سكره

سكره ١٥

سكره ١٥
*******
سبحان الله وبحمده وسبحان الله العظيم
لا إله إلا الله محمد رسول الله
لاحول ولاقوة إلا بالله العلى العظيم
حسبنا الله ونعمه الوكيل .. حسبنا الله ونعمه الوكيل
اللهم صل وسلم وبارك على سيدنا محمد وعلى آله وصحبه أجمعين
❤❤🧡🧡🧡💛💛💛💚💚💚💙
مها قربت جرررى برغم إن إيديها مش نضيفه وأول ما شافته شالته بفرحه : بندق .. حضنته قوى يا حبيبى دا سكر هاتفرح لوجودك قوى كنت فين
أنس بضحكه : إيه يا موئه طب قولى للراجل أتفضل
مها بصت قدامها وأبتسمت : كرم أنت إلا لقيته تعالى يا حبيبى أدخل أتفضل
أمجد خرج رحب بيه وقعدو مع بعض كلهم وبندق بيتلفت مستنى يشوفها وسطهم زى ماكان زمان .. قعد كأنه فقد الأمل وأستسلم بحزن واضح وظاااهر عليه
أمجد حط إيده على راسه زى ما كان بيعمل لما سكره بتكون معاه : نورتنا يا سى بندق عقبال رجوع سكر بالسلامه والنور يكمل .. هات يأنس طبق المكسرات من أوضتى
أنس قااام وأبتسم : رحبو بالراجل يا بشر الأول
أمجد ومها بصله ورحبو بيه وكرم بإحراج : عادى والله أنا بردو فرحت لما لقيته زيهم وأكتر كفايه إنه يخص سكر
أمجد خد نفس : اه والله يابنى عندك حق بس لقيته أزاى وأمتى
كرم بإحراج : الصراحه من يوم ما قالتلى دور على بندق
مها بزعل : هو ضاع منها ازاى يا كرم
كرم قعد حكى كل حاجه ومها مبرقه وأنس من غيظه وعصبيته وشه أحمر وأمجد كل إلا عليه يقول لا حول ولا قوة إلا بالله العلى العظيم
مها بصرخه ضعيفه : كل دا حصل فى بنتى وأنا ماعرفش أخص عليك ياكرم ماكلمتنيش ليه .. ليه تسيبهم يضريوها ويحبسوها دول مش بنى أدمين .. منك لله يا زيد يابن ذكيه ربنا ينتقم منك أنت ومراتك يارب
أنس هز راسه : ليه فعلا ماجتش وقولت إلا حصل كله وإحنا كنا هانتصرف
كرم نطر إيده بخنقه : بصراحه ماجاش فى بالى وكان كل همى أخلص سكر من إيديهم وبس لحد ما لميت الناس وماما نزلت وبردو ماقدروش عليهم وبعدين يا أنس أخر مره حصلت مشكله كبيره وعمو أمجد أتدخل أبوها مسكناه بالعافيه وهو واخد سكينه عايز يعوره يعنى نضحى بيه عشان واحد زى دا ما يستاهلش
أنس زعق : ليه الدنيا سايبه وإلا إيه
مها قاعده فى دنيا تانيه وأفتكرت لما سكر كلمتها بعد كتب كتابها وأفتكرت بردو أد إيه زودت وجعها وكسرتها وبقت تعيط بهستريه جااامد وأمجد واخدها تحت دراعه وساااكت مش قادر ينطق
