صباح يوم جديد اذن الفجر على ابطالي
بالسطح كانت المهره نايمه وهي جالسه و مهيار نايم على رجوله صحت المهره
المهره بصوت نوم : مهيار مهيار
مهيار: ها
المهره: يالله امي بتفقدني
فز مهيار : يالله
المهره: بسم لله عليك
مهيار: تو ياذن الفجر
المهره: ايه
مهيار: يالله قومي معي
المهره: وين معك بروح بيتنا
مهيار: ايه يالله انزلي بيتكم
المهره وهي ترجف: طيب
سمعو صوت جدهم من تحت يصحي العيال
مهيار: يالله يالله
نزلت المهره بيت ابوها وكانت خايفه مره لانها بلبيت
لحالها بس صبرت
عند مهيار راح بيتهم وهو مروق دخل لقاء شيخه واقفه بالصاله
مهيار: سلام صباح الخير
شيخه: صباح النور
مهيار: شفيك
شيخه بكت
راح مهيار وحضنها
مهيار: لا ياعين اخوك لا ياقلبي انتي ليش ايش صار ؟
شيخه: ابوي بيطلق امي
مهيار: لا اكيد لا بنكلمه ونكلم جدي معليك
شيخه: احسني انا السبب
مهيار : انتي مالك دخل
شيخه: الا انا وافقك على خطاب لو ماوافق ماكان امي سوت كذا
مهيار: انتي مالك دخل حتى لو ما وافقتي كان خسرتي خطاب وكمان فوق كذا خسرتي ابوي لانه بيزعل وابوي طلق امي
شيخه: والحين بيطلقها
مهيار: معليك كل شي بخير
دخلت شموخ وهي توه صاحيه نوم : بسم لله ايش فيكم ؟
مهيار: مافي شي قومو سو لنا فطور
شموخ: انا والمهره بننزل تحت عند جدتي
مهيار: المهره انا انزله انتي وشيخه سو فطور وبنفطر مع امي
شموخ : الحين اصبر خلينا نصلي بالاول
مهيار: تمام
بيت الجد تحت 👇
الجد : يالله ياعيال يالله الصلاه الصلاه حي على الصلاه
خطاب : صحينا صحينا ياجد
الجد : يالله وانا جدك اصحى وصح اخوانك
( للمعلومه ان الجد مايقول لهم عيال عم كان يقول لهم اخوان )
خطاب: ابشر ، عيال يالله قومو
يوسف: شوي
خطاب: لا مافي شوي الحين
قام عبدالله ومعاذ وسعود ويوسف وخطاب
ونزل مهيار من فوق
وراح الجد وابنائه واحفاده ل المجسد
عند الحريم جوا
ام عبدالله : يابنات يابنات يالله يمه
قامت ترف : صباح الخير
ام عبدالله : صباح النور ياحي الصباح الي نصبح فيه بوجهك
ضحكت ترف وقامت تصلي
رجعت ام عبدالله تصحي البنات وبعد معاناه كلهم صحو
بالصاله بعد ما صلو كانو جالسين ام معاذ والجده
الجده : اقول بنتي
ام معاذ: سمي ياعمه
الجده : اقول بنت اخوك ترف كم عمرها
ام معاذ : ١٨
الجده : انتي تبيها ل معاذ
ام معاذ: لا لان معاذ يعتبرها اخته وهي كمان تناديه اخوي معاذ ليش تسالي
الجده: في علم بعدين تعرفينه بس هي ليه ما تخالط البنات
ام معاذ: اخ بس من يوم ما ذبحو ابوه قدامه وهي بس ساكته وكتومه من سنتين وهي كذا
الجده: لا له الا الله
بالمطبخ
كانو البنات يسون الفطور ام عبدالله تخبز و ام خطاب تسوي الايدامات وام المهره تسوي القهوه والحليب وعهود تحط الايدامات الجاهزه
وملاذ تسوي الشاي
واما عهد ودانه وترف كانو يرتبون غرفتهم الي نامو فيها
عند المهره نزلت من الدرج جت تدخل شافت كل رجال ال خطاب فيه وخافت وراحت من ورا البيت ودقت الشباك الغرفه الي البنات ينظفون فيه وعهد من سمعت دق الشباك راحت فتحته وشهقة من شافت المهره راحت دانه بسرعه وسكرت فمه ودخلت المهره بمساعدة ترف
عهد : ايش جابك هينا؟
المهره : نمت فوق بيتنا وجيت الهين
عهد بحده: مهره
المهره: طيب طيب كنت سحرانه مع مهيار
عهد : انتي ماتستحين لو ابوك ولا جدي ترا وش بيسون قولي يالله
ترف : صار الي صار وما عرفو خلينا نخلص الحين قبل مايحسون
المهره وهي تبوس ترف بخده : وهو كذا
وسوت الحركه 👍
عهد : اف مهره اف
المهره وهي طالعه لفت عليه : عفوا المهره وليس مهره ركزي لخلع عيونك
عهد : لا ياشيخه
راحت ركض وراه والمهره ركضت لصاله تحت ضحك دانه وترف
بالصاله
دخلت المهره وهي تركض
الجده : بسم لله الرحمان الرحيم وشفيك ؟
المهره: ولا شي
