Blind Date With Mr. Arrogant [FINISHED]

Part 7

Samantala naman, sa halip na umuwi, dinalaw muna ni Anna ang kaibigan niyang si Hyacinth sa secret nitong apartment. Ikinwento niya kung gaano siya na-hassle sa date niya kay Xander, at kung gaano rin ito kayabang.

"I'm sorry for that, Anna. Mabuti at nagawa mong magtimpi, kung ako siguro 'yon, baka nasampal ko na siya," pakli naman ni Hyacinth nang marinig niya ang mga isiniwalat ni Anna na talaga namang nagdudulot pa rin ng hinanakit.

"Pero alam kong hindi mo naman magagawa, syempre, iisipin mo pa rin ang sasabihin ng mommy mo. Ayaw no'n na madismaya ang ka-date mo," sagot naman ni Anna.

"Kaya nga eh. Buti na lang at nandyan ka," ngiting sambit ni Hyacinth at pagkaraan lamang ng ilang minuto, madaling na-sense ni Anna ang biglang pagbabago ng itsura ng kaibigan. Tila bigla itong namilipit sa sakit.

"Anna. Please, dalhin mo ako sa ospital. Ang sakit ng tyan ko," biglang pagdaing ni Hyacinth.

"Wait," natatarantang sagot pa ni Anna saka inalalayan si Hyacinth palabas sa apartment. Nang makarating sa ospital, narinig nilang dalawa ang payo ng doktor na kailangang magpahinga muna ni Hyacinth dahil sa maselan nitong pagbubuntis.

"Kailangan na nating ipagbigay-alam kay Madam Celia ang kalagayan mo, Hyacinth. Huwag na nating hintayin pa ang boyfriend mo," payo naman ni Anna habang nanatiling nakabantay sa kaibigan sa ospital.

"No, Anna. Kilala mo naman ang mom ko, papatayin ako no'n kapag nalaman niya na buntis ako," pagtangis naman ni Hyacinth.

Magsasalita pa sana si Anna ngunit bigla silang nakarinig ng malakas na kalabog dahil sa pwersahang pagbukas ng pinto. Kapwa nagulat sina Hyacinth at Anna dahil si Madam Celia pala ang unexpected visitor. At mas lalong nawindang si Anna dahil sinalubong niya lang naman ang malakas na sampal ng ginang.

"Kailan mo pa tinatago ang totoo? Akala mo ba hindi ko malalaman na ikaw ang nagpakita sa date ni Hyacinth kay Mr. Mayers? Ano pa bang gusto mo? Pinag-aral na nga kita at kinupkop, gusto mo pang maghangad ng iba?" pagalit na sumbat at pagkwestyon ni Madam Celia kay Anna habang sapo nito ang pisngi na namumula sa lakas ng kanyang pagkakasampal.

"At itong pagbubuntis ng anak ko, pinagtakpan mo rin! Kaya pala noong makita kita sa mall na may bitbit na gamit na pambata, nagduda na ako. Buti na lang at pinasundan kita!" nanggagalaiting dagdag ng ginang.

"I'm sorry for doing that. Pero nagsinungaling lang ako para sa kapakanan ng anak mo. Hindi mo siya binigyan ng kalayaang nararapat para sa kanya," katwiran ni Anna pero gayunpaman, itinulak siya ni Madam Celia palayo sa ospital at pinagbawalan mula sa pagkakita kay Hyacinth. Lubos pa siya nang malaman din niya na nalaman din ni Madam Celia na natanggal siya sa trabaho niya sa Poland. Hindi rin siya pinayagang magtrabaho sa corporate industry dahil sa mga koneksyon ni Madam Celia.

Lumipas ang ilang araw, napagtanto niya na kailangan niyang maghanap ng trabaho upang makayanan ang kanyang hindi magandang sitwasyon dahil nahiwalay na siya sa pamilya Sawyer. Bigla niyang naisip si Xander.

"Oo nga pala, nag-offer siya ng trabaho sa'kin. Wala na akong ibang choice at ayoko namang maubos lang ang savings ko," naaawang sambit ni Anna sa kanyang sarili. Kinuha na nga niya mula sa drawer ang calling card na binigay ng binata.

"Sabi ko na nga ba, kahit hindi na kita kulitin, alam kong tatawagan mo pa rin ako dahil maganda ang job offer ko," mapaglarong bungad ni Xander nang tawagan siya ni Anna.