كرم بأسف : لو أعرف إن مجى ها يسبب الزعل دا كله ماكنتش جيت أنا أسف
أمجد : أسف على إيه كتر خيرك .. خلاص يامها كله عدى هانبكى على إلا راح هانعمل بالبكى إيه إلا حصل حصل
مها زعقت : نبكى يا أمجد يمكن نحس شويه باإلا حست بيه .. نبكى يمكن نعرف غلطنا فى حق ولادنا أد إيه لما نحسنش أختيار إلا هانعاشرهم وياخدو لقب أبهات بالأسم بس .. شاورت على نفسها .. أو أبكى أنااا عشان ماكنتش زى الغول ومسكت فى بنتى وكل إلا يقرب أشرب من دمه
كرم بصلها : يشهد ربنا إنك فعلا كنتى زى الغول عليها بس للأسف الموج كان عالى قوى عليكى والقوانين مش فى صفك ومحدش رحمك
أنس رفع إيده : صلو على النبى يا جماعه
كلهم : عليه أفضل الصلاة والسلام
أنس : بنتنا أتجوزت وإلا كان كان هاترفعى قضية حضانه على جوزها منه لله حرمنا كلنا منها كان سابها حبكت يتجوز دلوقت
كلهم برغم ديقتهم ضحكو بصوت عالى
مها : اه منك أستاذ فى القلش زيها تخرجنا من أى موقف بهزارك
أنس : ياله يا موئه ملهاش فى الطيب نصيب
كرم بصله وفهم وسكت تماما لسا هايقوم قعدوه تااانى
أمجد : ماتتصلى كدا نفرحها
مها قامت بدون تردد وأول ما مسكت الفون أفتكرت تحذير سكر بصتلهم بحزن وخرجت نفسها بإحباط نطرت إيديها : أنا ها أتصل وإلا يحصل يحصل .. رجعت بصت لهم كأنها أفتكرت حاجه .. صحيح ياكرم ليه ماقولتش لسكر وخبيت عنها إن معاك بندق
كرم : كنت طالع بيه لها وخبطت وأبوها فتح قولتله ناديلى سكر عشان أديها بندق .. قالى والله العظيم لو قولتلها وإلا خدته منك لدابحه قدام عيونها وزقنى بيه وقالى غور .. خوفت بصراحه يعمل كدا ممكن يجرالها حاجه فا سكت .. نزلت كلمت عريسها لما شفته ماقدرتش أقوله وسألته لو لقيته أعمل إيه إدانى رقمه وقالى كلمنى وساعتها ها أتصرف وأخده منك وأعملها مفاجأه
أنس : موئه جاتلى فكره نعرف الواد دا كويس فعلا وإلا لاء
**
محمد واقف قدام سكر فى أوضتها وبصدمه : بجد هانفضل مخطوبين برا البيت وجوا يعنى إيه مش هاتغيرى رأيك ولا تقريى المسافات
سكره بجديه : بصراحه صعب أو مستحيل أقرب المسافات دلوقت إحنا فى فترة تعارف زى ما أتفقنا وإلا هاترجع فى كلامك
محمد مد إيده بنفى : ياستى مش ها أرجع بس فكيها يا سكر ماتعقديهاش أرجوكى اتكلم بإحراج .. أنا بشر يابنتى وأنتى مش فاهمه حاجه عشان على البر
سكره : خلاص خلينى مش فاهمه وخلينا على وضعنا تصبح على خيييرررر وبتزقه لبرا ..
