سكره

سكره ٢٨

سكره ٢٨
💚💙💜💜❤🧡💛
اللهم اشرح صدور أولادنا  ولين قلوبهم ورقق طبعهم واهديهم واجعلهم هادين مهدين
اللهم اهديهم لاحسن الاخلاق لا يهدي لأحسنها الا انت واصرف عنهم سيئها لا يصرف عنهم سيئها الا انت 
اللهم اعذهم من الشقاق والنفاق والعناد وسوء الأخلاق
❤🧡🧡💛💚💚💚💚💙💙💜💜🤎🤎❤🧡🧡💛
سكره وقفت أتسمرت مكانها بقت مش عارفه تقول إيه أو تعمل إيه بجد أخر واحد أتمنت تشوفه بعد ماترجع مش عايزا تحس بنظرات كلها لوم وعتاااب أو حتى بوح بمشاعر مش فى وقتها ولا تنفع تتقال هربت منه فى دبى تقوم تشوفه هو أول واحد هنا
أنس أبتسم بمرار لما حس بيها وبحيرتها وقرر يمثل إنه تجاوزها تماما وبتهليل : هاتفضلى متنحه كتير دا بدال ماتدخلى فى حضن أخوووكى ونقول حمدالله على السلااام وحشتينا كلناااا  يا هاربه
سكره ببتسامه سلمت : عامل إيه يا أنس يارب تكون بخير
أنس رد بعفويه وغصب عنه : بخير طول ما أنتى بخيررر .. أحممم .. نورتى بيتك ونورتى حياتنا كلنااا من تانى .. تعالى أدخلى  دى أحلى مفاجأه ممكن نتفاجئها سعتك
سكره ضحكت بهدوء عكس التوتر إلا حاسه بيه
لسا هاتوطى تشيل الشنط مد إيده : سيبى انا ها أدخلهم أدخلى براحه كدا وأتسحبى زى زمان وخضى مهااا دى هاتطير من فرحتها .. ياله طريقك أخضر على المطبخ
سكره أبتسمت وفعلا سابت كل حاجه وداخله تتسحب .. قربت منها ببطئ وقلبها بيدق بعنف معقول ها أبقى فى حضن أمى أخييييرااا  .. معقول هايجمعنا سرير واحد حتى لو ليوم .. يوم كنت أتمنى أنام معاها .. أبات وأحس بحنانها وحضنها وهو بيضمنى  .. بكلامها وهمسها .. حتى زعقها وشخطها فيااا ونرفزتها عليااا  ..قربت ببطى لا صرخت ولا نطت زى مابتعمل حضنتها بقووووه غريبه من ضهرها وبتشم ريحتها وهى مغمضه عيونها كأنهم سنين ماشفوش بعض .. قالت بصوت هامس ممزوج بدموع الفرحه .. وحشتينى يا أجمل مها فى الدنيااا
مها شهقت ومسكت إيد سكره وهى مبرقه وفاتحه بوئها من إحساسها إنها بتحلم أو تهيؤات وأتبدل الوضع  فى اللحظه دى صرخت بأعلى صوت : سكره .. يابنتى يا حبيبتى .. لفت وضمتها وهى بتعيط بحرقه .. وحشتينى .. مسكت وشها وفضلت تبوس فيها لحد ما شبعت ..
