بالمخفر
وصلو عبدالله وعمامه وجده وابوه واستقبلهم الضابط
الضابط دق تحيه
عبدالله : السلام عليكم
الضابط : وعليك السلام
عبد الله : جينا نشوف فيصل ونفهم منه
الضابط: تامر امر تفضل
دخلو غرفة الضابط وراح الضابط يجيب فيصل
الجد : لا له الا الله ومحمد رسول الله
ابو مهيار: يبه هد نفسك
ابو خطاب: مايصير الا الي تبي
دخل الضابط وراه فيصل الي كان مكلبش وماسكين عسكرين
الضابط: خلوه و اطلعو
خلوه العساكر وطلعو
الضابط: اتمنى ياعبد الله انو تمسكون اعصابكم مهما كانت النتيجه
وقف عبد الله : انت حقتت معه
الضابط: بخليتم تكلمون معه عن اذنكم انا برا اذا احتجتم شي نادوني
عبدالله: ان شاء الله
طلع الضابط
عبدالله: قل يافيصل
فيصل وهو منهد حيله من الضرب : انا انا
عبدالله: انت ايش ؟
قال لهم كل السالفه وتحت صدمة الكل
ابو مهيار : انت تقول صدق
الجد : يادافع البلا
ابو مهيار: والله ل اذبح ذبح
عبد الله: هد ياعم هد
طلع ابو مهيار معصب واتجه للبيت و لحقوه
بالبيت
عند البنات دخلت شيخه ورمت اكياس الحلا على الأرض وراحت تسلم على البنات و حريم عمه
شيخه همس ل شموخ : وين امي
شموخ : فوق رفضك تنزل
شيخه: اخ بس خلينا نطلع لها
رفعة صوته شيخه : انا وشموخ بنطلع ل امي
ام خطاب: ايه ايه روحو
راحت شيخه و شموخ فوق
عند العيال
يوسف: كيف عريسنا ؟
خطاب: الحمد لله
يوسف: دوم
العيال كانو يبغى يتمسخرو على خطاب بس سكتو لان جدتهم موجوده مرو شيخه وشموخ من عندهم
مهيار: هي هي وين رايحات
خطاب: ايش دخلت
مهيار: ايش اش الي دخلني؟ خواتي
خطاب: ايه واختك زوجتي
طبعا الشباب يمزحون
شيخه سكتت لان الغصه بحلقه لو تكلمت بكت
شموخ: طالعين ل امي فوق
خطاب ناظر شيخه وعرفها انه بتبكي وحتى مهيار والجده
خطاب: انا بطلع اسلم معكم
شموخ : يالله
طلعو شموخ وشيخه وخطاب و دقو الباب
فتحت ام مهيار: يالله شموخ قل
ماكملت كلامه الا شافت شيخه وخطاب
شيخه: يمه كيفك
ام مهيار: ايش جابكم ؟ ليه جيتي عندي ؟ ليش مانزلت عند جدتي تحت ؟
شيخه: جيت اشوفك و اودعك لان اليوم انا مسافره
شموخ : تفضلو تفضلو
خطاب : لا انا عن اذنكم
مسكت يده وقالت بهمس : لا تكركني
خطاب : طيب
دخلو كلهم وجلسو بالصاله
ام مهيار: ايه وين ودكم تسافرون ؟
شيخه : مكه بعدين جده وحايل ونرجع
ام مهيار: ليش ان شاء الله ؟ ليه ماتروحون تركيا وامريكيا
شيخه: انا مابي
ام مهيار: وجه فقر
عند العيال تحت كانو يسلفون فجاة شافو سيارة ابو مهيار جايه مسرعه ونزل منه وطلع فوق واستغربوا واستغربوا لمًا شافو عبدالله وجدهم واعمامهم جو كمان مسرعين نزل عبد الله وطلع فوق
الجد : الحق عمك لا يسوي فينا بلاء
سعود: وش فيكم
مهيار الي عرف الموضوع ولحق عبدالله
ابو خطاب: جلسو ابوي ياعيال
جلسو جدهم وابو المهره قال لهم كل السالفه وطلعو فوق
فوق بيت ابو مهيار كان جالسين فجاه سمعو دق الباب بقوه وقامت شموخ تفتحه وشافت ابوه
شموخ : يبه
ابو مهيار: وينه الي ماتستحي قليلة الخاتمه الله لايوفقه الخاينه تبي تقتل عيال اخواني
شافه جالسه بالصاله وقفت اول ماسمعت صوته وجاء ابو مهيار وعطاه كف قوي خلاه تطيح على الارض
شيخه: يمه
قومت شيخه امها وخطاب مسك عمه
خطاب: صل على محمد ياعم
جو مهيار وعبدالله وعبدالله مسك عمه مع خطاب و مهيار مسك امه طلعو عمهم برا وهم يهدوه وسكرت شموخ الباب وراهم
جلست ام مهيار على الكرسي وجلسو حوله عياله
شيخه: يمه فيك شي ؟
مهيار: اوديك المستشفى ؟
ام مهيار: مافيني شي
ناظرت شيخه وقالت : اسف لو خربت عليك فرحتك والحين انا بنسهب من حياتكم
