"سائِد الدِيـجور"
هلي السجنوني وبغرفه وعليه ذياب
هلي لو مرني الهوى سدو عليه الباب
غيم:-
متمددة ع الجرباية واگلب بالموبايل بدون واهس
حسيت بيه من دخل للغرفة
تقدم وگف گدامي
رفعت عيني اله
تيم الله: ما كافي عاد لشوكت هجي تظلين معتكفة ع نفسج
جاوبته ببرود
غيم: دا اعيد العشر اشهر لا اكثر ولا اقل
جرني من ايدي ع كيف
طلعني بالصالة
طبعا رجعنا لبيتنا القديم ترك بيت سفانا
جرني وگعدني ع القنفة
راح للمطبخ شوية ورجع بأيده عصير موز يدري بيه احبه
اخذته منه وصرت اشرب بي
شوية واندگ الجرس
طلع هو ورجع وياه ثروان وحنين وفرح وصفوان وذُر
ابتسمت لـ لمتهم
سلمت عليهم ولمن وصلت لثروان
صفنت بوجهه
جرني لحظنه وحظني بقوة
ثروان: ما راح اعتذر خاف اهيج ذكرياتج بس من اليوم انه اخيج وسندج نبدي صفحة جديدة وننسى الماضي
غيم: ميخالف
گعدنا سوية وحنين بطنها صايرة جبيرة وثروان وذُر يقلدون عليها
ذُر: اول مرة اشوف گونية تمشي
حنين: ادبسز
ثروان: له له ما اسمحلك تحجي ع مرتي هاي ام جهالي ولك گونية شنو علاگة ع گدها گونية جبيرة
ضربته وترزل بيه وهو خربان ضحك
جنت ابتسم ع مداهرتهم
صفوان: غيوم شوكت امتحاناتج؟
غيم: بعد 3 ايام
صفوان: ها حلو
ثروان: عدكم عطلة وراها مو؟
غيم: اي فترة اسبوع هيج شي
ثروان: خوش جا يحتاجلنا سفرة زينة
حنين: نروح لاربيل
ذُر: لا لا هي سفرة سفرة نروح للبنان ع حساب تيم
تيم الله: تدلل غيمتي
ابتسمتله
غيم: لا ما اريد لا شمال ولا خارج اريد اروح للقرية الرحنالها
اشر ع عيونه
تيم الله: من هالعين گبل هالعين
ذُر: اهوو من الرومانسيين
ثروان: اي انت تزوج وتمرسس
ذُر: يمعود انه لو عليه باجر اروح اتزوج حتى بدون خطوبة بس جدتها بت الكلب ما تفطنت غير هسة تموت
غيم: هههه قابل هي بكيفها
ذُر: يابه لو تشوفينها جنها طنطل ولج تخوف والعباس
خربنا ضحك عليه
صفوان: انت بس تخيل مرتك من تكبر تصير تشبهها
عكنش وجهه
ذُر: اطلگها والعباس
تيم الله: هههه ليش انت ماخذها علمود جمالها
ذُر: لا يمعود هي منيلها الجمال
فحطنا ضحك عليه
غيم: يا اخي شگد متنمر
فرح: صدگ مو حلوة
غيم: لا والله حلوة شبيها بس هي حلگها جبير شوية
حنين: بويههه هي حلگها جبير وذُر حلگه جبير ابنهم يطلع حوت هههههه
ذُر شال الكوشة وشمرها عليها واحنه خربانين ضحك
حنين: شوفف ثروان يضربني بالمخدةة ع بطني هسة ابنك ينطعج وجهه
تيم الله: خويه هاي مو مخدة ضربج بتوثية
غيم: ههههه هي لازم تبالغ
ذُر: اصلا ابنكم اذا ما طلع قرد اكسر ايدي
صفوان: اعاونك
ذُر: مو اكبر مني عيب اغلط عليك
صفوان: جرب وشوف هههه
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
