سكره

سكره ٢٢

تريد ان تترك الغيبة والنميمة ؟
دائماً قول : اللهم اجعل كتابي في عليين واحفظ لساني عن العالمين

تريد ان تمضي مطمئن ؟
دائماً قول : اللهم اني استودعك نفسي وأهلي وديني وخواتيم أعمالي.
❤🧡🧡💛💚💙💙💜💜💜❤🧡🧡🧡🧡💛💛💛
سكره عيونها على محمد وعلى تغير ملامح وشه للغضب ردت بصوت مبحوح : من أمتى أنس حبيبى انا عمر ماكان بينى وبينه حاجه
مها بتأكيد : منا عارفه إن مفيش حاجه وفاهمه إنك بتعتبريه أخ ليكى حب طفوله واخوه
محمد خرج النفس إلا كابته جواه براحه ومها كملت الصدمه
مها : بس هو مش معتبرك كدا أبدا دا طلع بيعشقك يابنتى  وكان نفسه يتجوزك واتصدم لما عرف بجوازك وهاج فينا وأمجد ضربه إدايقت قوى عشانه أنتى عارفه غلاوة أنس عندى
سكره بزعل واضح وخوف وقلق من الكلام إلا سامعه محمد : ليه يضربه هو مش صغير
مها : عشان أتعصب عليااا .. اهو ربنا يهديه ويشوف حياته قولنانه خلاص سكره بقت فى عصمة راجل بيحبها ويخاف عليها شوف انت كمان واحده تحبك وتخاف عليك وأعتبر سكره أختك عشان بيحبك حب جنون .. ضحكت .. تستاهلى تتحبى أكتر من كدا ياقلبى أنتى مكانك كان لازم يبقى فى حته تانيه تستاهليها من زمن ياله  ربنا معاه عشان وجع قلبى
سكره اتنهدت : يارب .. أسيبك أنا دلوقت ياماما بعد إذنك
مها : سكره أستنى أبقى كلمينى يابنتى بحب أسمع صوتك وأطمن عليكى 
سكره بتأكيد : حاضر لا مع ألف سلامه وقفلت اتوجعت من ضغطة محمد على إيديها وأتكلم بنوع من التريقه : مين انس العاشق الولهااان
سكره بوجع : محمد إيدى
محمد بعصبيه : بقولك مين أنس
سكره صرخت : أنت مالك
**
مها بعد ما قفلت مع سكره لبست هدوم خروح وخدت شنطتها ونزلت على طول ركبت تا كسى ونزلت قدام بيت قديم بس هيئته حلوه ونضيف طلعت وصلت للدور التانى وخدت نفس ورنت الجرس ..
واحده من جوا : مين
مها : أنا مها يا كريمه
كريمه فتحت وأبتسمت وسلمت عليها بحراره : أهلااا أهلااا .. تعالى يا مها أتفضلى .. أنا قولت مش ها  تيجى
مها ببتسامه وتوتر فى نفس الوقت لأول مره تخبى على أمجد حاجه : لا يا حبييتى أجيلك على عينى بس أستغربت إنك مش عايزا أمجد يعرف إنى جيالك
كريمه مساكه إيديها وداخله على جوا بعد ما قفلت الباب : تعالى دلوقت تعرفى كل حاجه قعدت ومها قعدت بإستغراب وفضول .. ها تحبى نتغدى مع بعض الأول
مها حطت إيديها على بطنها : والله ماقادره على أخرى اليومبن دول بأكل كتير مش عارفه ليه
كريمه : خلاص نشرب أى حاجه عندنا قهوه وشاى ونسكافيه وكركديه ساقع ويانسون ونعناع تحبى تشربى إيه
مها ببتسامه : عندك الخير كله دايما يارب ممكن كركديه ساقع
كريمه قامت وجابت كوبايتن كبااار وقعدت قدام مها إلا خلاص الفضول قتلها من جواها وبتعد الثوانى عشان تسمع كريمه هاتقول لها إيه ..  اتكلمت بعفويه .. قلقتينى يا كريمه
