سكره

سكره قبل الاخيره

سكره قبل الأخيره
***************
سبحان الله والحمد لله ولا إله إلا الله والله اكبر

اللهم إنا نسألك من الخير كله عاجله وآجله ما علمنا منه وما لم نعلم، ونعوذ بك من الشر كله عاجله وآجله ما علمنا منه وما لم نعلم، ونسألك من خير ما سألك به عبدك ونبيك محمد، صلى الله عليه وسلم، ونعوذ بك من شر ما استعاذ منه عبدك ونبيك محمد، صلى الله عليه وسلم.
اللهمّ إنّي أستغيث بك بعدما خذلني كلّ مغيث من البشر، وأستصرخك إذ قعد عنّي كلّ نصير من عبادك، وأطرق بابك بعدما أغلقت الأبواب المرجوّة، اللهمّ إنّك تعلم ما حلّ بي قبل أن أشكوه إليك، فلك الحمد سميعًا بصيرًا لطيفًا قديرًا.
وإنّي لأعلم يا رب أنّ لك يومًا تنتقم فيه من الظالم للمظلوم، وأتيقّن أنّ لك وقتًا تأخذ فيه من الغاصب للمغصوب، ولا يخرج عن قبضتك أحد، ولا تخاف فوت فائت، ولكن ضعفي يبلغ بي على أناتك وانتظار حلمك، فقدرتك يا ربّي فوق كلّ قدرة، وسلطانك غالب على كلّ سلطان، ومعاد كلّ أحد إليك وإن أمهلته، ورجوع كلّ ظالم إليك وإن أنظرته.
اللهم صل وسلم وبارك على سيدنا محمد وعلى آله وصحبه اجمعين

❤❤🧡🧡🧡🧡💛💛💛💛💚💚💙💙💙💙💜💜
عصمت صرخ يلحقو بنته والراجلين طلعو جرى  ونزلوها تحت نيموها على الكنبه .. قرب منها وقعد جمبها : قومى يا شيرى .. قومى يا حبيبتى
أخوه بصله بسخريه وضحك : طلع عندك قلب وبتحب يا عصمت ..عشت وشوفت اليوم  إلا ملهوف فيه على حد 
عصمت تجاهله وبيفوق شيرى بص للحواليه : أعملو أى حاجه البنت هاتروح منى وشها بيصفر
زاهده قربت وبتشممها برفاان وواحد من الا واقفين لطشها قلم عصمت نفسه اتخض منه وشيرى اتعدلت وبقت تصرخ .. حطا إيديها على خدها .. مش عارفه  دا  وجع إيه بالظبط بصت لهم بتوهان وعيطت جااامد : بابى قولى إن الا سمعته غلط قولى
عصمت عيط  وهز راسه بنفى : لاء يا شيرى مش غلط .. لاء .. شاور هو دا عمك هو دا سرى الا دفنته سنين عن الكل ومش قادر أخبيه أكتر من كدا ..  
شيرى بصتله بشر : خليك دفنه عشان أنا الا ها ادفنه بجد وإلا يحصل يحصل .. شاورت على عمها .. أنت عايزنى أطلع للكل وأقول دا عمى ودول أولاده  .. أنت عايز تساوى راسى براسهم .. عايز دول ياخدو تعبى ومجهودى على الجاهززز
عمها زعق : أبوكى إلا خد حقنا بالباطل .. أبوكى إلا بصم أبوه وهو تعبان ومضاه على التنازل عن كل ثروته له .. أبوكى إلا شردنى أنا وأمى وعيشنا فى فقر وجوع وحرم علينا اللقمه النضيفه  .. بيلف صباعه قدام عيونهم فى الهوا .. عمرى إلا فااات كان عامل زى القطر وهو بيمرر على الشريط من كتر ماهو بيجرى وبتتزلزل الأرض من تحته حلفت يا عصمت يوم رجوعك ازلزل الارض من تحتك واكون انا القطر إلا ها يدوس عليك فى كل لحظه .. زعق خلى شيرى اتنفصت من مكانها .. بتحبسنى يا جبان عشان مش قادر تواجهنى .. رامينى بين اربع حيطااان بس صدقنى مش هاتعرف تخلص منى المره دى
شيرى صرخت جااامد  قامت بقت تطرد كل إلا موجودين معاهم برا وقفلت الباب .. بصت لعمها بتحذير وبتنفض إيديها : انا لا اعرفك ولا شفتك ولو بابى حب يظهرك دلوقت انا مش حابه والفرصه دى ولادك مش ها يعيشوها معاياااا .. ياتخرج من هنا على رجلك يا تخرج من هنا على قبرك
عصمت غمض عيونه وافتكر زمان لما قال نفس الكلمه لاخوه وأمه .. ياتخرج على رجلك يا تخرج على قبرك زى ابووك
عمها ضحك بصوت عالى وبيشاور عليها سقف : لا بنت أبوكى بصحيح ..قرب عليها ومسكها من شعرها شدها بعنف وعصمت بيقوم عايز يلحقه  مش قادر وقع فى الأرض وشيرى بتضرب فيه مش قادره عليييه أبدااا
شيرى : ااااه سيبنى يا متوحش سيبنى
عمها بيجز على سنانه : مش ها اسيب حقى وحق أمى ها ادفعك أنتى وابوكى التمن غالى قوووى  .. بص لعصمت .. ها ياعصمت عايز تعمل إيه معايااا تحب اخد روحها ونروح كلنا فى داهيه
عصمت بعياط : ها اعملك إلا انت عايزه سيبها
عمها : نص ثروتك هاتكتبلى نص ثروتك
شيرى لفت وهى بتتوجع وضربته  : سيبنى أنت لايمكن هاتاخد منى جنيه واحد ولا الجرابيع ولادك ها يتهنو فى تعبى ومجهودى
عمها شدها أكتر وضربها كذا قلم ووقعها على الارض جريت أستخبت فى عصمت مش مستوعبه اى حاجه من إلا بتحصل عمرها ماحصلت وحد مد إيده عليها وبوحشيه .. عيطت جاامد وخبت وشها فى أبوها ..
