(الحلقه الثانيه ) ❤ الجزء الثاني
........
احمد : والبنت قالتلك ايه
سليم : مافيش هى كانت ذوق جدا وضحكتها تجلجل القلب كده هههههههههههه ماشاء الله عليك وعلى موظفينك والله يابنى ... بقولك ايه هى مرتبطه البنت دى ؟
احمد : بقولك ايه يالا
سليم : هههههههههههههه ضحكتنى يا فقر ... بس عارف انت هتقول ايه . انت بتضايق ان حد يوقف موظفينك ويكلموهم ... معلش بس والله انا لا قصدى اعاكس ولا اضايقها ؟ انا فعلا البنت كويسه وباينها بنت ناس ف حبيت اعرفها يعنى
احمد : بقولك ايه يا سليم ! خد ورقك والمحاسب بتاعك اللى بره وامشي .. وماتشغلش نفسك بالورق ولا بالعقد ده .. اقولك ! ولا حتى عدت تيجى الشركه هنا
سليم : الكلام ده بجد ؟
احمد : اه بجد ... يلا قوم
سليم : ههههههههههه بجد الكلام ده ؟ انت بتطردنى ؟
احمد : يابنى ؟ انت مخك فيه ايه ؟ بقولك خد ورقك وامشي .... ولا فيه عقود ولا فيه توقيع من اساسه
سليم : الموضوع قلب بجد ليه كده ؟ هى البنت دى تخصك ولا الموضوع مالوش علاقه بالبنت من اساسه
احمد : ( بيسيبه وبيخرج )
...........
( احمد بيروح ع الحسابات وهو ف قمة عصبيته وغضبه بيلاقى مستر وليد واقف قدام المكتب وسامع صوت مى وسالى جوه ... )
احمد : ( بينادى على وليد من بعيد ) ولييييييييييد !
وليد : مستر احمد ؟ خير يا مستر
احمد : تعالالى المكتب
وليد : طب تعالى اتفضل
احمد : اخلص .. دقيقتين تكون عندى
.........
( وليد بيدخل المكتب ياخد تليفونه ونضارته )
سالى : خير يا مستر وليد مين اللى بينادى بعصبيه كده
وليد : ده مستر احمد ..
مى : ( بتتوتر وبتقلق وبتبدا تخاف ) خير يا مستر هو فيه حاجه ولا ايه
وليد : مش عارف والله يا بنات ... صوته كده مش مطمنى .. لا وجه لغاية هنا بنفسه ومارضاش يدخل .... فيه حاجه ولا ايه انا سايبه كويس
مى : ( بتبص ل سالى ) ربنا يستر يا مستر
................
هند : من واقع معرفتى باحمد يا بنات احب اقولكو اننا كلنا هنا هنتعلق ههههههههههه ونادى على مستر وليد عشان يديله الطريحه نيابة عننا
مى : ليه طيب
هند : مش عارفه ... بس الموضوع مش هيخرج بره وقوفك مع مستر سليم يا مى .. احمد بيضايق جدااااااااا . حتى من ايام زمالتنا ف الكليه . كان نفس الوضع بس المرادى احب اقولكو انه متعصب جدا وصوته باين انه هيطلع نار .. ربنا يستر
.............
احمد : داليا ! وليد جاى ورايا . دخليه على طول
داليا : خير يا مستر احمد
احمد : وانتى مال اهلك انتى خليكى ف شغلك
داليا : حاضر انا اسفه
........
( بعد دقيقتين )
وليد : مستر احمد جوه يا داليا ؟
داليا : اه يا مستر . هو فيه ايه ؟ شكله يخوف اوى
وليد : انا عارف بقا ! ربنا يستر .. الناس اللى كانو هنا جوه ولا مشيو ؟
داليا : لا مشيو من شويه وكان باين عليهم انهم خدو الطريحه هما كمان
وليد : ليه بس مستر احمد كان مبسوط بالعقد ... اما ادخل اشوف ايه الحكايه
.............
