لاتحرم الروح من وصلك ، وترى الوصل منك يحييها

7

●●●●●

راجح : هديل
هديل من الغرفه : هلا !
راجح : انا طالع للغنم تبين شي اجيبه لك ؟
هديل هزت رأسها : لا شكرا !
هز رأسه بالموافقه ولبس حذيانه ، فتح يبي يطلع بس انصدم لما شاف ضيف الله قدامه ! ، شهق بصدمه وقال : عمي ضيف الله !
هديل نغزها قلبها لما سمعت اسمه ، فتحت الباب وشافت ابوها قدامها ، صارخت بفرح ونطت تحضنه،  قالت بعتب : فينك يايبه تأخرت علي !
ضيف الله بمزح : اخسي اتأخر على بنيتي !
ابتسم راجح بخجل ، وقال : استأذنك بروح للغنم ، والحمد لله على رجوعك بخير !
ضيف الله لف عليه مبتسم : الحمد لله ، وشكرا لأنك اهتميت لبنتي بغيابي !
نظر راجح وهو مبتسم لهديل اللي كانت تبادله الابتسامه ، خجل على نفسه وراح ، هديل ضحكت بخجل من راجح ونظرت لابوها : ايه يايبه علمني فين رحت وفين جيت !
ضيف الله بفرح وهو يدخل البيت : عندي لك خبر يشق قلبك شق !
هديل استغربت وقالت : افا وش ذا الخبر الي يشق قلب هديل شق !
ابتسمت وابتسم ضيف الله ، جلست على الكنب وصبت من القهوه اللي سوتها لراجح ، ضيف الله وهو يشرب القهوه : انا تعرفيني يابنتي ماني ضامن حياتي معك !
نغز الكلام هديل ورجعت الكاسه على الصحن بصدمه وقالت : أعوذ بالله يايبه وش ذا الكلام !
ضيف الله ابتسم وقال : هو كلام يجرح لكنها حقيقه !
هديل : الله يدوم عمرك يايبه
ضيف الله : فلاح جاني وخطبك مني !
هديل بصدمه : ها !
ضيف الله ابتسم : فلاح والله انه زوين ورجال بقد الكلمه ! وهو شاريك من قبل 5 سنوات مني لكن ينتظرك تقتنعين !
هديل سكتت بصدمه ، وبنفس اللحظه كان راجح راجع نسى جواله ، والكلام ذا كله جاء على مسمعه ، نغز قلبه مثل السكين ، شلون بتروح من يده ، ضحك بسخريه وهو يكمل يدخل البيت : بتقبل فيك وانت عندك ثلاث عيال !
كان ميقين راجح محد بيقبل فيه وان لايكبر اماله علشان عنده عيال ، دخل البيت ومانظر لهديل ابدا ، نظر لضيف الله وقال وهو مبتسم بضيقه : نسيت جوالي !
ضيف الله مبتسم : تفضل !
هديل كانت تناظره وهي تبتسم ، ماتوقعت تتعلق فيه لذي الدرجه بسبب كلامه اللي كان يطرحه كل دقيقه ، واللي كانت تستحي منه ، كان يطرح ابيات شعر عن الحب ، والتعلق ، وماتوقعت تتعلق بسبب قصايد ! ، طلع راجح من البيت وهو لاف شماغه على وجهه والضيقه تعتلي عليه ، قرر وأكد من بكره ان شاء الله يطلع للشرقية ، البنت ماهي له ولا هي مكتوب له ، ضحك بسخريه وقال وهو يفتح شبك الغنم : مين بيقبل فيك وانت خمسيني ، وعندك ثلاث عيال واكبرهم ثلاثيني ! اسكت بس لااحد يسمعك
دخل لشبك الغنم ، عند ضيف الله وبنته ، ضيف الله :ها وش رايك فيه !
تقطع قلب هديل كونها ماتبي فلاح ، ماتطيقه ولا تطيق سماع صوته ، وخصوصا الان الموضوع يجي من ابوها ، قالت بترجي : يبه تكفى الا فلاح !
ضيف الله تنهد وقام :انا عندي شغال اكثر من الموضوع ، فكري وأعطيني رايك لك ثلاث ايام !
تنهدت بضيقه وطلع ابوها ، نظرت للصاله ومررت نظرها من الشباك ، ابتسمت بهدوء وهي تشوف راجح مع الاغنام ، عرفت بيطلعها ترعى ونطت تطلع لعنده ، وقف مصدوم وهو يشوفها جايه لعنده ، لف نظره للجهه الثانيه وقال : وش بغيتي ؟
هديل مبتسمه : بتطلع ترعي الغنم ؟
هز رأسه بعدم اهتمام ، نظرت بفرح وقالت : الله حتى بطلع !
نظر لها وقال : تطلعين ! لا طبعا
انصدمت من رده وقالت :ليه ؟
عض شفايفه وقال بحرج : ماكلمتي عمي ضيف الله !
هديل بسرعه وبفرح : اكلمه الحين بس انتظرني !
هز رأسه بطيب ، وقالت بتحذير : انتظرني !
ابتسم وقال : ماعليك
دخلت لداخل تكلم ابوها ، ضيف الله : لا طبعا !
هديل ب اصرار : ليه ! اخر مره طلعت ارعي الغنم لما كان عمري 20 !
ضيف الله بمزاح : عشر سنين ! قليله
ابتسمت وقالت بترجي : تكفى يايبه خلني اطلع !
ضيف الله بعناد : لا !
تنهدت بحزن وقالت : بكيفك !
كانت تعرف نقطه ضعف ضيف الله، ضيف الله  : بشرط !
قامت بفرح : تدلل كم ضيفو عندنا !
توسعت عيونه بصدمه وقال وهو يضحك : ضيفو ! اسم جديد هذا !
ضحكت وقالت : وش شرطك ؟
ضيف الله : تفكرين بموضوع فلاح !
قالت بعدم اهتمام : ابشر