"سائِد الدِيـجور"
أضُمَن بالحَچي اليگتِل
أخاف ترُوح
أخاف تمِل
أخاف أَحچي
و أرد فَشلان
أخاف أسگت
ولا أعتِب
آنة شمَدريني
گَلبي شيّوجعه
المُغرب .
غيم:-
بقينا بين مد وجزر لٱ هو يحاجيني ولا انا!
حيل قهرني بعد ما حجه هيج كلام عني
بوقتها بدأ الدوام بالمدارس وهو جان ينقلني لمدرسة قريبة ..
استغرابي جان انو اهلي شعجب سكتوا ولسه محد حجه
دخل من برا جان يدخن بالحديقة
تيم الله: كملت نقلج ومن الاسبوع الجاي تبدين تباشرين بالدوام وانا اوصلج وارجعج
هزيت راسي
وهو عافني ودخل للغرفة
گمت حظرت الغداء
بعد الاذان هو دخل للمطبخ
بدينا نتغدا
بعد ما خلصنا ستوه يريد يطلع
غيم: السائد
وگف وهمس من ورا خشمه
تيم الله: ها!!
غيم: اريد اروح لاهلي وننهي كل هالمهزلة هاي
التفتلي بعصبية
تيم الله: اي واخليج تحت رحمة صباح وثروان مووو
غيم بعصبية: اييي ابقى تحتت رحمتهمم ع الاقللل هم اهلي ويمونون
جاوبني وعيونه بگصته
تيم الله: اهااا وانه ما امون انه هيج انسان عابر مو غيمة؟!!
غيم: هو هذا الافتهمته من حجيي..
تقرب عليه ولزم ايدي بعصبية
تيم الله: قصدج انه غبي وما افهم مووو
تنهدت بتعب
غيم: صاير نكدي تيمو
صفن بوجهي يتنفس بعصبية
حظنته وصرت ابجي بتعب
غيم: والله ما اتحمل هيج تيم انت جنت الشخص الوحيد الارتاح بقربه هسة لٱ تصير انت وياهم عليه فدوة
تنهد بقوة ولف ايديه حولي
تيم الله: تعبان غيمة والله تعبان
دفن راسه برقبتي ويتنهد بقوة
وانا تنزل دموعي وامسح ع ظهره
بعد مدة ابتعد عني باوعلي
تيم الله: يحتاجلج اعادة فرمتة صايرة فاهية وبسرعة تبجين ممنوع بعد تبجين زين غيمة
ابتسمت ومسحت دموعي
غيم: من اشوفك صرت ضدي تلقائيا ابجي ما اعرف ليش
تيم الله: لانج تستمدين قوتج مني وانه مو هذا الاريده اريدج قوية بوجودي وعدمه وان شاء الله ابدي اعلمج ع الموضوع
باس راسي وطلع
گعدت ع الكرسي مرتاحة نفسياً اووه شهالتأثير هذا
گمت غسلت المواعين ورحت تمددت اتفرج ع التلفزيون
بالليل انصدمت من دخل هو ونسوان ثنين
تيم الله: بويه اجاج خطار
غيم: كل الهلا تفضلوا عيني
جاوبتني وحدة منهن
:هلا بيج قلبي شلونج اخبارج
غيم: الْحٍمَدٍ للـّہ تفضلي
گعدن وانا رحت جبت ماي قدمتلهن
شوية وصاحلي من المطبخ
رحتله
تيم الله: بويه راح اروحن اجيب حبشكلات للتعلوله وانتي سوي جاي للبنات
سألته باستفهام
غيم: هم ذول منو؟!!
تيم الله: اصدقاء
غيم: شو ما اعرفهم
تيم الله: بعدين احجيلج عنهم
هزيت راسي ودخلت جوا
گعدنا تعرفت عليهن
ايه الي هو زوجها صديق تيم وجايبه اختها وياها اسمها غفران
تعارفنا وسألتني
ايه: انتي اخت تيم الله
غيم: لٱ حبيبتي انا زوجته
غفران جحضت عيونها وحجت بقرف
غفران: زوجته!!!!!
رفعت حاجبي وباوعت بعيونها بدون ما اجاوبها
حجت ايه تخفف التوتر
ايه: حبيبتي الله يحفظكم ان شاء الله يوم الولد الصالح
جاوبتها ببرود
غيم: شكرا
حجينا شوية سألني شمخلصة
غيم: رابع اعدادي
غفران باستنكار: هذا شبي تيم؟ !!
جاوبتها بعصبية: شبيي؟!!!
غفران: لٱ بس اقصد هو جبير عليج طخ الثلاثين وانتي بعدج صغيرة
غيم: عادي دادة حلاتها هيج
غفران: ههه اي وانتي ليش عصبية
غيم: لٱ حياتي منو گلج انا عصبية بالعكس مزاجي عال العال
ظلن شوية يحجن ببينهن وانا ما طايقتهن ولا الي مزاج افتح موضوع وياهن
اخر شي دخل تيم الله وسلمن عليه وشقى وضحك بيناتهن
وانا اگرط باظافري
انتبه عليه جر ايدي وخلاها بين ايديه
هن ركزن ع ايدينا
غفران: اي تيم الله مبروك سمعناك متزوج
جاوبها بابتسامة
تيم الله: الله يبارك بيج
ايه: لعد شو موسى ما گال
تيم الله: هو هسة يله عرف
غفران: ياا شنو مسوينها سكيتي؟!!!
اتشعوطت تشعوط من كلامها ببدي اگوم افلش راسها بالحايط ادبسزز
غيم: لٱ حبيبتي مو سكيتي بس صارت بسرعة وما عزمنا بس الغاليين
غفران: اهاا
ايه: ياا ليش احنا مو غاليين
جاوبتها ببساطة
غيم: والله ستوني تعرفت عليكم شوكت صرتوا غاليين
غفران: حبيبتي مدتسألج داتسأل تيم لان انتي منعرفج ع گولتج شوكت نصير غاليين
گلبت عيوني ما عاجبني
تيم حس اكو توتر بالجو فبسرعه ترخص وراح
شوية واجه گال يريدون يروحون
صدگ سلمن وراحن هو طلع وياهم للباب
وانا افور فور بس اريده يجي حتى اتعارك
حسيت بي تأخر
طلعت لگيته گاعد بالحديقة
تقدمت عليه
غيم: ليش ما فتت جوا؟!!
رفع راسه الي
تيم الله: هدأتي؟!!
غيم: وهاي لان انا عصبية عفتني
جرني گعدني بحظنه
تيم الله: مو لان عصبية باباتي بس احنه مو اليوم يله تصالحنا هالنوب نرد نتعارك ما تنراد يا بويه
هزيت راسي
تيم الله: اي بويه طلعي البگلبج لا تضمين بس بهدوء بدون صياح زين
غيم: ما حبيتهن ادبسزيات
خزرني بهدوء
تيم الله: عيب يا بويه ما يصير تحجين ع خطارج بگفاه
برطمت شفايفي وحجيت بعصبية
غيم: والله ادبسزيات يعني تخيل اله شوية تگلي ليش تزوجتي عوفي خ انا اتزوجه شنو هالاستهتار وفوگاها اختها گاعدة يمها جنها طرطور لٱ تهش ولا تنش استغفر الله ربيي
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
