سكره

سكره ٢٣

سكره ٢٣
*********

تحصنت برب العزة والجبروة واعتصمت برب الملكوت وتوكلت على الحي الذي لا يموت إصرف عنا الأذا إنك على شيء قدير  إصرف عنا الأذا إنك على شيء قدير إصرف عنا الأذا إنك على شيء قدير  وتصلي على سيدنا محمد اللهم صل وسلم وبارك على سيدنا محمد وعلى اله وصحبه اجمعين عدد خلقه ورضا نفسه وزنة عرشه ومداد كلماته 🤲
اللهم إنى أتبرأ من حولى وقوتى وألتجئ إلى حولك وقوتك
اللهم أعنى ولا تعن على وانصرنى ولا تنصر على واهدنى ويسر الهدى لى
💚💚💙💙💙💜💜❤🧡🧡🧡🧡💛💛💛💛💚💚💙💙💜
شيرررى بتاكل كأنها مكلتش بقالها سنه وكمان مهتمه بمليكه قوووى : قولت أجى أطمن عليكو بنفسى وإلا ممكن تزعل يابيبى أصلك بقيت قماص قوووى أو اوووفر
محمد بجديه : وبعدين
شيرى اتعدلت : ولا قبلين حضرتك إيه القسوه دى كلها جايبها منين وحشتنى وأنا كمان وحشتك وبتكابر
محمد حط رجل على رجل وبيكلمها من فوووق قوووى وكأنها حد مش ذو قيمه : ماتعرفيش إنى مسحتك بأستيكه من حساباتى وإلا بتستهبلى وعايزا تحققى غرض فى دماغك وبس
شيرى بدون أى أهتمام بتكمل أكل : ااااه وإيه تانى قول سمعت الكلام دا كتير وبنرجع عشااق بصت لسكره وضحكت بغمزه .. هاتفوقى من وهمك قريب هو مابيحبش غيرررى ولا بيفرق معاه غيرى
سكره بثقه : لما انتى واثقه من نفسك قووى كدا جايه ليه لحد هنااا ماتستنيه يرجعلك ندمان
شيرى بإستفزاز فيها وضحكه سمجه : توء حبيبى عمرى ما أسيبه يرجع ندمان وبعدين ما سألتيش نفسك لسا مطلقنيش ليه عشان عايزنى مش محتاجه كلام ولا شرح أبدا أبدا .. كلت معلقه .. بجد كشرى تحفه أنتى إلا عملاه طبعااا طباخه ماهره .. بصت لمحمد .. لو ممكن يابيبى أشغلها عندى وها اهتم بيها وبمرتبها عشان خاطرك ممكن
محمد شدها : قومى أمشى من هناااا  أطلعى برا حياتى بقى
شيرى قااامت وهى بتضحك : حاضر حاضر براحه على إيدى أنت زعلت كدا ليه .. عيونها جت فى عيون سكره .. عشان دى بتعمل دا كله أنا مجرد  بعرفك مقامها الحقيقى ومكانها إلا المفروض تكون  فيه إلا هو المطبخ ماتستحقش أكتر من المطبخ .. شاورت بصباعها .. فكرررى هاتاخدى مرتب ماتحلميش تشوفيه فى حياتك
محمد زقها بعنف وقفل الباب فى وشها وأول ما لف سكره قاامت تجرى على الأوضه جرى وراها قبل ما تقفل الباب وسايبين مليكه لوحدها برا بتتفرج ومش فاهمه حاجه بس شايفه كره وغل وطاقه سلبيه حاسها فى  المكان 
محمد : ماتعيطيش دى تافهه مهما تقول ماتسمعيش لها مهما تقول
سكره بحمقه ودموع بتهدد بالنزول : وبعدين هاااا ها أفضل كدا لحد أمتى
محمد هز إيده فى الهوا : وعد مش كتير بس لازم نصبر عليها  عشان نعرف نأمن نفسنااا دى شخصيه هى وأبوها مؤذين فوق ما تتخيلى .. سكره أرجوكى مش عايز أخسر بنتى أو سمعتى أو حتى اخسرك أنتى سخصيااا
