"سائِد الدِيـجور"
لابد يردون باچر،
سوي نفسك ما شفتهم
بالك يحسون انته تذكرتهم
اثگل شويه يگلبي..
مره خليهم محطه وانتَ سافر
انتَ والدخان وصبرك والمطر..
ادري بيك تريد تبچي ابچي وحدك انه ساكت
بس احلفك يا گلب يكبير لا ينخطف لونك لو شفتهم سلم بسرعه
ولون نشدوك تعرف واحد يگص التذاكر ؟
گلهم الشباچ گصلكم شهر.
- مظفر النواب
غيم:-
صفنت بوجهها بصدمة بسرعة التفتت لفرح وباوعتلها بعتب
فرح: مو عيب عليج غفران شهالحجي هذا
غفران: ياا والله غير حبيت اتطمن عليها واجتازت الموضوع لو لٱ
غيم: والله حبيبتي الي وصلج الخبر جذاب لٱ عندي ابن عم ولا عندي ابن خال يتجرأ يتعدى ع حرم السائد اما لو فعلا جان موجود هيج موضوع فـ انتي اخر شخص يحقلج تسألين وتستفسرين عن الموضوع زين دادة
التفتت لفرح
غيم: رجائا خبري تيم حتى نطلع هسة اكيد خلصوا عشا
حجت ام عقيد
ام عقيد: لٱ يخالة شني السالفة بعدج ستوج تعشيتي خ نشرب جويات ونتعلل ووراها روحوا
غيم : حبيبتي خالة من حسن ذوقج هذا بس..
حجت اخت عقيد
نسمة: لٱ بس ولا بسبوس تگعدين وغصبا ما عليج
غيم: له شو صار تهديد بالموضوع
نسمة: اي نعم
ابتسمتلها وحاولت اتغاضى عن هذن وما اكسر بخاطرهم
غيم: تمام ع راحتكم
لمينا السفرة واني گمت اساعد فرح
بس گضيتها اخزر بيها وهي تعضلي بشفتها بمعنى مو هسة بعدين افهمج
دخلنا للمطبخ ونطت نعلان ويانا
غفران: اني اسوي الشاي
عوجت حلگي اقلد عليها
فرح: لٱ حبيبتي روحي اگعدي قابل شعدنا هو جاي
غفران: ههه لٱ حبيبتي قابل اني خطار
گلبت عيوني وجاوبتها
غيم: اي والله دادة خوش اجيتي بوقتج فرح مو بنتج جانت تبجي روحي شوفيها وخلي المواعين ع غفران بما انو هي حابة تنظف وتغسل وحاسبة نفسها من اهل البيت واني راح اروح اشوف تيمي شيريد
فرح خزرتني وغفران ببدها تنفجر من العصبية
فرح: روحن ثنينجن اگعدن انه اكمل غسل
غفران: ههه حياتي
عافتنا وراحت
غميتها من ورا
فرح: شبيج غيم مو هيج
غيم: لٱ هيج ونص وبسيطة اذا ما اندمها لهالادبسز هاي عبالها ما اعرف حاطة عينها ع تيم بسيطة اني الها انطيني اسوي جاي
صدگ بديت اسوي جاي وفرح تغسل بالمواعين واجت بسمة شوية عاونتنا
صبيت جاي للولد والنا
دخل عقيد اخذ الجاي وانا رحت اوزعلهن برغم فرح وبسمة ما قبلن بس اصريت اني اوزع
باوعت ابن اخو عقيد گاعد بالكاع صغير عمره سنتين صاير مقابيل غفران ابتسمت بخباثة
وزعتلهم ومن وصلتلها سويت نفسي عثرت بالطفل ووگعت الاستكانات عليها وهن جانن 3 استكاين يهلطن هلط
شهگت وطفرت تنفض بملابسها واني سويت نفسي وگعت
والمشكلة صارت الوگعة قوية احس الحوض تكسر من قوة الوگعة
صدگ من حفر حفرة لاخيه وقع فيها امداني ع هالحظ
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
