(الحلقه الثامنه ) ❤ الجزء الثالث
........
ليلى : اهدى بس كده وصلى ع النبى . وقوليلى الدوشه اللى عندك دى ايه ؟ واوعاكى تقوليلى ان ده مطعم جديد بيفتتحوه وعاملين زفه وهيصه . عشان هيجيلى جلطه
مى : وانتى عرفتى منين ان شاء الله انه مطعم جديد ؟.
ليلى : يعنى هو بجد مطعم جديد يا مى
مى : ايوه قولنا . فيه ايه
ليلى : احيييييه على رأي احمد اخويا .. احمد اخويا تحت البيت عندك وحياة امى
مى : نعععععععم ؟
ليلى : هههههههههههه والله بجد . بكلمه من عشر دقايق لقيت عنده نفس الهيصه والزيطه دى قالى انه افتتاح مطعم وانا شويه وجاى .. احمد اخويا جنبكو وكتاب الله
مى : ليلى انتى بتتكلمى بجد ؟
ليلى : وحياة امى بجد
مى : طيب تعرفى بالظبط هو ف انهى حته . البيت على شارع وفيه كتير
ليلى : طب مافيش قهوه طيب او كافيه اى حاجه
مى : اه فيه قهوه قصاد البيت بس 30 متر كده
ليلى : طب ما تبصى كده من ورا الشيش ولا م الشباك . اوعى تخليه يشوفك انك شوفتيه
مى : طب استنى .. منكم لله انتى واخوك . انا قلبي هيتخلع من مكانه
ليلى : وحياة امك يابنت الجزمه لو فعلا طلع اخويا عندك لنا ضارباك انتى ومطلعه عين امك على البهدله اللى انتى عاملاهاله دى ... انا اخويا ابن ناس ومش وش بهدله ههههههه
مى : هههههههههههه طب استنى
ليلى : هاااااا انجزى
مى : استنى يا ليلى انا مش شايفه
استنى .. است....... يانهار اسود ومنيل
ليلى : اييييييييييه ؟
مى : ده هو احمد يا ليلى . احممممممممد
ليلى : مش بقولك انك بنت جزمه .. اخويا مايتبهدلش يا ولاد الكلب ههههههههههههه . طب وحياة امك منا مجوزاهولك بقي ولازم تتحايلى عليا وتسوقى عليا بلاد المسلمين كلهم عشان ارضى بس انه يبصلك ههههههههه
مى : يا لهوى على دى حركه ... انا عينى عليه مش راضيه احركها يا ليلى . صعبان عليا والله وهو قاعد . عاوزه انزل اقعد معاه بس ما ينفعش
ليلى : لا تقعدى معاه فين . استنى .. عينك على اخويا يابت لاحسن حد من المنطقه عندكو يطلع يثبته ولا حاجه
مى : وهو احمد يتخاف عليه يا ليلى ...
ليلى : طب بقولك ! بيبص على شباكك او بيتكو ؟
مى : ههههههههههههه اه . كل شويه كده يرفع عينه يبص على البلكونه .. بقولك ايه انا بفكر اجننه
ليلى : هتعملى ايه ؟
مى : هفتح باب البلكونه . وشويه واقفله ههههههههه اخليه ماشي يلتفت حوالين منه كده
ليلى : ههههههههههه أخويا يابت .. طب بقولك ايه احكيلى بقا ايه اللى حصل النهارده بالظبط عشان اقدر اعرف هنعمل ايه
مى : طيب ! لازم احكيلك عشان حاسه انه هيجرالى حاجه .. وبجد يا ليلى انا ورحمة ابويا كنت خلاص هنهى العلاقه دى بجد . بس بعد حركة انه ييجى لغاية عندى ويفضل قاعد كده مخليانى مش مالكه نفسي ولا جسمى ومتكهربه .. ولولا الظروف والشارع كنت نزلت قعدت دلوقتى
ليلى : مى ! احمد اخويا بيحبك .. وبيحبك بشكل غبى كمان وتقريبا مش شايف ولا سامع حد ف الدنيا دى غيرك
هذه الرواية للكاتب أحمد سعد وتم نشرها علي بيدج قصص و روايات للناشر محمد فريد
.................
( تانى يوم ف الشركه )
احمد : داليا ! هاتيلى عقد بيرى وحصلينى على المكتب
داليا : حاضر يا فندم
احمد : واتصليلى على مستر وليد خليه ييجيلى عاوزه
داليا : تمام
.......
داليا : الو ! شهد
شهد : ايوه يا داليا
داليا : خليه مستر وليد ييجى دلوقتى حالا لمستر احمد
شهد : تمام . ايه خير ولا ايه
داليا : هو خير . وشكله هادى ... بس تقريبا منمش ... وانتى عارفه انه لما مابينامش بيبقي احيانا عصبي .. خير خير خلى مستر وليد بس ييجى
شهد : تمام
...........