عصمت شاور وبتهديد : على الله تمد إيدك عليها تانى  مسك صدره وبقى ينهج جااامد ويعرق .. أنا تعبان حاسس إن روحى بتنسحب منى
شيرى مسكته : بابى .. بصت لعمها .. أنا بكرهك وبكره اليوم إلا فكرت انزل فيه هنااا .. عمها قرب منها بعدت مسك عصمت قومه وقعده على الكنبه ناوله كوباية ميه يشرب وعصمت بقى يشرب بالهفه .. بص لشيرى .. شايفه كوباية الميه دى كان بيستخسر يشربها لأبوه .. فاكر يا عصمت .. كل دموعى وصريخى ترحم أبوك لا رحمته ولا رحمتنا
عصمت عيط قوووى : خلاص انا ها أكفر عن كل إلا حصل ملكش دعوه بشيرى .. شيرى مش عارفه حاجه
عمها رفع إيده : يبقى نتفق .. أنت تحكى لبنتك .. و.س .. وكل حاجه عملتها وازاى سرقتنا وتردلى دا كله وانا أقولك خلاص مسامح
شيرى بتهز راسها برفض بدأت اعصابها ما تتحملش ... باصه لأبوها ودموعها بتنزل مع شهقااات بتعبر عن رافضها لكل حاجه بتحصل
عصمت بدء يحكى كل الحكايه قدام شيرى شاور على اخوه : البدايه بدأت من عند امه لما خدت مكان امى وعاملتنى بقسوه وقست قلب أبويا علياااا .. كانت ست بخيله علمته البخل وعلمته ازاى يكرهنى .. فى عز مانا بشد طولى وبكبر .. بكبر بمظهر سئ مفيش فى إيدى حاجه وابويا من الأغنياااء المعروفين .. معامله سيئه منه ومن مراته وضرب وحبس .. كل يوم الكره جوايا يكبر ويكبر لحد ما بقى وحش كبير محبوس عايز يخرج عليهم كلهم
اخوه زعق : كانت كل عمايلك غلط ودايما تخالف كلام ابوك وعايز تصرف وبس
عصمت عيط ؛ عشان كان حارمنى وكانت أمك بتقومه عليااا وبتكرهنى وكل ما اروح لأمى .. لازم علقه معتبره .. لازم أتحبس واتحرم من كل حاجه حتى الأكل أوعى تنكر جحود أمك معايا .  أوعى تنكر قسوة ابوووك .. كل دا انا اتربيت عليه .. حلفت لأخد حقى فى كل حاجه راحتكم ..  فلوسكم ..  كل إلا  حرمتونى منه .. اه انا عملت اسوء الحاجات ومضيت ابوك على كل املاكه ليااا بس بعد مانتو خدتو منى أجمل الأيام واحسنها .. سرقتو كل وقت حلو بقضيه جمب أمى ومامتت من قهرها عليااا   .. لكل فعل رد فعل وانت وامك تستحق
اخوه قرب منه وبيشاور على نفسه : أستحق بعد ماكنت بقف جمبك وادخلك الاكل .. أستحق ومصروفى كان بيتقسم بينى وبينك .. استحق أشتغل عامل فى مصنع وتسرحنى منه عشان أشحت  وتحاربنى ..  لحد ما ربنا اراد وأتعينت حكومى عشان سنى صغير  وانت غورت من البلد بس اقسمت اليوم دا يجى وها اخد حقى تالت ومتلت ياعصمت .. بقيت كل شهر أجى أدور حوالين الفيلا اشوفها اتفتحت وإلا لاء بعد ما حولت كل فلوسنا برا البلد وهربت قولت هاترجع لازم هاترجع .. انا عايز حقى إلا سرقته وهربت وبالفوايد يعنى نص ثروتك كلها  .. أنا كاتب لولادى ورقه فيها كل حاجه عنك .. فيها عنوانك .  وفيها بردو تنبيه لو جرالى حاجه هايدورو عليك أنت ويقدمو الكلام دا للشرطه
شيرى ضحكت بسخريه : محدش شافهم ولا حد مهتم لعدم وجودك وسطهم
عمها : مش بالسهوله دى يابنت عصمت .. مش بالسهوله دى .. أنتى ماتعرفنيش لحمى أمر من لحم أبوكى .  علقم يقف فى الزور وليا بدال الحيله ألف .. بص لعصمت .. ناوى والا لاء
عصمت هز راسه : ناوى
أخوه : يبقى تقوم معايا نروح للمحامى وتتنازل عن حقك ليا وبيمسكه يقومه .. ياله يا راجل خلينا نعيش حتى ربع إلا انت عيشته وقومه
وشيرى متنحه واخده وماشى طلعت تجرى وراه .. حبت تعمل اى حيله : خلاص انا ها اروح معاكم ها اوصلكم بعربيتى ثانيه ها اجيب المفتاح ودخلت جابت المفتاح بتمسح دموعها وبتعدل شعرها إلا بيوجعها جدا جدا .. طلعت ركبت وعصمت ركب ورا وجمبه اخوه
*****
سكره داخله الاوضه بصت لمحمد بإستغراب لما لقته بيدور على حاجه فى شنطتها : بتدور على إيه يا محمد
محمد : فين بطاقتك
سكره راحت ناحية الدرج طلعتها وناولتها لمحمد نتشها وقعد على السرير وبيقارنها ببطاقة شيرى .. افتكر لما شاف تشابه الأسماء بينها وبين شيرى وما أهتمش لان سكره شافتها وما علقتش ولا حتى تعرفها    قال مجرد تشابه اسماء من أكتر  ..بصلها : أنتى ليكى عم
سكره بإستغراب : أنا لاء بابا وحيد ملوش إخوات
محمد : انتى متاكده
سكره بتاكيد : ايوا ليه يعنى
محمد طلع صورة  الباسبور بتاع شيرى الا معاه على الفون وبيقولها بصى على الاسم .. وسكره تنحت  : معقول فى تشابه اسماء كبير كدا
محمد بيخبط على الفون : لا لايمكن اكيد الموضوع فيه إنااا .. ليه أبو شيرى دلوقت يطلب يشوف اخوه
سكره قلبها دق بعنف .. معقول ممكن تحصل هى وشيرى يبقو ولاد عم .  لايمكن .. هزت راسها برفض وكانها بتنفض فكره غريبه عن دماغها : لايمكن طبعااا ماتفكرش كتير وتتعبك نفسك
محمد ناولها البطاقه وهو مش مقتنع تماما حاسس إن أختفاء ابوها وراه لغز يخص عصمت خصوصا إن إختفاءه كان بعد وصول شيرى وابوها مصرررر وقاعد يربط الاحداث فى دماغه إلا طول الوقت بتهاجمه..
