صباح يوم جديد على ابطالي
كانو جالسين حول القهوه الجد وعبدالله وسعود وابو عبدالله بس
عبدالله : اليوم برجع الرياض
الجد بغضب من اخر تصرف منه قال وهو حتى ما ناظر فيه : شي راجعلك
ابو عبدالله : يبه فيك شي ؟
الجد : لا
الكل استغربو من الجد اول مره يخلي عبدالله يروح كذا بدون ما يحاول فيه انه يجلس او يودعه
قام عبدالله وهو متنرفز : فمان الله
الجد: سعود قول ل اخوك ما ياخذه معه
وقف عبدالله لانه يعرف جده زين
ابو عبدالله: منهي ؟
الجد: هو يعرفه
لف عبدالله والغصه بقلبه : ما ابيه
ضحك الجد بخفه : مع السلامه
ابو عبدالله: عبدالله وش السالفه ؟
سعود: هدو وش بلاكم ؟
الجد : اسأل ولدك
طنشهم عبدالله وكل سيارته وراح وهو ناوي انه يبتعد عن البيت بس مايرجع الرياض الا هي معه
بيت الجد
كانو واقفين بأستقبال عزيز وعهود
تقدم عزيز وباس راس الجد واتجه ل عمامه واتجه للعيال الي استقبلوه بضحك ولهفه وكذلك عند عهود سلمت على جده وابوه وعمامه
عند الشباب
جاء عزيز وسلم
مهيار: هلا والله
عزيز : هلا فيك
تقدم وسلم عليهم كلهم
يوسف: كيف العريس ؟
عزيز بأبتسامه : اي والله الحمد لله
سعود: الحمد لله ، حياك بشرف اختي
تقدم سعود وضم عهود الي واقفه تسلم على عمه
سعود: لك وحشه
لفت عهود وضمته : وانت كمان
شد عليها
عزيز بمزح : اقول هي لا تفله تراه حرمي
وخر سعود عنه : واختي
عزيز : والحين لي صح ياجد
الجد بضحكه : صحين
تقدم عزيز وسحب عهود من بين يدين سعود
عزيز : يلا تزهلق
سعود بصدمه : وانا اخو مهيار
مهيار بمزح : ابشر بعزك
لف على عزيز : حات بنت عمنا
عزيز : دز امه انتو وهو بنت عمك حرمي يالله
ابو المهره: هي ابوي موجود وش بلاكم
عيال الي ادركو الوضع وعهود صار وجهه احمر من الاحراج
عهود بهمس : انا بشوف امي
دخلت عهود
تقدم عزيز ل مهيار وسعود: الله ياخذكم احرجتوه
مهيار: هههه انت الي بديت
عزيز : انقلع
ضحكو الشباب ودخلو وراء الجد
ودخلت عهود ل بيت
وقامو كلهم يرحبون فيه
الجد : ياهلا ياهلا
سلمت عليه : هلا فيك
باست راسه وسلمت على امه وحريم عمه والبنات
وجلسو يسلفون
الجده : كيفك وانا جدتك
عهود : تمام الحمدلله
عهد : لاتقولي تسافرون الحين
عهود : ايه بعد العصر
ام خطاب : الله يوفقكم
عند الشباب
جلسو يسلفون ويضحكون
بمكان اول مره نجيه
بيت ابو اسامه
كان جالس على الكنبه ويفكر بموضوع بنته وحيدته كيف يسوي العمليه الي ما يمكن تنجح و اذا ما نجحت يمكن يموت كيف يقدر يخلي بنته حبيبته وحده في دنيا كذا
خط بباله فكره يسويه وهو نجاه يكون ببيت الجد خطاب
قاطع تفكيره بنته بأبتسامه: يبه
ابو اسامه : عيونه
ابتهال : من اليوم اناديك ليش ماترد ؟ فيك شي ؟
ابو اسامه بضحكه : لا ياعين ابوك ما فيني شي مافيني الا الخير
ابتهال: طيب اجيب لك القهوه حنا ولا بالهوش
ابو اسامه وهو يقوم : لا الجو برا احلى
ضحكت ابتهال : اسبقني انا جايه
ابو اسامه: يلا
طلع الهوش بانتظاره وما اخذك ثواني الا هي جايه وبيده القهوه وجلسو يتقهون
نرجع بيت الجد
على صلاة المغرب
ترف : بنات بطلع البقاله تبون شي ؟
عهد : الحين ؟
ترف : ايه
المهره : لا يمه نرسل واحد من العيال
ترف بضحكه : لا شدعوه عادي انا اروح
دانه : انا ابغى ببسي
ترف : تمام ، وانتو بنات
شموخ: على ذوقك
عهد: ايه خلينا نشوف ذوقك هههههه
ضحكت ترف وراحت
وكملو سواليف البنات
بالهوش الجده كانت تسقي الورد الي فيه
جته ترف : انا بروح البقاله تبين شي ؟
الجده : ها ليش مو واحد من العيال يروح ؟
ترف : انا بخاطري اروح
الجده : ايه الله معك
راحت ترف وهي بالطريق ماحست الا شي حاشره من وراء وصرخت وما اخذت ثواني واغمى عليه
عند الجده لفت الا اشوف رجال شال ترف وركبه السياره
وهي تصرخ : ياولد ياولد يابنات يابنات الحقوني
فزر البنات اول ما سمعو صراخ الجده وكذلك عند الحريم
طلعو له
ام معاذ: وش بلاك ياعمه
اشرت على السياره : خذو ترف