سكره بصتله وقربت منه : أنا مايهمنيش دا كله يا محمد كل همى هو أنت هاتتخلى عنى وترجع لها أنا مجرد كوبرى فى حياتك هاتعدى عليه للبر التانى
محمد بصدق : والله لاء صدقينى أنا خلاص مش فارق معايا وجودها ولا كلامها ولا حتى بطيق المكان إلا بتقعد فيه هى قدرت ونجحت فى إنى أكرها  مصدقانى 
سكره أبتسمت وهزت راسها بتأكيد : أيوا مصدقاك
محمد مد إيده مسك إيديها وخدها تحت  دراعه وطالع برا : طب تعالى مليكه زمانها مخضوضه وقاعده بوذها شبرين
سكره بتذكير : اه صح تصدق نسيتها .. طلعو لقو مليكه قاعده على الترابيزه من فوق وبتاكل وأول ما شافتهم ضحكت وقالت بكلامها العسل : بتاكل معايا هههه بابى بتاكل معايا
محمد : هههههه بألف هنا بس طالعه ليه فوق كدا
مليكه : عشان مش يقع عليك
محمد : لا عندك حق بردو كويس إنك فكرتى فيا
سكره : ههههههه إحلم أنت كتير هى كلامها كله معكوس خايفه يقع عليها هى صح ياملوكه
مليكه بتحط الأكل فى بوئها هزت راسها بتأكيد : صح مامى كله كله مفجووووع كبير
محمد برق وبص لسكره : هى جابت منين كلمة مفجوع
سكره بتأكيد : أكيد أنااا ماهو لما بتاكل كتير بقولها ماتبقيش مفجوعه يا مليكه عيب بابى يزعل
محمد : توء بابى إيه مش لايقه على الجمله قوليلها  حمو يزعل ويجيب ناس تزعل يا مفاجيع
مليكه لفت وهى بتاكل وبتشفط الإسبجدتى .. مفاجيع بابى كرش
محمد لف براسه  : اللهم صل على النبى  مين إلا بكرش
مليكه شاورت عليه : بابى انت كرش
سكره بصتله بنص عين : لو حلفتلك على مصحف إنى بريئه هاتصدقنى
محمد بيضحك بسخريه ولف وشه وحاطت إيده فى جيبه : طبعااا يا حبيبتى .  بس ممكن أسألك سؤال مسح على بطنه .. فين الكرش
سكره مشت إيده على بطنه : أبدا مفيش دا زتونه صغيره بنتك عدستها كبيره حبتين اللهم بارك
مليكه ضحكت : لميونه يابابى
سكره ضحكت : كبرت رقتك بقت ليمونه يا بابى أصلها صفرا شبه التيشرت زعلااان هى لها نظره ماتستهونش بيها ممكن تكمل أكلك وبعدين نلوم بعضيناااا عشان هى مش هاترتاح غير لما نقع فى بعض
محمد خد نفس وقعد ولسا سكره هاتمشى مسك إيديها : راحه فين
سكره : ها أروح أدور على رزقى فى التلاجه ياله ناس لها كشرى وناس لها جبنه
محمد : إقعدى يا شحاته هاناكل مع بعض
سكره : يا اخ محمد الشحات له نص الطبق  هاتتنازل عن نصه وإلا تشوف شحاته غيرى
محمد : ههههههه ما أقدرش أستغنى عن الشحاته بتاعتى وديلها وبيشاور على مليكه