جلست المهره وهي تفتح جواله وتجلس عليه
اما عهد كانت تركض ورا المهره ولما سمعت جدته تهاوش المهره رجعت الغرفه
دخلت عهد وهي تضحك
دانه : كل ذا علشانك ضربتيه ؟
عهد وهي تضحك : لا اخ بطني جدتي هاوشتها
دانه : اما
ترف : حرام عليكم
عهد : خليه تستاهل انا بروح الصاله
دانه : طيب
راحت عهد وجت ترف بتروح بس وقفته دانه
دانه : بقلت سالفه
ترف : وش هي سالفتك ؟
جلست ترف ودانه بعد
وقالت دانه لترف مين طلع الولد الي يراسله بالانترنت
ترف : اما
دانه : والله صدمه
ترف : طيب قومي علشان امك ماتحس بشي
دانه : طيب
بالمطبخ
دخلت عهد
عهد : نحنا خلصنا شغلنا
ام عبدالله : الله يعطيكم العافيه
ام خطاب : اجل خلينا نحط الفطور
عهود : يالله
حطو فطور ل رجال والحريم وفطرو
و بالهوش برا بالجلسة برا كانو مجتمعين ال خطاب
الجد : خطاب وانا جدتك اليوم سافرو لا توقف امور حياتك على اشياء تافه
خطاب ناظر ابوه وابوه هز براسه له
خطاب: ابشر
الجده : ان شاء الله نفرح بالباقين
الكل: امين
وجلسو يسلفون
فوق بيت ابو مهيار
كانو جالسين على الفطور و الصمت عنوان الجلسه
لين اردفت ام مهيار: مهيار يمه
مهيار: سمي يالغاليه
ام مهيار: استأجرت لي بيت ؟
شموخ : يمه ليه ما تجلسين هينا ترا ابوي ماقال انك تطلعين
ام مهيار: بطلع انا من كيفي وكرامتي محفوظه ما ابغا ابوكم يجي ويطردني
مهيار: ماعاش الي يطردك ولدتك مهيار
وانا كلمت واحد من اخوياي واستاجرت دور بنفس المبنى الي امه وهو ساكنين فيه
ام مهيار: يعطيك العافية
مهيار: الله يعافيك
قامت ام مهيار من الطاوله
شموخ: وين ؟
ام مهيار: بروح اضب اغراضي
مهيار: يمه الله يهديك لاحقه
ام مهيار: لا الحين احسن
مهيار: على راحتك
راحت ام مهيار تضب اغراضه بمساعدة بناته
و مهيار جلس بالصاله
تحت بيت الجد
تفرقو ال خطاب كل واحد ل شغله
ماعاد الجد والجده وابو عبدالله وام عبدالله وعبدالله الي جلسو بامر من الجد
ابو عبدالله: سم يبه امر
الجد : مايامر عليك ظالم طلبي مو عندك ولا عند مرتك عند ولدك
عبدالله بصدمه : عندي انا
الجد : ايه
عبدالله: امر
الجد: تبيني امر
عبدالله: امر وانفذه لك الحين
الجد : ابيك تاخذ ترف
عبد الله بعد استيعاب : مين ترف ؟ وين اخذه ؟
الحد : لا ياشيخ ترف بنت محمد ولد عم ابوك وتاخذه على سنة الله ورسوله
عبدالله : لا ياجد تكفى اطلب غيره الا ذي
الجد: ليه وش فيه البنت
عبدالله: على سلامته ما اعرف عنه شي بس انا مابي اتزوج
الجد : ليش ؟
عبدالله بانفعال : لو اموت ما تزوجه
ابو عبدالله : ليه طيب فهمنا وانا ابوك
عبدالله : اني ما اعرف اتعامل مع الحريم وما احبهم وكمان شغلي بعيد من هينا مدينه ثانيه ما اقدر اوفق بينه وبين الشغل واخاف اظلمه
الجد : ها لا اذا كذا منت ب ظالمه ماعليك يانوره كلمي ام معاذ وانا بكلم معاذ وانتهى الامر لحد يجادلني فيه
عبدالله: ياجد
الجد : انتهينا
عبدالله: لا ما نتهينا انا ما تأمرني مثل احفادك الباقين انا غير محد يمشي كلمته على ولو كنت جدي
ابو عبدالله بصوت عالي : عبدالله خلاص ابوي قال كلمته وانتهينا
عبدالله: أنتهينا انتهينا بس ذنب البنت برقبتكم ترا
رمى كلامه وطلع وهو معصب ولحقته امه
ام عبدالله: يمه يمه
عبدالله يحاول يكم غضبه : سمي
ام عبدالله: سم الله عدوك يمه ترا البنت مافي احسن منه بس انت لاتعاند ابوك وجدتك
عبدالله: ان شاء الله
باس راس امه وراح
وراحت ام عبدالله تدق على سعود يشوف اخوه لان قلبه ما ارتاح له
بالمجلس
بعد ماطلع عبدالله ولحقته امه
الجده : مالزم كان تعصبو عليه كذا
ابو عبدالله: نحنا ما عصبنا عليه الا لمًا قل ادبه
الجده : الله يهديكم بالجبار مايصير شي
ابو عبدالله: يصير يصير بس انتي كلمي ام معاذ عن ترف بنت محمد
الجده : ابشر
انتهى
