💀ﺣﻔﺎﺭ ﺍﻟﻘﺒﻮﺭ💀
🔰El Yakut
▫Part 8
ﺿﻮ ﺍﻟﺸﻤﺲ ﺍﻟﺤﺎﺭﺓ.. ﻭ ﺍﻟﺰﻧﺎﻗﻲ ﺧﺎﻟﻴﻴﻦ ﻣﻦ ﺍﻟﻤﺎﺭﺓ.. أما ﻭﻟﺪ ﺍﻟﺴﻠﻄﺎﻥ ﺑﺎﻟﻮ ﻣﻊ ﺳﺮ ﺍﻟﻤﻘﺒﺭﺓ.. ﻟﻲ ﺳﺮﻫﺎ ﺩﺍﻉ ﻓﺎﻟﻘﺒﻴﻠﺔ ﺍﻟﻐﺎﺑﺮﺓ.. ﻭ ﻟﻜﻦ ﻣﻴﻤﻜﻨﺸﺎﻱ ﻳﺨﻠﻴﻬﺎ ﺳﺎﻳﺒﺔ.. ﻭ
ﻳﺮﺣل ﻋﻠﻴﻬﺎ ﻭ ﻳﺘﺮﻛﻬﺎ ﻟﻠﻘﻮﺓ ﺍﻟﺨﺎﻳﺒﺔ....
ﺗﻌﺎلى ﺻﻮﺕ ﺍﻟﻐﺮﺑﺎﺍﻥ.. ﻭ ﺍﻟﻌﺼﺮ ﺑﺪﺍ ﻳﻠﻮﺡ ﺑﺎﻟﻤﻜﺎﻥ.. ﻭ ﻫﺎﺩ ﺍﻟﻌﺸﻴﺔ.. ﻏﻴﻮﻗﻊ ﻣﺎﺍﺍﺍ ﻟﻢ ﻳﻜﻦ ﻓﺎﻟﺤﺴﺒﺎﻥ.. ﺍﻳﻮﺍ ﺗﺒﻌﻮ ﺣﻜﺎﻳﺘﻲ ﻓﻬﺎﺩ ﺍﻟﺰﻣﺎﻥ ﺗﺴﻤﻌﻮ ﺍﺵ ﺩﺍﺍﺍﺭ ﻭﻟﺪ ﺍﻟﺴﻠﻄﺎﻥ.
ﻭ ﻓﻮﺳﻂ ﺍﻟﺴﺮﺍﺍﺏ ﻟﻲ ﻋﺎﺩ ﻳﺒﺎﻥ ﻟﻴﻪ ﺑﺎﻟﺤﺮﺍﺭﺓ... ﻭ ﺍﻟﺠﻮ ﺗﻤﺎ ﻣﻈﻠﻢ ﻭ ﺍﻻﺭﺽ ﻛﻠﻬﺎ ﻏﻴﺮﺍﻥ.. ﺑﺪﺍ ﻳﻘﺮﺏ ﻭ ﺍﻟﺤﺎﻝ ﻏﺎﺩﻱ ﻛﻴﺒﺮﺩ.. ﻭ ﺍﻟﺴﺤﺎﺏ ﻏﺎﺩﻱ ﻭ ﻛﻴﺘﺤﻮﻝ ﻟﻠﻮﻥ ﺍﻟﺮﻣﺎﺩ.. ﺩخل ﻣﻦ ﺍﻟﺒﺎب ﺍﻟﺤﺪﻳﺪﻱ ﺍﻟﻜﺒﻴﻴﺮ ﻭ ﺍﻟﻐﺮﺑﺎﻥ ﻛﺘﺤﺴﺮ على هاد ﺍﻟﺸﺎﺍﺏ.
ﻭ ﻫﻮ ﻛﻴﺘﻘﺪﻡ ﻭ ﺻﻮﺕ ﺧﻄﻮﺍﺕ ﺍﻟﻌﻮﺩ ﻭ ﺍﻟﺪﺭﻉ ﺍﻟﺤﺪﻳﺪﻱ ﻛﻴﺘﻘﺮﻗﺐ ﻛﻴﺘﺴﻤﻊ ﻭﺳﻂ ﺻﻤﺖ ﺍﻟﻤﻘبرة...