"Didiretsahin na kita, ayaw ko naman talaga na makatrabaho ka, eh. Pero ano pa nga bang magagawa ko? Kailangan ko lang ng trabaho," pigil ang inis na sagot naman ni Anna.

"Since kailangan mo pala ng trabaho. Ano pang hinihintay mo? Magpunta ka sa place ko," maawtoridad na utos naman ni Xander.

"Place mo? Anong gusto mong ipahiwatig sa'kin? Na kaladkarin talaga ako?" inis na balik-tanong ni Anna at ilang saglit pa, biglang natawa naman sa kanya si Xander.

"Huh? Pag sinabi bang place, pribado agad? Hindi ba pwedeng sa office ko ang place na tinutukoy ko?" nakahalakhak na pambubuska ng binata.

"Fine," huling sagot ni Anna bago putulin ang tawag. Nabigyan din siya agad ng instruction ni Xander kung anong oras siya dapat na pumunta para sa interview at salary negotiation. ikinagitla niya ang komosyon sa main building ng kompanya nito. Halos lahat ay nadadamay sa galit ni Xander na naibubuhos nito sa mga empleyadong naroon. Nakita niya kung paano umasta na parang pag-aari ng binata ang buhay ng mga taong sinisigawan nito.

"Malala na talaga siya. Bakit hindi na lang siya mag-stepdown sa kompanya? Lagi na lang niyang pinagagalitan ang ibang wala namang kinalaman sa failures ng kompanya," sabi pa ng isang lalaki na mukhang may mataas namang posisyon sa kompanya.

"Hindi uobra ang ganyang attitude sa'kin," kampanteng wika ni Anna sa kanyang sarili at lakas-loob na sinundan sa elevator si Xander. Madali naman niya itong nasundan at hindi na siya nag-aksaya ng oras upang komprontahin ito.

"Hoy, makipag-usap ka nga sa'kin nang maayos," sabi ni Anna sa bossy na tono ng kanyang pananalita na agad namang nakakuha ng atensyon ni Xander.

"Kung anumang nakita mo kanina, may karapatan akong gawin 'yon dahil anak ako ng may-ari," katwiran naman ni Xander na hindi talaga balak na magpakumbaba man lang nang kahit kaunti.

"But still, wala kang karapatang gawin yun!" Sinagot naman siya ni Anna na may bahid ng galit. Ipinagkibit-balikat ito ni Xander ngunit gayunpaman, nakita niya ang ugali ni Anna bilang isang hamon para sa kanya. Nakarating sila sa opisina na walang ngiti sa kanilang mga labi. Simpleng ngiti lang ang sinalubong ni Anna kay Marty.

"Here's my resume," mahinahong sabi ni Anna at naglagay ng folder sa desk ni Xander.

"Hindi ko na kailangan 'yan. We have to meet Mr. Walsh, I have to close the deal with him pero marami siyang demands. Nakaka-stress na tapos ang laki pa ng expectations nila sa'kin," reklamo ni Xander at halos gustong sumigaw.

"Yan ba ang dahilan kung bakit mo sinisigawan ang mga empleyado mo?" tanong ni Anna. Isang maikling buntong-hininga lang ang natanggap niya mula kay Xander.

"How can you do that to those people who worked hard for your company? Sa tingin mo ba kaya mo lahat kung wala sila?" Tanong ulit ni Anna.

"I don't have time for drama. Marty, prepare the car for me. We have to go to the cruise where Mr. Walsh wants to talk to me," kibit balikat ni Xander at sinulyapan ang kanang kamay niyang empleyado. Tumango lang si Marty.

"I'm sorry for my boss' attitude, Ms. Anna," paumanhin ni Marty nang makaalis si Xander sa opisina.

"What made him like that? Brokenhearted ba siya?" curious na tanong ni Anna.

"Hindi. May mga isyu lang siya sa mga magulang niya. Gusto nilang mamana ni Sir Xander ang kumpanyang ito pero si Sir Xander ay walang interes sa negosyo. Pero ginagawa ng mga magulang niya ang lahat para i-push siya sa pagkuha sa kumpanya," pabulong na paliwanag ni Marty.

"Okay. Salamat Marty, napagdaanan ko na ang ganyang boss at kahit ang umampon sa akin ay kagaya niya. Alam kong kakayanin ko siya," saad ni Anna.