"سائِد الدِيـجور"
اشتاگيتلك وكت الفجر
لا هو ليل وينسهر ولا بيه اكمل نومتي .
غيم:-
دخلنا للبيت جان هوسة وهواي ناس موجودين
تلگتني امها
غيم: السلام عليكم شلونج خالة
ام رُئيف: اهلا وسهلا هلا بيج خالة
بوستها وسلمت عليها وجُلنار كذلك
سألتها وين الگاها
ام رُئيف: گاعدة بغرفتها هي وبنات خالها
غيم: تمام
دخلنا للغرفة وصارت گدامي
لوحة جميلة بتفاصيلها بياضها الفاهي عيونها الناعسة ويه فستانها الاوف وايت الطويل مستور من الاعلى بس بي فتحة واسعة من الظهر
باوعتلي وعيونها مدمعة
حظنتها وهمست بأذنها
غيم: الف مبروك يروحي ان شاء الله يطلع عند حسن ظنج ان شاء الله ما تتندمين لان اختاريتي يكونلچ سند واب واخ وام بحنانه يحتويج وما يخليج بعازة شي والله ينور طريقج ويريح گلبج
جاوبتني والغصة مبينه بصوتها
رُئيف: الله يبارك بيج يا احلى اخت بالدنيا ربي ما يحرمني منج يحفظلج تيم ويملي حظنج اطفال ويبعد عنج كل شخص حاقد يارب
جُلنار اجت باركتلها وظلينا نرتب بيها وبنات خالها يصنفن عليها
مبينين اهلها حبابين ويحبونها واقاربها بسيطين حيل
دگ موبايلي وارتبكت من شفته دُغيمان
طلعت برا الغرفة ورديت عليه
غيم: الو
جاوبني وصوته مبحوح والعبرة خانگته
دُغيمان: انطيها الموبايل خل اودعها
غيم: دُغيمان مو هيج
دُغيمان: صديقها اني ولازم اباركلها
غيم: بس..
دُغيمان: يلا غيم بسرعة عندي شغل
غيم: اوك
رحت يمها ما لگيت البنات طلعن يحظرن الظاهر ومن حسن الحظ هذا
مديتلها الموبايل باوعتلي باستغراب
غمضت عيوني وتنهدت وهي افتهمت
اخذته بأيد ترجف ردت
رُئيف: الو
وصلني صوته لان جنت قريبة عليها
دُغيمان: شلونج يبعد المو الي يالخذيتي ثلثين الحيل عساج مهناية بكل خطوة تمشيها عساه يحبج مثل حبي الج ولو صعبة الف مبروك يا حسرتي يا شوغتي ولوعتي الف مبروك
ردت عليه والدموع بعينها صوته متشحرج
رُئيف: الله يبارك بيك ويوم الالك
ضحك ضحكة قوية وجاوبها
دُغيمان: شلچ بخطيتها تجي وتشوفج بعيوني صعبة مودعة بامان الله دربج الراحة ان شاء الله في امان الله
سده منها وهي حطت ايدها ع حلگها تمنع شهگاتها
حظنتها وانا اهدي بيها بس شلون اهديها واني گلبي محروگ
رُئيف: سمعتي الحسرةة البصوته ليش هيج
رفعتها وحجيت بحزم
غيم: ليش جاي تبجين مو هذا طريقج وانتي اختاريتي گلتي راحتي موجودة بس يم يعرُب موو
دنگت راسها رجعت رفعته
غيم: شوفي رُئيف انه مجاي احاسبج لا غلطانة بالعكس صح الصح اختاريتي راحتج وانتي متأكدة راح ترتاحين ويه يعرب يمكن اكثر من دُغيمان شفتي اكو هواي عوائق گدام رحلتكم اختاريتي الاسهل ورحتي ليعرب ما الومج لانو فعلا لازم الشخص يختار الشخص الصح ويبتعد عن المشاكل مو كلشي حب احياناً الراحة والاستقرار افضل من الحب والحب يجي ورا الزواج بس الراحة والاستقرار بوسط التشتت صعب تجي دُغيمان مكسور وشخص يحتاجله وحدة تداويه انتي مو گدها انه اعرفج صدگيني راح تجي التستاهله وتطلعه من الهو بي انتي العليج تكملين مشوارج وتخلينها ع رب العالمين زينن رُئيفف
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
