سـائِد الدِيـجور

"part 5"

"سائِد الدِيـجور"

"أنه المَفروض تَبچيلي أنه مُو هِيج أتودع"

غيم:-

بأحد بيوت الدع*رة هنا حيث يسكن الشيطان ويرقص وتتمايل معه اجساد الفتيات
في زاوية من المجلس ترقص بجسدها المتموج بذلك الثوب الارجواني الذي جعلها تفوق الجمال جمالاً
اصبحت تتمايل بخفة وترسم ببالها ذلك الجالس في تلك الطاولة بشياكته وجسده المثالي
استمر تخطيطها اياما واسابيع لتصطاده فهذه ليست اي راقصة بل هي تلك الارجوانية "الراقصة الارجوانية"

استمرت افعالهم وسعادتهم ولكنهم لٱ يعلمون ان لكل فعل ردة فعل
فكان هو ذلك السائد الصلب هو ثمن افعالهم

"تيم الله فالح سلمان الملقب بـ "السائد""

من بعد ما ولدته كان هالخبر صاعقة على عمو فالح وزوجته عمه عفراء من عرفت كانت حامل بوقتها حسب ما گالوا ووگع ابنها من الصدمة
رايحة زعلانة لبيت اهلها وماخذه وياها اولادها كانوا صغار اكبر واحد بيهم جمال عمره 12 سنة خمس اطفال عدها بوقتها وفرح جانت بعدها ماجايه للدنيا

تخبل عمو فالح ورجعلها الجواب بكل دم بارد انو ماريده وعسما تشمرينه للكلاب
لَـگِنْ جدو العاكف ما عجبه هالحجي
راح جابه واجى وهالحجي بعد مارجعت عمه عفراء
تخبل عمو فالح وراد يرجعه بس بيبي وجدو ما قبلوا
گاللهم انتوا جبتوا انتوا تربونه انا مالي دخل بـ اي شي يخصه
وفعلا رباه جدو وبيبي الي حيل جانوا يحبونه وكانوا اغلب احفاد العائلة مدللين ويكملون دراسة بوقت وكلشي متكامل
لَـگِنْ جدو جان غير ويا تيم وجان دائما يگول انا خايف منه لان العرگ دساس وخايف يطلع ع امه

خلاه يفلح ويه الفلاليح من بعد ما كنا بالعمارة بمحافظة ميسان
تيم الله حارب لاجل دراسته هواي جدو كان يگله ادرس بس الفلاحة براسك براسك وفعلا هو كان گدها وبرغم التعب والضيم كان يطلع من الاوائل بسبب عقله وشدة ذكائه
وهالشي ما طاب لعمه عفراء شلون يغلب اولادها
راحت وزت براس جدو وگالتله اولادها شايفينه يدخن
على حسب بيبي تگول جدو گضه بي التوبة موته كتل ومارحم بحاله وهنا نزل الصاعقة ع مسامعه وحرمه من دراسته

تدمر وفقد الامل خيبات تلاحقه ما كانت عنده ام تهون عليه مصيبته وتنومه بحظنها وتربت ع كتفه بحنان
ولا كان عنده اب عادل ومسؤول ويگول هو ماله ذنب بهالحياة هو اجه عقاب ع غلطي المفروض اراعي واربي التربية الزينة
ولا كان عنده اخوان يسندونه ولا اخوات يحبنه حتى فرح من بعد ما اجت للدنيا زرعوا ببالها الحقد تجاهه وفعلا حقدت حالها حال اي طفل يگلوله هالشخص خطأ
كانت بيبي اقرب شخص اله وهواي حاولت تعوضه عن حنان امه
لَـگِنْ هو فجأة وبدون سابق انذار وضع حواجز بينه وبينهم
ابتعد عنهم فجأة راحت طيبته الاعتادوا عليها راح ذاك الشخص الضعيف بنظرهم ظهر شخص قوي