**
حازم قام وماشى من عند نورا ومهند بعد ماعرض عليهم طلبه وقال لمهند إنه هايستنى الرد وسلم عليه نزل على طول وهو بيركب عربيته بص لفوق يمكن يشوفها من ساعة ماقدمت الأكل ماطلعتش لهم مفيش أمل حتى يشوف نظره تطمنه أتحرك وأتوكل على الله هى باصه عليه من ورا الشباك وطافيه النور ومستغربه أو فى أشد أستغرابها  من طلبه المفاجئ لها يعنى معقول دا حب وإلا مجرد راجل سيكوباتى لقى فريسه عايز يعذبها زى ما بتمسع وتقرى منين كان بيكرها وأفعاله عكس طلبه .. بعد ماكانت مقتنعه إن فى مشاعر من ناحية حازم لها بدأت تخاف وكل الكلام إلا بتقراه عن النرجسيه والسيكوباتين ماشى بشكل خط مستقم قدام عيونها وبيسبح فى بحر افكارها
مهند زقها وعلى صوته : لك نورا ذهبتى ولم تعودى بعد
نورا بخضه : مهند انت هنا من أمتى
مهند أبتسم : تعى لاتسألينى أتركينى  أسألك إلك  وبستجوب هالحيران  قعد وقعدها جمبه مسك إيديها وبجديه ضحكت نورا .. إيجك عريس اليوم  يابنت شو رايك
نورا بصتله وضحكت : ياراجل .. نطرت إيديها .. اوعى يامهند بطل تهريج
مهند رفع إيده وبعدين مسكها لما كانت هاتقوم تمشى : والله العظيم ماعم هرج  كان هون وبسألك شو تحبى أبلغ الرجال .. بصى أنا راح أسئل عليييه مابترك إرنه ولا بشرى بيعرفه بدون ما أجيبلك .. عنا بمصر بيقولو شو 
نورا هزت راسها : قراره
مهند : بجيبلك قراره وعد
نورا بجديه : لاء ماتتعبش نفسك انا لايمكن أرتبط بيه أصلااا
مهند ديق عيونه : لساتك زعلانه كان سوء فهم من الرجال وخلاص ظهر الحب يابنت
نورا هزت راسها بنفى : لاء يا مهند بجد مش عارفه انا خوفت وأتخنقت مره واحده وبعدين أنا فعلا مابفكرش بالجواز أنت عارف أستاذه كتير وغيرهم هايموتو عليااا بس انا برفض عارف ليه
مهند بإندماج : ليييش
نورا : عشان مش عايزا أتجوز يامهند يا غبى
مهند بصدمه : والله العظيم .. فكرتك راح تقولى معقده .. كان فى حب وراح أخى ومابقدر بدونه .. هيك الأسباب يابلا
نورا بصتله بتمعن شديد : تعرف أنا أكتشفت إنى عمرى ما حبيت يامهند .. مفيش مره قلبى دق لحد أوحسيت بالهفه زى مابسمع من البنات تجاه راجل .. الوحيد إلا كنت اطير من الفرحه وأجرى أجرى أطير فى حضنه هو بابا يامهند عيطت قووووى ومهند حضنها .. وحشنى وسابنى بسرعه إلا بنحبهم وبنتعلق بيهم بيسبونا وبنعيش فى وحده ووجع فراقهم عشان كدا قلبى خايف يدق .. خايف يتعلق بحد تانى فايسبنى زى أبوك وجدوووو 
مهند : ماحدن من النسوان  اتعلقتى فيهن  كلهن رجال
نورا أبتسمت برغم دموعها : ما اتعلقتش عشان كانو بيغيرو من حب بابا وجدو وحمايتهم ليااا برغم شدة جدو  .. إلا محدش يقدر يقف  قدامه يتناقش معاه أو يتكلمووو مجرد كلام انا كسرت كل الحواجز دى وكان يحبنى ويقعدنى على رجله ويكلمنى ليل نهار ويطردهم .. بيت العيله كله كان بيغير ويموت من الغيره إنى مدلعه وبعمل إلا فى نفسى وكمان مابمدش إيدى فى حاجه لا شغل بيت ولا مطبخ هااانم أنا هانم
