"سائِد الدِيـجور"
""""بارت كشف الاسرار""""
ابد ما أنطاني گلبي
هناك اخليها
رجعت اركض
واطلع صورته من النار
وابوس شمحترگ بيها .
غيم:-
اباوعلهم بخوف وهو مو يمه
شوية وهمس
تيم الله: بالباب الخلفي
عاط واحد منهم
:بسرعةةة سلمم نفسكك يلااا
تقدم واحد منهم ع تيم
ستوه لوا ايده يريد ياخذه
واجه واحد مسرع
عاط بالشرطي
:اتركه هذا من جماعتنا
وفعلا ابتعد الشرطي وراح يحجي ويه هذا الحجه
تيم بسرعة جرني لحظنه يحميني من نظرات غيره
تقدم الي حجه
:تيم الله اخذها واطلع ما يمكم شي انتوا
تيم الله: تدري لو متأخر شوية جان صرنا بخبر كان
:عدت عدت اخذها واطلع واحنه نحل الباقي لا تخاف
تيم الله: تمام تسلم ما قصرت
:لا تنسى طلعتني من الموت ما انسالكياها
ابتسمله وشوية وسلم عليه وطلعنا
جان يمشي بسرعة
لحد ما وصلنا للسيارة
جرني لحظنه بقوة
تيم الله: اخخ غيمم اخخ من عنادج تدرين لو متأخر نزار شوية جان رحنه بيها
حظنته اقوى
غيم: ادري تعبتك بس والله مو بيدي فكرة انو اخسرك دمرتني
تيم الله: منو حجالج
غيم: سفانا
تيم الله: حسابها بعدين
غيم: تيم مو اعتقد صار الوقت تحجيلي كلشي
حط ايده ع راسه
تيم الله: نرجع ويصير خير
مشى بالسيارة نفس الطريق
الدنيا ليل والطريق يلعب النفس
غيم: تدري لحد هسة متأملة عقيد يطلع عايش
تيم الله: فلم هندي هو راح عقيد بعد ما يرجع
غيم: اممم
تيم الله: من شوكت هيج صرتوا قريبين من بعض
غيم: تشاركنا ذكرياتنا وجانت جروحنا متشابهة وصرنا قريبين من بعض
سكت ما جاوبني
غيم: شلون مات
دار راسه عليه يباوع باستغراب
تيم الله: ترا صارله سنين معقولة ما سألتي
غيم: لا سألت گلولي صار هجوم ع المقر مالتهم وانقتل
تيم الله: اي صحيح
غيم: جا شلون لگيته انت
تيم الله: قبل لا يلتحق جفتتهم للبيت انصدموا حيل وهم يباوعولي حضنوني وصاروا يبجون ثنينهم گعدت يمهم فترة اسبوع وعقيد بنفس اليوم التحق ظليت يم فرح جنت تعبان والمرض ماكلني اكل دگ موبايلي ها يابه اخوك تصوب ركضتله ولحگت عليه بانفاسه الاخيرة وهو يوصيني ع مرته واطفاله
مصدومة مو من الحجاه مصدومة من كلمة " المرض ماكلني"
غيم: مرض!!!!!
تنهد وحجه
تيم الله: نرجع واحجيلج
ظليت ساكتة لحد ما وصلنا
نزلت بتعب دخلت للغرفة حظرت ملابسي
تيم الله: يلا يابه اسبحي وانه طالع اجيب عشا حتى تنامين وراج دوام
هزيت راسي ودخلت للحمام
فكرة تاخذني والخ تجيبني
دخت حيل من التفكير
طلعت لگيته جايب عشا وگاعد ديصلي
حظرته بالصينية واخذتها يمه
گعدنا ناكل بهدوء
خلصنا رجعتها للمطبخ بدون ما اغسل المواعين
رجعت يمه جان متربع بالگاع ويگلب بالموبايل
نمت ع رجله وهو فتح رجليه وجرني اكثر
سد الموبايل وگعد يمسد ع شعري
أنت تقرأ
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