ما امداه تكمل كلامه الا اغمى عليها ومسكوها البنات وجلوسها وحاول يصحونها
واتصلت شموخ على العيال ومأخوذ دقايق الا جو
صحت الجده وتشوف الجد وعياله وحريم عياله واحفاده كلهم حوله
مهيار: وش فيه
الجده ببكاء: فيه رجالين خذو ترف وراحو خطفوه
غزو كلهم من الخبر هذي اول حالة خطف في الديره
خطاب : يمكن عبدالله
الجده : هي صرخت لو عبدالله ما صرخت
الجد : اتصلت على عبدالله يجي
مسك جواله سعود واتصل على عبدالله وشغل سبيكر والكل حوله
عبدالله الي كان مع هُمام : الو
سعود: عبدالله
استغرب عبدالله من نبرت سعود: لبيه وش فيكم ؟ صاير شي ؟
سعود: خطفو ترف
عبدالله الي كان يسوق ووقف : كيف ؟
سعود: الي سمعته حنا رح ندور قريب من الحاره وانتو شوفو شغلكم
عبدالله بخوف : تمام
سكر سعود الجوال واتجه هو العيال كلهم حول الديره
وانتشر الخبر وبدء الكل يدور
عند عبدالله الي كان شوي ويموت من خوفه عليه
اتجه للقسم وبدء بالاجراءات وهم كلهم مستغربين منه آول قضيه يهتم فيه لدرجه ذي كان شوي ويبكي
وكان معه هُمام لحظه بالحظه
عند عهود وعزيز
الي كانو بالسياره متجهين للمطار
عهود بخنقه : عزيز
عزيز : لبيه
لف عليه ولمى شافه كيف ترجف : وش بلاك
عهود: رجعني
وقف السياره وانصدم من طلبه : ما فهمت وش صار؟ صاير شي ؟
عهود: لا ابي ارجع
عزيز : والله لاتقولين
عهود : خطفو ترف حرم عبدالله
انصدم عزيز : خطف مين ؟ مستحيل وش ذا
ما اخذ كلام كثير لانه شاف حالته لف ورجع على الديره وهو مسرع
بعد مده من الوقت وصلت عهود للبيت وراح عزيز مع الشباب يدورون واجتمعوا حريم الديره ل بيت الجد
وكذلك كل شباب الديره توزعو يدورون على ترف
وعند عبدالله
ما كان اقل منهم توتر وخوف عليه بالعكس كان اكثر واعلى وكان خايف يفقده وزاد الاجراءات واخذ تصريحات
تحسبناً باي شي يصير وجهز فريقه واتجه لعدوه وهو عارفه مين وندم ندم شديد انه سامحه اول مره
بعد ساعتين كانت الدنيا مطر
عند عبدالله
وصلو للمقر عبدالقادر وتركي
وتوزعوا حول المكان
عبدالله بالسماعة : تسمعوني
العساكر : حاضر
عبدالله : اول ما اخلص الثلاثه يهجمون المجموعه الاولى
و اذا احتجنا مساعده مجموعه ثنين ومجموعه ثلاثه خليكم بالمقر حقنا
العساكر : امرك سيدي
توزعو المجموعه الاول واول ماعد عبدالله لثلاثه هجمو المجموعه الاولى ودخلو واول مادخلو ماخذت ثواني الا تسكر الباب وراهم
عبدالله بصدمه : وش البلاء ؟
عسكري ١ : يمكن الهو
عبدالله : اطلبو مجموعه ثنين تفتح الباب
طلبو ومجموعه ثنين حددو الباب
وقطع افكارهم الصوت : ياعبداللله
لف عبدالله لمصدر الصوت
تركي صديق عبدالقادر : قلت لك منك يقدنا وانت عاند والي صار بحرمك منك انت مو منا نتيجة عنادك بيروحون كل اهلك انسحب احسن لك
عبدالله : تخسي وتعقب ياخسيس مو انا الي اترك شياً بديت فيه وما توصل لظفر رجل واحد من اهل عبدالله وحرمه ماتقدرون تسون فيه شي وراسي يشم الهوى
ضحك تركي : ابشرك تركناه بمكانه بدمه
انصدم عبدالله : اطلع واجهني كنت رجال ولا حيلتك على الحريم
عصب تركي كيف يهينه قدام رجاله كذا : قلت الي عندي
لف بيروح الا المجموعه ثلاثه محاصرينه من وراء وكان عبدالله يتكلم معه علشان ماينتبه لا اي شي وفعلا تم القبض على تركي ومجموعته و اتجهو للقسم للتحقيق معهم
بالبيت
كان الوضع توتر وخوف وزادهم اكثر خوف من بعد العيال ماجو بمحاوله فاشله
نرجع المخفر
جاء وهو شبه فاقد الامل جلس على الكرسي
وجه هُمام : ياعبدالله وش فيك مابيصير شي انت توكل على الله او انه بعد القمر ل اجيبه لك ، مادريت انك تحبه هل الكثر
عبدالله بخوف : ولا انا داري
هُمام : قوم خلينا نشوف الوسخ تركي اكيد يعرف مكان عبدالقادر
عبدالله : انا اكثر شخص اذاه وانا اكثر شخص خايف افقده جلس هُمام جنبه : باذن لله ما تفقده وماعليك انت اقدح وانا اول الناس معك
ابتسم عبدالله وقامو يحققون مع تركي
انتهى
وش تتوقعون صار بترف ؟
