( الحلقه الحادية عشر )
.....
احمد : فضحتى امى ... ايه الضحكه دى
مى : مش قادره حقيقى ههههههههههههه افتكرت حاجه كده
احمد : يخربيت ام الحاجه اللى انت مابتفتكريهاش غير وانتى بتكلمينى
مى : انا حقيقى مش قادره .. انا هقوم اطلع اتأخرت على الشغل . ومستر وليد مابيرحمش
احمد : ربنا يوفقك .. شدى حيلك
مى : باي باي اشوفك بعدين بقا وماتنساش تحضر رقمك المره الجايه
احمد : ان شاء الله .. باي باي
........
( مى وسالى قاعدين ف المكتب لوحدهم )
سالى : ايه يا جميل سرحان ليه
مى : مش عارفه ... مش عارفه مالى والله يا سالى مرتبكه كده ومش مجمعه ولا عارفه مالى
سالى : اممم . الاعراض دى عارفاها كويس وعارفه نهايتها ههههههههه
مى : طب بس .. وطى صوتك عصام جاى
عصام : ازيكو يا بنات
مى : اهلا يا مستر عصام
عصام : مستر ايه يا مى انتى هنا بقالك 3 ايام اهو وبقينا زمايل خلاص قولى عصام
مى : حاضر يا باشا هههههههههه
سالى : احلى عصام ف الدنيا كلها يا ريس ولا تزعل
عصام : تسلمى يا سالى ... المهم انا عازمكو النهارده على العشا
مى : يعنى ايه عازمنا ؟
عصام : يعنى عازمكو انتى وسالى وهند وشهد وانا ومعانا الواد عمرو .. كلمته وقولتله ييجى النهارده
مى : ايه ؟
عصام : ايه موافقين ولا ايه . هتبقي عزومه ومنها تعارف على بعض عشان تعرفى زمايلك مين واحنا منين وكده
سالى : هى فكره حلوه بس الحقيقه اننا مش ب....
مى : موافقين
سالى : ايه ؟
مى : موافقين . ( بتبص ل سالى وبتحاول تغمزلها ) هو حد يكره فرصه زى دى ولا خروجه زى دى مع زمايله . اهو نغير جو يا سالى شويه بس ياريت لو تجيب داليا معانا
عصام : اشطا جداااا دى داليا اول واحده هتكون موجوده .. على 7 بالليل كده هتصل عليكو واقولكو فين المكان بالظبط
مى : تمام يا عصام
عصام : عن اذنكوا هقوم امضى الورق ده من مستر احمد عشان هاخده واطلع ع البنك
مى : اتفضل .. ماهو مستر وليد هناك
....
سالى : بتفكرى ف ايه يابت انتى مش مستريحالك
مى : هتعرفى بعدين هههههههههههه هيحصل اكشن ف الشركه النهارده او بكره
سالى : احيه عليكى يا مى . دماغك دى مش سهله .ههههههههههه
مى : انا مبسوطه يا سالى ... وأول مره ف حياتى اكون مبسوطه بالشكل ده ..
سالى : فعلا هى حدوته حلوه اللى احنا فيها دى .. يلا محدش عارف الخير فين
مى : هتسمعى احلى اكشن النهارده او بكره ف الشركه ... والضحك هيبقي للركب
..............
( ف بيت احمد )
ليلى : مامى ! انتى مش ملاحظه حاجه على احمد بقاله كم يوم
ام احمد : اه يا روحى ملاحظه
ليلى : حسيت انه بدا يفك شويه كده ويرجع يضحك معانا زى الاول
ام احمد : اه فعلا .. دنا بشوفه بيضحك قلبى بينشرح من جوه
ليلى : الموضوع شكله فيه واحده جديده على فكره
ام احمد : يارب .. ويارب تطلع كويسه وبنت ناس ماتطلعش واطيه زى الاولانيه تعقده اكتر واكتر لاحسن انا مابقتش مستحمله
ليلى : انا هعرفلك الحكايه ايه .. بقولك ايه انا هقوم البس واروح الشركه شويه
ام احمد : اشمعنى
ليلى : ههههههههههه شركة ابويا واخويا . عاوزه اشم هوا شويه فيه مانع ؟ وبعدين انا عندى شك ان البنت اللى احمد واقع معاها دى هتكون معاه ف الشركه او تبع الشغل عموما
ام احمد : طيب روحى ! ولو عرفتى حاجه ابقي تعالى طمنينى وفرحينى
ليلى : عنيا يا ست الكل ... انا هطلع ألبس بقي
............
( مكتب احمد )
عصام : مساء الخير يا مستر احمد
احمد : اهلا يا عوص عامل ايه
عصام : بخير يا ريس ...
احمد : تعالى ! ده الورق بتاع البنك ؟
عصام : اه يا ريس . هتوقعلى بس عليه عشان ألحق اروح انا
احمد : تمام ! عامل ايه ف الشغل
عصام : بخير والله ... الدنيا اهو بقت تخف من على كتافنا شويه لما البنتين المحاسبتين دول جم يشتغلو معانا
احمد : اها كلهم بيقولوا عليهم اذكيا وشطار
عصام : اه فعلا ... غير ان ماشاء الله وشهم بشوش وزى القمر ويفتحو نفس الواحد ع الشغل كده كل يوم
احمد : امممممم . وبعدين ؟
عصام : بس ! شربو الشغل بسرعه واتعلموه بسرعه جدااااا وخفوا عن الواحد شويه
احمد : تمام تمام ! وايه تانى
عصام : حتى عزمناهم النهارده
احمد : اه ! قولتلى بقا .. مين صاحب العزومه ومين جاى
عصام : كلنا ! الشله القديمه بتاعتنا . انا وهند وداليا وشهد وكمان الواد عمرو هييجى معانا وعزمت مى وسالى ..
احمد : اه دى شلة زمان بقا كلها
عصام : ماتيجى معانا يا ريس
احمد : انت خليت فيها ريس بقي
عصام : ههههههههههه معلش مانا صاحبك قبل ما اكون شغال عندك
احمد : لا عيب تقول شغال عندى يا عوص . انت شغال معايا
عصام : حبيبى يا ابو الصحاب ..
احمد : وبما اننا صحاب بقا انت عارف ان انا بحبك ولا لا ؟
عصام : طبعا
احمد : لا حقيقى .. بحبك بحبك يعنى
عصام : طبعا يا احمد انت بتتكلم ف ايه
يتبع ......
يا جماعه كفايه ضحك يا جماعه انا بطنى مش قادر
تفتكروا احمد هيوزعه فين 😂😜
التفاعل يا باشمهندسين