مهند أبتسم وبيهزر معاها : اخ يا نورا والله عندون حق انا صيرت هيك خدامه فلبينيه بتستاهلى
نورا ضربته بهزار وأتعدلت : كنت عارفه إن جواك بلاوى  بس سهن
مهند ضمها جااامد : بخدمك بعيونى يابنت انتى عيلتى الكبيره وقطعه منى كانت مفقوده  سارلها سنين حبك حب كل العالم لفرد واحد أنا العالم وأنتى هو الفرد
نورا ضمته قوووى : ياحبيبى ربنا مايحرمنى منك ولا من حبك دا أبدا فيك كتييير من أبوك الله يرحمه وحنية أمك .. قااامت وقفت .. بالمناسبه دى قررت أشربك سحلب والله بتستاهله
مهند هز إيده : سحلب شووو البلوظه يا إللى  عم تتحرك مثل الجلى بجى يمين يجى شمال
نورا بتأكيد وفخر : أاااه هووو الناس كلها بتشربه أنا ها اكلهولك وعلى الله أسمع صوتك وإلا تتنفس حتى
مهند بصعبانيه شاور على بوئه إنه ها يقفله وهى جريت على المطبخ بتعمله .. دخل وراها وبمكر : راح نصبر أشوى وأخر الأسبوع بنرد على الرجال خبر  فكرى عمهلك
نورا هزت راسها بنفى : لاء مش موافقه قوله وأكد عليييه خليه يدور على واحده تانيه لانستنى ولا هو يستنى أرجوك بلاش كلام فى الموضوع دا تانى لو بتحبنى
مهند : على كيفك حبيبتى وخرج قعد برا مستنى البلوظه
**
حازم أول ما وصل خد شاور وقعد  وكان مبسوط قوى مش عارف ليييه برغم إن لسا ها يستنى موافقتها اول حد حب يفرحه بالخبر دا أمه أتصل عليها وأستنى ترد أول ما ظهرت على الشاشه : أم حازم القمر وحشتينى ياست الحبايب يا حبيبه
أمه : ههههههه جاتك إيه ياحازم مانت لسا قافل معايا الصبح لحقت أوحشك ياواد
حازم بتأكيد : طبعا .. أمك ثم أمك ثم أمك ثم سناء والخمسه وتلاتين عيل إلا معاها عشان أبويا الله يرحمه
أمه : الله يرحمه ويبشبش  الطوبه إلا تحت راسه لا سناء ولا غيرها امك ثم أبوك بردك
حازم مسك راسه من ورا : هو فى طوب تحت راس أبويا
أمه شهقت : إيه هايجيب الطوب تحت راس أبوك
حازم مد إيده لقدام : مانتى إلا بتقولى أهووو يفشفش الطوبه إلا تحت راسه
أمه ضحكت : هههههه هى الدعوه كدا يبشبش مش يفشفش هااا .. المهم .. عامل إيه يا ضنايا وأتغديت إيه إنهارده
حازم أبتسم : كشرررى إنما إيه كشرى مصرى أصيل بيوديكى مصر وأنتى قاعده مكانك
أمه : ههههه كويس والله أهى المشاريع قربت البطون من بعض بطن خليجى على بطن مصرى على سعودى كله  على كله ولما تجوع قوله
حازم : ههههه لاء مش إلا فى بالك .. ماما أنا ها أدخل فى الموضوع على طول أنا اتقدمت لواحده مصريه عايشه هنااا عجبتنى قوى ودخلت قلبى حبيت  أسمع رأيها ورأى أخوها وبعدين ادخلك فى الموضوع لو دخل فى الجد
