သူမ မှ တစ်ပါး

Part 38

ကိုင်း ခေါင်းလေးညိတ်ပြလိုက်သည့်အခါ ဦးက ကိုင်းလက်ကလေးကို တင်းတင်းလေးဖိဆုပ်ကိုင်ထားလိုက်တော့ ရင်ထဲနွေးထွေးသွားသလိုပင်။
ဦးပြောခဲ့သည့်အတိုင်း ပြောရမယ်ဆို
ကိုင်းသည်လည်း တစ်ယောက်ယောက်ကိုချစ်ခဲ့သည်၊ ချစ်လည်းချစ်နေဆဲဖြစ်ကာ
ထိုလူဟာ နေမင်းမဟာဆိုသော ဦးအစုတ်ပလုတ်ကြီးသာဖြစ်ပါ၏။

💞💞💞💞💞

"ကိုင်း နင် ဝိတ်လျှော့ဦး အခုတောင်ဗိုက်ခေါက်ထွက်နေပြီ"

မ ကို မေးဆတ်ပြရင်း မ လက်ထဲကအာလူးကြော်ဘူးကိုဆွဲယူလိုက်တော့ မ က ဘာမှပြန်မပြောဘဲ ဗိုက်ကိုတစ်ချက်ငုံ့ကြည့်သည်။
ထိုအခါ နေနေကလည်း တခစ်ခစ်ရယ်ကာ သူ့လက်ထဲကအားလူးကြော်ကို တစ်ခုလှမ်းယူစားရင်း...

"ဟုတ်တယ် အရင်တုန်းက သူ့ခါးဆိုဒ်က 27ပဲရှိတာ အခုကျ 29တောင်ရှိနေပြီ"

"အဲ့လောက်လေးနဲ့များ"

"အဲ့လောက်လေးနဲ့လုပ်မနေနဲ့ ကိုင်း မင်္ဂလာပွဲဆိုတာ မိန်းကလေးတစ်ယောက်ရဲ့အလှဆုံးအချိန်ပဲ နင်ဗိုက်ပူနေမှတော့ ဘယ်လိုလုပ်ပြီး.."

"ယောကျာ်းရပြီဥစ္စာ အဲ့လောက်ထိ လှစရာမလိုတော့ပါဘူး နင်တို့ဆိုသည်မှာကလည်း"

"အိမ်ထောင်သည်က ပိုပြီးလှနေသင့်တာ မကြားဖူးဘူးလား အိမ်ထောင်ဦးစီးက နေ့တိုင်းအပြင်မှာ အလှပဂေးတွေ တွေ့နေရတာ နင်ကအိမ်မှာနေပြီး ရွဲပလဲနေရင် အဟွန်း.. ဒီတစ်ခါ ယောက်ဖဘက်ကဟေ့"

သူ့စကားကြောင့် မ မျက်နှာလေးပျက်သွားပြီး နှုတ်ခမ်းလေးစူထော်သွားပြီး ဘေးနားမှာချထားသည့်မုန့်တွေဆီ အကြည့်ရောက်သွား၏။
မ အလှအပကြိုက်တာ သူတို့အသိဆုံးဖြစ်ကာ အခုလည်း ဝိုင်းကြပ်နေမှန်းသတိမထားမိတော့သည်အထိ စိတ်ညစ်သွားပုံရသည်။

"နင်တို့စားလိုက်တော့"

သူနဲ့နေသာ တစ်ယောက်ကိုတစ်ယောက်ကြည့်ရင်း ပြုံးလိုက်ကြကာ မ ဘေးကမုန့်တွေကို တပွေ့တပိုက်ကြီးယူပြီး မသိမသာလက်သီးချင်းတိုက်လိုက်ကြ၏။
အခုနေ မ သည်လေ့ကျင့်ခန်းတွေလုပ်ဖို့ စဥ်းစားနေလောက်ပြီမို့ အတွေးဖြင့်ကြိတ်ပြုံးနေတုန်း ယောက်ဖက အထုတ်တွေဆွဲကာ ရောက်လာတော့သည်။