سكره

سكره ٢٦

سكره ٢٦
*********
اللَّهُمَّ اغْفِرْ لِي خَطِيئَتِي وَجَهْلِي ، وَإِسْرَافِي فِي أَمْرِي ، وَمَا أَنْتَ أَعْـلَمُ بِهِ مِنّـِي ، اللَّهُمَّ اغْفِرْ لِي هَزْلِي وَجِدِّي ، وَخَطَئِي وَعَمْدِي ، وَكُلُّ ذَلِكَ عِنْدِي.

اللَّهُمَّ رَبِّ إِنِّي ظَلَمْتُ نَفْسِي فَاغْفِرْ لِي.

اللَّهُمَّ أَنْتَ رَبِّي لا إِلَهَ إِلاَّ أَنْتَ خَلَقْتَنِي وَأَنَا عَبْدُكَ ، وَأَنَا عَلَى عَهْدِكَ وَوَعْدِكَ مَااسْتَطَعْتُ، أَعُوذُ بِكَ مِنْ شَرِّ مَا صَنَعْتُ أَبُوءُ لَكَ بِنِعْمَتِكَ عَلَيَّ وَأَبُوءُ لَكَ بِذَنْبِي فَاغْفِرْ لِي فَإنَّهُ لا يَغْفِرُ الذُّنُوبَ إِلاَّ أَنْتَ.

اللَّهُمَّ اغْفِرْ لِي ، وَارْحَمْنِي وَاهْدِنِي ، وَعَافِنِي وَارْزُقْنِي ، وَاجْبُرْنِي ، وَارْفَعْنِي.

اللَّهُمَّ يَا مَنْ لا تَضُرُّهُ الذُّنُوبُ ، وَلا تُنْقِصُهُ المَغْفِرَةُ ، اغْفِرْ لَنَا مَا لا يَضُرُّكَ ، وَهَبْ لَنَا مَالا يُنْقِصُكَ.
❤❤🧡💛💛💚💙💙💜❤🧡🧡💛💚💙💜💚💙💜
نورا قااامت بإحراج وبتجرى ناحية الباب وهى بتدارى دموعها حازم قام ولسا ها يمسكها  اتعدلت ورافعت إيديها فى وشه بتحذير : إيدك
حازم رفع إيده : أهه بعيد عنك اتفضلى أقعدى انا ماخلصتش كلامى
نورا هزت راسها بعصبيه : كلام إيه مفيش كلام كله انتهى من قبل ما يبتدى كنت حضرتك عارض عليا الجواز ولما وافقت انت رفضت  أو بمعنى أصح بتردها خلاص خلصنا ..
لسها بتفتح الباب حازم قفله بسرعه و  أتكلم بهدوء : ممكن تقعدى فى كاميرات بتصور هنا هاتعمليلى مشكله
نورا فكرت لوقت بسيط و قعدت وبتقول ياترى هايقول كلمتين شماته عشان انا رافضته أكتر من مره
حازم خد نفس وبصلها : إدى للقدامك فرصه يكلمك مش كدا بيقولك الكلام اخد وعطااا .. أبتسم .. انا كنت عايز اقولك أنا مش موافق وبس .. موافق وتلات تربع هههههه
نورا دارت الأبتسامه وأتكلمت بجديه : يعنى هاتتكلم مع مهند
حازم نطر إيده : قبل ما اتكلم مع مهند لازم أعرف غيرتى رأيك ليه
نورا بإحراج : أبدا فكرت وشفت فيك إنسان مناسب ليااا
حازم بمرواغه : بس كدا
نورا بتاكيد : أيوا .. بس معلش لازم أحط النقط على الحروف قبل ما امشى
حازم شاور بإيده : اتفضلى
نورا : عايزا اعرف تفاصيل الجواز وقدامك أد إيه
حازم : والله إن كان عليا عايز اتجوز دلوقت .. بس لسا بقى هانغير العفش وأظبط شقتى وأشوف أنتى عايزا شبكه بكام يعنى كل التكاليف دى والله المستعان
نورا هزت راسها : الشبكه إلا تجيبها على ذوقك أنا موافقه بيها وها اعتبرها مهرررى .. لو شقتك نضيفه غير الأثاث  بس وديكور الستاير مش عايزا أكتر من كدا
حازم أبتسم واتكلم بمكر : شكلك مستعجله 
نورا قااامت واتكلمت وهى ماشيه : انا عمليه ومابحبش التعقيد مش أكتر ها ابلغ مهند إنك جاى تقرى فاتحه إنهارده بصتله . . إنهارده  مناسب