هنا أمجد أتدخل وشدها : وسعى هاتاكلى البت حرام عليكى
أنس وسكره برغم الدموع ضحكو
أمجد فاتح إيده : تعالى فى حضن عمك أمجد وإلا بردو هاتتكسفى وتجرى
سكره بدون تفكير حضنته حضن أبوووى : يا حبيبى ياعمو وحشتنى
أمجد : وأنتى أكتر يا سكره يا مسكره.. تعالى تعالى ورينى الحلاوه والجمال إحلوينااا قوى زياده عن حلاوتنااا كمان الله أكبر
مها بعياط مسكت فيها : سيبهالى يا أمجد شويه عايزا أشبع منها
أمحد نطر إيده : هى عروسه لعبه يامها .. تعالى كلنا نشبع ولا يهمك
كلهم : هههههههههههه
خرجو كلهم وقعدووو وكل شويه مها تسألها عن أحوالها ومحمد وعيشتها هناااك وأنس بيسمع وشايف حماس سكره.. برغم إنه فرحان لها بس إحساس عجز القلب وكسره وحش .. بيقول ياريتنى ما عديت عليهم إنهارده ولا شفتها ..قام وقف والعيون كلها أتسلطت عليه : معلش يا جماعه كان نفسى أقعد بس للأسف مسافر إنهارده يدوب أجهز حالى
مها بصدمه : إيه دا يعنى مش المفروض هاتتغدى معانا
أنس ببتسامه : مره تانيه يا مها الجايات كتير إن شاء الله .. بصلها وكأنها نظره أخيره بتودع الحب وبتودع أيااام جميله لازم ينساها ويعيش واقعه  .. حمد الله على السلامه يا سكره وأشوف وشك بخير
سكره ببتسامه : الله يسلمك يا أنس خلى بالك من نفسك وأرجع بسرعه
أنس هز راسه : إن شاء الله .. مد إيده سلم على أبوه ونزل على طول.. لاء هرب بسرعه من مشاعره ومن ضعفه قدامها صعب عليه الموقف كله مهما كان مشاعره لسا بتنبض بحبها
مها مسكت إيديها الأتنين : ياقلب أمك  هاتصدقينى لو قولتلك بعد الساعات والدقايق والأيااام عشان أضمك وأخدك تحت دراعى
سكره أترمت فى حضنها : نفس إحساسى يا ماما بالظبط وحشتينى قوى ووحشنى صوتك وانفاسك وكل حاجه فيكى  .. أتعدلت وبحماس طفولى .. نيمينى فى حضنك إنهارده
مها بضحكه : إنهارده بس .. لاء دا إنهارده وكل يوم وكل ساعه
أمجد : الله الله دا الموضوع قلب بجد .. وأنا أهاجر اليومين دول على ماتشبعو نوووم إن شاء الله
مها وسكره : ههههههههه
سكره بصلته : معلش ياعمو هانتقال عليك اليومين دول بس
أمجد بضحكه نطر إيده : إتقالى يا ستى ولا يهمك اخرك أسبوع وتنامى فى اوضه وأمك فى أوضه
سكره بصت لمها بشوق : وأنا موافقه
أمجد : إيه يا مها مش هاتقومى تشوفى الأكل ليتحرق
مها شهقت وقامت : صح والله من فرحتى نسيت اصلا كل حاجه وجريت على المطبخ
أمجد : طيرتى البرج إلا فاضل لها انا بلصم فيها بالعافيه
سكره : ربنا يخليكو لبعض ياعمو
أمجد : يارب يا حبيبتى بصى بقى أنا ها انزل أجيب السوبيا والدوووم إلا بتعشقيهم من إيدى ونجهزهم مع بعض
سكره : لا ما تتعبش نفسك يجو يوم تانى أنا قاعده
أمجد قااام : لا والله ما يحصل أنا ها أنزل حالا على ما مها تخلص الفطار مش بعيد وسابها ونزل هو كمان ..
خدت نفس عميييق وخرجته بهدوء .. مسكت الفووون بتبص له ومتردده .. تتصل بيه تعرفه برجوعها وإلا تصبر شويه مش عايزا أبوها ومراته يعرفووو .. حبها الكبير وإرتباطها بيه غلبها وأفتكرت لما كلمها وأعتذر لها وفضل يعيط عشان بعد عنها الوقت دا كله .. أتصلت وانتظرت يرد
رد بلهفه عليها : حبيبتى كنت لسا بفكر فيكى
سكره بدموع : وحشتنى يا يونس
يونس بخنقه : أنتى أكتر 
سكره مسحت دموعها : شكلك برا
يونس بتأكيد : أيوا رايح الجيش لسا نازل من البيت
سكره بالهفه : عايزا أشوفك قبل ماتمشى ممكن
يونس بص على الرقم : هاتشوفينى أزاى وأنتى برا مصر حتى الرقم دولى
سكره : أنا لسا نازله حالا عند ماما محدش يعرف غيرك ولا قولت حتى لماما .. حولت الرقم جوال  مؤقتا على ما اجيب خط ..ها اشوفك
يونس بفرحه : طبعااا أنا جايلك .. مش هاتصدقينى لو قولتلك إنى نازل رايح على الجيش قبل معادى من كتر زهقى اخر حاجه جت فى بالى إنى اشوفك وأقابلك ووقتى دا يكون من نصيبك أنتى
سكره بفرحه : لاء خليك ها أنزل اقابلك تحت عايزا أتكلم معاك وأشبع منك محدش يكون معانا يعنى براحتنا .. هااا أجيلك فين
