Obsessed Margarita [COMPLETED]

Chapter 23

MARGARITA

   "GARNET, bangon na." Tinapik ko ito sa braso. "Male-late kana."

"Ayaw ko po pumasok," inaantok na sagot nito. "Mommy, friday naman po eh. Sa Monday na ako papasok,"

"Hindi puwede," tugon ko dito. "Bumangon kana diyan,"

Umiling lang ito at nagtalukbong nang kumot. Sinusumpong na naman siya.

"Garnet, sino bang masusunod sa ating dalawa?" tanong ko dito.

"Ikaw po," sagot nito. "Pero ngayon, ako po."

"Garnet!"

"Ayaw ko nga pasok eh!" inis itong naupo sa kama. Kita ko ang panggigilid ng luha nito. "Program lang din naman meron sa school namin ngayon po eh!"

"Bakit ba ayaw mong pumasok?" mahinahon kong tanong dito. "Sabihin mo kay Mommy."

"Program nga po," sagot nito. "Tapos yung program dapat kasama mo yung Mommy at Daddy mo. Eh, Mommy lang mayroon ako, kaya ayaw ko po pumunta."

"Garnet." Naupo ako sa kama. "Ano naman kung Mommy lang ang mayroon ka? Pwede ka pa rin namang pumunta doon."

Umiling ito. "Ayaw,"

"Maligo kana." Nginitian ko ito. "Tatawagan ko si Aqua, siya ang magiging Daddy mo ngayon."

Lumiwanag ang mukha nito. "Totoo po?"

"Opo,"

Mabilis naman ito bago tumakbo papasok ng banyo. Napasapok na lang ako sa ulo ko nang mawala ito sa paningin ko.

Himala, pumayag maligo mag isa.

"Bakit ba sinabi kong si Aqua?" Napahinga ako nang malalim. "Tatawagan ko siya? Hindi ko nga alam yung number niya eh."

Lumabas ako ng kuwarto at nagtungo sa sala. Nadatnan ko doon sila Mommy na mukhang papaalis na kaya agad ko silang nilapitan.

"Mommy, may number po ba kayo ni Aqua?" tanong ko dito.

"Bakit?" takang tanong niya.

"May program po kasi si Garnet sa school, kailangan daw ng Mommy at Daddy. Naisip kong si Aqua muna ang Daddy niya, tutal malapit naman silang dalawa sa isa't isa," mahabang paliwanag ko. "Wala na akong maisip eh, ayaw pumasok ni Garnet tapos malungkot pa."

Nagkatingin sila ni Daddy.

"Ito yung calling card niya." May inabot sa'king papel si Daddy. "Diyan mo siya i-contact."

Kinuha ko iyon. "Salamat po,"

"Mauna na kami," paalam ni Mommy. "Mag enjoy kayo mamaya."

"Ingat po kayo." Tumango lang sila bago tuluyang lumabas ng bahay.

Umakyat naman ako sa kuwarto dala yung calling card. Naupo ako sa kama at tinawagan yung number ni Aqua.

Nakaka-dalawang ring pa lang ay may sumagot na agad ng tawag.

"Hello?" Napalunok ako nang marinig ko ang malalim nitong boses. "Who's this?"

"A-Aqua?" Bakit ba ako nauutal? Si Aqua lang yan!. "Si Margarita 'to,"

"Hey, babe." Nakarinig ako ng kalabog mula sa kabilang linya. "Miss me?"

"Miss mo mukha mo!" Napairap ako. "Busy ka ba?"

"No," mabilis na sagot nito. "Margareth have no class today, why?"

"Uhm, may parang family day kasi si Garnet sa school. Kailangan daw nang Daddy, pwede ka ba?" Napakagat ako sa ibabang labi. "Ano?"