حازم بتأكيد والابتسامه مش مفارقه وشه : تمام ها اخلص شغلى واجى أنا ومحمد وزميل ليا تانى لو فاضى
نورا مشيت بعد ما سمعت التأكيد  واول حاجه عملتها راحت جابت عصاير وفاكهه وطلبت أوردر اكل جاهز من برا  .. وصلت البيت لقت مهند قاعد مبوووذ أول ماشاف إلا جايبه أتعدل وفتح إيده على وسعها : شو هايدا ماشاء الله يابنت راح تكتأبى بهاليومين
نورا حطت من إيديها كل حاجه على الأرض وأبتسمت : لاء مفيش أكتئاب عندنا مناسبه حلوه
مهند أتعدل : شو هالمناسبه خير إن شالله
نورا بصتله وأبتسمت : اخيرا هاتفرح فيااا يابن سجى جايلك عريس أنا خلاص وافقت عليييه
مهند بفرحه : عنجد .. راح نفرح فيكى .. جرى عليها .. مين بعرفه أنا وإلا مابعرفه بدى تقرير يابنت قبل مايدخل هالبيت
نورا : ههههه حيلك حيلك .. انت عارفه وحافظه وكان نفسك اديلو فرصتين تلاته .. الدكتور حازم
مهند رجع تانى بيهرش فى شعره وضم حواجبه : شوهالفصام هاى .. أنتى واحده منفصمه عنجد  مين بيلعب براسك
نورا اتنهدت وشاورت عليه : أنا فعلا منفصمه .. شاورت على مهند .. نص مع سجى  .. وشاورت على نفسها .. ونص مع محمود فاقررت أريح الاتنين بنومتهم وأرتاح معاهم
مهند بصلها بعمق وشاور بنفى : مامرتاح ليش وافقتى وهلا كنتى رافضتيه ومسكره كلبواب بوجهه شو حصل من شان تعيدى تفكير بالهسرعه وبتئررى تتزوجى للشاب
نورا بتحاول تقنعه : اقتنعت بكلام زميالى وكلام سكره أنا ليه رافضه ها اعيش لوحدى لما انت تستقر ماممكن تسيبنى وتمشى غصب عنك .. إحتمالات كتير قوووى حطتها قدام عيونى ودرستها كويس جدا وكان لازم اخد خطوه جد أنا كبرت يا مهند كبرت ومفيش وقت للدلع على رأى أصاحبى
مهند قرب منها وبحنيه : ماتعملى شى مومقتنعه فيه بشيلك خيتى فوق هالراس طول العمر  لا تخافى ماراح نكرر فراق سجى ومحمود مره تانيه البلد إلا بدك تكونى بيها أنا راح أكون معك فيها والله ماكلااام 
نورا قربت ومسكت وشه : عارفه يا احن وأحسن اخ فى الدنيا كلها بس انا موافقه من قلبى .. ابتسمت  .. عايزنى اعنس وأقعد جمبك مش هايحصل طبعااا هات مراتك الحلوه تقعد جمبك وشيلنى من حسباتك خالص
مهند رفع حواجبه : والله لو الدنيا هاى جبتها تقعد جمبى أنتى فوق راسهن خيتى ربنا يديمك فوق راسناااا حبيبتى وضمها .. احلى عروس بالدنياااا
نورا عيطت أكتر فى حضنه أزاى هاتحرم نفسها من أخ زى دا بعد العمر الطويل إلا اتحرمو فيه من بعض دامصدقووو ياااه هايبعدو بسرعه كداا دايما القدر ضد راغبتنااا وأكيد ربنا له حكمه
**
محمد جاله فون من حازم وبلغه إن يجهز نفسه عشان يروح معاه لمهند وهايجيب معاه صاحبهم التالت إلا يدوب لسا راجع من اجازته سامر  قفل معاه وبص لسكره إلا قاعده مسهمه من ساعة ما شافته وشافت شيرى وسمعتهم  : وبعدين معاكى مش هاتقولى مالك وشك اتقلب مره واحده بدون سبب