مسكها مره واحده خضها .. بيزقها لقدام : بطلى جنان أنا جوزك فاهمه بالنهار خطيبك وباليل جوزك .. رفع صباع كانت لسا هاتتكلم .. هششش فاهمه هششش همس باليل جووووزك وإحنا خلاص الليل هب علينا بحلوياته
مديحه اتزحلقت جوا الأوضه وأتكعورت قدامهم الأتنين بقت فى وسطهم
محمد بخضه : منك لله قطعتولى الخلف لسا ها يضرب مديحه سكره وقفت قدامه بخوف مزيف وبصوت عالى محجزه عليها : لاء أرجوك دى بنتنا والشيطان وزها تعملو إيه تقولو لاء ماينفعش يامحمد دى لازم تجارى شيطانها ليتقطع عيشها .. بتقومها قومى يامديحه قومى قامت قيامتك وخلصنااا
مديحه بوجع : اه ماما ااه كعبل فى سجاد برا أجى هنا لوحدى مش أنا ماما أدخل عيب ماما
سكره رفعت إيديها لفوق : وبقدرة قادر بقيتى جوا أتكعورتى برا وبقيتى جوا قومى تعالى وواخدها وطالعه برا
محمد بعصبيه : راحه فين
سكره لفت راسها غمزت له : ها أنيم البنت لتتلبس زى مليكه
مليكه قايمه تعيط وداخله على محمد : سكر يا بابى .. عايز سكر هو فين نام معاه
محمد رفع إيده لفوق وسكر ومديحه باصين ومتنحين من رد فعله : منك لله يا سكر ها أموت يارب لو الدنيا كلها متفقه معاها مش هايعملو كدا .. مشى بالخطوه السريعه زق سكر ومديحه على بعض وقعهم ودخل ورزع الباب
سكره أتعدلت وبصت لمديحه بشررر : وسعى يا قمبلة الغاز الموقوته .. روحى من قدامى لأشرب من دمك قربا قربا
مديحه بخوف : أنا مش إعمل هاجه مصلوم كتير
سكره راحت شالت مليكه : مصلوووم يا ليل ماتطلعلوش نهار .. ياديل شيرررى .. بصت لمليكه مش أمك فى شيرى أمك وفى شيرى الحربايه نطرت راسها .. غورى .. داخله جوا وبتقفل الباب همست .. هو أنا قلبت على زنوبه كدا ليه أسترها يارب خدت مليكه فى حضنها ونااامت ومحمد على سريره بيتقلب يمين وشمال هايتجنن .. مررر الوقت بصعوبه شديده وفين لما نااام ورحم نفسه من التفكييير .. أول ماقام نزل بهدوء قبل ماحد فيهم يصحى وأتوجه على المستشفى على طول طلع على فوق دخل أوضة الاطبااء لقى حازم نايم فى سابع نومه كان نبطشى طول الليل و نام لما زميله أستلم منه .. قلع هدومه بهدوء ولبس طقم المشفى المخصص للأطباء وخرج ..مر على حالتين عمل لهم عمليات واطمن على وضعهم ودخل المكتب .. كشف ورا كشف لحد ما هلك ..
الممرضه : دكتور تعى معى
محمد هز راسه وبصلها بتعب : خير
الممرضه : حاله عم تعانى بتصرخ
محمد خد البلطو لبسه ونزل معاها مر الوقت وهو مازال مع الحاله بص للمرضه وأتكلم بجديه : نادى أبوحجى ينقله غرفة الأشاعه بسرعه
الممرضه هزت راسها : أمرك يا دكتور .. مشيت من قدامه على طول وأتحركو مع الحاله عملو الأشاعه واللازم ومحمد واقف بيبص فيها كلم أهل المريض : كسر مضاعف
أخو المريض شاور : شنو مضاعف
محمد : كشر شديد شويه وهايحتاج راحه وعلاج لفتره أطول من الكسر العادى .. بصلهم .. أتفضلو .. أبو حجى
أبو حجى : بتأمر يادكتور
محمد بيكتب : جهزلى كل إلا ها أكتبهولك هنا وخد الحاله على جوا عشان نجبس الكسر
