[بعد ثلاث سنوات ]
مرت الايام والشهور وبالضبط ثلاث سنين الحياه تمشى على مر السنين وما تنتظر احد ابدا ولا توقف عند احد
مهيار و المهره جابو بنت وسموها حور سنتين و بهاج سنه
وسعود و ملاذ جابو ولد وسموه هذام سنتين
وعبدالله و ترف جابو بنت وسموها سحاب سنه
خطاب و شيخه جابو ولد ليث ثلاث سنين و كمان ولد غيث سنه
يوسف و دانه جابو بنت وسموها توق سنتين
معاذ و شموخ ولد وسموه تميم سنه
عزيز و عهود بنت سموها افجار ثلاث سنين
اما عهد بقت على حالها ماتجوزت ابدا وكانت تسمع كلام من جدتها وامها بس تتنطنش
كان جالس بالمشب ويتقهوى
دخل عبدالله وهو يسلم
الجد : ياهلا ياهلا با ابو سحابه
ضحك عبدالله : البقى ، وينها ( يقصد سحاب )
ابو عبدالله : جوا مع عيال عمها
عبدالله: اه وعهد وينه
ابو عبدالله : جوا تلاقيه
الجد : العيال وين
عبدالله: با الخيمه مع هُمام
الجد : ايه
قام عبدالله واتجه للبيت
بالصاله
كان الجو فوضاء و صراخ بزارين وسوالف تعلى
دق الباب
الجده : حياك
عبدالله: السلام عليكم
الكل : وعليكم السلام
سحاب ب طفوليه : بابا
عبدالله : عيونه
شاله عبدالله و يبوسه : يالبى
نزله واتجه لجدته وباس راسه وجلس
عبدالله: كيفكم
الجده : الحمد لله ، كيف ابو سحاب
عبدالله: الحمدلله
جاء هذام ولد سعود وبيده حلاوه ومده ل عبدالله
شاله عبدالله وهو يبوسه : ليش يدك وسخه ؟
مد له يده و ب طفوليه : حلاوه
عبدالله: انا داري انه حلاوه
دخلت ملاذ : يالله ذا بذبحه
ضحك عبدالله: شوي شوي عليه
ملاذ : حات انظفه
عبدالله : لا لا انا انظفه
سحب الفاين وصار يمسح هذام
جوا بالغرفه
كانت جالسه البنات
عهود : وانتي وين شفتيه ؟
شيخه: شوي شوي عليه
عهد : يا اختي انتي وياها انا رسلني جدي
فلاش باك
كانو جالسين با الخيمه هُمام و طلال و عزيز
جت عهد جنب الخيمه الي كان راسله الجد تشوف العيال
انتبه لها هُمام واستاذن وقام واتجه لها
وهمس : وش تسوين هنا
عهد بخوف : يمه ! طيحت قلبي
هُمام : بسم لله عليك و على قلبك
عهد : وش دخلت
هُمام : تعالي
عهد : وش تبي
مسكه مع يده وبعد عن الخيمه
هُمام : كيفك
عهد : بخير شي ثاني ؟
هُمام : وش البرود ذا ؟ عهد انا احبك لاتعامليني كذا تكفين انا انتظرتك ثلاث سنين تفكري جيتك لبيتك وطلبتك منهم وهم وافقو وانتي رفضتي وانخذلت قدام ابوي وامي حاولو يرجعوني له و رفضت لاني ابيك عهد اقسم بالله اني احبك ليش تسوي كذا وانا داري انك تحبيني وتكفي لا تنكرين ، لا تردين الحين برجع اطلبك ومن ردك رح اعرف مكانتي عندك مع السلامة
راح وتركه بصدمه كيف انفلت عليه كذا كانو مخبي قهر الثلاث سنين وحطه فيه
نرجع
عهد : وهذا الي صار
المهره : يعني خلف
قطع كلامهم دق الباب
عهود : ادخل
دخل عبدالله واستغرب من جلستهم : وش عندكم ؟
عهد : وعليكم السلام ، ولا شي
عبدالله : اه تعالي ابيك
عهد : وش تبي
عبدالله بنفاذ الصبر : خلصيني
عهود : قومي
عهد : طيب طيب
قامت وهو حط ذراعه على كتفه وسكر الباب
دخل عرفة جدته وسكر الباب
عبدالله: تعالي اجلسي
جلست جنبه وهي عارفه وش يبي يقول بس تسلك
عهد : امر
عبدالله: مايامر عليك ظالم ، اسمعيني الراي الاول والاخير لك رفيقي هُمام طلبك وانا قلت انو اقول لك قبل الكل علشان نعرف انو نرسل او لا وهُمام يا عهد يحبك جد وانا شفت حبه لك واشهد عليه و حتى لمى رفضتيه رفض يرجع طليقه وهو قال لي كل شي من اول ما شافك ولمى طحتي وساعدك ورفضك لين امس لما قابلتيه با الخيمه انا ما انكر انو تضايقك ومره انه شافك وانتي مو حلاله بس هُمام ورجال والنعم فيه وانتي قرري
