حفار القبور💀مكتملة💀

💀الجزء 34💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 34

فاطمة شدات ليه فيديه كتشوف ليه فعينيه: خليل مالك؟!
بدا يشوف فيها شي شوفات كيخلعو حتى توترات

خليل كيغوت: نتي عاااارفة شحااال حنا كانتقاتلو باش نقدرو نخرجو من هنا أحيااااء... واش مقدرة المجهود لي كانبذلو كل نهار باش نعيشو فهاد العالم القاسي... حنا اكيد ماغانبقاوش فدار الوالي للأبد..  و نتي شوفي شنو كتديري... كون آذيتي راسك و مابقيتيش قادرة تزيدي كيفاش غانخرجو من هنا... جااوبيني.... مخليا عباد الله كيتفرجو فيك... شكون كان فيهم غاينقذك ايلا مشات حتى تقطعات ليك رجليك.... هضرييييي...
فاطمة معصبة: وااااش نتااا شغغغلك... هادا شغلي أناااا.. زايدون ماكتشوفش بلي ماكنش مدركة بأشنو كندير... بعععد مني.... طلللق خليني نمشي... انا لي حمقة جايا عندك...
خليل بصوت أعلى: جلللسيييي... كييفاش ماسوقييييييش... واش باغا تمرضيني.... إيلا تقاااست غي شعرة منك غاتخليني أنا كنتعذب...

بعد ما كانت كاتفركل غي سمعاتو شنو گال تهدنات و دارت عندو كتشوف فيه
فاطمة بصوت منخفض بحال الهمس: خليل؟

شاف فيها مطولا و عنقها لعندو كيهمس ليها بهدوء عكس الشخص لي كان قدامها قبيلا..

خليل: ماعرفتش كيفاش نقدر نفسر مشاعري ليك... المدة لي عشناها مع بعضياتنا قليلة و مانقدرش نحكم.. ولكن لي عارف هو أنه ايلا مشات حتي طرات ليك شي حاجة هذا غيضرني(ميشير لقلبو)
بدات فاطمة كتخصص: ونتا ماشفتينيش أنا... مخلي دوك الراقصات ضايرين بيك و نتا مستمتع.. اهى... و كتشوف فيا و تضحك من الفوق...
خليل: صافي ششش صافي..
.
شد ليها يديها و حطهم على صدرو مخليها تحس بدقات قلبو المتواثبة... كان قلبو كيضرب بالجهد...
شافت فيه فاطمة بعينيها لكبار و حطات يدياتها الصغار فوق وجهو وكتتحسس لحيتو... عاد من بعد هبطات يديها و ابتسمت بخجل..
دار خليلي ضحكة جانبية و خرج مخلي فاطمة كتحس بالفراشات كيرفرفو فكرشها
🌻صبـــــاح جديد🌻

كلشي واجد..  الوالي مرتو و بنتو واقفين باش يودعو خليل و فاطمة بعد ما عطاوهم احسن ماعندهم فالجمال و الزاد لي يكفيهم أيام طويلة...
قررو خليل و فاطمة باش مايزيدوش يطولو فقصر الوالي حيت أكيد خاصهم يخرجو باش يلقاو المفتاح لي يقدرو يخرجو منو من هاد الطابق...
هاد المرة كانو واقيين راسهم من أشعة الشمس حيت عطاهم الوالي مظلة صغيرة فوق كل جمل....

قررو أنهم يمشيو و ينزلو فأقرب قرية أو مدينة غاتبان ليهم... حيت إيلا بغاو يخرجو من هاد الطابق خاص يخيطو الأرض كاملا...
كانو كيتوقفو مرة مرة يرتاحو و ياكلو و يشربو ايلا جاهم الجوع عاد يكملو...

الشمس بدات كتتخبى وراء الرمال الذهبية مخلية ألوان برتقالية فالأفق على شكل لوحة بديعة من صنع الخالق.
لقاو أبطالنا راسهم كيقربو من قرية صغيرة بعد ما خرجو من الصحراء... هاد العالم عجيب جدا... كانو فالصحراء حتى بان ليهم البحر قدامهم...
كانت هاد القرية هي الوجهة ديالهم الموالية...
دخلو ليها مع المغرب كيضورو فالارجاء...
بالرغم من أنها قرية صغيرة إلا أن فيها الرواج...

