صباح يوم جديد
صحى الجد على اذان الفجر وراح يصحي العيال
الجد: ياعيال ياعيال يالله وانا جدتكم الصلاة خير من النوم
صحو العيال وصلو بالمزرعه بحكم ان مافي مسجد قريب وكان الجد الامام
عند الحريم
كانو بالمطبخ مواصلين
شموخ : اذن
المهره: ايه
شيخه : خلينا نصلي الحين
صلو البنات وخلصو وكانو جالسين بالمطبخ
وعند رجال كانو توهم يبدو صلاه
شموخ : الله صوت جدي !
ملاذ: ايه يجننن
دخلت ام خطاب : صليتو يابنات ؟
ملاذ: ايوه
أم خطاب: يالله خلينا نسوي فطور
دق الباب مهيار : سلام
الجده : وعليكم السلام
مهيار: استعجلو بالفطور
ام المهره: ابشر
مهيار بأبتسامه: تبشرين بالجنه
ام عبدالله: انا مادري عبدالله جاء؟
مهيار : ايه جاء الساعه ٣
أم عبدالله: اجل انا بشوفه
مهيار: انا اناديه فيه رجال
الجده: منهو ؟
مهيار: همام خوي عبدالله
راح مهيار ينادي عبد الله ل امه
وتوجهو الباقي لشغل بالمزرعه علشان الضيوف
وساعدهم همام بعد اصرار منه
بالمطبخ
كانت ام عبدالله موجوده بس دخل عبدالله
عبدالله : يمه
ام عبدالله: هلا يمه
عبدالله : ناديتني ؟
ام عبدالله : ايه كنت بشوفك
ابتسم عبدالله وباس راسه
عند العيال
سعود: مهيار
لف مهيار : امر
ابتسم سعود: ما يامر عليك ظالم ، قلت لي قبل مانروح الديره انو قلبك يوجعك للحين
جلس مهيار على الارض جنب سعود
مهيار : اي والله للحين مادري بس احس رح يصير شي لي يومين قلبي يوجعني اذا الشي مادري
سعود: يمكن امك
مهيار بنفي : لا امي قالت لي روح واخطبها بس من لمى تاجل عقد قران عبير وانا خايف امي ترجع لموضعه الاول
سعود: ماعليك باذن الله مايصير شي
قام مهيار: ان شاء الله
راحو مهيار وسعود ل العيال يساعدونهم
مر الوقت وجاء وقت الغداء واجتمعو اهل القريه ومابين سوالف وضحك
عند العيال برا كانو يشرفون على الغداء
مهيار وهو يحط : خلصنا
عزيز : ايه
ابو المهره وهو جاي : ها ياشباب خلصتو ؟
طلال : ايه ياعم
ابو المهره: يعطيكم العافيه
عزيز : الله يعافيك
راح الجد ورحب الضيوف على الغداء وقامو
عند الحريم
كانو جالسين ومابين سوالف وضحك
عهد : هلا والله بعزيزه
عزيزه : هلا فيك يابعدي
شموخ : الحمد الله على السلامه الحمد الله تذكرتينا
عهود: الظاهره انو جده اخذتها منا
عزيزه : الله يسلمك لا والله لكم وحشة
شيخه: ياعمري
نادت الجده البنات ياخذون الصحون من عند العيال
عند الباب
سعود : امسكوه بينكم لا يطيح
عهود : طيب
عند عزيز جاء وبيده الصحن وعلى الباب كان سعود يعطي عهود الصحن
دخل عزيز : سعود
وشاف عهود وصد على طول
سعود: وراك
وعهود على وقفت ورا الباب
عزيز : معليش
سعود بنرفزه من الي صار : خلاص حط الصحن انا اجيبه
عزيز الي حس بنرفزة سعود ورما الصحن ومشاء بدون لا يتكلم ولف سعود على عهود الي ورا الباب
: وانتي وش تسوين هينا بدون جلال ؟
عهود : وانا شدراني ان معك احد
جت ام عبدالله : وش فيكم
وسعود وهو يرمي اخر صحن : اسألي بنتك
راح سعود ولفت ام عبدالله ل عهود : وش فيه
هزت اكتافه عهود ب مدري واخذو الصحون وحطوه وقامو الضيوف للغداء
خلص الغداء ونص اهل الضيوف بقو ونص رجعو ويرجعون اليوم الثاني
العصر
كانو جالسين حريم الديره يسلفون ويضحكون
بجهة
ام عبدالعزيز : ام خطاب
ام خطاب: هلا
أم عبدالعزيز : انا سبق وكلمتك انو ابي اخطب ملاذ ل عبدالعزيز واليوم أقولك اني ابي اخطب ملاذ ل عبدالعزيز ولدي وكلي امل انو توافقون
ام خطاب: والله مادري ايش اقولك بس انو راي البنت لابوه
ام عبد العزيز : طيب طلبتك انو تشاوريهم الحين
ام خطاب ناظرت الجده والجده هزت راسه
ام خطاب: ابشري
قامت الجده و آم خطاب ل ابو خطاب
بالمطلق
كان فيه الجد ابو خطاب وخطاب و يوسف و سعود و مهيار كانو يسلفون عادي دخلت الجده وام خطاب