كريمه أبتسمت : ها اخطفك يامها ماتخافيش والله أمجد زى أخويا دلوقت مش حاطه عينى عليه
مها ضحكت بصوت مسموع : لا والله ماقصدى بس فعلااا عايزا أعرف فى إيه
كريمه بتردد : بصراحه يا مها أنا أتردد اقولك  كتير أنا عارفه إنك أستغربتى مكالمتى ليكى وقولتى هى عايزا منى إيه بس ساااعات لما تلاقى إبنك وحته منك متعلق بحد وبيحبه قوووى أول حاجه هاتيجى فى تفكيرك هو يمكن يساعدك
مها بلهفه : ماله أنس فيه حاجه
كريمه مدت إيديها تهديها : أنس الحمد لله بخير وكويس ماتقلقيش عليه
مها حطت إيديها على صدرها اتخضيت أصلك ماتعرفيش أنس بالنسبه ليا إيه والله أخو سكره وفى نفس غلاوتها
كريمه : عشان كدا كلمتك أنتى بالذات  أنس ما شبعش منى ولا من أبوووه أنفصلنا وهو كان أصغر إخواته مايوعاش علينا مع بعض تربية إخواته لهتنى كتير عنه وخصوصا شقاوة عمرو ومشاكله لحد ما فى يوم وهو فى ثانوى لقيته فى الأوضه بيعيط ياقلبى ولما قعدت معاه قالى أنتى نسيانى وبابا ناسينى هو كمان .. قلبى واجعنى عليه قوى وقولته أنت عارف حمل إخواتك وطلباتهم والبيت وباب مشغول فى شغله  الله يكون فى عونه مش قصده ومها مش مقصره معاك  .. يوميها قالى كلمتين مش هايروحو عن بالى .. سكره ياماما مابقتش بتيجى ولا بشوفها وبابا مش موجود فابتكسف وأمشى
حسيت إن إبنى لقى نفسه مع بنتك ملت عليه الفراغ الا أنا عملته وأبوه كمان عمله صعب عليااا قوووى معقول بيدور على حد يسمعه ويكلمه  .. من اللحظه دى وانا قريبه منه وبسمعله أهو كنت بحاول أعوضه عن تقصيرى فى حقه لحد مادخل الكليه وأنتى عارفه الهندسه وحملها التقيل بقى طول الوقت  لوحده بيذاكر أو فى  الدروس  أو الكليه .. دوامه ياقلبى والحمد لله خلص وأتعين وبردو بعيد عنى بس هو حته غاليه قوى من قلبى بحبه هو وأخوااته بس دا أصغرهم الواحد بيحس إنه لازم يعوضه ويديله إهتمام أكبر يمكن العمر يسرقنااا ويخطفنى الموت منه بسرعه
مها من قلبها : بعد الشر عنك يا كريمه
كريمه أبتسمت إبتسامه هاديه شاورت : إشربى يا مها
مها مدت إيديها شربت بوء ونزلت الكوبايه وبتسمع بإهتمام
كريمه : مها أنا تعبااانه قوووى دموعها نزلت ومها قامت قعدت جمبها بتمسد عليها ..خدت نفس وأتكلمت وهى بتبص لمها بترجى .. خدى بالك من أنس وأسألى عليه كتيررر خلى أمجد يهتم بيه وبولادى
مها بصدق : أمجد والله بيعمل كل إلا يقدر عليه  ودايما بيسئل عليهم  وأنتى يا حبيبتى ربنا يشفكى يارب مالك
كريمه داست على إيد مها وهى بتترعش : أنا خلاص يامها مفيش دكتور واحد إدانى أمل فى الحياااه أنا عندى المرض الخبيث ربنا يعافيكى منه وفى المراحل الأخيره إلا ملهاش علاج
مها شهقت : يا حبيبتى يا كريمه ضمتها .. إن شاء الله كل الأمور هاتبقى تمام وتتعافى وتبقى زى الفل
