ဗီယက်နမ် တို့ ကမ်ဘောဒီးယား တို့က ထိုင်း နိုင်ငံလို 24 hours bar တွေ သိပ်မရှိဘဲ ညဥ့်နက်တဲ့အထိ ဆိုင်တွေ ဖွင့်လေ့မရှိတာ သတိထားမိသည်... so sweet က ငြိမ်းရဲ့ လက်ကိုဆွဲပြီး လမ်းလယ်ခေါင်တည့်တည့်ကနေလျှောက်နေသည်... ငြိမ်းက လမ်းဘေးဝဲယာ လျှောက်ကြည့်နေရင်း ခပ်လှမ်းလှမ်းမှာ mini mart လေးတစ်ခု ဖွင့်ထားတာ တွေ့လိုက်ရသဖြင့် so sweet ရဲ့ လက်ကို ဆွဲလှုပ်လိုက်သည်...
"so sweet "
"ဗျာ"
"ဟိုးမှာ ဆိုင်ဖွင့်တယ်... ကိုယ်တို့ ဦးနှောက်ကို ခဲပြီး အငွေ့ပျံသွားအောင် လုပ်ကြမလား"
"အဟားဟား... အိုးးခေးး...let's go"
ငြိမ်းရဲ့ အပြောကြောင့် so sweet က သဘောကျစွာဖြင့် အော်ရယ်လိုက်ပြီး ငြိမ်းလက်ကို ဆွဲလျက်သားနှင့် ဆိုင်လေးဆီသို့ ပြေးသွားတော့သည်...
ငြိမ်းတို့ စီးကရက်တစ်ဗူး နှင့် ရေခဲမုန့်တစ်ခွက်ဝယ်ကာ ပြန်ထွက်လာကြပြီး so sweet က စီးကရက်တစ်လိပ်ကို ထုတ်၍မီးညှိလိုက်သည်...
"ကိုယ့်ကို တစ်လိပ်ပေးဦးလေ"
"တော်ပြီ... ဒီတစ်လိပ်ပဲ တူတူ သောက်မယ်... အစ်ကို အကျင့်ပါသွားမှာစိုးလို့"
"အာ... တစ်ခါတလေပဲဟာကို"
ငြိမ်း အပြောကို so sweet က မကြားချင်ယောင်ဆောင်၍ စီးကရက်ကို လက်ကြားညှပ်ကာ ရေခဲမုန့်ဗူးကိုဖွင့်ပြီး ငြိမ်းကို ခွံ့ကျွေးလာသည်...
"ဆေးလိပ်အရင်ပေး"
"ဒါ အရင်စား"
ငြိမ်းက ဇွတ် လုတော့ so sweet က လက်ကို အပေါ်သို့ မြှောက်လိုက်ပြီး...
"အာ...ပြုတ်ကျတော့မယ်ကွာ...အစ်ကိုက ဘာလေးတုန်း"
"ပေး!"
"ရော့ကွာ ရော့ ရော့"
"အဟားဟား"
ငြိမ်းတို့ နှစ်ယောက်လုံး စိတ်လက်ပေါ့ပါးစွာ ရယ်မိကြသည်... ငြိမ်းရဲ့ သကြားလုံးလေးက ဒီလိုလဲ ချစ်ဖို့ကောင်းပါသေးသည်... ဆေးလိပ်သောက်လိုက် ရေခဲမုန့်စားလိုက်နဲ့ လမ်းလျှောက်နေကြရင်း အချိန်က မနက် ၂ နာရီတောင် ထိုးတော့မည်...
YOU ARE READING
Match Made In Clouds
RomanceMyanmar Boy Love Fiction (OC) ကြည်ညွှန်း Family ကြီးထဲကို ရောက်လာခဲ့တဲ့ ငြိမ်းအေးအိမ် ဆိုတဲ့ အစ်ကို့ကို ထားစရာနေရာမရှိအောင် သဲသဲလှုပ်တဲ့ အဆိုးလေး အာကာကြည်ညွှန်း တို့အကြောင်း
Ep 12 (U)
Start from the beginning