عهد : انا موافقه
عبدالله: تمام
قام و باس راسه : هذا انا اول واحد اقول لك مبروك ، مبروك
عهد : يبارك فيك
طلع عبدالله وراحت عهد للبنات
دانه : بشرييي
عهد : وافقك
شموخ : الله
ملاذ: مبروككك
عهد : يبارك فيك ، تخيلو الزفت الله ياخذه قال ل عبدالله كل شيي
عهود : اوله
المهره : وش ردك فعله
شيخه : خمه بأقرب فنجان
عهد : لا ما ضربني الحين اقنعت انو عبدالله تغير
دخلت ترف : سلام
شيخه : اهلين
عهد : بسألك سوال
ترف : انا اسألي
عهد : كيف غيرتي عبدالله الي ما يتغير ؟
ترف : وش صاير
المهره بضحكه : هُمام قال ل عبدالله كل مواقف عهد الي تفشل معه وعبدالله كانت رد فعله شوي عاديه
ضحكت ترف : ياغبيه انتي مفضوحه قدام عبدالله و هُمام
ضحكت شيخه : الحين ماضيك مفضوح
عهد : سلامة ماضيكم عاد افشل مني
دانه : انتي غير
عهد : احس اني ندمانه اني وافقك
عهود : لا تندمين انتي قلتي رايك
عهد : ليتني راقده على الراي بس حلو انفك من كلام جدتي و امي
ضحكو
بعد ساعه
بيت ابو مهيار
كانت جالسه على السرير وبيدها الجوال وبنته حوله دخل وابتسم : سلام على بهاج الحور والمهره
المهره ب ابتسامه : المهره !؟
مهيار: و مهرتي
قامت المهره وقفت قدامه : ايه كذا
مهيار : الله يخليل مهرتي و حور العين و بهجة دنيتي
ضحكت المهره واتجه مهيار ل حور الي عمرها سنتين وشالها وباسه : ياعين ابوك
صارت حور بيدينها الصغيره تلمس شعر مهيار وتضحك
ناظر با بهاج الي صار صوته يعلى علشان يشيله و مد يده يشيله معه
طلع مهيار و حور تمشي قباله و بهاج بيده للصاله وكان جالس فيه ابوه
ابو مهيار: ياهلا بحور العين
شاله من الارض وهو يسمي عليه
ابو مهيار: يازينه يازينه حبيبة جدها
ابتسم مهيار وهو يحمد ربه الف مره كل شي يحبه حوله المهره و ابوه و بنته الوحيده و ولده وامه الي سكنت قدام بيت الجد
بيت ابو عبدالله
بغرفة عبدالله كان يكلم بالجوال : ايوه ياهُمام كم مره بعيد الموضوع انا موافقه
هُمام بفرحه : ياخي احلف طيب
عبدالله بضحكه : تكذبني !؟
هُمام : لا محشوم بس اقسم بالله اني فرحان
عبدالله: باين من صوتك
دخلت ترف وبيدها سحاب وحطته على السرير
وهو علق نظره عليه : يصير خير شوف وضعك وقول لي علشان الموعد
هُمام : تمام ، فمان الله
عبدالله: فمان الكريم
سكر الجوال ولف على ترف الي كانت تلعب سحاب
تقدم عبدالله من ترف وباس راسه : فيك شي ؟
رفعت راسها : لا ، مين تكلم
اخذ نفس وجلس قباله : تصدقي عمري بحياتي كلها ما توقعت اتغير كذا ابدا اني اقول ل حرمه وين اروح وين احب ومين اكلم اخفف قسوتي و ما اطلعه بوجه احد
ترف : ايه وجت ترف غيرتك
عبدالله: غيرتيني وانا اشهد بس بعد ما اكلتي من قسوتي
ترف : فداك
عبدالله ب ابتسامه : الكل فدا الا انتي يا ام السحاب
ضحكت ترف : انت الحين تغير الموضوع ؟
عبدالله: موضوع ؟
ترف : ايه ، مين تكلم ؟
عبدالله: اه هُمام قلت له عن موافقك عهد
ترف : قال متى يجون ؟
عبدالله: يشوف اهله ويرد
هزت راسه ب ايه
بالجهه الثانيه غرفة سعود
كان جالس هو و ولده هذام
دخلت ملاذ وهي منفسه وجلست على السرير و مسكت جواله
استغرب منها و اردف : وش بلاك
ملاذ: مافي شي ، بنام
