💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 54
مشاو مسافة ديال الطريق حتى عياو و جلسو يرتاحو شوية... الخابية لي عندهم ديال الماء بقا فيها شوية... خلا خليل فاطمة تشرب الشيء المتبقي..
حط يدو على كتف فاطمة كيشوف فيها: صافي باراكة من التنخصيص... كلنا كنعيشو شي حوايج خايبين فحياتنا.
فاطمة كتمسح دموعها: ماديش عليا راني غي ثأترث شوية و...
قاطعها من كلامها الأرض لي بدات كتزلزل من تحت منهم و صوت ديال وقع أقدام...
وقفو متأهبين لأي حاجة غاتكون كتسناهم ولكن طرى لي ماكان فالحسبان...
مارد الدخان بشحمو و لحمو وقف قدامهم كيضحك بضحكة شيطانية.
مارد الدخان: اهلا اهلا بالاذكياء ديالنا... مادازش بزاف باش شفتكم.
خليل: ولكن....
مارد الدخان:ماكاين ما ولاكن... جيت دابا ننتاقم بأمر من العفريت الأعظم غادي ندمكم هلى شنو درتو ليا.
شد خليل بين يديه و طلعو عندو كارز عليه.
فاطمة كتغوت بالجهد من لتحت: وا غي طلقو باش نتفاهمو... نتا أسيدي العفريت فهاد لمقام كااامل و دايرين فيك هاد الحالة.
المارد: كيفاش زعما؟ آشمن حالة.
فاطمة : وااا طلق منو بعدا باش نهضرو بالعقل.
المارد بعصبية: ماااغانطلقوش و اليوم غانقتلو بالدخان ديالي..
فاطمة: اوى خصااارة أسيدي المارد لعبو بيك حتى شبعو.
المارد: كيفاش... لعبو بيا؟
فاطمة بمكر: على نتا مافراسك وال؟
المارد بسداجة: لا
فاطمة : عاقل بعدا علي ديك الجرة لي كنتي مسجون فيها... و راه قريب ترجع ليها... تلاقينا مع وحش النهر و عطانا واحد الخابية... هو متافق عليك و على ضهرك باش يغلبك و يولي هو الخادم الوفي ديال العفريت الأعظم... داكشي علاش عطاها لينا نسجنوك فيها... ولكن حيت حنا عارفين بلي باين فيك من الأخيار و ضريف قررنا مانآذيوكش.
المارد بتلبك: وشنو لي يخليني نتيق بكلامك.
فاطمة جابت الجرة: إوى شتي دابا رجعتينا كنكدبو.. وا طلق من خليل و لا بغيتيني نسجنك هنا؟ راه هاد الجرة ايلا قلت ليها تبتالعك راها تبتالعك.
حط المارد خليل فالارض كيسوس ليه فحوايجو و يفرنس معاه.
المارد: ياكما وسختك أ سي خليل.
خليل دافع كبير: نفض نفض ليا هاد لبلاصة راه عمرتيها غبرة.
فاطمة تحت سنانها: خليل سكتنااا غاتجبدو علينا.
خليل بصوت منخافض: ههههه و الله تا عبرتي عليه...
خليل كيهضر بالجهد مع المارد: إوى أسي المارد دابا عرفناك مافيدكش... كون كنتي ماارد ولد المارد كوراك مشيتي عند داك وحش النهر صفيتيها ليه.
المارد: و نغلبو زعما؟
فاطمة: وااايلي تانتا!! راك تغلبو و تفوتو لهيه.
بدا المارد كيستحلاها و طلق عضلاتو عليهم... قرر أنه يبالي بوحش النهر و يصفيها ليه... بما أنه مارد الدخان خاصو شوية ديال العافية باش يغلب داك وحش النهر... بسييطة.
مشا المارد و خليل و فاطمة تابعينو من اللور... هوما عارفين بلي ايلا جوج عفاريت تضاربو أكيد غايقتلو بعضياتهم... حيت عندهم نفس الدرجة من القوة.
و بعد لحظات كان اللقاء بين مارد الدخان و وحش النهر...
المقاتلة بيناتهم كانت شرسة بزاف... بما أنه حنا عارفين بلي الماء كايقضي على العافية ولكن حتى العافية تقدر تغلب على الماء..
بدي المارد كيطلق ألسنة ديال النار بينما الوحش كيطفيهم بالماء حتى تشادو بيناتهم كل واحد كيستعمل قوتو..
و هاكذا ساح وحش النهر و تحول لماء بينما مارد الدخان بقا منو غي ألبخار...
بداو فاطمة و خليل كيضحكو فرحانين... لحد الآن تغلبو علي جوح ديال العفاريت و نجاو من ريتشيل... ولكن بااااقي شلا ماتابعهم.
ياله كانو كيفكرو فالوحش الجديد لي غايتلاقاو بيه حتى بانت ليهم شاهيناز فوق واحد التلة هازا سوط كتشالي بيه و تهضر بحقد.
شاهيناز: جيتو عوتاني بين يديا.. هاد جوج عفاريت هما غي أغبياء... دغيا قدرتو تتغلبو عليهم بالحيلة.... ولكن ماشي مشكل.. الشي لي بداوه و ماقدروش يديزه غانكملو أنا.
قربات شاهيناز منهم.. الحركة ديالهم بجوج تشلات.. ماغايقدو لايهربو لا والو..
قربات من فاطمة و بدات كتتحسس ليها يديها و شادا السوط فاليد الأخرى... مرة مرة تضربها لضهرها باجهد... و صوت هاد الأخيرة و هي كتغوت كيتسمع ليه صدى فالجزيرة كاملة.
شاهيناز: واش عارفا بلي عضم واحد منك غايخليني نمتلك قدرة خياألية... عظم واحد منك احسن من الذهب... اما ايلا خديت عظوماتك كامليلن... غانحكم هاد العالم هههههه.
دازت عند خليل: و نتا.. نتا غانخليك حي... غانشدك بين يديا... و نسمع صوتك صباح و عشيا... غاتغني ليا... غاتطرب ليا ودنيا... غانخليك تمووت عطشان... غاتغني ليا حتى يتقطع حسك... غانتفرج فيك و نسمع صوت الموت خارج من فمك.
حطات يديها على فم خليل و كتلعب فاللحية ديالو...أما هو فقلب وجهو عايف منها.
شاهيناز: هههههههه علاش كتنفر مني ؟ هذا ماشي موضوعنا دابا... غانبدا بيك نتي.
اتجهت لعند فاطمة جبدات جنوية من حوايجها و بدات كتقطع لفاطمة فيديها مخليا الدم كيشرشر... بدات كتحيد ليها الجلدة ... خاصها تجبد لعظم.
لوب يو 💜
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
