حفار القبور💀مكتملة💀

💀الجزء 49💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 49

لمحات طيف ديال رجل ضخم فالبنية ديالو.

الحاكم!!!؟

أكيد هو.. حيت شافت ملامحو فالجدار ديال الكهف... قرب منها بخطى ثابثة و هو كيبتاسم ابتسامة خلاتها تطمأن نوعا ما ماعرفاتش علاش.
الحاكم:إلى اعطاك العاطي، ما تحرث ما تواطي حتى الجبال تطاطي نتوما دابا تحت الحماية ديالي... غاتلقاو المركب حدى الشاطى خاصكم تمشيو قبل ليلة غدا... هنا الظلام كيطيح فيساع و يمشي فيساع... سربيو خلاص... و لا ماغانبقاش قاد نحميكم...

مشا و خلاها واقفة كتشوف فالفراغ... ماعرفاتش علاش عاونها... زعما يقدر يكون هو المظلوم فالقصة ماشي الأخوات؟!
نفضت هاد الافكار من راسها بعدما وقف خليل حداها و جراتو بالزربة كتفهمو بلي خاصهم يخرجو من هاد الجزيرة بالزربة و بلي هوما محميين دابا... غي ركبو فالمركب لي كان حدى الشاطى بانت ليهم قرعة دالزاج كتطفو فوق الماء.. هزاتها فاطمة بينما خليل كيجدف... لقات فيها خريطة مصغرة..
خريطة فيها ثلاثة ديال الجزر قدرات تستنتج منهم انه الجزيرة اللولة زاروا و دابا الوجهة ديالهم غتكون نحو الشمال...

و هذا ماكان..
داز عليهم نهار كامل تحت الشمش... مرة تجدف هي و عشرة المرات يجدف هو.
حتى بدات الشمس كتغرب.. و لحسن حظهم بانت ليهم الجزيرة المقصودة..  كانو خايفين يضطرو ينعسر فوسط لبحر.

بدى خليل كيجذف بالزربة باش يوصلو قبل غروب الشمس و كيفكر شنو غايكون يتسناهم فهاد الجزيرة.
غي وصلو و بغاو يوقفو المركب و يربطوه فواحد الحجرة... سمعو صوت أقدام ديال شي حد.. ضارو بجوج كيشوفو حتى بان ليهم رباعة ديال الرجال عريانين من الفوق لابسين غي خرقة صغيرة مغطية ليهم العورة ديالهم... كان لون بشورتهم أسود كيلمع مع الشمس و دايرين حلقات فودنهم و سناسل فعنقهم(الصورة).

الخطير فالأمر هوما انهم هجمو على أبطالنا و هوما هازين الأسلحة ديالهم لي عبارة عن رماح كبار و كثفوهم بالحبل... جروهم بحال شي عبيد لاحوهم فواحد الزنزانة بحال الحبس...
كانت الزنزانة عامرا بالناس لي بشرتهم بيضاء... و الفيران كيضورو علي خاطرهم... و مكيناش نهائيا شي حاجة سميتها بيت الراحة... يعني نخليكم تتخيلو الريحة كيغاتكون مع البق و الوسخ.
تخشات فاطمة فخليل كتشوف فالمساجين لي كيطلعو فيهم و يهبطو... أما خليل خنزر بگاع الرجال لي كيشوفو ففاطمة و تخنزيرتو لي كتخلع مع جسمو الضخم خلات الكل يديها فشغلو.

جلس فواحد القنت.. كيشوف ففاطمة لي ماقادراش تجلس وسط لوسخ... ربع رجليه و جلسها عندو...
أما هي فعقلها مامعاهاش مافاهما والو من الشي لي هي فيه دابا.
فاطمة بصوت منخفض: خليل... سول شي حد أشنو طاري هنا..
خليل: شنو غايكون طاري مثلا؟ حنا هنا عبيد....
ماكملش هضرتو حتى سمع الزنزانة تحلت دخل ليها راجل ضخم كلو عامر دمايات... اتجه نيشان لعند خليل و فاطمة لي كانو معزولين.

#: شكون نتوما؟ و شكون عطاكم الحق تجلسو هنا هادي راها بلاصتي.
خليل ببرود: نتا شكون عطاك هاد لبلاصة أصلا؟
# ماداهاش فيه و حط يدو على حنك فاطمة كيتلمس فيها: نوض نتا و خلي ليا هاد لغزالة هنا.
خليل: غاتزيد تمد عليها يديم غانگرضهم ليك.

تعصب داك الراجل و جر خليل من حوايجو مقربو حدى وجهو: أنا الزعيم ديال هاد الزنزانة...  رديتي عليا الهضرة؟؟؟؟؟؟؟ أنا دابا غانوريك...

هز يدو حتى للفوق و بغى يضربو ببونية ولكن خليل خوى عليه و حكمو من اللور..
دفعو مع الحيط حتى تخبط ليه وجهو حدى و بدى كيبرد فيه جنونو... كيزدح ليه راسو و يزيد يزدح...حتى سال دمو..
خليل كيغوت عروقو خارجين: باقي ماتزادش ولد لمرا لي يقرب للحاجة ديالي (فاطمة زعما)...

أما واحد فاطمة كتغوت من اللور و تجر فيه: خلييل طلق من الزمر غاتقتلو.. طلق عاافاك... خليييل.
بعد ما حس بيها رمى داك الراجل للأرض سخفان و شد فاطمة من يديها جرها لواحد القنت آخر معزول و ربع رجليه....جلس و حطها فحجرو و تكى راسو علي الحيط مغمض عينيه كيحاول ينعس.
بقات فاطمة غي كتشوف فيه بحالا ماشي هو داك المسعور لي كان كيجندخ قبيلا... حطات راسها على سدرو و تنهدات.

فاطمة كتمتم فخاطرها: الله يفك هادشي على خير.