يونس بنفس الفرحه والحماس : إيه رايك فى جنينتنا
سكره : هههههههه ماشى عشر دقايق وهاتلاقينى هناك
يونس : ها استنى على نار ياله بسرعه
سكره بتأكيد : حاضر ..قفلت ونادت بصوت عالى : ماما أنا نازله
مها طلعت جرى : نازله فين
سكره : ها أقابل يونس قبل مايروح الجيش
مها : ماتخليه يجى هنا خليكى أوعى تنزلى لابوكى يشوفك
سكره : معلش ياماما ها اقبله برا واجيلك ماتقلقيش عليا .. نتشت شنطتها .. ياله سلاااام
مها : يابنتى .. طيب على مهلك وأوعى أبوكى يعرف إنك هنا مش عايزين عكننه نفسى أشبع منك
سكره بصوت عالى : حاضر ..وقفت تاكسى وركبت ومشيت على طول وصلت بعد وقت إتفاجئت بيونس واقف على باب الجنينه .. حاسبت التاكسى وقربت منه جرى خدها فى حضنه بدون تفكير .. حضن قوى لدرجة إنه لفت إنتباه الناس له
واحد معدى : عيب عليك يأخى لم نفسك إنت وهى
سكره  بصتله ومسكت إيد يونس بتهديه : والله ياعمو أخويا وأنا لسا راجعه من السفر مش أكتر من كدا وحشنى
يونس : انتى هاتحكيله ما يندعق .. شدها .. تعالى نقعد جوا  وبهزار .. يالهوى مش شايف شنط هدايا ولا حته من برج خليفه فى إيدك
سكره : ههههههه والله كان بودى أجيبلك برج خليفه نفسه بس نعمل إيه بقى .. مشيت معاه .. على فكره هديتك وهدية منى موجوده لما تنزل بالسلامه الاجازه الجايه تيجى لأختك جررى فاهم
يونس ببتسامه : لا أدام فيها هديه دانا أجرى وأجرى أى حد قدامى .. قطع التذاكر ودخلو جنينه بسيطه عاشو أحلى ايام فيها من جرى ولعب وهما صغيرين وخصوصا لما كان يهربها من تحت إيد زنوبه وأبوه .. قعدو قصاد بعض وهى بصاله وساكته وهو كمان نفس الوضع وكأن الكلام مايوفيش حق اللحظه دى .. أتكلمو فى صوت واحد : وأنت وأنتى
ههههههههههه
سكره هزت راسها : ها عايز تقول إيه وحشنى أسألتك وكلامك معايااا
يونس أبتسم : عامله إيه فى الجوازه إلا أتكتبت عليكى غصب
سكره خدت نفس : ساعات كتير بنكره حاجات حوالينا يا يونس ولما بنتعامل معاها بنتفاجئ إن دا الإختيار الصح  مهما كان وجعك منها   كله بيهون لما بتحس إنك لقيت نفسك فيها ومعاها
يونس : وأنتى لقيتى نفسك وإلا كلام بتضحكى بيه على إلا حواليكى زى ما متعود منك .. تدايقى وتقولى أنا مبسوطه .. تنضربى وتقولى حاجه بسيطه .. يسلبو حقك حتى فى الكلمه وتقولى كنت ها أعمل إيه بالكلام
سكره بضحكه : حيلك حيلك .. انا فعلا الحمد لله مبسوطه وبترجى من ربنا افضل كدا على طول أنا عارفه إن الحياه مش حلوه بإستمرار ولا وحشه بإستمرار   بس بتمنى أفضل كدا إبتسامتها وسعت أكتر .. هو عرف يبسطنى إزاى ويكسب ثقتى فيه
يونس باصص فى عيونها : بجد يا سكره
سكره بتأكيد :  بجد .. محمد إنسان محترم وكويس ودا لمسته فى تصرفاته كلها وبيتهيئلى مفيش أحسن من إنك تقع فى حد محترم
يونس نطر إيده : بطلى كلام منمق .. قولى حبتيه وإلا لسا بتراجعى حسباتك
سكره : ههههههه .. ردت بإحراج .. ايوا جبيته جدا .. المهم أنت ناوى نفرح فيك أمتى
يونس اتنهد بحزن : شكلها كدا هاتتفشكل
سكره شهقت : ليه كدا
يونس أبتسم بسخريه من نفسه ومن ظروفه إلا معانده دايما : هايكون ليه واحد مش عارف موقفه من الجيش ومش معاه ولا حيلته يكفى جوازته وحماه بيتلكك على الغلط تفتكرى هاتكمل أزاى  .. بينى وبينك مش عايز اعلق بنت الناس معايا أكتر من كدا
سكره ضربته بحده على إيده : إيه كمية التشائم والسلبيه دى يعنى هى تتحمل عشانك بلاوى وأول ماترتبط بيها عايز تخلع وتجرى مش متحمل حاجه .. فين حبك وفين إخلاصك لوعدك إلا ياما سمعته منك لها
يونس نطر إيده وقلب وشه : أنا مخنوق يا سكر بتعامل وحش قوى من أبوها وإيدى متكتفه وأبويا مش عايز يساعدنى دايما مش معاه ودايما مزنوق ودايما مفيش بإيده حاجه .. زعق بحرقه .. ولا انا بإيدى حاجه ملزوم أكمل جيشى لو مطلعتش منه .. مين ها يشغلنى وها اشتغل أمتى اصلا الأربع خمس تيام إلا بنزلهم .. اسكتى وسيبك منى أنا عارف نفسى وعارف اد إيه محظوظ والحظوظ دايما تقولى خد عندك  ..