قامت ام مهيار بعد مارمت كلامها الي مثل رصاص بقلب عياله
شيخه: يمه تكفين لاتكرتيني
لحقوه عياله على غرفته لقوه مسكرته
مهيار: يمه افتحي الباب خلينا نتفاهم مايصير كذا
عند العيال اخذو عمهم تحت وهم يهدوه
خطاب: اجلس ياعم اجلس
الجد : صل على محمد وانا ابوك
نزل راسه ابو مهيار وحطه على يده : اللهم صل وسلم على محمد
ابو خطاب: لا له الا الله
الجده وهي جايه : وش بلاكم ؟
ابو المهره : ولا شي يمه ارتاحي انتي
الجده جلست جنب ابو مهيار وهي تمسح عليه وتسمي : بسم لله عليك يمه بسم لله عليك ابو مهيار حط راسه على رجول امه وطلع الجد وعياله واحفاده من المجلس ودخل البيت لقاء الحريم واقفات عند الباب صاله
الجد: ايش بلاكم ، ليش واقفين ؟ يالله يابنات جيبو قهوه وتعالى نجلس كلنا نسولف لنا زمان ماضحكنا
ام خطاب: ابشر ، يالله يابنات
راحو البنات للمطبخ وجلس الجد بصدر الصاله وجنبه على اليمين عياله وبنص بالصاله احفاده ويمين الجد امهاتهم وجو البنات وحطو القهوه وصبوه وجلسو بالمكان الفاضي الي بين العيال وامهاتهم وبدو يسولفون
بيت ابو مهيار
كانو جالسين بالصاله ينتظرون امهم تطلع
شيخه: الحين امي ب تروح
حضنها مهيار من جنب : لا حبيبتي بكلم ابوي يخليها
شموخ: مستحيل يوافق
شيخه: الا بيوافق مارح يطلع امي من البيت
مهيار: ان شاء الله
طلعت ام مهيار معه شنطتها الكبيره ولابسه عبايتها
مهيار: يمه وين رايحه
وقفو
ام مهيار: وصلني بيت ابوي ولا اتصل على اخوي يجي ياخذني
مهيار: لا يمه تكفين انا بكلم ابوي يخليك على ذمته او يخليك تجلسي معنا
ام مهيار: لا لا تكلمه
مهيار: انا استأجر لك بيت بس لاتروحين بيت جدي تكفين مابيك تروحين لهم وتحتاجيهم وانا موجود
ام مهيار: الي تشوفه
مهيار: طيب انتي ارتاحي وبكره يصير خير
لف على خواته : خذوه
فعلا اخذوه الى الغرفه ترتاح و مهيار راح غرفته
بيت الجد
كانو مجتمعين
الجد: ايه ياعريس متى تسافر ؟
خطاب: لين تحدا الامور
الجد: لا وين بكره بتسافرون
خطاب: بس
الجد: خلاص بكره
خطاب: الي تامر فيه
بجهة البنات
ملاذ: بنات شفيكم
المهره: بنات بشوف مهيار
عهد: ارسلي على شموخ
المهره: وهو كذا
دانه كانت جالسه على جواله
ملاذ: دانه ايش تسوين
دانه : انا اقلك بس قربو امي لا تدري عن السالفه
قربو البنات
عهد : قولي يالله
دانه : هذا واحد تعرفت عليه بتوتر مره يجنن
عهود : قولي السالفه زين
دانه : طيب طيب انا اول شي نزلت بتوتر تغريده وهو غلق عليه بعدين بدت كذا العلاقه كل مانزل تغريده يعلق عليه وبعدين نشرت حسابي الانستقرام وهو ضافني وقبلت الاضافه وبدينا نسولف عام ونمق الموضوع للخاص ومن فتره يبغى يعرف بيتنا علشان يجي يخطبوني وانا اقله بعدين بعدين والحين يقلي انتي شكلك تبين تلعبين علي وانا اقله لا واحلف له وانا مادري خايفه اخسره
عهود : خليه يجي يخطبك
عهد : ايه صح
دانه : اخاف امي ترفض
المهره: ليش
دانه : لان مانعرفه حتى انا ما اعرفه
ملاذ: كيف ما تعرفينه
دانه: اعرف حرف من اسمه الي فيه الحساب ولما اساله يقول بتعرفيه مع الوقت
عند ملاذ رسلت الى يوسف يرسل اسم وصورة حسابه علشان تكأكد وفعلا رسل لها
ملاذ: دانه عطيني حسابه ابي اتاكد من شغله
دانه : من ايش
ملاذ رفعت الجوال لدانه : هذا حسابه
دانه : اتوقع لحظه اشوف
عند يوسف قام وراح وراء البيت وقال ل ملاذ اذا هي تخليه تجيه واذا لا لا
عند دانه : ايه هو من وين تعرفيه ؟
ملاذ: تبين تعرفين روحي وراء البيت
عهد : فاضيه
قامت دانه وراحت وراء البيت
عهود: وش السالفه ؟
ملاذ: يوسف اخوي صاحب الحساب
عهد : يوسف !