سكره هزت راسها بنفى : ولا حاجه .. هااا حازم عايزك فى إيه
محمد افتكر واتكلم بفرحه : حذرى فذرى
سكره بتفكير : جاى يتغدى
محمد : ههههههه هو مش طفص للدرجه دى  .. هو جاى بس مش للغدا خليكى لماحه
سكره أبتسمت : بجد جاى لنورا تانى
محمد بحماس : واخيرا وافقت وهانفرح فيهم الاتنين ونخلص
سكره بفرحه كبيره نطت على محمد  ضمها وهو بيضحك .. إلا يشوفك يقول أختك والا حاجه
سكره : هى فعلا أخت .. اتعدلت .. انت مش متخيل أنا فرحانه لها أد إيه    .. إيه رأيك اروح لها لو محتاجه حاجه أساعدها
محمد بصلها : لاء طبعا أدام ما قالتش خبر خطوبتها  ليكى يبقى ماتعرضيش خدمات حضرتك أنتى مش بعيد عنها
سكره لوت شفتها وسكتت وقعدت على السرير وهى بتنفخ وبتلعب فى صوابعها بتوتر 
محمد قعد جمبها : أنا قصدى ماتفرضيش نفسك على حد هو طلب ماشى نساعد ماطلبش يبقى مش عايز حد يتدخل لازم يبقى فى مساحه من الحريه حتى لأصحابك
سكره هزت راسها بتأكيد وساكته فونها رن وأول ماشافت أسمها طلعت جرى على البلكونه ومحمد مبتسم حمد ربنا إن نورا افتكرتها وقدرتها فى يوم مهم بالنسبه لها .. حاجه وحشه قوى لما تبقو أصحاب وأخوات وتدارى فرحتك عن  صاحبك وكأنه غررريب او مش حابب ليك الخير .. 
نورا ببتسامه وتوتر : سكره تعالى شوفى أنا عملت إيه
سكره بفرحه : عرررفت خلاص محمد جوا بيجهز نفسه قربت منها باستها .. ألف ألف مبروك يا حبيبتى شفتى ما محبه إلا بعد عداوه ازاى
نورا : ههههههه إن جيتى للحق هى مش محبه ولا حاجه مجرد واحد فى حياتى مش أكتر
سكره تنحت : إيه الكلام دا على فكره حازم كويس جدا وبيحبك محمد قالى وقال كمان أنه اتعلق بيكى قوى
نورا بصت بحزن : ماكنتش احب أظلم حد معايااا بس مفيش قدامى غيره للأسف 
سكره أتنهدت وضربت إيد على إيد : ولا فاهمه حاجه طيب هاتتجوزيه ليه لما أنتى مش عايزاه
نورا عيطت مره واحده وبتفرك فى إيديها اتكلمت بصوت واطى وكل شويه تبص وراها تتأكد إن فهد مش سامع حاجه وحكت لسكره كل إلا هى مخبياه وتعابها
سكره بزعل مسدت عليها : ولا تزعلى نفسك والله كله خير وأكيد ربنا عمل كدا عشان تدى لنفسك فرصه ويبقى ليكى بيت وأولاد وهى بقى ربنا يجازيها على إلا بتعمله
نورا أتكلمت بخوف ومسحت دموعها : تفتكرى ها أبقى مبسوطه وإلا هايطلقنى بسرعه لما يزهق منى أنا فاشله يا سكره مش شاطره فى أمور البيت ولا بعرف أعمل حاجه ودا شكله بيحب الأكل والإهتمام
سكره شهقت : بعد الشر إن شاء الله هاتبقى أسعد واحده متجوزه ربنا يثبت اقدامك ومايكتبها عليكى بجد بكرهه الكلمه دى
نورا بصت لها بحب : أنتى طيبه قوى غير العقارب إلا أنا عارفهم
سكره : ههههههه أنتى تعرفى عقارب