كريمه عيطت أكتر وبدأت تمسح دموعها وهى بتهز راسها : أنا خلاص حاسه إنى قربت من الموت بس خايفه على أنس قوى عمرو فى بيته مع مراته وعمر مع مراته وإبنه إلا أنس يا حبيبى لوحده رافض يتجوز وكل يوم والتانى من بلد لبلد بقى معانا ومش معانااا
مها مسحت دموعها بإيديها : إسكتى ياكريمه الأعمار بيد الله خليكى قويه وأتمسكى برحمة ربنا و بالحياااه عشان خاطر ولادك وأنس إلا انتى خايفه عليه  
كريمه : أنا عارفه إنى عمرى مش ها أسيب منه دقيقه ومؤمنه الحمد لله على كل إلا يجيبه ربنا .. بس الداكاتره كلهم رفضو حتى يدونى علاج مسكن بس إلا باخده قالولى حرام تتبهدلى على الفاضى عندهم حق أنا مش حمل بهدله طول الوقت اقول يارب ماتبهدلنى ولا تذلنى ولا تكسرنى بمرض مش عايزا اعذب ولادى وخصوصا أنس هايتعب ياحبيبى أكتر ماهو تعبان
مها بحماس شدت إيديها : إنسى كل الدكاتره إلا روحتى لها انا مش ها اسيبك  والله ما ها أسيبك وهاتفضلى فى حض أنس وهاتفرحى بيه فاهمه ماتخليش كلام داكاتره يحبطوكى ويقتلو فيكى الأمل أصلا أغلبهم تروحى ليهم سليمه وتطلعى من عندهم راكبك المرض
كريمه أبتسمت وبصت لها بنظره مش مفهومه : أنا عرفت أنس بيحبك ليه
مها ابتسمت هى كمان : صدقينى أنس بيعشقك انا مهما كان مرات أبوه انتى امه إلا اتحملتى وربيتى ورفضتى تتجوزى عشانهم وعشان حياتهم تبقى مستقره عمره ما بينسى دا لما بيجى أسمك على لسانه دايما يقولى ماما بطلة حياتى يامها ..  اتكلمت بتأثر .. هاتغيرى فكرته هاتخذليه وتستسلمى دا مرض زى أى مرض وربنا هو الشافى .. لازم تبقى بطله للنهايه ياكريمه
كريمه أبتسمت ومجرد كلام مسح وطبطب على وجعها .. ماشى
مها : ماشى إيه
كريمه أبتسمت : ماشى مش ها أستسلم بس بردو اوعدينى تاخدى بالك من أنس ولو جرالى حاجه تعزمى ولادى وسط أبوهم بلاش كل أسبوع حتى كل أسبوعين مش عايزهم يتقطعو من بعدى
مها : أوعدك بس بعد وعدك إنك تجمدى وتشدى حيلك
كريمه : أوعدك
**
محمد بصدمه : بتزعقيلى يعنى مخبيه عليا دا كله وكمان مش عاجبك
سكره بحده : إلا مش عاجبنى إنى أتكلم مكالمه شخصيه بينى وبين أمى وأنت بتتجسس عليااا أزاى تسمح لنفسك تحطنى فى موقف زى دا
محمد قرب منها : أنا ما بتجسسيش وبعمل دا بعلمك وقولتلك عايز أطمن مش أكتر
سكره : إيه يامحمد تتطمن من إيه مفيش حاجه فى حياتى تقلقك أصلااا أزاى تفكر فيا كدا وبعدين دى أمى يعنى مش من حقك .. شاورت عليه .. انت هاتسمحلى اعمل معاك إلا أنت بتعمله معايا
محمد هز راسه بتأكيد : أنا قدامك كتاب مفتوح لو قلقانه من حاجه ها أقولك أتفضلى وبيمد إيده بالفون .. لحد ما تتطمنى ليا
سكره ربعت إيديها وهزت رجليها بعنف وتوتر ودموعها بدئت تنزل
محمد : إهدى
سكره بحده أكبر : مش ها أهدى سامعنى أنا تعبت من الضغط كل حد فى حياته مشكله يطلعها عليااا لأمتى هاعيش حياتى تحت أستفزاز وقلة حيله أنا أهووو سلمتك نفسى وحياتى وقولتك أنا ملكك قولتك أنت جوزى ودنيتى عايز إيه يطمنك تانى إيه يثبت إنى حبيتك ومش عايزا أعيش معاك تحت ضغط .. شاورت على نفسها ..  أنا قصرت