سكره مسكت إيده وبصتله بشفقه ؛ أنا مش ها أسيبك وإلا ها أقدر عليه ها اعملهولك لحد ماتتجوزها وتستقر
يونس رفع وشه وبصلها بعيون بتلمع بدموع وجعه وقهرته وقلة حيلته : أنا أخر واحد ممكن يستغلك كفايه إلا عشتيه معانا وشفتيه بلاش جوزك يقول علينا شوية مستغلين أو نصابين
سكره أبتسمت : لا ماتقلقش أنا مش ها أساعدك بفلوس جوزى أو ها أطلب منه أبدا أبدا .. ها أشتغل واساعدك ولا يمكن أخلى حد يبصلك بنظره إستحقار أو تقليل  أنا أختك حبيبتك إلا الجنينه دى شاهده أد إيه كنت ضهر وسند وأخ وأب كمان برغم إنك أصغر منى
يونس أبتسم : أنا لو أقدر أحميكى من الدنيا بحالها ها أحميكى ..فضلك عليا كبير وكنتى بتراعينى وتحضنينى أكتر من أمى ..بتشيلى الأكل من قدامك وتأكلينى عايزنى أعمل إيه بعد دا أكله و أكون نكار للجميل واجى عليكى زيهم .. ضمها بإيده  .. يمكن ربنا زرع حبك فى قلبى عشان يعوضك ويطبطب على قلبك المسكين إلا أتحمل وجع فوق طاقة البشر
سكره باصه على شجره وبتسمع كلام اخوها إلا اشتاقت له كتير وافتكرت فى يوووم من الأيااام لما كانت بنوته فى أولى  إعدادى ويونس لسا فى إبتدائى 
فلاش بااااك
**********
سكره بتروق فى الشقه وتمسح وتفرش ويدوب لسا مخلصه
زنوبه شافتها بتقعد : قومى قومى .. ادخلى خلصى الأكل ابوكى زمانه جاى
سكره بتعب : مش قادره يا زنوبه قومى أنتى
زنوبه شهقت : نعم ياختى أقوم إيه قامت قيامتك .. ربيتك وخليتك أد التور عشان أقوم أطفحك واخدمك كمان .. قومى جاتك ضربه أنتى وأمك الحربايه إلا دايما مقوياكى علينا ومفتحه عينك القويه
سكره زعقت : هو أنتى كل ما اقولك مش قادره  تمسكى فى امى هى عملتلك إيه وإلا أذتك فى إيه حرام عليكى
زنوبه حطت صباعها على أورتها وبعلو صوتها : نعم نعم ياختى .. أنا أمسك فى أمك أنتى .. لا أنتى ولا هى ولا بلدك تسوى عندى تلاته مليم أبيض
سكره بحرقه وعياط : نفسى اعرف بتكرهينا ليه محدش مريحك قدى
زنوبه قربت عليها وزقتها : غورى فى داهيه تاخدك على المطبخ
سكره زقت إيديها : وسعى مش داخله ولا ها اعمل حاجه فاهمه
زيد فتح الباب ويونس داخل معاه كان تحت
زنوبه : إلحقنى يا زيد بنتك بتزعقلى وكمان بتمد إيديها عليااا عشان بقول لها تعبانه أعملى الأكل
سكره بعياط ؛ لا والله يا بابا دى هي كل شويه تهزقنى أنا وأمى هى أمى عملت لها إيه وإلا أنا عملت إيه وحش يخليها تعاملنى كدا
زيد قرب بشر ومسكها من شعرها وبدء يشتم ويضرب فيها بغل
يونس بيزقه : وسع سيب شعرها ماتضربهاش
زنوبه بتشد يونس : تعالى أنت ملكش دعوه سيبه يربيها قليلة الربايه
يونس بزعيق : أوعى سيبى إيدى والله لماشى ومش راجع هنا تانى أنا بكرهكم