نورا ضحكت :  فى كمان واطويط خفافيش الظلام ستات بسبع تلسن 
سكره : ههههههههه دا بجد لاء حرام عليكى الستات كلها منكسره وطيبه  إلا شيرى الشريره
نورا بنص عين قربت : كذابه يا سكر وزنوبه منكسره وطيبه هى كمان العينات دى كتير يا أوختى
سكره مطت شفايفها : زنوبه زيها زى أى ست دخلت عش الدبابير لقت نفسها هاتتأكل فاكلت هى إلا حواليها ولحقت نفسها على حساب مين مش مهم
نورا : مش مبرر حضرتك مانتى اهو  ماكلتيش مليكه ليه على الأقل انتى إنضحك عليكى ودخلتى على حياه مش حياتك يعنى ماعندكيش علم بيها إنما زنوبه عارفه كل حاجه حتى أخلاق أبوكى وأهله لأنها من نفس الشارع
سكره طلعت شفايفها بشرود واتكلمت وهى باصه قدامها : الظروف بتحكم صاحبها وصاحبها بيتحكم فى إلا حواليه عشان يساير ظروفه .. المهم سيبك من زنوبه والسيره إلا توجع القلب أجى أعمل معاكى حاجه
نورا بدون تردد : ياريت تيجى أهو  تبقى جمبى  انا مش محتاجه غيرر أخت وبس
سكره شاورت على عيونها : من عيونى حاضر  وسابتها دخلت لبست وخدت مليكه وسبقت هى على هناك بعد ما محمد وافق  ...
واقف بيلبس قدام المرايه دخلت عليه شيرى ونامت قدامه على السرير  حركت رجليها بطريقه ملفته للنظر  ومحمد بصلها بجمب عينه وواقف مش مديها أى إهتمام  : وبعدين اخرة حكايتها إيه معاك
محمد : دى مراتى وأم لأولادى إن شاء الله يعنى الحكايه ملهاش  أخر غير فى عقلك الباطن
شيرى بثقه اتعدلت وسانده راسها بإيديها : كدااااب جدا عشان بإختصار أنت ماتقدرش تقرب من واحده غيرى مهما مثلت إنك خلاص هاتسيبنى هى عجباك بس مش أكتر من كدا  او شداك عشان قايمه بدور المربيه كويس على العموم أنا بلغت بابى إنى ها أخد أجازه طويله عشان افضالك .. قربت منه وحضنته من ضهره وحطت راسها على كتفه .. بلبى رغبتك يا بيبى عشان نرجع أحسن من الأول انت مابتقدرش تقاوم حضنى أزاى هاتقاوم بعدى عنك
محمد بسخريه : كان نفسى أسمع الكلام دا من كام شهر بس للأسف إحنا  فى محطة القطر قدامنا القطر طول الوقت ولما يمشى ويسيبنا نجرى وراه لما يتقطع نفسنااا .. الفرص كانت كتير يا شيرى وبيجى وقت ومسح إيده فى بعض .. بتبقى بح خلصت ..  إنتى  طلعتى من حساباتى ومن حياتى مش محتاج غير إنك تسيبينى أعيش حياتى فى هدوء .. أتكلم برجاء.. مش عشانى عشان بنتك .. إلا هى حته منك إتقبلى إننا لازم ننفصل ونبعد وكفايه كدا
لفت وقفت قدامه وسندت على التسريحه ولفت إيديها حوالين راقبته : صعب أنا وأنت نفترق مهما بعدنا لازم نرجع لحضن بعض بدأت تغريه بطريقتها قربت وهمست .. أنت حبيب روحى توأمى يا بيبى ازاى أسيبك لغيرررى بموت فى بعدك عنى .  بموت لما بحس إن إيدك ممكن تتمد على جسم واحده تانيه أنت لشيرى وملك شيرى وبس مينفعش ومستحيل تكون لغيرها .