أبو حجى هز راسه وخد منه الروشته وإنطلق يشوف شغله .. فضل مشغول كدا لحد أخر النهار وراح غرفة الأطباء مهدود أول ما قفل الباب حاتم لف بص بنوووم وبصوت نعسان : محمد
محمد بتعب نام جمبه : خش خش قبل ما يفتكرونى رجلى ورمت من الواقفه إنهارده
حازم : يارب ما يفتكرونى أنا كمان أخخخخخخ
محمد بصله : بستغرب أزاى بتقدر تتكلم وتنام وتتواصل مع العالم الأخر كل دا فى لحظه واحده
حازم بنوووم : هما إلا بيتواصلو معايا أخخخخ
محمد زق راسه : نام لسا بيحط راسه الأوضه أتفتحت : طالبينك دكتور محمد هلا
محمد أتعدل وبرق له مد إيده : إيه يابنى مفيش غيرى ملحقتش أسند ضهرى أريحه مافى غيرى كتير
حازم : هههههههه أخخخخخخ
أبو حجى : ذاكرينك بالأسم .. شاور بايده .. طالبينو للدكتور حازم بيكفى نوم يادكتور تعى مع الدكتور محمد
محمد بصله وضحك وزقه فى نفس الوقت : ههههه قوم عايزينك
حازم أتعدل ورفع إيده : إلهى يقلق منامكم يارب زق محمد ونزل ومحمد ميت على نفسه من الضحك .. شد البلطوو وخارج رجع بص لمحمد .. وربنا وربنا لأنا جاى واكل عندك إنهارده وإحترم نفسك وكلم مراتك تعملى كل الأكل إلا نفسى فيه لأتصل بأمى أقولها وأفضحكم فى دبى يا عالم جعانه
محمد رد بسرعه : مراتى عامله فول والقولون عندك عصبى أخاف عليه
حازم رجع وبصله : عامله قرد ها أكل عندك يعنى ها أكل عندك هه وسابه ومشى
محمد بتفكييير : دا مصمم ها أكلم خطيبتى ازاى اقولها حضرى غدا ليا ولصاحبى وهى مقموصه دا وقت تعمل خطوبه فيه ماتمشيها جواز وخلاص إرحمنا يارب .. مسك الفون أتصل عليها .. حبيب قلب بابى فين سكره بسرعه
مليكه جريت عليها : سكرا بسرعه كلم بابى عايز
سكره خدت الفون : نعم مش مخاصمنى عايز إيه دلوقت لما نتصالح نتكلم
محمد أبتسم : معلش خليها عليكى وصلحينى إنهارده بس
سكره : ماشى صالح .. شهقت .. إيه دا محمد يا خبر كنت لسا على بالى عامل إيه ياقلبى .. هزت راسها .. وحشتنى وحشتنى وحشتنى
محمد مسك التليفون وهز راسه وبهمس : وربنا ما مرتاح حاسس إنك بتدبرلى مصيبه . . مثل زيها .. أحممم .. سكره .. أخيرا سمعت صوتك مش معقول عايز أقولك إنى مش مصدق نفسى بالمره
سكره بتنهيده : وحشتنى مش هاتاخدنى نلف بالعربيه مع بعض زى إمبارح
محمد : هههههههه البنزين غلى هانلف على رجلينااا
سكره بتذمر : مستخسر فيا لتر بنزين
محمد سكت ماردش عليها
سكره بتنادى : محمد روحت فين قفلت .. يالهوى كل دا عشان لتر بنزين بلاها الخروجه وأنطق
محمد بتنهيده : أنا تعبت وأنتى بتقتلينى .. جمبك وبعيد عنك مفيش راجل بيتحمل كدا طريقتك بتشوقنى لقربك أكتر وأكتر
سكره : أمممم خلاص لما أكلمك أو اشوفك ها ابوذ وأكرهك فى عيشتك عشان ضميرى ما يأنبنيش
محمد : ههههههه لا وعلى إيه ضميرك يأنبك أحسن .. عامله أكل إيه ياقلبى
سكره كشرت : أكل .. أنت نسيت إنك عازمنا على الأكل حضرتك
محمد تنح : أنا وربنا ماحصل
الممرضه فتحت الباب : دكتور محمد تعى معى هلا
سكره شهقت لما سمعت صوتها : بتخونى من دلوقت وكمان رايح معاها
