"سائِد الدِيـجور"
شنهي حِسنك؟ دوهن الوادم وخله
الراح يردمّ باليجي .
غيم:-
خلص اليوم لحد ثاني يوم گعدت غسلت وجهي وصليت
گاعدين العائلة كلنا على الريوگ
بابا جان ضايج وثروان اتعس ومو طايق احد
التفتت لذُر اشرتله شبيهم
رفع اكتافه بمعنى ما اعرف
غيم: بابا
صباح: خيرررر
انصدمت من رده ابد ما يجاوبني هيج
نتر الشوكة من ايده وگام
صباح: كلشي يسد النفس لٱ عيال بيهم خير ولا اخوان بيهم حظ
طلع ورگع الباب وراه
غيم: شكو شبيه بابا
ثروان: وتسألين
غيم: اني شعليه
ثروان: هه اي شعليج خطية
حنين: ثروان كافي
ثروان: لٱ مو كافي لمن جبتي هذا ال**** وخليتي يصير نسيبنا هذا وحده يخلي الواحد يكفر بسبع سماوات
غيم: ترا صغر العقل يخليك تكفر بسبع سماوات مو تيم الله
فتح عيونه بعصبية
ثروان: شلللون..
تقدم جر شعري بقوة
وحط عيونه بعيوني
ثروان: اعتذري فورااا
غيم: لو جنت غلطانة جان اعتذرت بس ما غلطانة داگلك بس صغر العقل يخليك تكفر اما انت ما كفرت حتى تكون صغير عقل
باوعلي بعصبية ونتر شعري وراح هم رگع الباب بعصبية
دنوة: انتي شو صايرة ادبسزز وما تحترمين اخوج اخلاق ذاك الواحد مبينة عليج
غيم: ههههه اي يمة مو يگولون من رافق القوم اربعين يوما صار منهم اي هياتني رافقته بمكان الاربعين يوم سنة وشوية ما تريدين اصير مثله
دنوة: اخلاق سز ما ينخاذ بحجيج
غيم: تمام
گمت من يمها ورجعت للغرفة
قيد بدلت وراحت للكلية وهم هم طلعوا
ظليت معتكفة ع نفسي
ما ادري احس صايرة ابد ما اتوالم وياهم
وما اكدر اسكت تعودت ع تيم كلشي براسي احجي ما اظل اها خاف يصير شي اها خاف وخاف
گعدت اشخبط وارسم ارسم العين واخطأ بشي وارد اشخطها
شوية ودخلت ماما
حجت من ورا خشمها
دنوة: گومي عيني اجه عريس الغفلة يريد يشوفج
ابتسمتلها وحجيت بلهفة
غيم: گايمة
عوجت حلگها ما عاجبها
باوعت ع نفسي جنت لابسه تراك مستور وشعري لامته
لزمته حليته ومشطته
حطيت مسكارا وحمرة برغم ادري بي ميحبهن بس اني عاجبني
طلعت ودخلت للاستقبال
غيم: تيمي
رفع راسه وابتسم
فتحلي ايده ركضت لحظنه
گعد يستنشق شعري بقوة واني احظن بي
تيم الله: اخ يريحة الجنة
ظليت مبتسمة ما اعرف اجاوب
رفع وجهي عن صدره وباوع بعيوني
عيونه جانت تشرح تعب وكلام كلش هواي مو گادر يگوله
تيم الله: غيماي
غيم: عيونها
تلمس شفايفي بابهامه وذبلت عيونه
تيم الله: عيديها
غيم : شنو
تيم الله: الي حجيتي البارحة
غيم: اممم احبك تقصد
تيم الله: عيديها
تقربت يم وجهه لدرجة انفاسنا تتخالط وحجيت
غيم: احبك تيمي
قرب راسي اكثر واخذ شفايفي ببوسة عميقة
جانت بوسته دافية تشرح حب دفين ما يگدر يبوح بيه
فجأة جفتت ماما للاستقبال
طفرت بجهة وهو طفر بجهة
ماما جانت تباوعلي بغضب
دنوة بنتر: روحي نظفي الخضرة
غيم: حح حاضر حاضر
باوعلي بنظرة تطمني واني ودعته ودخلت جوة
هي ظلت شوية وياه ما اعرف شنو حجوا
بس هو طلع من البيت ضايج لابعد حد
دخلت للمطبخ باوعتلي صفح
دنگت راسي بخجل وكملت تنظيف الخضراوات
دنوة: تدرين ندمانة لان تزوجت
رفعت راسي الها
سألتها بخجل
غيم: ليش؟
دنوة: من تتزوجين لازم كلشي تتحملين واني اخخ شتحملت من جهة التكفخ والعركات بين الجناين والمهاين من العم والعمة اللازم نسمعها ونسكت ولا طيش ابوج ببداية زواجنة الي خاني بكد شعر راسي وجنت اسكت واعدي لان جان عندي ثروان ولا انتوا من جيتوا صرت احير وين اصد بهذا الجبير المهرفل اليركض ورا ابو يريد يدخل عسكرية واني ابوه لسه ابجي من يروح للواجب ولا اركض ورا هذا الثاني الي حب بنت عمه منا راحت تزوجت منا ولا احير ببنتي الماعندها ثقة بنفسها ولازم بكل دقيقة اكللها انتي حلوة اذا تشاقيت وياها شوية تزعل وتبجي لو احير بيج انتي بس كليلي منو ريحني بيكم كلكم شلعتوا كلبي
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