  قربت من شفافيفه زقها بعنف وشاور بإيده  : أطلعى برا أنا مش ملك حد ولا حساب فى بنك يخصك أو عربيه راحه حايه بيها وقت ماتسيبيها تجرى بعيد عنها ولما تحنى ترجعى .. زعق .  قولى لبابى اجازتى خلصت ورجعتلك للأبد قرب منها وهى عيونها بتطق شرار .. أنتى طالق يا شيرررى هانم وانتظرى ورقتك
شيرى قربت وهمست بكل غل : أنت إلا جبته لنفسك مش شيرى إلا تترمى ولا يتقال لها لاء    المره دى غير كل مره صدقنى هاتندم وتتمنى  إن اللحظه دى وبتشاور بصباعها على الأرض .. إنها تكون مجرد حلم أو كابوووس عايز تفوق منه بسرعه .. سابته ودخلت لبست وجهزت شنطتها وطالعه على برا ومحمد واقف فى الصاله بيحسب حسباته وكل تفكيره فى سكره وبنته وبس مش هتأزى غيرهم ولا هاتفكر تلوى دراعه غير بيهم .. طالعه بكل همجيه بتفتح الباب لقت سكره فى وشها شدتها بغل وزقتها بعنف نطرتها بقوه نزلت على ضهرها  ومحمد جرى عليها بصتله من فوق لتحت وضحكت وقفلت الباب
سكره بوجع دموعها نزلت : اااااه
محمد بيعدلها براحه وبخوف :  حبيبى فى حاجه بتوجعك
سكره عياطها زاد وهزت راسها بتأكيد : اه يامحمد كله بيوجعنى كله دفست راسها فى صدره وهو ضمها واتنهد بالأسف .. اتمنى لو كانت شيرى مادخلتش فى حياته ولا شافها ولا عرفها فى يوووم 
محمد : سكره قومى معايا عشان لو فى حاجه نلحقها فى أولها
سكره بعياااط : مش قادره يامحمد 
محمد قومها براحها وبدء بكشف عليها واطمن إنها بخير بس إلا واجعه عياطها وأهاتها إلا مستخبيه تحت غطاء الواقعه لاء فى حاجه تانيه أكبر من كدا وأكيد بردو شيرى السبب فيها .. شهق .. مليكه فين
سكره مسحت دموعها : مع نورا فى الأوضه انا كنت جايلاك لتكون محتاج حاجه اعملها
محمد مسك الفون ؛ معلش اتصلى أتأكدى إن بنتى هناك
سكره باستغراب مسكت الفون وأتصلت على نورا وطمنتها وقفلت
محمد أتنهد براحه ومسك وش سكره : أنا أسف على كل حاجه حصلت ليكى بسببى أسف بجد
سكره أبتسمت : ياترى من قلبك وإلا من ورا قلبك مجرد واحده مكان واحده
محمد أتأكد إن شكوكه فى محلها : بصى فى عنيااا لو كداب هايبان فيهم كدبى عليكى .. صدقينى يا سكر أنتى محطه فى حياتى غيرت كل أتجاه كنت بمشى فيه فى يوم من الأيااام حاسس إنى لقيت نفسى معاكى
سكره عيطت قوووى واتكلمت وهى بتبعد بعيونها : وأنا حبيتك قوووى وخايفه أكون عايشه وهم وأفوق على كابوس بجد أنت بقيت كل دنيتى ومليكه محليه الدنيا دى
محمد أبتسم ومسك دقنها بيرجع نظرات عيونها له من تانى : طيب الكلام الجميل دا ينفع تقوليه وأنتى بتهربى منى
سكره بخوف : هاتصدقنى لو قادره أهرب كنت هربت من زمااان بس للأسف أى مكان بابه مقفول فى وشى 
محمد : إلا بابى ها افتحه على وسعه ليكى .. أنتى هاتبقى أم لأولادى إلا اتمنيت أشوفهم طول الوقت حواليااا ووسط أمهم .. مسك إيديها باسها .. حبيبى ثقى فيااا وماتفكريش كتير  خلينى أنا عيونك إلا بتشوفى بيها ارجوكى
سكره برغم إلا سمعته منه وهو مع شيرى قررت تصدقه وتفضل للنهايه وبتتمنى أو بتترجى تكون نهايه سعيده  .
