"سائِد الدِيـجور"
رأيتُك فابتسمت مُغرماً مُسلماً مُدركاً بأنني في حُب عينيك واقعاً..!
غيم:-
گعدت وانا كُلي نشاط باوعت بارجاء الغرفة ما هو..
طلعت برا لگيته بالمطبخ لابس مريول الطبخ
ويفتر مدري شيسوي كل شوية بمكان
غيم: احم احم
التفتلي ورجع يكمل
غيم: شدتسوي
حجه مصححلي
تيم الله: شجاي تسوي ..
ابتسمت بخباثة
غيم: لٱ دادة شداتسوي شجاي تسوي مو النه
باوعلي ما عاجبه
ضحكت بصوت عالي
باوعلي صفح
تيم الله: ضحكة الرقاصة شوكت تبطلينها
هزيت خصري وگتله
غيم: لمن انت تبطل خزر دادا
طكني بخزرة ثلاثية الابعاد
واني اضحك
تيم الله: اگعدي تريگي
حجيت بضجر
غيم: مو تدري بيه ما احب البيض شلون اكل بله
باوعلي صفح اليوم كلشي ما عاجبه
تيم الله: هذا الموجود ست غيم تاكلين اهلا وسهلا ما تاكلين عود انتظري للغدا
برطمت شفايفي وحجيت بقهر مصطنع
غيم: عود انا جوعانة لان البارحة كلشي ما اكلت واليوم هم يلا شنسوي ننتظر للغدا
عفته وطلعت من المطبخ اسمعه يستغفر بصوت عالي
دخلت للغرفة بعد ما غسلت وجهي
صليت الفجر لان ما گعدت ع الصلاة
گعدت استكشف الغرفة
اكثر شي ثار استغرابي هو الجرباية نفرين عبالك غرفة متزوجين
معقولة جان ناوي يتزوج وانا خربتها عليه؟!!
تعكر مزاجي ..
گعدت اباوع للتلفزيون
انا من النوع الي افكر كلش هوااي بس من اكون يمه ابد ما افكر ولا اشغل بالي باي شي ليش ما اعرف
عبالك يمتص الطاقة السلبية مني
صفنت ويه روحي
النتائج اكيد طلعن لان اصلا بعد ايام ويبدأ العام الدراسي الجديد
يا ترى شگد معدلي؟!!
قررت من يرجع اسئله
شوية وانفتح الباب رفعت راسي
تيم الله: گومي جبتلج گيمر وكاهي مو تحبينه
ابتسمت بفرح
غيم: اروحن فدوة
تيم الله: لٱ تروحين ولا ترجعين بس اكلي وانجبي
غيم: مو صوجك دادة
تيم الله: تاكلين لو اروح انطيهن لاي واحد بالشارع
غيم: واحد لو وحدة؟ !
حجيت وغمزلته
تيم الله: هو انتي وبالگوا متحملج هالنوب اجيب وحدة ثانية لٱ هاهية
تقدمت عليه وحطيت حنچي ع صدره ورافعة راسي اله وارمش بعيوني
غيم: هيج صارت يعني ما تحبني تيموووو
حط اديه ع خصري وگرصني قوي
بسرعة طفرت واني امسح ع مكان الگرصة
تيم الله: لٱ ترمشين بعيونج هيج الف مرة گايل
باوعتله صفح وفتت للمطبخ
تيم الله: حركاتت البربوك بطليهنن
عصبت وحتى انسدت نفسي
اكلت شوية كاهي وحطيت الباقي بالثلاجة
دخلت للغرفة
جان گاعد وبأيده اوراق ويخابر بالتلفون ويه مدري منو
گعدت ع القنفة واباوعله
وهو ولا يمه اصلا ما انتبه لوجودي
تنرفزت حيل منه
گمت ووگفت گدامه
رفع راسه وهزه بمعنى شكو؟!
اشرتله ينهي الاتصال
صدگ شوية حجه وگله بعدين نكمل ونهى المكالمة
باوعلي وحجه باستفهام
تيم الله: شبيج بويه طلعتي سوادينج عليه اليوم؟!
وخرت ايده من حظنه
وگعدت ع رجليه وحظنته
ظل مصدوم وجسمه تجمد من حركتي
برغم مو اول مرة اسويها
بس ردة فعله هالمرة غير ..
غيم: تيمي
بلع ريگه وزادت دگات گلبه
ظل ساكت ما جاوب
رفعت راسي اله وهو صفن بوجهي
غيم: احنه شنو؟!
عقد حةاجبه باستغراب
تيم الله: ما فهمت
غيم: لٱ احنه على السما ولا احنه على الگاع لٱ احنه متقبلين بعض كزوجين ونگدر نعيش حياتنا ونكملها ويه بعض ولا احنه الگادرين نرجع مثل قبل
تيم الله: بهاي الحالة راح نمشي بالنص لٱ راح نوصل للسما ولا راح نوصل للگاع
غيم: شلون يعني؟!
تيم الله: اذا تممنا الزواج ما راح نگدر نعيش ويه بعض لان احنه شگد ما قريبين من بعض محد جاي يفهم الثاني
هزيت راسي بأي
تيم الله: ولا اگدر ارجعج لاهلج وتكملين حياتج لان ادري راح يأذونج ومستحيل ترجعين لحياتج القديمة لان اكو الف عائق گبالج
غيم: وشنو الراح نسوي؟ !
تيم الله: الراح يصير يبنت العم راح نعيش هنا بهذا البيت لانج ما تتوالمين وياهم وما اگدر اخليج ترجعين هناك فراح نعيش هنا لبين ما تتبين الحقائق وكلشي ينكشف الهم واتأكد ما بگلبهم غل عليج ذيج الساعة ارجعج بس بهالفترة راح نعيش هنا مثل قبل انه ابيج وانتي بنيتي نرجع للدروس والعقاب وتكملين دراستج بس جدامهم لٱ انه رجلج وتحترميني ع هالاساس كلشي يصير بهالبيت ببينا برا هالبيت احنه متزوجين ع حب الله ورسوله صار معلوم
YOU ARE READING
سـائِد الدِيـجور
Mystery / Thriller"باللهجة العراقية" عادةً ما نسمع بالمقولة الشهيرة "تهُب الرياح بما لٱ تشتهي السفن" لَـگِنْ هنا مع السائد لٱ توجد هذه المقولة بل تسير سفينته ويتغير اتجاه الرياح ويمضي بسرعته ينظر الي الامام ها هو هناك هدفه الذي امضى طيلة رحلته لاجله يغير مسار نظره لي...
