(الحلقه السادسه ) ❤ الجزء الثالث
........
مى : استنى بس ... بعد شغل 3 شهور بحالهم اكتشفت حاجه غريبه جدا قفلتنى منه
احمد : ما طبعا لازم تقفلى منه تلاقيه واد ملزق وطرى كده . ياشيخه احسن انك بعدتى عنه بلاش قرف بقا . اكتشفتى ايه ؟
مى : اكتشفت انه يبقي صاحب المكان اللى بشتغل فيه ومكنش قايلى
احمد : هو الكافيه ماله بقا حر كده ليه
مى : ( بتبتسم وبتخبى ابتسامتها ) لا يابنى الجو حلو اهو
احمد : طب ماسمعتيش منه ليه ماجايز يكون له ظروفه او خبى عليك لسبب مُعين
مى : ظروف ايه اللى تخليه مايقوليش انه يبقي صاحب المكان .. ده معناه حاجه واحده انه كان عاوز يتسلى بيا من الأول
احمد : لا طبعا مش صحيح .. اسألينى انا . مش صحيح
مى : انت بتدافع عنه ليه دلوقتى ! كونه انه خبى عليا حاجه مصيريه زى دى يبقي فعلا كان بيتسلى بيا وبيكدب عليا ومش هسامحه ابدا
احمد : مش هتسامحيه خالص ؟
مى : ابدا . لو عمل ايه حتى
احمد : لا مانتى ماتبقاش دماغك ناشفه بقا مش ناقصين عبط .. اهدى كده واستغفرى الله يمكن ينور بصيرتك شويه
مى : انا نفسي افهم انت بتدافع عنه ليه مانت من شويه كنت بتقول عليه واد ملزق وطرى ومعرفش ايه .. يابنى انت حاجه تانيه ماتقارنش نفسك بواحد زي ده .. ده أنانى ده
احمد : ماشتميش بس
مى : وبارد
احمد : قولنا ماتشتنميش .. مانتى لو تعرفى هو بيضحى قد ايه عشانك مش هتقولى كده
مى : بيضحى عشانى ؟ وانت تعرف منين اصلا
احمد : لا ماهو طالما عمل الحركه دى يبقي بيضحى او وراه سبب مُعين يعنى .. اهدى بس اهدى ربنا يهديك
...........
ليلى : تفتكرى مى هتعمل ايه يابت يا سالى
سالى : هههههههههههه لو تشوفيها وهى بتكلمنى وخارجه لما انتى قولتيلها ان احمد قاعد ف الكافيه اللى بيقعد فيه .... تفتكريها هترتكب جنايه ... البت جابت اخرها
ليلى : لا بس انا مبسوطه منها ههههههههه هى فعلا جابت اخرها . كلنا جبنا اخرنا من الواد اخويا ده هههههههههه
سالى : انا مش مصدقه انك اخته يا بت
ليلى : ههههههه لا ده اغلى حاجه ف حياتى .. وعارفه انه محتاجلها اكتر ماهى محتاجاله . وسكوته ده هتفهمو بعدين هو ساكت ليه
سالى : فاهمين والله .. انا هموت واعرف هما بيقولوا ايه دلوقتى . عاوزه ارن عليها بس خايفه تكون لسا قاعده معاه
ليلى : لا لا خليها لما هى تخلص وترن علينا بنفسها
سالى : اشطا ... ماتيجى يابنتى الشركه بكره نشوفك شويه
ليلى : حاضر . هحاول اجى بكره اقعد معاكو شويه ونخرج نشرب اى حاجه
سالى : اقفلى بقي ولما مى ترن عليك عرفينى ولو هى رنت عليا هعرفك
ليلى : اشطات يا مزه ... بايباي
سالى : باى يا حبيبتى
هذه الرواية للكاتب أحمد سعد وتم نشرها علي بيدج قصص و روايات للناشر محمد فريد
...........
بيرى : ها يا لوكا داخله معايا ولا ايه
ملك : شويه بس هلف لفه بالعربيه اشوف واحده صاحبتى هنا وجايه وراكى على طول . على فكره الواد ده واحشنى انا كمان بقالنا كتير ماقعدناش معاه
بيرى : اه والله ! انا ما صدقتش نفسي لما لقيته بيرن عليا وبيقولى تعالى يا بيرى الشركه عاوزك ف شغل
ملك : ولسا حلو يابت زى ما هو ؟ هههههههههه
بيرى : والنبى كل يوم بيحلو عن اليوم اللى قبله ... الواد ده انا هتجوزه .. منها مال وجمال ومنصب وبرستيج كده . فاهمانى
ملك : ورينا شطارتك . اهو ينوبنا من الحب جانب
بيرى : اخرسي ... ده هيبقالى لوحدى الحب كله ده ... اهى دى الجوازه اللى على حق
ملك : ههههههههههه طب انزلى انزلى وانا خمسه كده وهتلاقينى وراكى
...............
احمد : فكى بقا .. احكيلى عملتى ايه تانى مع صاحبنا ده
مى : اهو الحمد لله أول ما عرفت سيبتله المكان ومشيت .. ومالحقش الفرصه الاخيره اللى اديتهاله
احمد : فرصة ايه ؟
مى : روحت وقعدت معاه وكلمته وفهمته بشكل غير مباشر انى عرفت انه يبقي صاحب المكان عشان ينطق ويتكلم بس بردو فضل يلاوع ومايتكلمش
احمد : ( بيسكت وبيبصلها ... ولأول مره بيقرر انه يتكلم ويعترفلها بكل حاجه ) مى انا عاوز اقولك حاجه
مى : ( بلهفه وبتسرع ) حاجه ايه يا احمد . سامعاك والله
احمد : انا فيه حاجه كده بصراحه عاوز اقولهالك ودلوقتى عشان ارتاح
مى : حاجه ايه . انطق .. اتكلم بقا
احمد : انا بصراحه ب....
بيرى : مساء الخير
احمد : ليه ؟ مساء الخير ليه يعنى دلوقتى ؟ اشمعنى يعنى
يتبع .....
جماعه انا تعبت من الروايه دى ... الشهدا بقوا كتير 🤣😅😜
هذه الرواية للكاتب أحمد سعد وتم نشرها علي بيدج قصص و روايات للناشر محمد فريد