هز راسه : ممكن
سكره بتأكيد : ممكن
محمد : قومى عشان الزوبعه زمانها على وصول
سكره : هههههه حازم بقى زوبعه
محمد : يوااااه زوبعه وبس ممكن توصفيه بالعواصف الغريبه العجيبه لما بيكون عايز حاجه .. مسك إيديها بيقومها
سكره اتوجعت وحطت إيديها على ضهرها : ااااه يانى أنا مش عارفه شيرى دى شكلها مش هاتسكت غير لما تخلص عليااا
محمد بسخريه : عليكى أنتى لوحدك لاء ماتقلقيش دى عندها روح الجماعه مابتعرفش تتعامل مع حد واحد عايزا شله مع بعض
سكره : هههههه إحنا الشله
محمد : إحنا ربنا يسترها علينا ياله يا حاجه ظبطيلى حالك كدا وخليكى قمرررر
سكره بدلع : أنا قمر من غير حاجه يكش هى بعض الندوب والجروح التى تزول أثارها مع الزمن عندما يتكرمش جلد الوجه اليدين والرجلين
محمد بتريقه : يكش .. يكش يا أستاذه سكر نخلص ونخرج قبل يكشن مايوصل وتبقى ندبه كبيره فى حياتنا 
سكره : هههههههه .. ماشى بس فعلا أنا حاسه إنى مش قادره جسمى بضهرى واجعنى من الواقعه
محمد بجديه : خلاص تعالى اعملك أشاعه عشان مانتعبش لو فى حاجه
سكره : خليها بعد خطوبة نورا
محمد بتصميم : لاء لازم نروح دلوقت نورا موجوده هى وحازم الخطوبة مش هاتطير ياله كلمى نورا وأكدى عليها تاخد بالها من مليكه وعرفيها ظروفك عشان ماتزعلش
سكره بطاعه : حاضر  ها أقول كل إلا أنت عايزه بس قولى عملت إيه مع شيرى عشان تمشى
محمد بتفكير للحظات بسيطه : ولا حاجه زى ما جت لوحدها مشيت لوحدها يعنى ولا فى أى حاجه ماتشغليش بالك بيها
سكره هزت راسها بخيية أمل افتكرت إن محمد خلاص خرجها من حياااته ودا سبب زعلها وهمجيتها كلمت نورا وبلغتها كل إلا محمد قاله وفعلا خدها ومشى بيها على المشفى
**
حازم طلع ومعاه سامر صاحبه لما عرف إن محمد مش موجود مهند رحب بيهم ودخلو قعدو ونورا ماطلعتش حتى قدمت حاجه ومهند قايم بالواجب لوحده
سامر بهمس قرب من حازم : ماتنطق يابنى بقيت شبه طه  لما راح يطلب إيد رحاب  عمالين ناكل ونشرب وناقص ننام
حازم بإحراج همس هو كمان ومهند متابع بعيونه : مش عارف مالى كدا وربنا لأعرف محمد دى عمله يعملها فيااا حبكت يخرج دلوقت أنا حاسس إن الكلام واقف فى زورى
مهند أبتسم : أمنورين يا شباب
الاتنين هزو راسهم وردو مع بعض : بوجودك
حازم اتنحنح : إحمممم .. بص ياعمى
سامر زغده فى جمبه : عمك إيه دا اصغر منك هبلتنى
حازم هز راسه : قصدى بس يا زميلى
سامر بهمس: يالهووووى
حازم بعصبيه : عايزنى أقوله إيه فى الموقف المهبب إلا أنا فيه هااا