تخبط باب المقبرة بجهد و تسد فمممممرة.....ﺍﻟﺴﺎﻛﺖ ﻣﻦ ﺑﺮﺍ ﺍﺵ ﺧﺒﺎﺭﻙ ﻣﻦ ﻟﺪﺍﺧﻞ.. ﺷﻜﻮﻥ ﮔﺎﻝ
ﺭﺍﻩ ﻫﺎﺩ ﺍﻟﻬﺪﻭء ﻭﺭﺍﻩ ﺗﺮﻳﻜﺔ ﻓﺠﻬﻨﻢ.. ﻭ ﻓﻐﻔﻠﺔ ﻣﻨﻮ.. ﺷﺎﻑ ﺟﺜﺔ ﻓﻄﻴﻄﻴﻢ ﻣﻠﻴﻮﺣﺔ ﻓﺎﻻﺭﺽ.. ﻧﺼﻬﺎ ﻣﻜﻔﻦ ﻭ ﻛﺘﺎﻓﻬﺎ ﻭ ﻣﺎ ﻓﻮﻕ ﻣﻌﺮﻱ مغطية بجلد المشعودات.... ﻭﺟﻬﻬﺎ ﺻﻔﺮ ﺑﺎﻟﺒﺮﺩ..ﻭ ﻓﻤﻬﺎ ﺯﺭﻕ.. ﻭ ﻋﻴﻨﻴﻬﺎ ﺗﺤﺘﻬﻮﻡ ﺳﻮﺍﺩ ﻛﺒﻴﺮ.. ﻧﺰﻝ ﻣﻦ ﺍﻟﻌﻮﺩ ﻛﻴﺘﻤﺸﺎ ﺑﺘﻘﺎﻟﺔ ﻟﻲ ﻣﺨﺒﻴﺔ
ﺗﺤﺘﻬﺎ ﺷﺎﺏ ﺑﺎﻏﻲ ﻳﺴﺘﻜﺸﻒ.
ﻭﺍﺵ ﻫﺪﺍ ﻫﻮ ﺳﺮ ﺍﻟﻤﻘﺒﺮﺓﺍﻟﺨﺎﻟﻴة؟
ﺑﻘﺎ ﻛﻴﺘﺄﻣﻞ فوجهها... و حيد سلهامو غطاها بيه و سترها مغمض عينيه باش مايشوف والو..
ﻭ ﻟﻜﻦ ﺍثار ﺍﻧﺘﺒﺎﻫﻮ.. ﺭﻣﺶ ﻋﻴﻨﻴﻬﺎ ﻟﻲ ﻛﻴﺘﺤﺮﻙ..
ﻘﺎﻭﻡ ﻧﻮﺑﺔ ﺍﻟﺨﻮﻑ ﻟﻲ ﺗﻤﻠﻜﺎﺗﻮ.. ﻭ ﻟﻲ ﺯﺍﺍﺍﺩ ﻣﻦ ﻏﺮﺍﺑﺔ ﺍﻟﻮﺿﻊ.. ﺍﻧﻪ ﻟﻤﺢ ﺷﻲ ﺣﺎﺟﺔ ﻓﻤﻌﺼﻤﻬﺎ ﺍﻟﻠﻴﺴﺮ.
ﻣﺪ ﻳﺪﻭ ﺑﺸﺠﺎﻋﺔ ﻭ ﺍﻟﺤﺎﻝ ﻏﺎﺩﻱ ﻭ ﻛﻴﻀﻠﻢ.. ﻭ ﻏﻴﺮ ﺷﺪ ﻳﺪﻫﺎ ﺿﺮﺑﺎﺕ ﺍﻟﺮﻋﺪﺓ ﻓﺎﻟﺴﻤﺎ ﻭ ﺍﻟﺴﺤﺎﺏ ﻗﺮﺏ ﻣﻦ ﺑﻌﻀﻮ ﺭﺑﻤﺎ ﻧﺤﻴﺐ ﻋﻠﻰ ﺣﻴﺎﺓ ﻭﻟﺪ ﺍﻟﺴﻠﻄﺎﻥ..ﺑﺪﻭﻥ ﺧﻮﻑ.. ﺣﺎﻭﻝ ﻳﻜﺘﺎﺷﻒ ﺍﻟﻠﻐﺔ ﻟﻲ ﻣﻜﺘﻮﺑﺔ ﺑﻴﻪ ﻫﺎد ﺍﻟﻤﺨﻄﻮﻃﺔ ﻓﻴﺪﻫﺎ..
