حفار القبور💀مكتملة💀

💀الجزء 40💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 40

فاطمة: خليل يقدر يكون شي مخرج فالسقف.

مشا خليل جاب الطبلة و طلع فوق منها كيقلب فالبلاصة لي فيها الكتبة واش كاين مخرج..
جبد سيفو كيضرب بالجهد حتى تحل واحد المخرج صغير.. شاف ففاطمة و هضر: أنا غانطلع نشوف شنو كاين و ايلا كان آمن و نقدرو ندوزو فيه غانرجع عندك... ماتحيديش القناع من علي نيفك.

بعدما تأكد بلي النفق عندو مخرج رجع عند فاطمة لي  طلعات فوق الطبلة و جرها من يديها حتى طلعها عندو... و بقاو غادين طول حتى وصلو لواحد السرجم زجاجي... دفعو خليل حتى تحل و نقز و نقزات وراه فاطمة.

بداو يضورو عينيهم باش يعرفو فين هوما... بان ليهم راسهم واقفين فوق خشبة بحال ديال المسرح و الستائر هابطين عليهم بحالي كيتسناوهم يقدمو شي عرض.
جوج ديال الخناجر محطوطين فالأرض... واحد مكتوب فيه خليل و الآخر مكتوب فيه فاطمة..
سرطو ريقهم و كل واحد هز الخنجر ديالو بتشكيك.

بانت ليهم واحد الرسالة و حلوها

'' أقتلهم قبل أن تصبح تسليتهم أعين الجمهور تحدد مدى جرم القاتل''

فاطمة: شنو هادشي دابا... هادشي غادي و كيتعقد... أنا...
قاطعها من كلامها الستائر لي بدتو كيترفعو بالشوية بالشوية حتى تهزو بمرة.

كوصف للمشهد فالقاعة كانت كبيرة فالرأس ديالها مسرح فيه خشبة و قدام الخشبة كاين خمسين كرسي على كل كرسي جالسة دمية بيضاء على شكل بنادم ولكن دون ملامح... وجه الدمى كان أبيض مافيه لا عينين لا فم لا نيف.
وقفو كيشوفو فبعضياتهم و بدا الجمهور كيسفق ليهم (الدمى).
جنيع الدمى لي كانو جالسين شعل فعينيهم ضوء أحمر و بداو كيحركو راسهم يمين يسار بدون توقف.

ماحسو أبطالنا براسهم حتى الخنجر لي كانو هازين لسق فيديهم و مابغاش يتحيد.
هنا بدات اللعبة.. يا قاتل يا مقتول. بداو الخناجر كيحركو جارين معاهم اللاعب من تلقاء نفسهم...

خليل كيهجم و فاطمة كتهجم... فوق الطاقة ديالهم كيهاجمو بعضهم و الجمهور كيتفرج فيهم بصمت.
فينما كيطيح شي حد فيهم كيبدا الجمهور يسفق.
الحرب نايضة فالمسرح... فاطمة كتحاول تفكر فشي طريقة تخرج منها من هادشي و خليل كيفكر فديك الجملة لي قراوها فالرسالة...
يعني هوما دابا تسلية للجمهور... و خاصهم يقتلو الجمهور يعني هذا هو التفسير المنطقي لداكشي لي قرى. ولكن كيفاش غايقدرو يقتلو دمى؟

و بينما خليل هجم على فاطمة بالزربة كيجري حتى حس براسو مابقاش قادر يتنفس و طاح فالأرض شاد على سدرو مزير عليه... أكيد غايكون تنفس الهواء السام لدرجة أنه طاح دايخ...
صوتها فدماغو كيغوت عليه.... نووووض قتلها نوووض قتلهااا.

بدا شاد راسو بين يديه أما فاطمة فالخنجر ديالها يجر و هي تجر حيت عارفا إيلا خلاتو غاتمشي نيشان تقتل خليل.
هضر معاها خليل كيلهث و ثوتو متقطع: فاااااطمة النقطة الضعف ديال الدمى هي عينيهم تفكري مزيان شنو قريينا أعين تلجمهور تحدد مدى جرم تلقاتل.

غي گال هاد الهضرة هوى فالأرض... مع طاح مع الخنجر مابقاش لاسق فيديه....

جرات فاطمة الخنجر ديال خليل فرجليها و هي كتعاقر مع الهنجر ديالها حتى شداتهم بجوج.
تفكرات گاع القهر لي دازت منو گاع الظلم لي تعرضت ليه فهاد العالم... غاتتتتقتتتل الدمى على قبل باش ترجع تشوف دادا طامو.
غاتقتل الدمى باش تعيش هي و خليل.
غاتقتل الدمى باش تنقد خليل.

هادشي كامل خلى عروقها يبانو فعنقها و عينيها حمارو... غوتات غوتة من القلب بحال شي لبوءة قتلو ليها الأسد ديالها... تفوقت على القدرة ديال الخنجر و قدرات تتحكم فيه... مشات نيشان للجمهور كتخشي الخناجر ديالها فعينيهم واحد واحد و الدم كيطير ليها على وجهها... دم ماعرفاتش المصدر ديالو.. ولكن هادشي ماكيهمش خاصها تقتتتلهم و تصفيها ليهم واحد واحد... على قبل دادا طامو... على قبل خليل..  و على قبل راااسها هي...

طاحو الخناجر من يديها بعدما دارت مجزرة فديك القاعة... الدماء الجمهور كتسير بين رجليها وجهها عامر دم... كتشوف ببرود فالحيط... شافت فيديها لي عامرين دم.

فاطمة بضحكة ساخرة: ههه صافي وليت مجرمة.

تفكرات خليل و وسعات عينيها... مشات عندو كتجري لقاتو مغمض عينيه سدرو مكيهبط مكيطلع... بدات كتفيقو و تغوت و تضرب فيه بالجهد.
تحنات على قلبو باش تسمع نبضاتو ولكن ماسمعات والو..
بدات كتترعد فبلاصتها و هي كتشوف فيه بعدم تصديق.

تعليقاتكم تحفزني علي إعطاء المزيد
أبنفزجكن 💜