في داخلي جمر انتظارك مستعر

سعد ارجع لنا

٠
٠
•

ابو سعد وصل الرياض وتوجهوا على طول للمستشفي
حصلو عساف جالس برى وحالته حال
اول ما شافهم قام وسلم عليهم
ام سعد : وين سعد
عساف : داخل ، انتظري يا خاله ممنوع الدخول عنده
ابو سعد : ليش فيه شي
سلطان : بروح اشوف انتم انتظروا هنا
راح سلطان ورجع معه الدكتور المناوب
الدكتور : للاسف حالة  ولدكم حرجه ادعوا له
ابو سعد : نقدر نشوفه
الدكتور :  ممنوع
سلطان : دكتور صدقني اذا سمع صوت امه وابوه راح يتعافي
الدكتور : هذا الكلام مو مثبت وانت طبيب وعارف
سلطان : ارجوك بس خمس دقايق
الدكتور : طيب بس ارجوكم من غير انهيار وصراخ

دخل ابو سعد مع ام سعد ودخل معهم سلطان لان نايف ما قدر يدخل ، قربت ام سعد من ولدها وبدات تمسح على راسه وتسمي وتناديه : سعد يابوى انا امك ، انا عندك
ابو سعد ما قدر يتكلم جلس على طرف السرير ينظر في وجه السعد اللى قالب احمر من الكدمات وصدره اللى مثبت فيه اجهزه وأنابيب وراسه الملفوف بشاش ومحلوق
سلطان : قرب من سعد : سعد تكفي تعافي وارجع لنا كلنا نبغاك ارجع لا تعاقبنا سامحنا وارجع
ام سعد وهي ماسكه نفسها لا تصيح : العمليه فين
سلطان : في بطن سعد لان صار فيه نزيف في الكبد والرئه ،
الدكتور يقول العمليه ناجحه والنزيف توقف
ابو سعد مد يده ومسك يد سعد وبعدين داخ وبغي يطيح على الارض بس سلطان سنده : عمي ، خلنا نطلع
هز ابو سعد راسه ونزل يبوس يد سعد ويحطها على عيونه ويبكي
ام سعد جلست على طرف السرير وصارت تقرأ اية الكرسي وتنفث على سعد وتمسح راسه
سلطان ماقدر يتحمل منظرهم وطلع من الغرفة يبكي
نايف خاف وسال : وش فيه
سلطان : مافيه شي ، ادخل عند اخوك
نايف : خايف انهار واخوف امي وابوي
عساف : ادخل يا نايف خالي يحتاجك داخل
دخل نايف وجلس سلطان بجنب عساف
وصل مصعب وناصر اخوه : عساف ، ليش ما ترد على جوالك
طلع عساف جواله وكان طافي شحنه : طافي ما دريت

طلع ابو سعد وام سعد ونايف من الغرفة سلم عليهم مصعب وقال : تعالو البيت
ابو سعد : خلني هنا ، خوذ خالتك
ام سعد : ماني رايحه مكان ، خلوني عند وليدي
عساف : خلها يا مصعب
كل ساعتين يدخل واحد منهم يتطمن على سعد حتى اذن الفجر  ام سعد تعبت مره جاها مصعب خاله تكفين تعالي معي عند هيا والله اجيبك الظهر
ام سعد هزت راسها موافقه وقالت : اشوف سعد اول
دخلت عند سعد وجلست تقرأ اية الكرسي وتمسح عليه
فجاه طلع صوت من الجهاز وقعدت تصيح : سعد ، تعالوا
تعالوا