"ဟို... နင် အရသာတွေ ရောကုန်မှာပေါ့"
ငြိမ်းက ချယ်ရီဆီက အအေးခွက်ကို ပြန်ဆွဲယူလိုက်တော့...ချယ်ရီက ငြိမ်းကို ကြည့်လာသည်...
"ငြိမ်း"
"ဟင်"
"ဖြစ်ခဲ့တဲ့ ကိစ္စတွေမှာ ငါတို့မိသားစုက နင်ကောင်းဖို့အတွက်ပဲ ရှေးရှုခဲ့ကြတာ နင်နားလည်တယ် မဟုတ်လား"
"အင်း"
"ထားပါ... ပြီးခဲ့တာတွေ ထားလိုက်တော့မယ်... ဒါပေမဲ့ ငါတို့ အရင်လို သူငယ်ချင်းတွေ ပြန်ဖြစ်လို့ ရသေးတယ်မဟုတ်လား"
"နင်က ငါ့အတွက် အမြဲတမ်းသူငယ်ချင်းပါပဲ"
"ကတိနော်...ငြိမ်း... ငါတို့နှစ်ယောက် အရင်ကလို တစ်ယောက်အနားမှာ တစ်ယောက် အမြဲရှိပေးကြမယ်နော်... လိုအပ်တဲ့အချိန်တိုင်း ဘေးမှာ အမြဲရှိကြရမယ်နော်...သိလား...ငြိမ်း"
ငြိမ်းက so sweet ကို လှမ်းကြည့်လိုက်မိသည်... မျက်နှာက ရှုတည်တည်နှင့် ငြိမ်းတို့ကိုလှမ်းကြည့်နေသည်မှာ ခုထိမျက်နှာမလွှဲသေး...
"ငြိမ်း... ငါပြောတာကြားရဲ့လား"
"ဟမ်... အင်း... ဟိုလေ... ငါနင့်ကို တစ်ခုတောင်းဆိုချင်တယ် ချယ်ရီ... ငါက နင့်ကို ဟိုးငယ်ငယ်လေးကတည်းက သူငယ်ချင်းဆိုတာထက် မောင်နှမလို ငါ့ညီမလေးတစ်ယောက်လို သဘောထားခဲ့တာမို့ အခု ငါ့ရဲ့ဖြစ်တည်မှုကို လက်ခံပေးပြီး အာကာကြည်ညွှန်းကိုလည်း နင့်မောင်လေး တစ်ယောက်လို သဘောထားပေးစေချင်တယ်"
ငြိမ်းက ထိုသို့ပြောတော့ ချယ်ရီက မျက်နှာမကောင်းဖြစ်သွားသည်...
"သဘောထားပေးရမှာပေါ့... ဘာပဲဖြစ်ဖြစ် ငါတို့အရင်လိုပဲ ပြန်နေကြမယ်နော် ငြိမ်း"
"အင်း... ဒါပေမဲ့... ငါတို့ အပြင်သွားရင် အာကာကြည်ညွှန်းကိုလည်း ခေါ်..."
"ဟယ် ငြိမ်း နင့် အအေးက ရေခဲတွေ အရည်ပျော်ကုန်တော့မယ် သောက်လိုက်ဦး"
ချယ်ရီက ငြိမ်းကို စကားအတင်းဖြတ်ပြီး အအေးသောက်ခိုင်းကာ စကားလမ်းကြောင်းတွေ လွှဲကုန်တော့သည်... ငြိမ်း သက်ပြင်းသာ အသာချလိုက်ရသည်... ချယ်ရီ့အတွက်လည်း ဒီပြောင်းလဲမှုက ရုတ်တရက်ကြီးမို့ အချိန်တစ်ခုတော့ လိုအပ်ပါလိမ့်မည်...
YOU ARE READING
Match Made In Clouds
RomanceMyanmar Boy Love Fiction (OC) ကြည်ညွှန်း Family ကြီးထဲကို ရောက်လာခဲ့တဲ့ ငြိမ်းအေးအိမ် ဆိုတဲ့ အစ်ကို့ကို ထားစရာနေရာမရှိအောင် သဲသဲလှုပ်တဲ့ အဆိုးလေး အာကာကြည်ညွှန်း တို့အကြောင်း
Ep 22 (U)
Start from the beginning