محمد هز راسه وعيونه فى عيونها : لاء
سكره : شوفت منى حاجه وحشه
محمد بنفس النظره : لاء
سكره دموعها نزلت  أكتر : لسا ما شوفتش حبك فى عيونى وتصرفاتى شاكك فيااا  ودا قلقك مثلااا
محمد بتأكيد : شوفتهم وعشقتهم وعشقت كل حاجه منك حتى لما  بتدايقينى
سكره بصوت مبحبوح : طب ليه نعيش فى شك وتبرير طول الوقت وتهيشنى مضغوطه مع الوقت ها أوصل لمرحله إنى أكره عيشتى معاك
محمد : مفيش أنسان كامل يا سلوى ممكن يبقى فيا كل حاجه حلوه بس فى حاجه أكيد ها تدايقك وأنتى زيى الفرق إن إلا بيحب بيحب الأنسان بمميزاته وعيوبه حاجه كدا على بعضها يعنى لوحبتينى مش هاتزعلى من تصرفاتى
سكره هزت راسها ومسحت دموعها : كدب لو كدا كنت حبيت شيرى وفضلت تحبها أنت تعبت من العيوب إلا غطت على الحلو ونسيتك حبها وحبك لها
محمد : أبدا مش كدب بس لو الشئ زاد عن حده بيتقلب لضده فى عيب أبلعه وأتعايش معاه وفى عيوب كتير صعب العيشه بيهم
سكره بصلته بعد ما كانت مدوره وشها بعيد عنه : والمطلوب منى
محمد : تبقى كتاب مفتوح زيى أنا مخبتش حاجه عنك
سكره : من الغباء إنك تفتش فى الماضى مهما إن كان 
محمد : سميه زى ما تسميه مش عايز أعرف عنك حاجه من برا أو أتفاجئ من أى حد غريب  أسمع منك أحسن
سكره خدت نفس وشبكت صوابعها بتوتر : برغم إن مفيش حاجه ولا حتى مغامره واحده فى حياتى بس ها أحكيلك .. بدأت تحكى كل الحكايه من أولها لأخرها وعياطها بيزيد قووووى تفاصيل كتير واجعها وبتئلم مشاعرها ..
محمد خدها فى حضنه وبصوت هامس : بس كفايه عياط دموعك بتكوى قلبى كل دا جواكى وكمان مش عايزا تحكيه حتى لو من باب الفضفضه
سكره بعياط  : أيوا هى دى كل الحكايه إلا قلقاك اطمنت
محمد : مش ها أطمن غير لما أعرف حبتيه وإلا لاء مشاعرك كانت زى مشاعره بس ماقولتيش او صارحتيه صح
سكره سكتت ماعرفتش ترد
محمد : ردى عليااا بيقولو السكوت علامة الرضااا
سكره هزت راسها : ماعرفش يامحمد أنا اتعلقت بيه بس ماكنتش بفكر ولا بقرب من حتة الحب دى كنت بخاف قوى من أبويا ورد فعله ومراته بعدت عن أكتر حاجه كل بنت بتتمنى تعيشها أو تحسها مع حد دا ماكنش من حقى حياتى مش طبيعيه عشان أحب وأتحب
محمد مسح دموعها وأبتسم وباس إيديها : دا من حسن حظى عشان أكون أول وأخر حب فى حياتك
سكره ضحكت ولفت وشها وهو لف وشها تانى له .. إيه مش أول وأخر حب
سكره بصتله قووووى : أنت فعلااا أول حب حسيته وعيشته بس كدا ها أكرهك
محمد أبتسم أكتر ومسك دقنها : تقدرى أهون عليكى
سكره هزت راسها بنفى وعيونها ورمه من العياط : لاء بس ماتعملش كدا تانى معايا أرجوك سيبنى أعيش طبيعى
محمد بتأكيد : حاضر
سكره : لا أوعدنى
محمد ميل راسه بمداعبه لطيفه منه لها وأبتسامه لذيذه : وعد مش ها أعمل كدا تانى كدا أنتى مرضيه
