حفار القبور💀مكتملة💀

💀الجزء 46💀

💀ﺣﻔﺎﺭ ﺍﻟﻘﺒﻮﺭ💀
🔰El Yakut
  ▫Part 46

اييه الجثث... منظر يثلج القلب.... كتبان بحال ايلا طرات مجزرة فديك القرية... الجثث ديال أطفال... عيالات و رجال شي مكوم فوق شي... و أكثر حاجة كتعيف هي الأحشاء ديالهم لي خارجين...
بداو الأبطال ديالنا كيضورو فديك القرية و هوما عايفين و كارهين الزمان لي جابهم لتما... كيفكرو فهاد الوحش لي قدر يدير هاد المجزرة و يقتل بهاد الشكل المريع.

بان ليهم واحد الكوخ الباب ديالو محلولة جذبهم الشكل ديالو... حسو بشي طاقة جايا منو فقررو أنهم يدخلو ليه يكتاشفو شنو كاين و لي ليها ليها.
غي دخلو بانت ليهم مرأة مجبدة فالأرض كتلفظ أنفاسها الأخيرة و كرشها مشرگة... مسرانها خارج و معقود على عنقها شي لي خلاها تخنق و تولي زرقة.
غي دخلو شافت فيهم و مدات يديها شدات فرجل فاطمة لي قفزات بالخلعة.

المرأة: بنتي... عت...عتقو..بنت.... ماتو... أتوما... نعم...لا...
لفضات آخر أنفاسها و هي كتگول هاد الكلام لي مافهمو منو أبطالنا والو.
خليل: قالت بنتي ولا غي أنا مسمعتش مزيان.
فاطمة: حتى انا سمعتها قالت عتقو بنتي...صافي أخليل تروعت ياله نخرجو مابقيتش قادا نشوف هاد المنظر.

خرجو من داك الكوخ مأزمين حيت داك المشهد ماكانش ساهل ولكن كيحسو براسهم ولاو أقوى و يقدرو يستحملو واخا يشوفو العجب.
لاحظو بلي گااع الأشجار لي محيطين بالغابة فيهم دمى ديال الدراري صغار... الشيء لي زاد شطنهم مافهمو والو..
تمو غادين كيشوفو تحت الشجر حتى حسات فاطمة بسائل لزج كيقطر عليها... هزات راسها الفوق و هي تغوت برعب... بانت ليها بنيوتة صغيرة راسها مهشم و دماغها باين بحالا عضو شي حد من الفوق و كلى منو و فمها مشقوق من لودن للودن...
أكيد السائل لي قطر عليها كان دم... بعدات بالزربة فيها التبوريشة خصوصا من منظر داك الدماغ لي موكول نصو.
فاطمة كتقفقف بالخلعة: خليل مالاحظتيش بلي الأغلبية ديال هاد الناس فمهم مشقوق و الأعضاء ديالهم مقطعة و موكولة.
خليل حتى هو شاداه الخلعة: هادشي مافكركش فشي حاجة...
فاطمة كتفكر: بلاتي... ماتگولش ليا بلي عندو علاقة مع الأخوات لي كانو زوجات الحاكم.
خليل: و شنو بان ليك... وحدة قطعها و كلا من لحمها ووحدة شق ليها فمها من لودن حتى للودن.
فاطمة ركابيها كيترعدو: خليل مابقيتش باغا نكتاشف تا شي موصيبة... خلينا نرجعو للكهف الله يخليك.
خليل بغضب: أنا براسي خايف من هادشي كامل... ولكن راه ماغانخرجوش لاما واجهناش هاد لعجب لي غانتلاقاو بيه فهاد الجزيرة... كانو جنيات و لا سحارات و لا بنادم..  خاصتا نتغلبو عليهم بإذن الله... ياله أ فاطمة... الدنيا دراعة كل واحد كيلبسها ساعة و لي جات ساعتو ما بقى ليه مايدي.

شافت فيه كتتنهد و كملو الطريق و الشتاء كتنقط عليهم...
ماشي الشتاء ديال الله... تؤ تؤ تؤ... هادي الشتاء ديال الدم... كانو بزاف من الاطفال الصغار معلقين   فوق الشجرة و ميتين بأبشع الطرق.

و برغم من هاد المناظر كاملة كملو طريقهم حتى وصلو لواحد البلاصة ما فيها لا شجر لا منازل... فيها غي سدرة كبيرة عامرا شوك...
سمعو الحس ديال شي حد كيهضر و تخباو كيطلو بالشوية يشوفو شنو طاري.
المنظر لي شافوه كان يفوق البشاعة بحد ذاتها.

بطلات المشهد كانو هوما الأخوات أتومي و ماتو... كانت أتومي دايرا شي حاجة بحال قناع مغطية بيه فمها و ماتو كلها مشرطة.
الضحية ديال المشهد كات فتاة صغيرة تكون فعمرها ست سنين.. كتغوت و تبكي باغا ترجع لماماها...
أتومي: شششش... صدعتينا... قطعي حسك... بغيت نسولك سؤال واحد.... شوفي فعينيا... و گولي ليا واش أنا زوينة.. آه ولا لا..
الفتاة الصغيرة: لااا... بعدي مني... اهى اهى مااااماااا.
جات ماتو بدورها قدام البنت كتهضر بهدوء: و گولي ليا واش اللحم مذاقو زوين... آه و لا لا.
البنت: اهى اهى اااه... عافاكم طلقوني.... ببغيت ماما.

شاقو فبعضياتهم كيضحكو و بداو الخطة ديالهم الاجرامية... وحدة تشق ليها فمها من لودن للودن ووحدة هازا سيف كتحبد ليها الأشلاء ديالها و الأعضاء... حتى وصلات للفوق و شقات ليها الجمجمة جبدات المخ كتعض منو و تتبنن.
بعد ما سالاو المتعة ديالهم... جبدو ليها عينيها و هزات كل وحدة عين دارتها فعود و حطوها فوق العافية كيشويو فيها. و يگولو طلاسم بلغة غريبة.

[ أكيد مانحتاجش نوصيكم مرة أخرى باش ماتقراوش الطلاسم بصوت عالي]

الترجمة: يا مسحور التوابع بأمر من الشيطان و كل ما يخافه الانسان... شفطوش الرشاش انصاعو لي و كل الافاعي و العقارب و ما يؤذي الناس.. باسم الخاتم و حوافر سيدي صاحب الأعواد هاتولي مطلوبي مرغوبي...يا عيووون... حقيقي لي كل شيء أتمناه في هذا الكون.. باسم طبع الأسماء و خدامها و العزائم و أسرارها هاتولي القوة القوة...الوحي الوحي... اللحظة اللحظة... العجل العجل

بعدما سالاو كلاو دوك العيون لي كانو تحمرو مزيان و جلسو كيشوفو فالبدر.

أتوما: ماتو... سيري جيبي هادوك لي مخبين مورا ديك السدرة
ماتو بضحكة شريرة: ههههههه حاضر.

ابنفزجكن💜