وليد : مساء الخير
احمد : اهلا يا استاذنا ... حضرتك مش عارف تحكم موظفينك هنا ولا ايه ف الشركه
وليد : ليه بس يا مستر ايه اللى حصل
احمد : ازاى يا استاذ حد م الحسابات يقف مع حد غريب ويفضلو يتكلمو اكتر من 10 دقايق ؟
وليد : مين بس يا فندم انا كنت مع حضرتك ف الاجتماع ؟
احمد : وهو لازم حضرتك تكون موجود ؟؟ دى تعليمات يا استاذ المفروض ينفذوا تعليماتك بما انك مديرهم المباشر سواء كنت موجود او مش موجود .... لكن عشان هانم من الهوانم اللى متعيين جديد تفضل واقفه مع الزفت اللى اسمه سليم ويهزروا ويتكلمو دى اسمها قلة ادب
وليد : الناس الجديده ؟ يا فندم دول مابيتكلموش مع اى حد ولولا انى بسالهم ف الشغل وبطلب منهم حاجه مش هيتكلمو معانا كمان
احمد : خصم 5 ايام من اللى اسمها مى . ويتوجهلها انذار ان لو حاجه زى دى حصلت تانى تتفضل تشوفلها شركه تانيه مفهوم ؟
وليد : اوامرك يا ريس ؟ تؤمر بحاجه تانى ؟
احمد : مالكوش دعوه بالشركه .. ولا تدخلو ولا تخرجو من البوابه الرئيسيه ... الباب اللى ناحيتكو من ورا انا هخصصه يبقي بتاعكو انتو بس .
وليد : تمام يا ريس
احمد : اتفضل يا مستر
وليد : عن اذنك
..........
( احمد بيسيب المكتب وبينزل يقعد ف كافيه الشركه وطلب قهوه وقاعد مش طايق نفسه )
...............
( مكتب الحسابات )
وليد : انتى وقفتى مع مين تحت يا استاذه مى ؟
مى : يا مستر مافيش انا كنت نازله اخلص الورق اللى حضرتك طلبته منى .. جبت نسكافيه وطالعه ورقه وقعت منى . لقيت واحد بيوقفنى وبيقولى الورقه دى وقعت منك وشكرته ومشيت ... بس .. عرفت انه يبقي مستر سليم . انا ماكنتش عارفه والله
وليد : شكرتيه ومشيتى ايه يا مى ... .؟ ده مستر احمد موته وسمه ان حد يتكلم مع حد غريب ف الشركه هنا وبيقول انك كنتى واقفه بتضحكى وبتهزرى معاه
مى : ( عينيها بتبدا تلمع لانها حاسه انها ولأول مره مظلومه ) طيب اعمل ايه طيب
وليد : العمل عمل ربنا بقي ... خصملك 5 ايام ووجهلك انذار ان لو اتكرر تانى الموضوع ده فيها فصل
هند : طيب الحمد لله يا مستر انها جات على قد كده .. ده قبل كده مشي فيها ناس
وليد : وبعد كده انتو التلاته مالكوش دعوه بالشركه . هنخرج من الباب ده وهندخل م الباب ده
سالى : ( بتبص ل مى وبتبتسم ... مى بتبتسم )
...........
هشام : الو ! ايوه يا لولا ! انا ف الشركه اهو ... اتصلى على صاحبتك دى خليها تنزل بقي عشان اللى احنا اتفقنا عليه
ليلى : تليفونها مقفول هى وسالى ... ومش عاوزه ارن انا على الشركه ولا الحسابات عشان محدش يحس بحاجه ..... اطلع انت الحسابات عادى
هشام : طب اطلع ازاى ؟
ليلى : يا هشام اسال عن الحسابات يا هشام اتصرف ..
هشام : طب خلاص خلاص فيه واحد قاعد ف الكافيه اهو هروح اساله
......
هانى ( ويتر الكافيه ) : تؤمر بحاجه تانى يا مستر احمد
احمد : متشكر يا هانى
هشام : لو سمحت حضرتك هو اطلع الحسابات ازاى
احمد : ( بيبصله بعين ونص ) من هنا .. هتركب الاسانسير ده الدور التانى هتلاقى المكتب على ايدك اليمين .. بس ليه خير ؟
هشام : مافيش يا باشا انا عاوز حد منهم بس
احمد : عاوز مين ؟ عصام ولا عمرو ؟
هشام : لا انا معرفش عصام ولا عمرو دول . انا عاوز الانسه مى
يتبع .....
ياختااااااااااااااااااااى
