"" "" "" "" "" "" "" ""
يمه اذكريني من تمر زفه شباب...
من العرس محروم حنتي دم المصاب...
شمعه شبابي من يطفوها...
حنتي دمي...
والچفن ذاري التراب...
يمه اذكريني من تمر زفه شباب...
"" "" "" "" "" "" "" "" "" "
طفت القصيده ويه طفيه السياره مسحت دموعي بحجابي ونزلت رفعت راسي وگلبي نقبض من شفت البيت عدلت عباتي على راسي ومشيت خطوات لهل مهجوم
فتت للبيت بخطواتي الثگيله ومو حابه هل دخله
ضعفت مشيتي وصرت اخر الداخلين
من شفت عتبت الباب گلت بخفوت
: اااااخ هم رديتلك..؟؟؟
انلزمت عباتي من جهه اليمنه باوعت الها عيونها مثل عيوني حمررر ورموشها الكثيفه مبلله دموع
شايله على ساعدها جنطه ايدها السوده وبيدها الثانيه جاره الجنطه الجبيره
دخلت وكل لحظه عشته‍ا هنا اتجمعت مثل الشريط السريع مࢪن گدام ؏ـيني
.... شفتها گاعده نفس گعدتها بجبروتها وظلمها ودكتاتوريتها ومحاوطينها من الجهتين مثل الخدم والجواري واگفين...
ما بوچها رحمه ابددد... ولا بيها نور وبرائه الناس الكبار البركه...
شافتني وتبسمت ضربت بعوجيتها الگاع وگالت
: موش گتلج درب الچلب اعلى الگصاب.؟
باوعت الها وانه بمگاني بتحدي ونتر گلت : الچلب وفي... وانه مو چلب .
غصب وجهها و بينت تجاعيد وجهها القبيح ودكاتها التارسه وجهها نقط وخطوط خضر على حنچها وحاجبها وتارس اديها وگفت متجيه على عوچيتها
: بعدج تتهاددين وچويه وانتي چناحج مكسور؟؟
قربت كم خطوه ووگفت بشموخ وگلت بكل جبروت مثلها
: انچان چناح عندي نكسر عدي رجليه بعدهن بحيلهن واخذ حگ جناحي الي انكسر وحگ گلوبنه الشعوطتوها
: انلصمي.. مكسوره ولسانچ مترين!!! شوكت تهيدين انتي؟؟؟
ردت احچي ولزمت من چتفي درت وجهي شفته واگف وراي غمض عيونه وفتحهن عودك اسگتي
رديت اباوع الها تباوع النه بعينها الحقيره حركت ايدها عود فوتي
فتت من يمها وگلت : وروح العزاز الي سطرتهم بأرض النجف ما اتسمه بت ابوي اذا ما اطلع حگ كسرتنا بيج يا عجوز النار
"" "" "" "" "" "" "" "" "" ""
مرحبا بيكم ورداتي حبيباتي
رجعت وياكم بقصه جديده واتمنى تنال اعجابكم
ثبتوها يمكم بلمكتبه لحين نشر القصه
احبكم ورداتي 🌺🌺🌺🌺
YOU ARE READING
ﺟـبـࢪوته‍ـ۾ وڪسࢪتـﻲ
General Fictionولنا ايضا حكايه نرويها لكم عن طغيان بعض البشر وجبروتهم
