Blind Date With Mr. Arrogant [FINISHED]

Part 8

Natahimik sila nang tuluyan na silang magkalapit ni Xander. Ang awkward para kay Anna, pero at least, unti-unti niya itong sinisikap na kilalanin dahil sa sinabi sa kanya ni Marty. Wala siyang choice kundi pakisamahan na lang si Xander. Napansin niyang nanginginig si Xander sa tabi niya. Parang kinakabahan ito sa 'di maipaliwanag na dahilan.

"Okay ka lang?" untag ni Anna sa binata. Madali namang umiwas ng tingin si Xander na parang walang narinig.

"Ms. Anna, hindi siguro nasabi ni Sir Xander na pupunta tayo sa isang isla. Naroon ang cruise ship ni Mr. Walsh," biglang sabad ni Marty habang nagmamaneho ng sasakyan.

"Ni hindi pa nga ako nakakapirma ng kontrata tapos dadalhin n'yo ako agad sa malayo?" kinakabahang pagkwestyon ni Anna.

"Sa isla na tayo magpirmahan," sagot naman ni Xander na medyo may panginginig sa boses. Hindi niya kayang indahin ang sakit niya ngayon pero pinagmumukha niyang okay ang sarili. Pero hindi naman niya maikakailang napapansin na siya ni Marty kaya hininto muna nito ang sasakyan.

"Kung hindi n'yo pa kaya at masama ang pakiramdam ninyo, huwag na lang tayong tumuloy. Or kami na lang ni Ms. Anna ang pupunta," nahahabag na payo ni Marty.

"No. Tutuloy tayo," mabilis at masungit na sagot ni Xander. Napailing lang si Anna at pinakiramdaman ang susunod na mangyayari sa binata. Hinayaan na lamang niya na matulog ito at hindi maiwasang napasandal ang ulo nito sa kanyang balikat.

"Mukha naman siyang may dinaramdam pero napakama-pride. Pero, nakakaawa siya. But in fairness naman, gwapo siya pag tulog," kibit-balikat na sabi ni Anna sa kanyang isip. Sa loob ng ilang oras na byahe, narating nila ang isla kung saan matatagpuan ang cruise ship ni Mr. Walsh. Hindi pa rin maganda ang pakiramdam ni Xander, pressured siyang makuha ang deal at ilang araw na rin siyang hindi nakakatulog nang maayos.

"Good afternoon," pormal na bati ni Xander. Napansin niyang lumiwanag ang mukha ng kliyente nang makita nito si Anna. Bumati na nga ito sa banyagang wika na hindi maintindihan nina Marty at Xander.

"Pinapasabi ni Mr. Walsh na magandang hapon sa atin kahit hindi naman niya expected na darating tayo. Nakakaabala raw tayo sa kanya," honest na pahayag ni Anna na labis namang ikinainis ni Xander.

"Pakisabi sa kanya na ayaw ko naman talaga siyang maka-deal pero pine-pressure ako ng dad ko kaya huwag na siyang magpa-importante," bagot na sagot naman ni Xander. Sa halip na sundin ang sinabi ng binata, minabuti ni Anna na pagandahin ang mga salita sa harap ng kliyente. Ilang saglit pa ay nagtatawanan na ang dalawa, bagay na hindi mawari ni Xander. Sa palagay niya, siya ang topic ng dalawa at kahit si Marty, clueless din sa sandaling iyon. Tumagal ang pagpapalitan ng usapan nila sa loob ng kalahating minuto. Mukhang gusto ni Mr. Walsh ang pakikipag-communicate ni Anna.

"Pinapasabi ni Mr. Walsh na pipirmahan lang niya ang deal kung sakaling sasamahan natin siyang magbakasyon dahil nandito rin ang asawa niya," nakangiting sambit ni Anna.

"Pero don't worry, I told Mr. Walsh that I'm gonna be the one to tour him with help of Marty. I told him that he must be considerate to you kasi kahit masama ang pakiramdam mo, ginawa pa rin ang effort na ma-push ang negotiation sa kanya," confident na sabi ni Anna kay Xander na may masayang ngiti sa labi.

"Magiging maayos kaya si Marty niyan? How about you? Magagawa mo bang makipag-ayos kay Mr. Walsh nang wala ako?" nag-aalalang tanong ni Xander.

"Huwag kang mag-alala, magkakasundo kami ni Marty. Hinding-hindi ka namin bibiguin," sabi ni Anna at kumpiyansa siyang magagawa niya nang maayos ang kanyang trabaho. Pinilit niyang magkaroon ng sapat na tulog si Xander sa kanyang silid. Makalipas ang ilang araw, nag-enjoy si Anna sa pagiging tour guide kay Mr. Walsh, nalaman din ni Xander na anumang oras ay pipirma si Mr. Walsh ng isang kasunduan sa kanyang kumpanya dahil humanga siya sa tiyaga at magandang ugali ni Anna.

"Thank you for guiding me and my wife, Ms. Anna, I hope that you can go back in Poland sooner and I promise that I will accommodate you and your boyfriend once you visit there," magiliw na sabi ni Mr. Walsh.

"What do you mean? I don't have a boyfriend, sir," nahihiyang sagot naman ni Anna at medyo naisip niyang si Marty ang tinutukoy ni Mr. Walsh na boyfriend niya.

"Mr. Mayers is your boyfriend, am I right? You look like a nice couple. I hope that you and him will end up marrying each other," mapanudyong sagot naman ni Mr. Walsh habang si Marty naman ay napahagikhik lang sa likuran.

"No. He's just my boss, sir. But since we already talked about the agreement, I hope that you can still consider negotiating with us," hopeful na sagot pa ni Anna.

"Ask Mr. Xander about my final word. Anyway, my wife and I will have to catch a flight in the afternoon. We have to leave now. Thank you for your time and tell Mr. Xander Mayers to take care of himself. I'd like to ask your colleague, Marty, to accompany me to the airport since Mr. Mayers allowed me to take him with me for a while," saad naman ni Mr. Walsh na nagpawindang din kay Anna nang biglaan. Kung gustong isama ni Mr. Walsh ang kanang-kamay ni Xander na si Marty, nangangahulugang sila na lang ni Xander ang magkasama sa islang ito. At parang hindi niya kakayanin na makasama ito nang sila lang na dalawa. Pilit ang ngiting ipinakita ni Anna at nang makabalik na nga sila ng landas, naisip ni Anna na kumustahin naman ang kalagayan ni Xander sa private room na kanilang nirentahan.