سحبت البطانية = الشرشف علشان تنام
قام سعود من الكنب واتجه لها
حط هذام على السرير و سحب البطانيه منه : بتنامين ؟ يعني زعلانه !؟
ملاذ: اف ماله دخل يعني الواحد ما ينام الا لمى يكون زعلان !؟
سعود: لا بس انتي غير بعدين قبل ساعه صاحيه ، فيك شي ؟
ملاذ: لا تعبانه
سعود: قومي على المستشفى
ملاذ بضحكه : لا لا لا تزودها راسي يوجعني وبهدا
ضحك سعود من ضحكته : على راحتك
اعتدلت ملاذ بجلستها : اعطيني هذام
سعود: ابشري فيه
اخذته من سعود وحطته على السري وصار هذاك يلعب بشعر ملاذ
سعود: شوي شوي ياولدي على روحي
ضحكت ملاذ و زاد ضحكة سعود وهذام كان يناظرهم ويضحك
بيت ام معاذ
كان ولده مره تعبان ويبكي وبيده وتسمي عليه
شموخ: بسم لله عليك خلاص ياماما يالله خلاص
دخلت ام معاذ الي كانت ب بيت الجد
ام معاذ شهقت : وشفيه ؟
شموخ : تعبان
ام معاذ الي تدور شي تهاوش عليه : و ساكته
شموخ بنفاذ صبر : لا اتصلت على معاذ ناخذه المستشفى انتظره
ام معاذ: ما جاء للحين ؟
شموخ : والله ولدك بليت وش اسوي
ام معاذ: انتي تسبين ولدي ؟
شموخ : ذي مو سبه ذا طبع
ام معاذ : هاتي هاتيه
اخذت تميم من يد شموخ الي مصدومه منه
كانت ماخذه امين ولد اه مو حفيد لدرجة كل شي هي تسويه لها و جاها احساس انه ب تحرمه من ضناها وطبع شموخ اذا حبت احد ماتبي احد يشاركه فيه واذا حب مو لدرجة يحرمها منه
شموخ : مو مشكلة هاتيه انا اسكته
ام معاذ : خليني انا اسكته
شموخ : استغفر الله
ام معاذ: وش عليك جده وحفيده
شموخ : قلتيه جده ! وانا الام وهذا شغل الام ، اعطيني ولدي لاني ما احب احد يدخل فيه
انصدمت ام معاذ من كلامه وشموخ اخذت ولده ودخلت الغرفه بالوقت نفسه دخل معاذ : السلام عليكم
ام معاذ: وعليكم السلام
معاذ: وش فيك يمه ؟
ام معاذ: زوجتك مدري وش بلاه
معاذ الي دعوت على السوالف امه وتملكه و شموخ وعصبيته : وش صار
ام معاذ : دخلت لقيته هي ولده يبكي وماهو راضي يسكت معه واخذته اسكته قالت بوجهي كلام اعوذ بالله اذا ماتبوني اعيش معكم قولولي ماله داعي الحركات
قاطعه معاذ: يمه !
ام معاذ: وش يمه ؟ انت ما سمعك كلامه الغبي يفهم انه ماتبيني
راح معاذ للغرفه وهو ماسك اعصابه
شموخ : واخير جيت بلبس عباتي ونروح
معاذ: انتي وش قايله ل امي ؟
لفت شموخ عليه : وش قلت له ؟
معاذ : لا تردين علي بسؤال انا سالت ردي علي ب اجابه مو سؤال
شموخ : هي قالت
قاطعه معاذ : ابي الي انتي قلتيه مو هي
شموخ : طيب اصبر
معاذ: اسمع
شموخ : هي قالت جده وحفيده وش عليك وانا رديت عليه قلتيه جده وانا الام وهذا شغلي عطيني ولدي اخذته ودخلت الغرفه
معاذ: ما كان له داعي كلامك
جلست شموخ على السرير : لا له داعي معليش بس هذا ولدي وهذا واجبي اتجاها مارح اخليه بكره يقول انا ربتني جدتي مو امي بعدين انا الي تعبت فيه تسع شهور شايلته ومتحمله الم الولاده وانت تعرف كيف كانت ولادتي صعبه ويالله ويالله طلع منه الولد سالم والحين تبيني اعطيه ياها كذا بارده لا
جلس معاذ جنبه : ياحبي اقسم بالله داري بس امي كبيره بالسن لازم نراعيه
شموخ : اراعيه بكل شي الا ولدي
معاذ: يالله انتي وش تخسري اذا خليتيه عنده وحوله يلعب وتشيله اذا بكاء
شموخ : ياقلبي والله ما اخسر شي وبالعكس ابيه يتربى مثلي بين امه وجدته وابوه و جده وعيال عم مثل اخوان بس امك مو مثل جدتي ابدا
معاذ: كيف ؟