زيد : بتقول إيه أنت التانى
سكره وقفت فى جمب مش عارفه تمسك شعرها ولا وشها إلا ورم من كتر الضرب وبتعيط بحرقه من أب عمره ما نصفها ولا جه فى صفها
زنوبه زقت زيد : إيدك أنت اتجننت يا راجل دا إبنك ضهرك وسندك
زيد بعصبيه : مش سامعه بيقول إيه
زنوبه : نفهمه مش تضربه كله من الحربايه بنتك هى وأمها إلا ماتتسمى هو شايفنا وحشين ليه مش بسببهم
يونس بيقوم سكره : تعالى معايا
زنوبه شهقت : رايح فين يا راجلى
يونس بصرامه طفوليه : ها ننزل تحت شويه ونطلع ياله يا سكره
زنوبه مسكت زيد : سيبه دا راجل ولازم تسمع كلامه وبتغمز لزيد .. همست له .. خليه يعرف إننا قلبنا طيب معاها .. علت صوتها ..  ماتتاخرش يا يونس دا بيتك يا حبيبى أنت وأختك هى غلطت كنا بنعرفها غلطها
يونس مسك سكره وجاب لها العبايه لبستها ونزل بيها على الجنينه وبيشترى لها عصير وفشار من فلوس زنوبه كانت مديهالو .. راح تحت الشجره وقعد وهى قعدت جمبه بتعيط
يونس : معلش ماتزعليش يا سكر أنا مش ها اخليهم يمدو إيديهم عليكى تانى .. انا راجل محدش يقولى لاء حتى بابا شفتى محدش يقدر يقولى لاء
سكره بعياااط سندت  راسها على الشجره وبصاله
يونس مد إيده : خدى عشان نلعب ونفرح ونسيبهم هما فوق يتفلقو
سكره ضحكت غصب عنها ومسكت إيده : عيب وحرام تقول على أمك وبابا كدا لازم تحترمهم
يونس هز راسه : ماشى بس أفرحى الاول ونلعب مع بعض
سكره ابتسمت : ماشى .. شربت العصير وكلت فشار  وقامت تجرى وتلعب مع يونس وانضمو ليهم أطفال تانيه كلهم خرجو سكره من مودها الوحش بفضل الله ثم حب اخوها لها 
بااااك
*****
يونس بيشاور قدام وشها : هاى روحتى فين
سكره أبتسمت : معاك .. فاكر يا يونس لما كنت تجيبنى هنا ونلعب لما نشبع تنطيط
يونس ضحك : فاكره انتى لما طلعتى على الشجره دى وانتى نازله وقعتى وبقت رجلك فوق وراسك تحت
سكره ضحكت من قلبها : هههههههه بجد عمرى ما ها أنسى اليوم دا أبدا وأنت بترفعنى مش قادر ترفع مش قادر .. كان لسانك طويل وأنت صغير .. فاكر قولتلى إيه
يونس فضل يضحك أكتر : قولتلك يخربيتك عجله هاتقطمى راقبتى سمعتنى واحده لفت تبص عليكى وضحكت وقالتلى دى أد  السيخ يابنى حرام عليك وشالتك ونزلتك هى
سكره : روحت أعرررج وأنت منظرك كان يرعب من كمية التراب إلا عليك بسبب الأرض وخدت علقه بسببك عمرى ما انساها هى كمان
يونس شاور بصباعه : تنكرى إنى خلصتك منهم ودخلتك الاوضه وقفلت الباب
سكره هزت راسها بنفى : عمرى ما أنكر وقفتك جمبى .. تيجى دلوقت مش عايزنى أقف جمبك
يونس بعد ما كان بيضحك وشه قفل : ها أستحل تعبك زى ماعملو هما زمان دانتى ما صدقتى خلصتى مننا