فاطمة بتساؤل: طاح الظلام أخليل؟ فين غانباتو دابا؟
خليل كيفكر: والله ماعرفت... تانا بان ليا ماعندا ملجأ..

كانو كيتناقشو حتى بانت ليهم مرأة كبيرة فالسن ضهرها مقوص هازة خنشة كبيرة فوق كتافها و غادا متقلة كتأن و تتألم...
هبط خليل بسرعة من فوق الجمل و هز من عندها الخشنة و هو مبتسم...
خليل: أنا نهز ليك هادشي حتال دارك أشريفة..
المرأة: الله يرضي عليك أوليدي و ينقي طريقك من الشوك...

نزلات فاطمة بدورها و جرات الجمال بجوح تابعا خليل و شادا فالمرأة حيت بانت ليها غاتطيح...
بعد ما وصلو قدام كوخ ديال ديك العجوز شافت فيهم بابتسامة كبييرة
المراة: انا اوليدي سميتي ميمونة.... ساكنة هنا و بنتو ليا نتوما جايين من الارض لبعيدة... دخلو اوليداتي رتاحو ليكم شوية... واخة البلاصة متواضعة و صغيرة غي عذروني..
خليل: الله أودي ألالة ميمونة... مانلقاو خير منك يضيفنا عندو...
دخلو للكوخ ديالها لي كان صغيور... الافرشة غي فالأرض الحالة ديالو كتبين على الفقر المدقع...
جلسو... و حطات ليهم ميمونة شوية داللبن و جلسات حداهم...

ميمونة: وا غي قبلو عليا راكم كتشوفو حالتي راه ساكنة غي بوحدي هنا...
فاطمة بأسف: و مالك أ الشريفة على حالتك؟
ميمونة: ايه ابنيتي الصحيحة الغدارة... بقيت بلا زواج و بلا ولاد... عشت بوحدي فهاد الكوخ سنييين هادي... كنمشي نرمي الشبكة باش نصيد فالصباح و فالعشية نبيع لحليب و الزبدة لي كتعطيهم ليا النعيجة ديالي... هاد النعجة هي مانكساب..
و خاصني كل صباح  نعطي الحوت للبائع و لا ماغتيخلصنيش و غانموت بالجوع...و مع وليت كنحس بضهري كيضرني مامشيتش اليوم نرمي الشبكة و فاش جا عندي قالي بلي ايلا ماجبت ليه غدا والو ماغايبقاش يخلصني...(بدات كتبكي قلبها طايب خاصها غا لمن تعاود) و أنا مايسول فيا حد و ماي هضر معايا حد نيت جيتوني كي درهم لحلال فشيت قلبي عليكم... سمحو لي أوليداتي...

خليل: يكون الله فعونك  ا لالة ميمونة... ولكن ماشي بزاف عليك هادشي كامل و نتي ضهرك ضارك..
ميميونة: ايوا شغاندير اوليدي هذا هو المكتاب ليا..
فاطمة بحماس: لا أخالتي... غدا ان شاء الله عطينا الشبكة و نمشيو الصباح نجيبو شي بركة ديال الحوت شبانليك أخليل؟
خليل: ماعندي مشكل نعاونوك...أنا غانمشي تانا معاك نصيدو الحوت...
ميمونة متأثرة: غي بلا ماتعذبو راسكم اوليداتي نتوما جايين من الصفر و....
قاطعها خليل: ماتهزيش الهم أ لالة ميمونة غدا ان شاء الله نعاونوك...

فأعمـــــاق البحر🌊

فوسط جرة مصنوعة من الفخار جالس كيعد فالأيام...  باقي ساعة و يكمل ألف عام و هو فهاد الجرة.

#: و بحلووفي و قسما عظما حتى نقتل هذا لي غايخرجني من هنا بعد مانكمل ألف عام..

.. شحال خايبة تكون منحوس فينما مشيتي...
وا قولو ليا شنو كتوقعو... أكيد الامور باينة 😂
💀💜