مهند ضحك : هدى هدى مابدنا نتقاتل من شان القاب فارغه قول يا إلا بدك ياه وخلصنا
سامر : تمام أنت أخو العروسه وإحنا طالبين العروسه هااا رأيك إيه
حازم تنح ومهند ضحك : طالبين مين وأنت تطلب ليه سعتك
سامر ضرب على أورته : أخ لو مؤاخذه هو طالب العروسه يعنى عريس وعروسه ومسك إيد حازم .. ونقول مبروك
حازم بفرحه : الله يبارك فيك يا حبيبى
مهند : والله مابعطيها لا إلك ولا إله شكتتونى بحالى شوبكن  جنيت من عمايلكن هاى 
حازم أتنهد وملامح الزعل أترسمت على وشه : أنا مش عارف مالى متوتر والكلام هرررب ليه  .. هب فى وش مهند .. انا عايز أتجوز أختك جوزهالى بقى
مهند بعصبيه : شوبيك يا رجل شوال رز بعطيك إياااه هايدى  خيتى وحياتى 
سامر : إهدى الراجل متوتر ماهو مش هايتجوز كل يوم هما أربع مرات بس
مهند أبتسم وحازم ضحك وضرب إيده فى إيد سامر : صح جبتها ازاى دى
مهند : خيتى بالاربعه هادول ماراح تلفت وراك بتكفيك العمر كله ما أحلاها ربى يحميها
حازم أبتسم : احلى كلمتين قولتهم .. يا مهند باشا اختك فى عيونى أدهالى وملكش دعوه
سامر زغده وهمس : ياخى فكر فى كلامك الراجل هايقول شارب حاجه
حازم بيصلح : قصدى جوزهالى عايز افرح أمى ست الحبايب يا حبيبه وكدا
مهند نطر إيده : الله يديمها فوق راسك .. قام وقف أعطينى وقت أدخل للعروس بسألها وافجت بعطيك إياها .. ما وافجت ما بعطيك إياها وسابه ودخل
حازم بيمسح إيده فى بعض وبحماس : إن شاء الله هاتعطينى إياااها ونخلص بقى
سامر : ههههههه اغرب جوازه شفتها فى حياتى عايز تشيل وتمشى وخلاص
حازم : ههههههه أسكت أنت مش فاهم حاجه دى شحتفتنى وراها لما وافقت .. أتصلى على محمد عشان مخنوق منه بجد يعنى هو خبره فى المواقف دى ازاى يسيبنى معاك ومع أخوها اتنين اعوذ بالله
سامر قلب وشه : يابنى يانكار الجميل دا لولا إنى بصلح وراك كان طردك
حازم : يا شيخ روح أجرى أوعى رجلك أنا كاوى البنطلون هايكرمش
سامر : ههههههه ملكش حل إمال بتجيلنا بعبلك ليه فى المستشفى
حازم : هو أنا بروح منها عشان اجيلكم أنت كمان
سامر ضحك بصوت هادى وشاور عليه : صح أول مره تصدق فى كلمه  قايم نايم فيها
مهند طالع وبيقرب عليهم وملامح وشه ماتبشرش بالخيررر ولا القبول
حازم لما شاف مهند قالب وشه قلق : خير العروسه اغمى عليها من الفرحه
مهند اتنهد : مابدى أكسر فرحة الرجال بس نورا مو موافقه مابدها تتزوج خصوصى منك  لغت الفكره وقالت أعتذرلك
حازم بصدمه بص لسامر ورجع بص لمهند  : نعم ؟!
❤🧡🧡🧡💚💙💜🤎
بقلم : لبنى طارق
❤🧡🧡💛💚💙💜💜
تصويت ورأيكم يا حبايبى