အကြော်ကြော်လို့ပီးတော့ရေကြည်ဘူးလေးတစ်ခုဖြင့်ပဲကပ်ကြော်လေးတေထည့်ကာရွှေရိုးဆီထွက်လာလိုက်သည်။အမေကအများကြီးကြော်ထားပေးပေမယ့် သူ့ဖခင်ကရွှေရိုးကိုသွားပေးမှာသိလို့ လောဘတကြီးပါးစပ်ထဲထိုးသွပ်လိုက်တာမို့ ၅ခုလောက်သာရခဲ့သည်။
ရေကြည်ပျော်ရွှင်စွာအကြော်ဗူးလေးကိုရင်း ရွှေရိုးရှိတဲ့လယ်ထဲသို့ရောက်လာသည်။ရွှေရိုးကသူ့ဖခင်ပိုင်တံလယ်၁၀ဧကမှာငှါးထားတဲ့အလုပ်သမားတေကို လှည့်ပတ်စစ်ဆေးနေသည်။
"မောင်ရေ ငါလာတယ်!"
"အချစ်!"
သူ့ကိုမြင်တော့မျက်နှာကဝင်းပသွားကာအနားကိုပြေးလာပီး...
"နေပူလိုက်တာအချစ်ရယ် ခမောက်လေးတော့ဆောင်းမလာဘူး"
"ဟီး ငါကမင်းကိုတွေ့ချင်ဇောလောသွားလို့မေ့ခဲ့တာ ဒီမှာအမေကပဲကပ်ကြော်ကြော်လို့ မင်းအတွက်ယူလာပေးတာ"
"ဟုတ်ပါပီဗျာ လာတဲထဲသွားမယ်"
လယ်ထဲမှာညစောင့်အိပ်တဲ့သူတေအတွက်ကျောတခင်းစာတဲလေးဆောက်ထားပေးပီး ဘေးမှာသောက်ရေအိုးစင်လေးပါထားထားပေးသည်။ရွှေရိုးကရေအိုးမှရေတစ်ခွက်ခပ်လိုက်ပီး ရေကြည်ကိုတိုက်ကာသူ့ခမောက်နဲ့ယပ်ခတ်ပေးလေသည်။
"ရပါတယ်မောင်ရဲ့ မခပ်နဲ့မင်းလက်ညောင်းတယ်"
"မညောင်းပါဘူးကွာ မောင့်အချစ်ချွေးတေထွက်နေတာကို နောက်တစ်ခါအပြင်ထွက်ရင်တစ်ခုခုဆောင်းဖို့မမေ့နဲ့ကြားလား အပူရှပ်ပီးဖျားရင်မောင်ရင်ကျိုးရချည်ရဲ့ကွာ"
"အင်းပါမောင်ရဲ့"
ရေကြည်အကြော်ဗူးလေးဖွင့်ကာတစ်ခုယူလိုက်ပီး ရွှေရိုးကိုခွံ့ကျွေးလိုက်သည်။
"အချစ်လဲစား"
"ငါကပဲကပ်ကြော်ဆိုထန်းရည်နဲ့မြည်းမှကြိုက်တာ"
နှုတ်ခမ်းလေးဆူပုတ်ကာပြောလာတဲ့ရေကြည်ကြောင့်ရွှေရိုးခပ်သဲ့သဲ့လေးရယ်လိုက်ကာ....
"ထန်းရည်သမားလေး"
"မောင်နော် ဘာထန်းရည်သမားလဲ ငါထန်းရည်မသောက်ရတာမင်းနဲ့တွဲပီးကတည်းကပဲ"
![](https://img.wattpad.com/cover/328570744-288-k531197.jpg)
YOU ARE READING
Make A Wish(System)(Completed)
FantasyAll photos I use are not mine. It's all from google. Both Unicode and Zawgyi. "ငါမင္းကိုသိပ္မုန္းတယ္ေမာင္" "ေမာင္မင္းကိုရေအာင္ျပန္ကယ္မယ္ ေမာင့္လူဆိုးေလး" °°°°°°°°°°°°°°°°°°°°°°°°°°°°°°° "ငါမင်းကိုသိပ်မုန်းတယ်မောင်" "မောင်မင်းကိုရအောင်ပြန်ကယ်မယ် မောင...
ရွှေရိုး(Arc -6.6)
Start from the beginning