محمد شاور للمرضه تمشى ورجع كلمها : بخونك إيه أنا عارف أتنيل أتجوز لما أخون .. أبتسم .. الله يباركلك أكله حلو كدا مصر كلها تتشرف بيها أرفعى راقبتى إنهارده
سكره قفلت السكه وهى بتقول : خلى الحلوه إلا جمبك تأكلك
محمد أتعدل ونطر إيده بالفون : ياله يا حازم مش خساره فيك والله أبن حلال مصفى ولا عمره هايدوق لقمه نفسه فيها وخرج ما أتصلش تانى على سكره .. بعد وقت خلص وبيلبس وماشى عدى على حازم فى عيادة الكشف
حازم بص فى ساعته لما شافه : ماتصبر نمشى سوا بصله بنص عين .. عارفك بتهرب
محمد أبتسم : لا ها أسبقك أنا عشان أخليها تجهز أكل يليق بسعتك لتاكل فول بجد
حازم بفرحه ظاهره ضحكت المريض وإلا معاه : إلهى يباركلك وترضى عنك بنت زيد قادر ياكريم
كلهم : ههههههههه
محمد : يخربيتك شحات .. أبتسم ورمى السلام ومشى على طول وصل هناك قلب دماغ سكر وقاعد يعمل معاها كمان مر أكتر من ساااعه وسكره بتشتغل بضمير لما عرفت انه عازم حازم على الأكل وطلعت ورق عنب وأكلات كتير جايبها معاها وتظبط وتولع عليهم على طول ..
**
نورا نازله من التاكسى هى ومهند حاسب وجرى الناحيه التانيه شال نورا بين إيديه وطالع على السلم بيها وهى لفه إيديها حوالين راقبته وبتهز رجليها الأتنين .. حازم طالع جمبهم وبيبص بجمب عيونه عليهم الأتنين بقرف .. نورا خبطته .. عداها وطلع .. يدوب وصلو قدام الشقه خبطته تانى .. أتعدل حازم وبعصبيه : ماتبطلى دلع وإحترمى نفسك
مهند لف ونورا برقت وشهقت شاورت على نفسها : أنا بتكلمنى أنا
حازم شاور عليها : أيوا أنتى إمال إلا شايلك ما تتنيلى تمشى زى البنى الأدمين مش صابره لما تدخلى شقتك عيب
نورا بعصبيه أتهزت جااامد ومهند ماسكها خايف تقع : وأنت مالك أنت أما قليل الذوق بدال ماتقوله عنك أساعدك
حازم بجمب عينه : أساعده دا الراجل روحه هاتطلع وهو شايلك أشيلك أنا أهبب إيه بسعتك لما يجيبيلى دسك وإلا أستعين بونش يساعد أحسن
نورا هزت نفسها جااامد : نزلنى يا مهند أئدب أبو لسان طويل عايز حشه على رأى ستى .. جاتك ضربه فى لسانك
مهند بصله بحده : ما أسئلك رجال حشور شو دخلك فينا
حازم عوج شفته : أنا إلا حشور وإلا أنت والأورضه على إلا كتفك .. نطر إيده .. أدخل ياله أسترو نفسكم بلا فاضيح وكلام فارغ أفتح ياراجل أرمى المصيبه دى من على كتفك الله يكون فى عونك
نورا نزلت ومهند بينطر إيده وياخد نفسه وطارت على حازم بتديله بالرجل وحازم بعد عنها بتستعد كأنها بتلعب كاراتيه ومهند واقف مصدوووم : أنا تقولى الكلام دا دانا واخده بطولة الجرى عشر مرات ومش ها أسيب حقى
مهند بصدمه : قصفتيلى ركبتى وأنا عم أبرم فيكى يانورا وأنتى متل الشانبنزى بتجرى من هون لهون
حازم شاور عليها وكلم مهند : عشان تعرف دى واحده مكاره بتستغلك وبس شيلنى لاء نزلنى .. لاء أنكجنى لما قطمت وسطك وأنت ولا أنت هنا خدها أديها علقه وأنا فى ضهرك ها أشهد عليها لو عايزنى اضرب معاك إحنا مصرين جدعان وفى الخدمه
نورا بصتله بصدمه : وقربت بتحذير عليه ورافعه صباعها فى وشه .. أن تضع أنفك في كتاب📓
خير لك من أن تضعه في شؤون الآخرين"!