سكره : محمد بطل تفكير إيه ها يجيب بابا لأبو شيرى ولو بابا له اخ ليه مقالش من زمان دا حتى كان ها يتباهى بوجوده وسطنا بحكم انه راجل ناجح ومعروف
محمد هز راسه : مش عارف بس حاسس إن فى صله بينهم قويه وواضح قوى من الاحداث الا بتحصل وأكيد عصمت تعبان من كدااا بيمر بازمه نفسيه بسبب أبوكى
سكر بصوت هادى ضحكت محمد جامد : هو لازم  يمر بازمه نفسيه لو يعرف بابا
محمد : ههههههه ضربها على راسها براحه .. إيه الراس دى عامله دماغ لوحدها
سكره : ههههههه أنت رخم قوى
محمد بصلها : يالهوى لو طلعتى بنت عمها انتى هاتجيبى مناخيرها الارض مس بعيد تطب ساكته  .. بيمشى إيده فوق راسها .. الروس اتساوت ومحدش احسن من حد
سكره بجديه : أنت لسا بتفكر فى شيرى
محمد : بفكر فيكى ازاى تاخدى حقك من كل إلا حواليكى وكل إلا قلل منك
سكره مطت شفايفها : تفتكر يا محمد لما أسمى يرتبط بشيرى وابوها هو دا الا ها يعلى قدرى عند الناس .. انا حلمت اكون انااا .. أكون حد مميز بأحلامه وطموحه .. قامت وقفت قدامه .. حلمت احقق نجاح كبيررر فى حياتى أوله بيتى وحد يفهمنى ويحتوينى  .. حد لما ابنى البيت دا يبنيه معايا مش يهده بانانيته وتسلطه .. وبعدين نجاح شخصى .. فى تعليمى وبشغلى هو دا الا بيعلى قدرى بين إلا حواليا مش أتكل على اسم فلان أو عيلة علان 
محمد مبتسم : اخيرا سمعت منك كلمتين زى الفل
سكره : ماهو لو بتسمعنى كنت سمعتهم كل يوم بس اقول إيه هو كدا الجواز ودن من طين وودن من عجين
محمد قلب شفته : طين وعجين .. أنا يا بنتى مش عارف اطردك فين تانى ارميكى على السلم برا والا يحصل يحصل
سكره ميلت راسها عليه وبتضحك : مانت الا بتطلع الشرير إلا جوايا
محمد خد راسها تحت دراعه وبيتكى عليها : أطلع روحك أحسن ونرتاح
سكره : هههههه خلاص هتطلعها بجد  زقته .. وسع كدا .. بتعدل شعرها
محمد : بتعدلى إيه هو متكهرب لوحده
سكره : ههههههه بقولك إيه بطل تريقه عليااا وبعدين ماله شعرى يكشى حبه كداهون صغيرن هما الا عاملين قلق
محمد : يكشى تقومى تغورى من هنا عشان ما اعلقيش منه
مليكه داخله لابسه مايوه ومحمد خبط على صدره : يا سوادى
سكره شهقت : الجو تلج يا مليكه حرام عليكى
مليكه : سكرا تعالى إقلع معاك وروح باينو
محمد بصلها وتنح : أنتو مقاضينها سباحه فى البيت ليه بربى فى دببه قطبيه
سكره بنفى : ابدا أبدا دا فى الصيف بنبلبط انا وهى . شلقبت الفصول زى ما بتشقلب الكلام أنت فاهم غلط
بندق جاى ينط ملابساه مايوه من بتاعها القطعه واحده ومحمد قام جرى لف مليكه فى البطنيه وشفايفها بتترعش
سكره : ههههه خد بندق  معاك ها اجيب حاجه تسترهم واجيلك وقامت تجيب هدوم لقت مهزله فى الاوضه كل هدوم مليكه فى الأرض ومدعبسه فى كل حاجه  رجعت لمحمد ومعاه غيار تلبسه لمليكه بصت لها .. كدا يا ملوكه تعملى فى سكر كدا
مليكه : تعملى إيه
سكره : كل يوم ترمى الهدوم فى الارض انتى نوتى
مليكه : لاص يا سكر شيله ارميه سرير فوق
سكره مسكت راسها باستها : أبوس الراس العنب دى بلاش .. بلاااااااش سيبيهم جوا الدولاب أنتى من ساعة ما أبوكى فك رجلك وانتى مش عارفه تعملى فيا إيه وإلا إيه
مليكه : لاص ارميه دولاب شارع
محمد : أنتى يابنتى ماعندكيش وسط
مليكه حطت إيديها على وسطها : وسط بابى صغير هو عندك
محمد : دا وسط البلد الا اقصده وسط فى التفكير
مليكه ضحكت  : وسط بلد عندك تفكير فيييه  راسو نزل تحت
محمد : راسو نزل تحت فين
مليكه : وسط تفكير وبتشاور على وسطها
محمد : يا شيخه .. أحمدك يارب بنتى نبغه
مليكه ضحكت : نبغت يا بابى حبك يا حبيبى  ومطلعه شفايفها قووى .. محمد وطى باسها  وبيلعب فى شعرها
مليكه بتشاور على بطن سكر : سكر بيبى جوا بطنك قول ماء
سكره : بيقول أاااءمش ماء حامل فى معزه
مليكه ضحكت جامد وبصت لمحمد : حامل بعزه جوا بطنك
محمد بص لسكر وضحك : شكلها يابنتى هاترسى على معزه ربنا يستر
سكره : قوم انت وبنتك انا مش ناقصه فارسه
محمد : انتى الا قولتليها انك حامل
سكره بتاكيد : ايوا طبعا عشان اشوف ها تغير من اخوها والا لاء بأهلها