أمه بفرحه زغرطت كذا زغروطه ورا بعض : دا يوم المنى يا ضنايااا أسترها على إبنى يارب ولمه ولم شمله
حازم : ههههه والله لو حد سمعك ليقول إنى راجل مش مظبوط
أمه نطرت إيديها : هو الستر وحش دانعمه من نعم ربنااا لما تتستر تحت ضل واحده بالحلال وتلمك وتلم عليك ربنا يجعلها الزوجه الصالحه ومن حدك ومن نصيبك يا حازم يابن صفيه
حازم رفع إيده وهو مبسوط : أمين يارب احلى دعوه من أحلى وأعظم أم فى التاريخ كله
صفيه بزعل : اسكت ياحازم خالتك ام خالد قطعت قلبى إنهارده ونكدت على الشارع كله  يابنى شوفت إبنها خالد عمل فيها إيه  إلا ينضرب مايوعى
حازم : عمل إيه هو عيل غدار أصلا
صفيه : بعد دا غدر ماشوفتش يابنى جه إنهارده وعايز يرميها فى الشارع وياخد الشقه يأجرها لوما الناس وقفت له وطرده وهى يا كبدى مش مبطله عياااط هان عليه أمه هانت عليه الأيام والليالى إلا شافت المر فيهم عشان تربيه
حازم بزعل : إلا زى دول بيهون عليهم الدنيا بحالها عشان الفلوس
صفيه بتردد : هو أنت ممكن تعمل فيا كدا ياحازم  لما رجلى ماتشلنيش وإلا تفضل عندك وأترمى أنا لكل جار يحن ويعطف عليا بالقمه أو كلمه
حازم قرب على الكاميرا بإنفعال : ينقطع خبرى من الدنيا قبل ما أعملها يا أم حازم على رأيك .. دانا أشيل جزمتك على راسى من فوووق بعد ماكبرتينى وعلمتينى وبقيت شايل شهاده وأسمى الدكتور حازم ارميكى ينقطع خبرى قبل ما أعملها
صفيه شهقت : الشر برا وبعيد تف من بوئك يا ضنايااا ربنا يحميك يابنى ويحفظك ويبارك فى عمرك وترجعلى وتحت كتفك مراتك وولادك
حازم أبتسم ورفع إيده لفوق : يااارب يا أم حازم يارب  أدعيلى كتير اليومين دول من قلبك اول مره أتعلق بحد كدا ونفسى توافق وأنا اتجوزها إنهارده قبل بكرا
صفيه : يوه داتوافق وتوافق وتوافق .. تلاقى زيك فين دا الرجاله بقت أسم وأنت اسم على مسمى
حازم ضحك : يسترك زى ما عايزا تسترينى ياغاليه
صفيه : يارب سترك دنيا وأخره لكل عبادك .. الجرس رن .. روح يا ضنايا فى سلام الله وأمنه أم كريم جيبالى أكل الأسبوع ها اقعد أنضفه واجهزه
حازم : غداره يا أم حازم أبعتى طرد أو إشحنى شنطه فيها خيرات ربنا إلا بتجيلك
صفيه شاورت على عيونها : عيونى يا ضنايااا  قفلت معاه وقامت أول ما فتحت الباب أهلا أهلا .. هاتى عنك روحك هاتطلع من سلمتين
أم كريم : السلام عليكم عامله إيه يا أم حازم
صفيه أبتسمت : بخير والحمد لله .. ها جيبتى طلبات الأسبوع كلها وإلا ناقصين زى المره إلا فاتت
أم كريم : لا كله تمام المره دى .. قعدت على الأرض وحطت الشنط إلا معاها كلها وصفيه قامت جابت مفرش بلاستك كبير وقعدت جمبها بتنضف الخضار عليه ..