سكره هزت راسها بتأكيد وهو ضمها قووووى قووووى وهى بادلته الحضن دا بدون تردد
مليكه خبطت بس محدش فيهم أنتبه دخلت وأول ما شافتهم ضحكت جااامد : بابى حبه بوسه هنا وبتمد شفايفها بوذ البطه
محمد أتعدل وهمس لسكره : اتقفشنااا
سكره أبتسمت ولفت وشها لمليكه : تعالى يا شقيه مش قولنا نخبط الأول عشان عيب
مليكه بتتمايل وهى ماشيه : خبط كدا أنت مش رد ليييه عشان أحضن بابى بوسه كمان
محمد : ههههههه لاء كانت لسا هاترد وأنتى دخلتى وكدا عيب لازم نقول ادخل عشان تدخلى
مليكه هزت راسها بتأكيد : باشى يا بابى
سكره باستها : أحلى باشى
مليكه بتمشى إيديها على وش سكره : انت عيط تانى ليييه
سكره : مفيش دموع يبقى مفيش عياط
مليكه : عينى حمرا عيط يعنى .. وبتميل براسها تعبير عن إنها فاهمها
سكره ضحكت وبصت لمحمد : دكتوره طالعه لأبوها فاهمه وواعيه
محمد رفع حاجب وهو بيضحك : طبعااا فاكره إيه سعتك إبن الوز عوام   .. كنتى عايزا حاجه يا مليكه
مليكه : أيز أسمع يا سكرا
سكرا بفرحه : حفظتيهم زى ما علمتك
مليكه بتأكيد : حفظتو زى ما علمتك
محمد بفضول : إيه هو
سكره طلعت إيديها ونزلتها : أصبر وأسمع ماهو مش حياة البنت كلها أنجليزى مابقتش تجمع كلمتين عربى على بعض انا بقى ها أعلمها اللغة العربيه
محمد رفع راسه : الله قول وسمعنى كمان ربنا يستر وملاقيهاش بتتعلم فرانكو فى الأخر
سكره ضربته وهى بتضحك : رخم .. بصت لمليكه .. ها اقول واحد أتنين تلاته وأنتى أبتدى بعد مانقول تلاته  ماشى
مليكه : باشى
سكره رفعت إيديها لفوق وبتهزها مع كل عده : واحد .. اتنين  .. تلااااته
مليكه نطت وقالت بصوت عالى وهى بتسقف : تلااااته هااااايه
سكره شدتها : تعالى هناااا تلاته إيه .. بتشتغلينى .  سمعى بعد التلاته مش عايزين نصب  .. هانبتدى تانى ياله .. واحد .. اتنين .. تلاااا ته
مليكه بنفس الحماس والفرحه : تلااااته هااااايه تلاته
سكره رفعت راسها وأحولت : يالهووووى
محمد : هههههههه .. ضرب سكره على راسها .. بصى بقى الطالعه دى وكلمها انجلش وبيفهمها تعمل إيه .. أوكى
مليكه سقفت : اوكى بابى
محمد ياله : وان .. توووو .. ثرررررى
مليكه نطت عليه وهى بتقول : ثررررى 
سكره نامت وفضلت تضحك جاامد ومحمد كمان بيضحك 
أتكلم  بصوته رايح : نكلمك روسى يمكن تفهمى وإلا إيه البرمجه عندك وقفت يابنتى .. أنتى حفظتى إيه ماتقولى
مليكه بصت لسكرا : قولى يا سكرا
سكره رفعت إيديها : يارب تقولى
مليكه : ياوب
سكره سقفت : ملوكه الشهور أسمها إيه أول شهر بنقول عليه إيه
مليكه بتفكيررر : فبرايه
سكره احولت جااامد : حرررام يارب ها أنهار  .. قولنا أول شهر أول السنه
مليكه : ينيوارى
محمد كتم الضحكه ومنظر سكر يهلك من الضحك : اهى دخلتلك العربى فى الانجليزى وعطلت فى النص
محمد مسكها : طب تعرفى تقوليهم ورا بعض على طول