محمد : أستحملى بقى .. اصغر متنمره فى العالم  ... كل ما تطلب طلب منك ها تمئمئلك  هاتناديكى بسكره ماء
مليكه بتنادى وهى بتضحك : سكرا ماء بطنك
سكره بصتلهم الاتنين : يعنى انتو مش هاتجيبوها البر معايا
محمد عامل إيده بشكل طياره : خلاص اقل من اسبوع وتخلصى منى جووووى وبيطير إيده من فوق راسها
سكره كشرت : أنت بتقول إيه هاتسيبنى وتمشى يا محمد
محمد بجديه شال مليكه على رجله : لازم أسيبك و أمشى ها أعمل إيه شغلى وحياتى فى واحد خادمنى فيهم وفى اجازتى إلا مش فى معادها ماقدرش اتاخر عن كدا وبعدين فرح حازم أخر الاسبوع وبيتصل بيا عشرين مره فى اليوم يفكرنى عشان اكون جمبه
سكره كشرت : كان نفسى احضر فرحهم نورا قالتلى .. ياله ربنا يسعدهم يارب
محمد بصلها قلبت وشها ومشيت من قدامه وهى ساكته شال مليكه وراح وراها : سكر
سكره بتوهان : نعم
محمد : انتى زعلانه ليه شخبوط وعدنى ان كلها شهر واحد ونبعتلك ورق الإقامه بتاعتك وساعتها لا هاتفترقى عنى هناك ولا هنااا
سكره ابتسمت : إن شاء الله يا حبيبى أنا بس اتعودت على وجودك جمبى بحس إن الدنيا هاديه معايا
محمد شد شفايفها : إن شاء الله مفيش حاجه وحشه هاتحصل
سكره هزت راسها : إن شاء الله .. طيب انت مش هاتروح مع يونس زى ماوعدته لمجدى ابو منى
محمد بتاكيد : هانروح بكرا ان شاء الله .. أبتسم .. وياستى لقيت له شغل حلو جدا فى شركه كبيره كمان
سكره بفرحه : بجد يامحمد
محمد بتاكيد : ايوا  واستلم شغله إنهارده بعد ما خد ورقة الإعفا من الجيش الحمد لله وكان ها يجيلك بس قالى خليها بكرا 
سكره قربت حضنته جااامد وباسته .  وباست مليكه : ربنا يخليك ليا
مليكه مسكت إيديها من على وش محمد حطتها على وشها هى : خليك ليا معايا انا 
سكره : ههههههه خليكى ليا يا قراشنتى يا جميله  غيوره عايزا الاهتمام ليكى لوحدك
محمد بص لمليكه : بجد
مليكه بتأكيد هزت راسها
محمد : يعنى لما تكبرى هاتبقى قرشانه كبيره
مليكه هزت راسها تانى : رشانه تبييييره حبك .. حب سكر .. حب اوسى ومهندد حب مها وعمو ونورا
محمد ضم حواجبه : عمو مين
مليكه : مش عارف عمو ابويا
محمد : ههههههه جبتى منين أبويا دى
مليكه شاورت على سكر
محمد بصلها : أنا عارف ان دى جابتلك اللغه من الاخر .. يعنى أقول لجدو فتحى ان القرشانه بتحبه
مليكه بتاكيد هزت راسها : حبه أد البحر
محمد : الحمد لله ماطلعتيش بتحبيه زى إبنه أد بندق .. همس لما الجرس رن .  تعالى قوليله بنفسك
سكره بفرحه : عمو فتحى جاى
محمد رايح على الباب : هو جه خلاص .. فتح وسلم على أبوه بحراره فتحى قرب شال مليكه منه .. تعالى يا قلب جدو ما بتسئلش على جدو كدا وسايباه ينفع يعنى
مليكه بحماس : قول حبك عمو جدو
فتحى : هههههه يا ستى كل إلا يجى منك حلو
مليكه بتتحرك جامد وبصت لسكر : وحش جاى سكرا هنا
سكره ضمت حواجبها ومحمد بص لمليكه بتحذير : عيب يا مليكه اسمها تيتيا
مليكه بصت لسكر : تيتا وحش جاى
سهير  بتطلع اخر سلمه وداخله عليهم وشها مقفول ومجبره على مجيها لسكر عشان فتحى حلف لو الخلاف دا مصفيش  ها يسيب البيت ويمشى
سكره قربت سلمت على فتحى وسلمت عليها بهدوء وشاورت : أتفضلى يا طنط
سهير دخلت بتبص يمين وشمال .. شقه ماشاء الله احسن مليون مره من شقق بناتها و أكبر .. سكر واخده بالها من نفسها  قعدت وهى ما بتنطقش بكلمه واحده
سكره بتوتر بتحاول تبان متماسكه : تحبى تشربى إيه يا طنط
محمد : شرب إيه بس هانتغدى مع بعض
سهير رفعت إيديها : معلش يامحمد مش قادره
فتحى : ليه هاتى يا سكر الا عندك ناكل كلنا مع بعض عشان يبقى فى بينا عيش وملح
سهير بإعتراض : انا مش ها اكل ما بقدرش أحط لقمه برا بيتى وانت عارف يافتحى ماتجبرنيش
سكره ابتسمت : خلاص على راحتك طيب اعلمك إيه تشربيه
سهير : ولا حاجه
فتحى بصلها وسكت وهى قالبه وشه قالبه وحشه
محمد مسك إيد سكر وراح على المطبخ : ماتزعليش هى ماما كدا فعلااا .. بس بقولك إيه خليك رويح يابا روجدى
سكره جزت على سنانها ووشها بيطلع نار : مش قادره