شموخ: جدتي كانت تربينا وتمسكنا بس عمرها بحياته ماقالت ام مهيار ماتعرف تربي ابدا
معاذ: يعني امي قالت ؟
شموخ : ايه قالت قالت ل حريم عمامي وجدتي وام عزيز وام طلال هذول مايكفي ؟ وقالت لاني علمي بنتك تربي ولدها انا مو دايمه لهم و مسخرتني امي
قام معاذ وحط يدينه على راسه : استغفر الله
قامت شموخ ومسكت يدينه : اسمعني انا ما ابيك تقول له كلام مو زين و اتصرف كأني ماقلت شي ابدا بس ولدي لا عاد تقول لي اتركيه عند امي ابدا تلعب معه وتضحك بس ملابسه ونومه انا
معاذ: هذا الي يصير ، البسي خلينا ناخذه المستشفى
شموخ : من عيوني
ابتسم وقرب منه وباس خده : انتظرك برا
طلعو و اتجهو للمستشفى
بيت الجد
المشب
كان جالس ويتقهوى دخلو عليه وهم يضحكون
الجد: يا مرحبا
مهيار : البقى
باسو راس جدهم
سعود: كيف الحجي ؟
الجد : الحمد لله بخير دام عيالي واحفادي و احفاد عيالي بخير انا بخير
خطاب : يخليك لنا
صبو قهوه وجلسو حوله يسلفون ويضحكو
عند الحريم
كانت جالسين دخلت عليهم شموخ : سلام
الكل : وعليكم السلام
الجده :وش بلاه ولدك
شموخ : مسخن خذيته المستشفى
ام عبدالله: زين
الجده: هاتيه خليني العب معه يمكن يصحح
عطته جدته : وين خالتي ام خطاب
ام المهره : بالمطبخ
راحت شموخ للمطبخ ولقت ام خطاب فيه هي و ملاذ
شموخ : سلام
ام خطاب : وعليكم السلام
ملاذ : اهلين شموخ
شموخ : البقى
دخل هذام وبصوت طفولي : ماما
قربت منه ملاذ وسالته : لبيه
هذام : تبغاكي
ملاذ : مين ؟
ام خطاب : اكيد جدتك روحي له
ملاذ: ابشري
راحت ملاذ وبيدها هذام وطلعت
ام خطاب : وش بلاك يمه
شموخ : خاله باخذ رايك بشغله
ام خطاب : قولي
شموخ : انا و ام معاذ اخر فتره بينا مشاكل علشان تميم
ام خطاب : عارفه
شموخ : اليوم صارت مشكله وعلمت معاذ فيه انا سويت صح ؟
ام خطاب : ايه هو لازم يدري بكل شي وانا امك
شموخ : يعطيك العافيه انا قلت لك واخذت رايك لاني لو قلت ل امي بتطلقني منه وانا ابيه
ام خطاب : الله يوفقك
همست شموخ : امين
( تسريع الاحداث)
يوم ملكة عهد و هُمام
وكانت الملكه والعرس بيوم واحد
بالمشب
دخل الجد : ارحب يا هُمام
هُمام : البقى ، انا جيت لحالي علشان
قاطعه الجد : انت تكفي وتوفي ويشهد علي الله اني اعتبرك واحد من احفادي
هُمام : واعز ان شاء الله
جاء الكلام وجلس بين هُمام و ابو عبدالله
الملاك : قل زوجتك ابنتي على سنة لله و رسوله محمد
ابو عبدالله: زوجتك ابنتي على سنة الله و رسوله محمد
الملاك : قبلت به زوجه على سنة الله ورسوله محمد
هُمام : قبلت به زوجه على سنة الله و رسوله محمد
الملاك : مبروكين
هُمان بفرحه : يبارك فيك
سلمو عليه وباركو له واعتلت الفرحه والزغاريط
بداية الزواج
كانو الناس يجتمعون والفرحه بوجهم وكان الكل يستقبلوهم
الجده : يامرحبا كيفكم
ام طلال : الحمد لله ياخاله كيفك انتي وكيف العيال
الجده : كلنا بخير ونعمه من الله الله يديمه
ام طلال : امين امين
الجده: حياك
بدت المطربه تعلي الصوت و بدو يرقصون
عند الرجال
زفو هُمام وبعد الضيافه بدت الفرقه تعلي الصوت وبدو العيال ب برقص بالسيف وكان الكل فرحان مو معطين فرحتهم ل احد
عند الحريم
بدت زفة عهد وطلعت للضيوف بفستانه الابيض وطرحته على شعرها الحرير و توسعت ابتسامتهم لمى طلعت وصلت ل كوشته وجلست وبدو الاغاني ويرقصون
عند الرجال
استعدو العيال ل زفة هُمام