مهند : شو بدخلك روح من هون بيكفى ولدنه رجال عقلاته صغير
نورا زقت حازم : دى مقوله قالها -آدم ستانلي لأمثالك فاهم لأمثالك
حازم زقها : أستانلى أنتى هنا شويه .. عايز إيه أنت بتقول إيه ماهى ناقصاك مش كفايه شعرك أصفر وسايح لاء وبتتكلم كمان .. ياراجل روح
مهند : ما إلك دخل فى نورا وخليك معى لأكلك قتله بتروح فيها والله هاد تحذير عم حذرك
حازم بيلف إيده فى الهوا : أنا عايز أكل دلوقت بقى ورينى نفسك لو شاطر وعاملى فيها عنتر
نورا قربت بتحذير لحازم : ‏لا تتحدى شخص متصالح مع وحدته، ولا يهتم لكونه وحيداً، لأنك ستخسر حتماً .
- دوستويفسكي
حازم زعق فى وشها : دوسفكسى عليكى وعلى اليوم إلا شفتك فيه وسعى أنتى وشعرك إلا شبه الطبق الطاير إبعدى بقولك
نورا حطت إيديها فى جمبها ونطت قدامه : مش ها أبعد
حازم : بتنطى زى ابو قردان قدامى عايز أكلم الراجل كلمتين
نورا : قولت مش ها أبعد وبعدين أسمه دوستويفسكى يا جاهل .. أبعد أنت أحسنلك عشان دا مش باقى على الدنيااا ماعندوش حد يبكى عليه
حازم نفض إيده : ولا أنااا وجعان وحالتى حاله الله يخربيتكم مش وقتكم
مهند لسا بيقرب عليه محمد فتح الباب ووراه سكر ووراها مديحه ووراهم كلهم مليكه : أنتو إلا عاملين الدوشه دى كلها
نورا بتأكيد : أيوا يا دكتور محمد أطلب الشرطه للأستاذ دا كان عايز يضربنى ويضرب مهند
محمد رفع حاجبه وسكرا نطت قدامه
حازم : والله كدابه .. شاور على مهند .. البيه شايلها لما قطمت وسطه وهرتنى ضرب بدلعها وعايزانى أسكت جاين من مصر نتبهدل يادبى أشهد يا برج خليفه
مهند بتحذير : ما إلك دخل فينا راح زدته على التخت وبرجعلك ولو رحت معه راح عيط عليك ما بتركك لا تحلم
حازم رفع إيده لفوق : عيطو عليك ساعه وأنفضو
محمد : صلو على النبى يا جماعه الموضوع مش مستاهل .. خد مراتك وأدخل وأنا ها أخد صاحبى ولا كأن حصل حاجه سوء تفاهم مش أكتر والله
مهند تنح : مرتى شو يعنى مرتى مانها مرتى شاور عليها هاااى نورا مانها مرتى
حازم لف صباعه فى الهوا : كمان مش مراتك يالهووووى وبيحط إيده الأتنين على وشه يا بوليس الأدب جايه من مصر تنحرفى هنا يا فضحتى يا شرطه
نورا زعقت فى وشه : أخرس ياقليل الأدب
مهند بعصبيه : أعبطينى يانورا راح أدخلك وبرجعله
حازم : أيوا أعبطيه ووعد كلنا هاننزل فيه ضرب ماهو غاوى عبط مره يعيط ومره ينعبط
محمد وقف فى النص بينهم : تعالى يا حازم
مهند : أتركه هون راح أرجعله بديله قتله وزده لعندك راح أكسرك كسيررر بقتلك قتيل
حازم بيشاور على مهند : بيقول إيه الواد دا بيشتم أوعى يامحمد يكون بيشتم مش ها أسامحك ليوم الدين
محمد شده دخله جوا بالعافيه وأتأسف لنورا ومهند و قفل الباب ..