ﻣﻤﻜﻦ ﺍﻳﻜﻮﻥ ﺩﻟﻴل ﺑﺎﺵ ﻳﻠﻘﺎ ﻋﺎﺋﻠﺘﻬﺎ..
ﻭ ﺑﺴﺒﺐ ﻣﺮﺗﺒﺘﻮ ﺍﻟﺮﻓﻴﻌﺔ ﻓﺎﻟﺒﻼﺩ.. ﻓﻬﻮ مطلع على بزاف ديال العلوم و اللغات و منهم اللغة السريانية القديمة ﻟﻜﻦ قانون هاد اللغة هي :ﻣﺘﻘﺮﺍﺵ ﺑصوت عالي.
ﻫﻮ ﺩﺍﺭ ﺍﻟﻌﻜﺲ.. ﺑﺪﺍ ﻛﻴﻘﺮﺍﺍ ﺑﺼﻮﺕ ﺷﺒﻪ ﻣﺴﻤﻮﻉ ﻃﻼسم ﺍﻟﺴﺤﺮ ﻟﻲ ﻓﻴﺪﻳﻬﺎ ..ﻭ ﻟﻲ ﻛﻴتلعن كل من قراهم.
[حتى نتوما بلا مانحتاج نوصيكم]
الترجمة ""أجيبو يا أيها الخداام حاخابيل و مصابيل و يا تابيل... بحق طبع الاسماء و خدامها و بحق طبع الانوار و اسرارها و بحق طبع العزائم و اسيادها اوكلكم باحضار كل ما اطلبه في التو و الحال... احضرو لي مطلوبي الوحي الوحي العجل العجل الساعة الساعة"
..ﻭ تعالى ﺩﺧﺎﻥ ﻗﺎﺗﻢ ﻓﺎﻟﺴﻤﺎﺍ.. ﻭ ﻟﻲ ﺑﻐﺎ ﻳﺴﺒﺮ ﻏﻮﺍﺭﻫﺎ ﻳﻌﻤﺎ.
ﻏﻤﺾ ﻋﻴﻨﻴﻪ ﻭ ﻓﻮﺳﻂ ﺩﻭﻙ ﺍﻟﺪﺧﺎﺧﻦ.. ﺑﺎﻥ ﻭﺟﻪ ﻣﻤﺴﻮﺥ... ﻭﺟﻪ ﻓﺮﺍﻕ ﺍﻟﻌﻮﺍﺩ ﺑﻨﻴﺎﺑﻮ ﻛﻲ ﺍﻟﻤﻨﺸﺎﺭ.. ﻭ ﻋﻴﻨﻴﻪ ﻋﻴﻨﻴﻦ ﺍﻟﻐﺪﺍﺭ.. ﻭ ﻟﺤﻴﺘﻮ ﻣﻀﻔﻮﺭﺓ كيف ﻋﺸﻮﺏ ﺍﻟﻌﻄﺎﺭ... ﻭ ﺷﻌﺮﻭ ﻣﺪﻟﻲ ﺣﺘﺎ ﻟﺨﺼﺮﻭ ﻃﻮيل.. ﻭ ﻧﻴﻔﻮ ﻣﻘﻤﻘﻢ ﻭ ﻭﺟﻬﻮ ﻋﺎﻣﺮ ﺗﺠﺎﻋﻴﺪ ﻭ ثقوب ﻛﺘﺎﺭ.. ﻭ ﺳﻨﺎﺳﻞ
..ﻣﻌﻠﻘﻴﻦ ﻓﻌﻨﻘﻮ ﺣﺠﻮﺭﻫﻢ ﻛﺒﺎﺭ....هنا بدات اللعبة الخطار...
(ㄒoㄒ)
يتبع
شنو توقعاتكم حبوووباتي...
بالنسبة للبنات لي ماكيكومونطيوش خليو ليا على الاقل غي قلب بنفسجي نعرف بلي راكم كينين 💜
أنت تقرأ
حفار القبور💀مكتملة💀
Horror💎مكتملة💎 ❌حصرية على الواتباد❌ 🌛حصريا خلال شهر رمضان المبارك🌜 قصتي بدات من زمااان.. ايام كان يطرا غير لي ما فالحسبان.. ايام كان الود بين الفتية و الصبيان.. ايام العز و الشان و المرشان.. كانو الرجال مايضورو الا بالسلهام.. و العيالات مقفول عليهم ال...
