"Mask Partyလုပ်ရအောင်ပါ"
"ဟုတ်သားပဲ Seaရယ် အမှတ်တရလေးဖြစ်သွားအောင်လုပ်ရအောင်လေ နော်"
နေသာက သူ့ရင်ဘတ်ပေါ်က အင်္ကျီစကိုဆွဲဆုပ်ရင်း ပူဆာသလိုလေးပြောလာတော့ မ,ကိုပေစောင်းစောင်းကြည့်ရင်း ခေါင်းညိတ်ပြလိုက်သည်။
ထိုအခါမှ လူဆိုးမကပျော်သွားပြီး လက်နှစ်ဖက်ကိုဆန့်တန်းကာ ဟေးခနဲအော်တော့ သူ စိတ်ချသွားပြီး နေသာ့ကိုပြန်လွှတ်ပေးလိုက်မိသည်။
"ငါ့Babyက တော်လိုက်တာ Seaလိုကောင်ကိုတစ်ခွန်းတည်းနဲ့ ခေါင်းညိတ်အောင်လုပ်နိုင်တယ် အရမ်းချစ်.. မွှမ့်💋"
နေသာ့ပါးလေးကို ရှိုက်ခနဲနမ်းပစ်လိုက်၍ သူ ဒေါသဖြစ်သွားပြီး မ,ကိုလှမ်းဆွဲတော့ ဒါကိုကြိုသိနေသည့် မ,က လှစ်ခနဲထပြေးသွား၏။
လျှပ်စီးလက်သလိုလျှင်လွန်းသော အရှုပ်ထုတ်Skyကို သူ မမှီလိုက်ဘဲ လက်ကားယား၊ ခြေကားယားဖြင့် ကျန်နေခဲ့တော့ ဒေါသဖြစ်ဖြစ်နှင့်ကျိန်ဆဲမိတော့သည်။
နေသာကတော့ သူ့ကိုကြည့်ရင်းရယ်နေ၍ ထိုပါးလေးကို သေချာငုံ့ကြည့်ကာ နှုတ်ခမ်းနီအရာပါးပါးလေးထင်နေသည်ကို လက်ဖဝါးနှင့်ဖိပွတ်ပေးပြီး ငုံ့နမ်းပစ်လိုက်သည်။
"မှတ်ထား ဒါ ငါ့ပစ္စည်း"
"အင်း"
"ကိုင်းကိုတောင်အထိမခံနဲ့ ကြားလား"
"နင်ကလည်း"
"ဘာလဲ မရဘူးနော် ငါခွင့်မပြုနိုင်ဘူး ငါပဲထိမယ်"
ညစ်ကျယ်ကျယ်ဖြင့် ချုပ်ချယ်လိုသော ဤစကားအဆုံးမှာတော့ သူမ မျက်စောင်းထိုးလေ၏။
💞💞💞💞💞💞
"ဆရာ ဒီစာချုပ်မှာ လက်မှတ်.."
"ရှူး!"
အသံတိတ်နေဖို့အချက်ပြလိုက်သည်နှင့် ကျော်စွာက ပါးစပ်ပိတ်သွားကာ ရင်ခွင်ထဲမှာအိပ်ပျော်နေသော ချာတိတ်လေးကို တစ်ချက်ငုံ့ကြည့်မိသည်။
သူမလေး အိပ်ပျော်နေမှန်း သေချာသွားတော့မှ စာရွက်လှမ်းပေးဖို့အသံတိတ် အချက်ပြလိုက်ကာ ကျော်စွာကလည်း ခြေသံဖွဖွဖြင့် သူ့အနားကပ်လာ၏။
"ဒါပဲလား"
သူ့ကိုစ,နောက်လိုပုံရသော ကျော်စွာက ခေါင်းကိုသာညိတ်ပြတာမို့ အံကြိတ်ပြရင်း လက်သီးထောင်ပြလိုက်၏။
ထိုအခါ ဒင်းက ကလေးချော့သိပ်နေဟန်ပြန်လုပ်ပြတာမို့ စာရင်းစာအုပ်ဖြင့်ပေါက်ဖို့ပြင်တော့ ကျော်စွာက ခြေဖျားထောက်ပြီးပြန်လှည့်ပြေးသွားသည်။
YOU ARE READING
သူမ မှ တစ်ပါး
Romanceတစ်ခါတစ်လေ Exတွေပြန်လာတယ်ဆိုတာ ကိုယ့်ရဲ့နံရိုးပိုင်ရှင်ဖြစ်လို့မဟုတ်ဘဲ ကံကြမ္မာက နင်အရင်လိုကျပ်မပြည့်တုန်းပဲလားလို့ စမ်းသပ်တာလည်းဖြစ်နိုင်တာပဲ ဒီFicကိုဖတ်မယ်ဆို Dreamerနဲ့ မ,ရယ် ကျွန်တော်ရယ် အိမ်မက်တွေရယ် အရင်ဖတ်ဖို့လိုပါတယ် Season 2လိုဖြစ်နေလို့ပါ...
Part 17
Start from the beginning