محمد بصلها : سكر لو بتحبينى ها تعدى أى حاجه كفايه انها جت مع بابا دا إعجاز هى بتكابر بس أنا عارف ان كل واحد فينا له طاقه لما بتنفذ صعب يتعامل طبيعى مع حد .. ممكن تعدى اليوم
سكره هزت راسها وبوذها شبرين
محمد باس خدها وأبتسم : لو أكلتها هاتدينى كااام
سكره : ههههه ولا حاجه
محمد : ماشى كل الفلوس الا بتنصبى عليا فيها وفى الاخر ولا حاجه طلعى إلا مدكاناه انا راجل شقيان بقف على رجلى بالساعات
سكره قلبت وشها : دانت قاعد على مكتب وبتدى أوامر كمان وبعدين مانت فى اجازه اهووو
محمد ضم حواجبه : كمان طلعتى حقوده .. يعنى حقوده وقرشانه
سكره ضحكت : ماشى شكرا  وقفت سخنت الأكل وبتطلع فيه على السفره هى ومحمد
سهير لوت شفتها وهزت إيديها : شايف إبنك الا ماكنش بيشيل الطبق من قدامه
فتحى بهمس : ملكيش دعوه ربنا يسعده هو مبسوط كدا
سهير بهمس أكتر : نفسى اعرف جابته على بوذه ازاى ماتقولى الوصفه عشان اعملها معاك بدال مانت شادد حيلك عليااا
محمد قرب : ياله يا بابا .. مسك إيد سهير .. ياله ياماما قومى وقبل ما تنطق .. والله لتقومى ها ازعل منك تعالى اقعدى معانا
مليكه : هى قول بوذك جاب
سهير بصدمه بصت لمليكه وفتحى حط إيده على بوئها .. ضحك : اطفال يا محمد احباب الله
محمد أبتسم وبص لأمه ياله قبل ما تئر عليكى بالباقى هى بتسكت بالأكل .. بيشدها .. ياله ..
سكره واقفه عند السفره بتصب الميه قدام كل واحد فى كوبايه  سهير عدت من جمبها وخبطت فيها شوية ميه وقعو على السفره بصتلها : روحى هاتى حاجه أمسحى الميه إلا وقعت منك .. بتكلمها كانها خدامه
سكره بصت لمحمد ومشيت جابت الفوطه بتاعت المطبخ ومسحت الميه وقعدت
سهير شاورت : ماينفعش حد قاعد ياكل وقدامه فوطه المطبخ روحى وديها
محمد مسك سكر الا هاتنفجر من طريقة سهير : خليكى انا كنت قايم وخد الفوطه وغسل إيده ورجع تانى بياكل
سكره تليفونها رن سابتهم و قامت ترد على  المكالمه : الحمد لله يا ماما .. لا يا حبيبتى ولا يهمك اتصلى فى اى وقت .. قاعدين انا محمد وعمو فتحى وطنط سهير نتغدى .. طيب ماشى .. لا لسا مفيش اى اخبار جديده عنه .. قفلت وهى بتقول لها سلام وقعدت تانى بتمد إيديها تاكل لقمه
سهير : هو أبوكى لسا طفشان من البيت
سكره عدلت وشها وبصت لها بصدمه  : مين قال لحضرتك انه طفشان
سهير لوت شفتها : يعنى بنته عملتها قبل كدا يبقى أكيد طفشان ماهو داء فى العيله
فتحى بصلها وذغر : الله ليه كدا
محمد : وبعدين ياماما
سهير قامت : انا قولت مش عايزا اكل بتقعدونى ليييه لو كلامى تقيل على قلبكم أمشى انا مقولتش حاجه قولت الا حصل
سكره لسا هاتقوم محمد مسك إيديها تحت السفره وأتكى عليها بمعنى ماتقوميش  
سكره ابتسمت وبصت لسهير لما فتحى قعدها  : فى افعال  وكلام لناس حوالينا بتجبرنا نسيب لهم الدنيا ونمشى مش نطفش وبس  .. عادى يعنى يا طنط
سهير ضحكت بسخريه : والناس دى  أنا صح تقصدينى أنا
سكر رفعت حاجب ورجعت بصت فى الاكل بتاكل من غير ما ترد عليها
محمد : ماما هى بتتكلم فى المطلق .. وبعدين اقفلو الكلام فى الموضوع دا بعد إذنكم خلو القاعده لطيفه 
فتحى بص لسهير بتحذير : ياريت خلينا ناكل اللقمه احنا جعانين .. بص لمليكه الا بتاكل ومش سائله فى حد فيهم .  والا إيه ياقمرى
مليكه هزت راسها وشالت سامبوسه بتحطها فى بوء فتحى : كل عمو حلو جميل
فتحى كلها وهو بيضحك : تسلم إيدك أنتى الا عملاها
مليكه بتاكيد : عملاها حط جبنه سكرا لف كدا
فتحى مسك وشها هزه : إيه الجمال والشاطره دى
سهير بصلها وبتضحك : كويس انها بتعلمك حاجه تنفعك لما تكبرى  هاتساعديها زى ماهى كانت بتعمل مع مرات ابوها
سكره أبتسمت : كتر خيرها علمتنى كتير فعلااا واول إلا اتعلمته انى اصبر ازاى احافظ على بيتى
سهير هزت راسها : طبعااا يا حبيبتى الحياه فرص
سكره حطت إيديها على محمد : عندك حق يا طنط والحمد لله ربنا بعتلى أحسن فرصه فى حياتى .. دوقى الملوخيه محمد قالى انك ما بتقدريش تقاوميها هاتعجلك
فتحى بياكل : فعلا يا سهير طعمها خطير كلى
محمد شال لقمه وبيحطها فى بوء سهير : ماتكسفيش إيدى ياماما
سهير فتحت بوئها وكلتها وهى بتاكل سكر بعيونها ..  
