام
سعود: يالله حيه تفضل
خطاب : حياك
همام وهو يسلم عليهم : الله يبقيكم
جلس همام وشربو شاي وسلفو وتوجه الكل للنوم