صفيه : قومى أعملى كوبايتين شاااى وولعى على اللحمه  وأغسلى الفراخ
أم كريم وهى بتقوم : عنيه يا ست الكل وواخده اللحمه وداخله على جوا
صفيه : أم كريم عندك كيكه فى الفرن عمايل إيديا أعملى طبق معتبر كدا تتسلى فيه مع الشاااى
أم كريم بضحكه : والله وحشتنى وجت فى وقتها حاسه بيااا تسلم إيدك
صفيه : تسلمى يا حبيبتى بألف هنااا  ناولينى الطباق الفل وسكينه
أم كريم وهى بتاكل قطمه من الكيك : حاضر وجابت الحاجه وجت لها .. أتفضلى .. ألا الدكتور بتاعنا عامل إيه ليه وحشه والله
صفيه : الحمد لله .. هزت إيديها .. متغرب يا ضنايااا ومتشحطت عشان يعملو قرشين يسندوه فى زمن صعب مش صعبان عليا غير وحدته هناااك ربنا يسعده ويرزقه من وسع ويريح باله وقلبه
أم كريم : أمين يارب ليه ما أتجوزش يا حاجه لحد دلوقت ماينزل ويتجوز ويفرحك معاه
صفيه : لسا ها ينزل وندور ونسأل .. هو يتجوز  يجيلى جاهز  ومعاه عياله
أم كريم شهقت : يوووه أزاى يا حاجه يتجوز بعيد عنك واجب بردو ينزل ويفرحك
صفيه : فرحتى فى راحته ياوليه .. وبعدين نزوله وتجهيز الشقه والفرح والعروسه عايز وقت وخدى عندك بقى مصاريف ملهاش أول من أخرررر .. ربنا قدره وأتجوز هناك فى شقته ينزل هنا يلاقى شقته جاهزه يبقى مرتاح مش شايل هم هنا وهم هناك وهم سفر وهم واحده لا طايلها جمبه ولا منه متجوزها  .. أسكتى أسكتى الراجل عايز ونس ونس يا وليييه مش جواز بالأسم
أم كريم : عندك حق والله ياله ربنا معاااه ..سابتها ودخلت المطبخ غسلت الفراخ وولعت على اللحمه وواقفه تتبل الفراخ زى ما عودتها صفيه وحطتها فى الطباق الفويل وفرزتها وطلعت ..
صفيه : لمى خلاص خلصت ونضفيها كويس أنا غسلاها
أم كريم : حاضر  وأنا كمان خلصت مفيش غير اللحمه يا حاجه وبتلم فى الحاجه .. يوه نسيت الشاى زمانه تلج
صفيه : لمى المفرش وروحى اعملى غيره شايك بيكيفنى ماتنسيش الكيكه عشان نحلى  رفعت إيديها لفوق .. إلهى تحلى أيامك يابنى يا حازم وتسكرها
أم كريم : أمين يارب .. من عيونى يا ست الكل كل إلا نفسك فيه ها أعمله
صفيه : تسلم عيونك يا حبيبتى
أم كريم قعدت جمبها : بقولك ياست صفيه  أزاى تايهه عنك بنت الأستاذ أحمد جاركم بت جمال ودم خفيف وخدومه ماتقولى للدكتور ينزل يخطبها
صفيه بتفكير : لسا هاينزل ويرجع يا أم كريم
أم كريم : يوه مش أحسن مايروح يجيبلك واحده ملهاش أصل ولا فصل أهى دى قدام عيونك وعارفها ومتربيه وسطنااا شقته بسم الله ماشاء الله تفرح القلب الحزين وأنتى شغاله فيها مش مقصره ناقصه إيه حتتين الدهب وخلاص
صفيه أتنهدت بحيره : خلاص أسكتى ياوليه سيبينى أدور الموضوع فى دماغى وربنا يسهل
أم كريم : طب ها أقولك حاجه عليها أنا شوفتها بعينى .. البت الله أكبر لهلوبه من شغل بيت لطبيخ عارفه بيتحايلو عليها تعمل قناة طبخ من كتر ما أكلها ونفسها يجنن
صفيه قفلت على الموضوع : سيبيها على الله