خلصو أكل وسكر عملت شاااى وقاعده معاهم  
سهير : مش هاتفرجنى على الشقه يامحمد
محمد قام بحماس : طبعا يا ماما تعالى يا حبيبتى هاتعجبك قوووى
وسكره برقت وتنحت هاتحفل عليها لو دخلت اوضة مليكه قامت معاهم : اتفضلى يا طنط تعالى
سهير بصت لها بجمب عنيها ومشيت ورا محمد وسكر بتبرق له .. فتح اوضتين من ضمنهم اوضة النوم ورايح على أوضة مليكه لسا ها يفتحها برقت وشاورت قام رازع الباب قفله وضحك  : ها هاهااااا
سهير بخضه : فى إيه يا محمد
محمد : هههههه بندق يا ماما جوا عنده حاله نفسيه حابسينه
سهير : يالهوى وسايبه ليه يا محمد ما تطرده  ارميه برا
مليكه نزلت جرى وقلبت وشها ومحجزه على باب الأوضه وبتكلم سهير بعصبيه : برا أنت بدنق لاء
محمد حط إيده على بوئها : روحى يا ماما
سهير شاورت : بتقول إيه دى
سكره ضحكت :  بتقولك هو برا وانتى لاء  كلامها مكسر يا طنط تعالى اتفضلى عندنا بلكونه بجرررى تحفه
سهير برقت : إلحق مراتك عايزا تجيبلى لطشة برد
سكره : هههه إيه دا إحنا فى الشتا ياخبر إمال الجو قفل ليه كدا مره واحده
مر الوقت ببطئ على سكر لحد ما سهير مشيت من عندهااا ..الضيف التقيل الوقت بيمر معاه بصعوبه وتقل زيه تمام  فى ناس بترمى إتهامات وكلام دبش وهى شايفه نفسها صح دايما تتكلم على عيوب غيرها حتى لو بالباطل وتنسى عيوبها طريقتها
**
أنس مع كريمه فى إنجلترا .. بيلف بيها وكريمه بصاله : إيه الجو دا يابنى لاء انا مش واخده على كدا
أنس : ياماما مانتى لابسه تقيل
كريمه : لو لبستنى مرتبه مش هاتدفينى .. رجعنى البيت يا أنس والا مشينى من هنا مش ها اتحمل قاعده فى البلد دى أكتر من كدا
أنس : بقولك إيه انا جايبك عشان اوريكى العروسه الا عايز اتجوزها قولت لبابا قالى خد رأى أمك وافقت اتوكل على الله
كريمه بقت تتلفت يمين وشمال : فين العروسه  مش شايفه حد بيتكلم عربى
أنس : ههههه هى عايشه هنا ياماما اتعرفت عليها فى رحتلى الأخيره وعجبتنى .. انا ها أشتغل وأستقر فى انجلترا  واتجوزها بعتالى عروض ما تترفدش
كريمه قلبت : هى هاتخطفك مننا طول العمر .. انا استنى دا كله  يا انس عشان تبعد عنى  وتتجوز اجنبيه لا من دينك ولا اخلاقها وطباعها زينا
أنس : ياستى من دينى الحمد لله وبعدين مالهم الاجانب كل واحد له طبعه ياماما وبما إنى قادر اتواصل معاها وبتفهمنى وبفهمها يبقى مفيش مشكله
كريمه بزعل : روحنى يا أنس انا تعبت من الجو مش قادره اتحمله
أنس بطاعه : حاضر هانرجع الفندق دلوقت بس ماردتيش عليا هى عايزا تشوفك
كريمه بإصرار : روحنى وبعدين نتكلم .. خدها ورجع بيها تانى عملها حاجه دافيه وشغل الدفايه قعدها قدامها وقعد جمبها ناولها المج بتاعها وبيشرب هو فى المج بتاعه .. ها ياماما رأيك إيك
كريمه بحزن : عايز تسيبنى وتمشى بعد ما رسمتلى احلام وها اشترى شقه وعربيه
أنس هز راسه : بعتالى عروض حلوه جدا هنا فى شريكات الطيران ودى فرصه مش هاتتعوض تانى
كريمه بصتله : إلا مش هايتعوض  حقيقى يابنى هى لحظه واحده وانت فى حضنى ومعايا ووجودك وسطنا .. البيت بيبقى فى بعدك الفتره الا بتغيبها عننا خربان مهجور ... عايز تهاجر على طول وتسيبنا كلنا  طب عمرو إلا كل ما يعرف بوجودك يجى جرى يقعد معاك وساعات يودى مراته عند امه عشان يبات فى حضنك يوم واحد
أنس أتنهد وسكت
كريمه مسكت إيده : ماتسبنيش يا أنس مصر مليانه بنات إشمعنا هنا
أنس بصلها : مش حاسس انى لاقى نفسى مع واحده هناك  دى انا ارتحت لها وشايف نفسى معاها
كريمه هزت راسها باستسلام : ربنا يسعدك
أنس قعد وقت يفكر فى كلام أمه .. ولما لقائها واخده جمب ونايمه لوحدها فى الاوضه دخل عليها .. قعد جمبها بهدوء : إيه رأيك يا ست الكل أعرض عليها نتجوز ونعيش فى مصر
كريمه اتعدلت بفرحه ؛ ماشى حل كويس بس ماتقعدش هنا أبدا وتسيبنى
أنس ابتسم وباس راسها : ها احاول بس لو ما نفعش وافقى وماتزعلنيش واكيد ها انزل ازورك ياماما واقعد معاكى شويه ........