ملاذ: ايه
المهره: انا بطلع بيتنا
عهود: طيب
عهد : افا يوسف وانا عبالي مؤدب ياما تحت السواهي دواهي
عهود : ههههههههه
عند دانه راحت ورا البيت ولقت يوسف هناك
ويوسف اول ماشافه لحقه لان كانت بتمشي
يوسف: لحظه لحظه
دانه : خير
يوسف: ماكنت متوقع انه انتي
دانه : ايش تقول
يوسف: انا صاحبك الي بالتوتر بعدين ضفتك ب الانستقرام
دانه : مضيع شكلك
يوسف: لحظه
فتح جواله وطلع حسابه وراه وهي فعلا صدقت
يوسف: ايه صدقتي ؟
دانه : ايش دراك انو انا
يوسف : دريت
دانه : لا امانه
يوسف: طيب طيب اجلسي
جلست بعيد عنه بشوي و علمها يوسف بكل شي
عند المهره
طلعت بيتهم ورسلت على شموخ بس ماترد وجت بالها فكره انه دق الباب وتشرد لين يطلع لها مهيار وفعلا سوته دقت الباب و تخبت تحت الدرج ومافتح احد ورجعت دق بس مامداه تختبي الا ..
عند مهيار كان جالس بالصاله وقام على دق الباب وفتح الباب ولقا المهره ومسك يدها من وراء
مهيار: ايش حركات البزرين ذي
بعدت المهره عنه وقالت : وين كنت ؟
مهيار: موجود
المهره: استناك بسطح
مهيار: ابشري
راحت المهره للسطح وبعد شوي لحقها مهيار
المهره كانت جالسه على الجدار السطح وجاء مهيار وانسدح على رجله طبعا يمديه ينسده لان الجدار عريض
مهيار: اخ
المهره وهي تمسح على شعره : ايش فيك
مهيار: امي
المهره: ايش فيه ؟
قال مهيار ل المهره كل شي
المهره: اكيد ماقصدها
مهيار: ايش الي موقصدها كل شي واضح حتى قساوتها على شيخه تأكدك كلام فيصل
المهره: خليك معها لا تتركها
مهيار: ياعمري انتي تطمني ماني تاركها
سكتت المهره وهي تمسح على راس مهيار
مهيار: ترى رجفت يدينك احس فيه
المهره رفعت عيونها ل السماء وكان الجو ليل 🌙
مهيار: ل هالدرجه قربي يوترت
المهره: لا
مهيار: حين حين مسحي على راسي يمكن اطهر من ذنوبي
المهره: انت طاهر
مهيار: صرت طاهر لما ل مستيني
فز مهيار و جلس و استغربت منه و نطق مهيار : تخيلي قبل امس رحت مع جدي المزرعه و قابلنا ابو ثامر فيها
المهره بابتسامه : ايه
مهيار : عرف اني سهرت معك هنا
رفعت حاجبها وكمل مهيار :
( فلاش باك )
ضحك الجد : مهيار !! اتكلم معك بجديه
مهيار :وانا صادق
الجد : ماسهرت معها ؟؟
مهيار بتوتر وكذب : ايه
الجد : المشكله اني اعرفك زين بس راعي الهوى مفضوح
ناظر فيه بهدوء يكتم ضحكته : ها
الجد : معذور بتقدي بمحمد عبدو من قال تقلي ودنا صافي و تحسب حبنا خافي
ضحك مهيار : لكن عذرنا الحاضر نراعي الوقت و الخاطر
الجد : انتبه
سكت وهو فعلا كذا يراعي خاطر امه ما يبي يكسرها و تغضب عليه
" نرجع "
عضت شفايفها و نطق مهيار : بس صحيح دائماً توصيني ان محد يدري لسهاراتنا حنا
المهره : يعني ؟
مهيار : توصيني على الكتمان و تبغى حبنا مايبان
ضحكت المهره و رجع يحط راسه على رجولها
سكتت المهره وسكتت مهيار وضل مهيار يتامل وجه المهره وشعرها المتطاير والمهره تتأمل القمر
وانتهت ليلة ابطالي