داليا : ده عقد بيرى يا مستر احمد
احمد : ( بيمسكه وبيقطعه وبيديه ل داليا تانى ) خدى ارميه ف الزباله . ولو جات تانى ماتدخليهاش .. واتصلى عليها بلغيها بالكلام ده
داليا : حصل حا....
احمد : اتفضلى يا داليا على مكتبك
داليا : حاضر . عن اذنك
احمد : داليا !
داليا : خير يا مستر احمد
احمد : ماتزعليش ! حقك عليا بس منمتش بس
داليا : منا عارفه وشكلك بيقول انك منمتش ... فيه ايه مالك . مالك يا احمد
احمد : مش عارف ! بس انا كويس .. انا بقيت كويس الفتره دى .. اتفضلى انتى على شغلك . واستعجلى وليد خليه ييجى
...........
داليا : احححم ! الو ! استاذه بيرى
بيرى : ايوه ! ايوه يا داليا . انتى بترنى الساعه 8 ليه يابنتى خير انا لسا نايمه
داليا : معلش بس هو مستر احمد بلغنى ابلغ حضرتك ان العقد اصبح لاغى .. و
بيرى : عقد ايه اللى لاغى ! انتى مجنونه ؟
داليا : مجنونه ليه بس يا استاذه بيرى ... انا ببلغك بالكلام اللى مستر احمد بلغنى ابلغه لحضرتك .. مالهاش لازمه اوى طولة اللسان
بيرى : انتو لسا شوفتو طولة لسان . فين احمد ! حولينى عليه
داليا : رافض اى مكالمات دلوقتى . عاوزه تكلميه حضرتك رنى عليه على تليفونه
هذه الرواية للكاتب أحمد سعد وتم نشرها علي بيدج قصص و روايات للناشر محمد فريد
.............
بيرى : ( بتكلم نفسها وهى بترن على احمد ) انت اتجننت انت كمان .. انت فاكرها سايبه . يعنى تخطيط 3 سنين بحالهم وانا بحاول اسنتر دماغ امك واخرجك من عباية فيروز دى وتيجى واحده تانيه تااخدك منى كده .. رد ياخويا رد وافتح تليفونك ماتهربش
احمد : الو !
بيرى : الو ! ايوه يا استاذ احمد ايه اللى داليا بلغتهولى ده
احمد : اللى سمعتيه واللى هى قالتهولك ده الكلام اللى انا بلغتها تبلغهولك
بيرى : ايوه ليه يعنى ؟
احمد : انا حر ! محدش جبرنى انى اتصل بيك اجيبك تشتغلى معايا وبردو محدش جبرنى انى اقولك شكرا استغنيت ن خدماتك وهشوف اللى هتأدى الدور احسن منك
بيرى : انت اتجننت يا احمد انت عاوز تجيب حد احسن من بيرى منصور ؟
احمد : بقولك ايه يا روح ابوك انتى كلمه تانيه وهاجي اكسر بيتك على دماغك ودماغ اللى فيه ما تصحى لنفسك يابت .. غورى ف داهيه
.............
بيرى : ( بزعيق وعصبيه ) الو ! ملك ! انتى تقومى دلوقتي تيجيلى على البيت دلوقتى .. حالااااااااااااا وتحاولس تطلعيلي رقم فيروز عشان هدخلها ف الحكايه ...انا عندي ان فيروز ترجع لاحمد وهو ضعيف جدااااااا من ناحيتها اساسا ...احسن ما تاخده البت المبقعه اللي بتحوم حواليه ده
............
وليد : تحت امرك يا مستر احمد
احمد : من غير اوامر يا مستر وليد ..بصراحه انا كنت عاوزك ف حاجه كده بفكر اعملها ف الشركه الفتره الجايه
وليد : خير يا احمد
احمد : بصراحه موظفين الشركه كلهم تعبو معانا الفتره اللي فاتت
وكنت عاوز اعمل حاجه كده كل فتره تشجعيا ليهم يعني وكده
وليد : هي بصراحه فكره عظيمه جدا وهتزود رباط الموظفين بالشركه وحبهم ليها
احمد : انا درست ملفات الموظفين عشان اشوف هبدا بمين او هنعمله ايه لقيت ان الانسه مي .الموظفه الجديده عيد ميلادها الخميس الجاي
وليد : ايوه . وبعدين
احمد : هقولك هعمل ايه ..بس ياريت ده يبقي سر مايطلعش لحد لغاية يوم الخميس ..لغاية ما نرتب انا وانت اللي ناوي اعمله
يتبع .....
انا بدأت اتطمن .او اقلق مش عارف 😅
اهذه الرواية للكاتب أحمد سعد وتم نشرها علي بيدج قصص و روايات للناشر محمد فريد