كريمه برفض للفكره نفسها هزت راسها بمرار نفسها تقوله انا عايزاك تزور قبرى لما اموت وأتونس بوجودك وانت بتدعيلى قدامه زى ماكنت بتونس بوجودك وانا عايشه بس مش قادره تقولها ولا تطلعها من بوئها كاتمه العياط بالعافيه
انس : مالك ياماما
كريمه : ولا حاجه يا حبيبى
أنس قرب منها : متاكده ان مفيش حاجه عايزا تقوليها ليااا .. أبتسم .. اوعى تكونى حنيتى لأمجد
كريمه بصتله : أبدا أبوك بقى اخ بس حنينى ليك انت واخواتك كبير .. حطت إيديها على وشه وبرجاااء .. ماتسبنيش يا أنس خليك جمبى انت فاهمنى عن إخواتك وقريب منى واخرة صبرى
أنس باس إيديها وخدها فى حضنه : يا حبيبتى شغلى كدا كدا بيفرض عليا السفر
كريمه : مش على طول مره اه وعشره لاء
انس : طيب نسيب الموضوع دا لحد ما أقابل فاطمه
كريمه ابتسمت : أسمها فاطمه
انس هز راسه والابتسامه على وشه : هاتحبيها لما تشوفيها جداااا .  انسانه بسيطه وتعاملها سهل يعنى ماروحناش بعيد
كريمه : ربنا يسعدك واطمن عليك بس حاول معاها تيجى وتعيش معانا ووسطنا
أنس هز راسه : حاضر ها احاول
**
يونس داخل الشقه فرحان : ماما .. باركيلى
زنوبه ابتسمت : خير يا حبيبى
يونس : اتعينت فى شركه كبيره بمررتب خمستلاف  فى الشهر
زنوبه زغرطت : لولولولى .. مبروك يا قلبى
يونس تنح وبصلها افتكرها هاتعيط زى ما بتعمل وتقول فينك يازيد بس لاء فى إناااا  فى الموضوع : ماما بتزغرطى وبابا مانعرفش عنه حاجه
زنوبه تنحت  :. يعنى مانفرحش وهو موجود ومانفرحش لما سابنا هى دى هاتبقى عيشه
يونس قعد : غريبه كنتى كل يوم تعيطى وزعلانه ودلوقت مش هامك فى إيه
زنوبه : يعنى هانفضل ملهوفين عليه لأمتى تلاقيه سابنا وراح أتجوز وعايش حياته
يونس هز راسه وسكت .. قام داخل اوضته
زنوبه : مش هاتاكل
يونس بصلها  : ها أكل إيه
زنوبه أبتسمت : أنا جبت فرخه مشويه ونص كباب ونص كفته
يونس بصدمه : منين كنت لسا بسألك من كام يوم وقولتى لولا الحاجات الا بتجيبها سكره مش هانلاقى ناكل
زنوبه بتوتر : هااا.. أصل بعت حلق أمى إلا كانت مديهولى اعمل إيه نفضل مستنين سكر تبر علينا
يونس لاحظ تغير كبير فى طريقتها حتى فى الكلام عن سكر ودعاويها لها قالها ماشى هاتيهم أنا جعان
زنوبه جريت : لحظه اسخنهم فى الفرن تلجووو
يونس استغل انها راحت المطبخ ودخل الاوضه وبيدور فى الدولاب لقى الحلق بتاعها مكان ماهى حاطاه .. رفع حواجبه بإستغراب وحطه فى جيبه بقى يدور فى كل حته .
زنوبه دخلت عليه : بتعمل إيه يايونس
يونس لف لها وطلع الحلق قدام عيونها : حلق امك يا أمااا
زنوبه برقت  فكرت لحظه : كان فى واحد غيره
يونس : اما ماتكدبيش عليا انا شايفك جايبه حاجات كتير فى البيت وسكت قولت يمكن من إخواتها .. ديق عيونه .. أنتى لاقيتى فلوس ابويا صح
زنوبه برقت : نعم أبوك .. انت تعرف ان أبوك عنده فلوس ومخبى  .. جريت قعدت على السرير .. دى فلوسى وحقى ابوك ملوش حاجه
يونس رفع راسه وغمض عيونه وقلبه وجعه قوووى : يبقى أبويا جراله حاجه
زنوبه نطرت إيديها : يغور فى داهيه كفايه علينا لحد كدا أن الأوان أنا وانت نعيش ونصرف ونتهنى بحقنا منه
يونس من غير ولا كلمه زياده : فين الفلوس
زنوبه حطت إيديها على المرتبه تلقائى : مش هاتاخد حاجه يايونس دا حقى مش ها اتنازل عنه فاهم وزعقت فى وشه .. انا لازم اعيش حياتى وأصرف وانت كمان يا ضنايا مش نفسك تتجوز منى ها اجوزهالك
يونس فهم ان الفلوس تحت المرتبه بيرفعها وزنوبه بتنزلها تانى وهى بتصرخ وتقول محدش هاياخد حقى منى 
يونس رفع إيده وبهدوء : إهدى يا ماما
زنوبه بعياط : لاء يا يونس ماتعملش فيا كدا أنت ماتعرفش كان بيحصل فيا إيه سواء فى بيت ابويا والا هنا لولا ستك كانت بتحن وتبر عليا كان زمانى مادا إيدى للناس ابوك دا راجل ظالم .. عيطت قوى .. لما يبقى معاه دا كله وحارمنى وحارمك وحارم بنته ومشغلها وعاين كل قرش ..  كان بيمشبها بالهدوم مرقعه وانا اديها من عندى تلبس يبقى دا جذائى دا حقى يابنى .. عيطت قوى وحطت راسها على المرتبه .. والله حقى
يونس رمى نفسه عليها وعيط : بس يا امااا أنا مش ها احرمك نطمن عليه والا نشوف جراله إيه والفلوس دى تتوزع بعدل ربنا بينا إحنا التلاته
زنوبه اتعدلت : لا سكر مش محتاجه .. سكر لقت إلا يحن عليها ويصرف ومش مخليها تبربش بعيونها .. بص انا وانت اجوزك وأشترليك الشقه بعيد عن هنا أدام مجدى مش عايزك معايااا وانا أعيش واصرف
يونس قعد جمبها : يعنى يوم ما ربنا يبعت لنا الرزق ناكل مال اختى ونتمرمغ فى الحرام .. مهما جوزها صرف عليها بس مفيش فى إيديها حاجه مفيش قرش بتاعها يسندها من غدر الا حواليها .. طب افتكرى ان أول حد وقف جمبنا هى صح
زنوبه بعياط ميلت راسها : صح
يونس باس راسها : أبوس راسك بلاش ربنا إدانا فرصه مش عايز اقولك انا كنت بموووت .. العساكر ملمومين حواليا وبيتشاهدو .. انا شفت الموت بعينى ربنا نجانى عشانك عشان توبتى وصفتى قلبك عشان أعيش العمر جمبك لو ليا عمر
زنوبه مسحت وشها وقالت بصوت مخنوق ببتسامه : انت حافظ الكلام دا منين ياواد
يونس أبتسم : الحمد لله كل ماكنتى تطردى سكر والا تنزليها تصلى تاخدنى فى إيديها  بعد العصر يا زنوبه كنت احضر الدرس معاها وسط البنات وبيضحك .. كانو بيسيبونى عشان صغير وكدا بس على مين هو انا وقعت  منى ازاى
زنوبه شهقت : ازاى
يونس ضحك : كنت عامل فيها إمام الجامع هههههههه والهبله صدقت وكل ما اقول لها يمين يمين شمال شمال
زنوبه ضمت حواحبها : ليه كان عندك كام سنه
يونس ضحك بصوت عالى قوووى : كنت فى سادسه إبتدائى وهى فى خامسه ههههههه
زنوبه : ههههههه وكنت إمام جامع فى السن دا يا واد
يونس : البنات هبله يا امااا كنت احفظ الكلمتين من إلا بتديهم الدرس وأسمعهم لها فى جمب كانو سايبنى عشان جسمى كان صغير الا يشوفنى يقول اصغر منها شفتى يا أما بحبها من امتى
زنوبه : ربنا ما يورينى فيك شر يا ضنايا  أبدا أبدا وتنول مرادك .. رفعت ايدبها .. الحمد لله يارب الحمد لله ..