مليكه هزت راسها بتأكيد وبدأت تقول : ينيوارى  .. فجروارى   .. مينو .. فينو 
سكره : فى بقسمات بالجبنه نستيها طعمها حلو قوى
مليكه بجديه شديده : بسقمات جبنه ... دكتوبر 
سكره خبطت على دراع محمد : كلم بتنادى عليك بتقولك دكتوبر بدال أكتوبر
محمد : هههههههههه
مليكه : ديكسمبر  ..  مايوووه 
محمد : الله دى قلعت الشهر ولبسته مايوه
سكره مسكتها : هههههههه كفايه أبوس إيدك
مليكه نطت وهى بتقول اخر شهر حافظه : نفرابرى  هاااااه سقفووو ياله
محمد وسكره بضحكه سقفووو جااامد 
سكره قعدت قدامها : ممكن تصارحينى وتقوليلى من إلا لعب فى دماغك لحد ما جيتى هنااا عشان لازم أخد معاه موقف
مليكه بصت لمحمد
محمد لف إيده : إيه أنا جيت جمبك يدوب لسااا جاى
مليكه بتلقائيه شديده  صدمتهم الأتنين : مامى أنتى قولى دماغك جوا مخ يعنى
محمد بص لسكره وركز فى تعابير وشها
سكره لفت له بفرحه  : سمعت مليكه قالت إيه
محمد بتأكيد باس راسها : الأم هى إلا بتعلم وتربى مش تولد وتجرى ربنا ما يحرمنا منك وحضنها قدام مليكه .. مليكه شاركته اللحظه دى وحضنتها جااامد وباست راسها وقالت : يارب منك .. شالتها وقاامت بصت لمحمد : ممكن تروح تغير عشان أنت من ساعة مادخلت وحضرتك بهدومك
محمد بصلها بنص عين  :  ها أقوم ياختى منا العزول إلا فى النص بينكم دلوقت
سكره : هههههههه ياختى عزوله قمررر وبتشد شفايفه
ضربها على إيديها : مش عايز تثبيتات محتاجين أفعال
سكره : أمرك سيدى
محمد : سيدك هى حريم السلطان كلت دماغك للدرجه دى .. هاااا أقول قبل ما أدخل على السلطان
قام خد طقم بيتى ودخل خد شاور وخرج .. أتكلم بصوت مسموع سكره جعان جدا
سكره بتحط الكشرى على السفره : تعالى مش شامم الروائح العطره
محمد قرب وهو بيشم الريحه : الله تسلم الأيادى   وبدء ياكل من طبقه .. الجرس رن وهو إلا قام فتح شيرى زقته ودخلت على طول واقفه قدام الأكل وعيونها على سكره وبنتها إلا فى حضنها .. بتهز رجليها جااامد ومحمد نفخ وقفل الباب ودخل بيحاول يتماسك قدام مليكه : اتفضلى بص لمليكه مش هاتقولى لمامى أتفضلى
مليكه كشرت وشاورت : زعلان منو   نوتى مامى
شيرى ضحكت بسخريه : الله على أدب وأخلاق البنت إلا بقى فى السما راحت على سكره زقتها .. قومى عايزا أقعد جمب بنتى
محمد : شيرى اتعاملى بأسلوب كويس يا تطلعى برا أنا مش ها أتحملك تانى تحت أى ظرف
شيرى بصت لسكره وبتريقه : بليززز  قومى عشان حبيبى متعصب
سكره برغم غيظها قامت وسابت لها المكان
شيرى بصت لطبق الكشرى بمكرررر بتاع سكره إلا لسا ما كلتش منه معلقه واحده وبدأت تاكل بأستمتاع قصاد عيون محمد وتأكل مليكه كمان ودا إلا أستغربه محمد قوووى  قعد منتظر هى هاتعمل إيه أو ممكن تقول إيه
❤🧡🧡💛💚💙💜💜
بقلم : لبنى طارق
🤎❤🧡🧡💛💙💜💜
تصويت ورأيكم بقيتو بخله معايااا وبتتعاملو بأنانيه للأسف