نورا رفعت إيديها : شيلنى دخلنى يا مهند عشان أنا أتعصبت
مهند بصلها : متل القرده إضهرى من هون جبتيلى الدسكه متل ماقال الرجال والله
نورا بعياط مصطنع : ااااه يا نورا باعك مش هاتلاقى إلا يشيلك فى الغربه يانورا .. أمك سرقته وعلمته القسوه عليكى الأخوه تاهت من دربه شاورت بنفى .. لاء تاهت من قلبه
مهند حط إيده على بوئها : بيكفى ما ألئمك وبيشيلها ودخل بيها على جوا وقفل الباب رزعها على الكنبه وقعد حاطت إيده على ضهره .. خلاص حملتك متل البيبى وأتعاركت بيكفى لهون
نورا شهقت : إيه هاتسيبنى وترجع لبنان .. عيطت .. فين الأخوه راح فين الدم
مهند خبط عليها : هون مافى دم مافى إحساس .. راح ريح على التخت نفض إيده .. مابتعرفينى اليوم وسابها ودخل جوا
نورا مدت إيديها : خد يامهند أنا جعانه مين ها يعمل الشاورما طه مش قادره أقوم رجلى فيها واوا إهئ إهئ .. يعنى هانام بواوا وجعانه رفعت صوباعين قدام عيونها وإحولت .. الاتنين
**
مها قاعده جمب أمجد وبصاله : تفتكر قال كدا ليه لكرم بيضحك عليه وإلا إيه
أمجد : ها يضحك عليه ليه يامها وبعدين أنتى قولتى أنا سمعته بيدلعها وبيهزر معاها .. يعنى كويس ومراعى ربنا فيها
مها : لما هو كويس مانعها تكلمنا ليه أو تعرفنا إن معاها فون مافى حاجات قلقانى بردو يا أمجد فى شئ مش مريحنى من جوايا
أمجد خد نفس : أنتى لازم ترجعى شغلك من ساعة ماعملتى أجازه بقيتى تفكرى كتير زياده عن اللزوم
مها بصتله بشر : أنت بتقول إيه وأنا بقول إيه ما تريحنى بقى فى مره وأنا بتكلم معاك
أمجد نطر إيده : هو دا الحل صدقينى وأبقى كلميها أطمنى عليها وأسألى كل الأسأله إلا تعباكى يمكن نرتاح كلنا
مها هزت راسها ولفت بعد ما كانت قاعده جمبه على السرير نامت وحطت إيديها تحت راسها .. أفتكرت لما كان كرم هنا وأنس أقترح عليهم أقتراح
فلاش باااك
**********
مها بالهفه : قول يا أنس بسرعه
أنس بص لكرم : أتصل على الدكتور محمد قدامنا وأفتح الأسبيكر وقوله إنك لقيت بندق وعايز تفرح سكره ونشوف ها يقولك إيه
أمجد أبتسم : والله فكره
مها : أيوا يا كرم أتصل كدا وشوف ها يقولك إيه
كرم طلع الفون وأتصل على محمد فعلا .. أول مره ماردش .. تانى مره رد : ألووو دكتور محمد
محمد بأستغراب : مين
كرم : أنا كرم جار مدام سكره فاكرنى إلا قولتلك على بندق
محمد بتذكير : أيوااا أفتكرت خييير لقيت بندق
كرم بتأكيد : أيوا لقيته ولو ممكن أكلم المدام أفرحها
محمد همس : ثانيه واحده
كلهم أتعدلو حوالين كرم وأنتظرو رد محمد إلا فاجئهم كلهم
❤❤🧡🧡🧡💛💛💛💛
بقلم : لبنى طارق
💛💚💚💙💙💙💙💜💜
مالكم كدا مش متفاعلين معايا خالص ليه