يونس بصلها : ممكن اخد الفلوس لحد ما نعرف اى حاجه عن أبويا
زنوبه : ولو ماعرفناش
يونس بيريحها ؛ هانقسمها
زنوبه رفعت المرتبه ويونس رفع معاها ووقف اتصدم صدمة عمره ما اتخيلش ان الفلوس بقت كتير قوووى كدا روزم روزم واضح ان زيد كان بيصححهم أول باول عشان يقل حجهم ويكتر عددهم كل ما يحط عليهم زياده .. لم الفلوس كلها وشالها بقى خااايف امانه كبيره فى راقبته وفتنه عظيمه ممكن الواحد يضعف قدامها ربنا يكفينا شرها
**

شيرى ماشيه  بالعربيه كل تفكيرها تمنع ابوها ازاى انه يكتب لأخوه مليم واحد وفى نفس الوقت تطلع عمها من حياتهم للأبد لايمكن تطلع تعترف بيهم زى ماقال وسمعته ويقول دا اخويا ودول ولاده ..  لايمكن الروس تتساوى أبداااا
عصمت قاعد ورا جمب اخوه طلع الفون وبيتكلم مع المحامى بتاعه فى مصررر يجهز عقود بالتنازل عن الفيلا ونص امواله إلا فى البنك
أخوه هز راسه : مش كفايه .. فلوسك انت هاتحولها ليااا بس املاكك وشريكاتك مش ها اقبل أقل من النص يا عصمت .. النص
عصمت بصله : انا قولتلك ها اديك حقك من نفسى مش عشان انت لاوى دراعى بحاجه كان ممكن أسيبك فى المخزن لحد ما تموت ماحدش يعرف عنك حاجه بس انا كنت محافظ عليك كل همى الفتره الا ها أقعدها فى مصر ماقعدهاش بمشاكل وأمشى وأئمرهم يسيبوك .. انت ما جبرتنيش على حاجه
أخوه : ولما هو كدا غيرت رأيك لييييه وخليتهم يجيبونى على الفيلا ..
عصمت : عشان ارتاح إلا بيعمل حاجه ما بينسهاش طول عمره .. عايز شيرى تتنقل فى كل مكان بحريه وتعيش حياتها من بعدى من غير مشاكل ما تصعبش الأمور علينااا
زيد زعق خض شيرى : بالسهوله دى .. أزية الناس سنين وعايز تكفر عن ذنوبك فى حقنا  بالسهوله دى لا يا حبيبى بما انك نويت تدينى حقى يبقى تدهلولى زى مانا عايز مش زى مانت عايز
شيرى باصه لأبوها فى المرايه : إلا بتعمله دا أسمه جنون وانا مش ها اسمحلك تتنازل للراجل دا عن قرش واحد
عمها مسكها شدها من شعرها : أنتى تخرسى خالص
عصمت بيشد إيده : سيبها ماتمدش إيدك عليها
شيرى وهى سايقه بقت تصرخ سابت الدركسيووون ومسكت إيده وفى لحظه فااارقه ووقت بلمح البصر العربيه دخلت بسرعتها فى السور الخراسانى وطارت نزات لفت كذا لفه فى الارض .. بعد وقت من الضجيج .. سكوت وهدوء بدأت الناس تتلم وتعدل العربيه وتخرجهم واحد ورا التااانى .. نقلوهم لاقرب مشفى وسلمو حاجتهم فى الإستقبال .. الخبر أنتشر بشكل واسع وكبير لما عرفو هوية كل الموجودين .. رجل الاعمال عصمت الدمنهورى وإبنته واخوه .. محمد لما عرف لبس ونزل جررررى كلم فتحى قاله وخده وراح المشفى إلا هما فيها .. وبعض من رجال الأعمال الكبار إلا ليهم علاقه بعصمت والصحافه والإعلام ..
فتحى : حالته واضح انها وحشه يا محمد هو وبنته طب اخوه فين  مات
محمد : هايطلع من العمليااات حالا يا بابا .. وقف بتوتر .. ربنا يعديها على خير  ومنتظر يشوف اخوه بفارغ الصبر عايزا يتاكد شكوكه صح والا غلط

❤🧡🧡🧡🧡🧡
بقلم : لبنى طارق
💚💚💙💙💜💜💜