ابو خطاب: هلا يمه
الجده : هلا فيك مادام كلكم مجتمعين ابوه واخوانه بقولكم شي
خطاب : وشو
ام خطاب: ام عبدالعزيز خطبت ملاذ ل عبدالعزيز ويبغون رايكم الحين علشان تجهز
انقبض قلب سعود ودقات قلبه يحس بسرعتهم
وقام مهيار : انا وسعود نستاذن
لف ابو خطاب: لا اجلسو انتم عيال عمه عادي
رجعو جلسو سعود و مهيار
الجده : ها وش رايكم
ابو خطاب : والله عبدالعزيز والنعم فيه رجال
زادت دقات قلب سعود ويحس بحراره و مهيار مسك يده ويهديه وناظرو خطاب ويوسف بسعود
الجد : واذا البنت وافقت ليش لا
الجده: ايه
ابو خطاب وهو يوجه كلامه ل ام خطاب: قومي ناديه
قامت ام خطاب ل ملاذ
عند البنات
كانو يسلفون
عزيزه : عاد والله فله استانسنا
شموخ : ايه يونسون ترا رحنا له مع خالي ريان يجننون
دقت الباب ام خطا : سلام
عهد : هلا خاله
ام خطاب: هلا فيك حبيبتي ، ملاذ يمه تعالي
ملاذ : تمام
قامت ملاذ ورا امه
بالممر
ام خطاب: يمه
ملاذ :امري
ام خطاب: مايامر عليك ظالم ، ابوك بيكلمك الحين وقولي الي بقلبك لا تظغطين على نفسك
هزت راسه ملاذ : ابوي بأيش بيسأل
ام خطاب: ام عبدالعزيز خطبتك
قاطعته ملاذ : ما أبيه
ام خطاب: تعالي
دخلت ام خطاب وراه ملاذ الي شوي وتبكي
ابو خطاب: هلا في وحيدتي
هزت راسه ملاذ وهي منزله راسه
استغرب الجد وابو خطاب
الجد: اسمعي يا حفيدتي ام عبد العزيز خطبتك من أمك ل ولده عبدالعزيز والراي الاول والاخير لك
ناظرت ملاذ بجده ولفت نظرها ل سعود ولمى شافت الحيره بعيونه ونزلت دموعه وفز له ابوه
ابو خطاب وهو يحظنه : لا يبه لا ياعيني محد رح يغصبت على شي
استغربو الكل منها حتى سعود كان فيه ترفض بدون ماتبكي
قام خطاب: ماعليك ياقلبي مايصير الا الي تبي
ملاذ ببكي : ما ابيه
لف ابو خطاب ل ام خطاب: قولي لهم مافيه نصيب
قامت أم خطاب: طيب
راحت ام خطاب والجده ل ام عبدالعزيز
الجد : هاتو حفيدتي جنبي
جلست ملاذ جنب الجد وحضنه
الجد : بسم الله عليك بسم الله عليك
ابو خطاب: انا بروح اشوف رجال
راح ابو خطاب ل المجلس ولف الجد على سعود
واردف : الله لا يوفق عدوك وش سويت ببنتنا ؟
ضحكو العيال و ملاذ والجد
قام سعود من مكانه وهو يضحك ومتجه ل ملاذ وفاتح يدينه : تعالي تعال يابعدهم جعلني ماخلي منك
رفع الجد يده وهو يوخره ودفعوه خطاب ويوسف
خطاب : تحمست ياهو
يوسف: ارجع
وضحك مهيار وهو يمسك يد سعود ويقول : خلوه يضمه لا تخلون شي بخاطره
يوسف : اقول ضف وجهك ووجه
ملاذ انحرجت مره منهم
الجد : اقول اسكت انت وياه اخرجتو حفيدتي
ناظرو العيال ب ملاذ وقامت راحت للبنات
وتوجهو العيال بالمشب
عند الحريم
قالت ام خطاب ل ام عبد العزيز رفض ملاذ وتضايقت ام عبدالعزيز نوعا ما بس طنشت لانه حبت ام خطاب وخافت تخسرها وكملت يومها
بعد العشاء
شب النار سعود وسوى شاي
وكانو كل الشباب حول النار ولابسين فروه وماسكين كاسة شاي بأيديهم
طلال : مهيار ترا انت وعدنا انت تعطينا شعر
عزيز بضحكه : ايه صح
همام بأستغراب : مهيار انت شاعر ؟
ضحك مهيار : ايه
ضحك خطاب : ياعيني على الثقه
ناظر مهيار له : عندك شك
خطاب بضحكه : لا
يوسف: يالله عطينا
مهيار :
انشدوني عنك وماحبيت اعلم
قالوا ابطى قلت مهما صار غالي
وقلت دايم يتصل فيني ويسلم
مادرو ب انك مخلني لحالي ..💔
سعود: صح لسانك
يوسف: كفو
عبدالله : عشت
همام : والله جد طلعت مو شاعر الا فوق شعر
مهيار : تسلم
يوسف: يالله خلينا نغني
خطاب : يالله
عزيز : ابدا ياسعود
سعود: يالله انتو معي
طلال : يالله
كان العود مع عزيز وبدو يغنون :
اصفق بكفي واعض إبهام ، إبهام يمناي بسنوني
من صابه الحب ماينلام لاصار عاشق و مفتوني
البارحه يوم كلن نام مالجلج النوم ف عيوني
