مر شهر كامل على اختفاءه ولازال هاتفه مغلق
" كرم هو بيكرهني صح؟..ومبقتش عاجباه واتصدم فيا مثلا..وبعد عني مرة واحدة هو بيقرف مني؟..ما هو مش معقول عريس يسيب عروسته بعد شهر العسل..هو انا عملتله ايه طيب انا دماغي هتنفجر من كتر التفكير يا كرم " بكت بقوة وقلبها يمزقها
تنهد بضيق " انا مش فاهم هو بيعمل كدة ليه بس صدقيني يا لين اخر مكالمة ليا معاه كان اليوم الي قبل ما ترجعوا على طول وقالي انه بيحبك جدا وانه شايفك ملاك بالنسباله "
" يبقى حصله مصيبة ومش راضي يقول ما مش معقول.. يا حبيبي يا وائل حصلك ايه بس " ظلت تشهق من كثرة البكاء ولا تستطيع اخذ انفاسها
" لين اهدي يا لين مينفعش كدة! "
" تعبانة اوي يا كرم ليه كدة ليه! "
" اهدي هحاول اتصرف اهدي لو مش عشانك عشان ولادك يا لين ارجوكي "
" حاضر حاضر " تنفست بعمق وحاولت الهدوء نظرت بجانبها وجدت صورتهما معا من حفل زفافهما امتلأت عيناها بالدموع مجددا وامسكتها واحتضنتها بقوة حتى ذهبت في نوما عميق
" فينك يا كرم..كنت فاكرة اننا بقينا صحاب يعني " تحدثت سمر بحرج
" انا اسف يا سمر عندي ظروف وحشة اوي بقالي شهر "
" ممكن تفضفضلي مثلا نتقابل؟ "
" صدقيني مش هعرف..بس متشكر على اهتمامك بجد "
" العفو..مع السلامة"
زفرت وحدثت نفسها بحرج " باين كدة ان انا بس الي كنت عايزة اتعرف عليه..على طول مدلوقة وهبلة "
راسله كرم مجددا " انت يا ابني فوق لنفسك ايه القرف الي بتعمله ده!! " القى الهاتف بعيدا بعصبية وذهب للسيارة وقدم بلاغ باختفاءه
" كرم..الحقني يا كرم " تحدثت لين بصراخ
" مدام لين..مالك؟..استاذ كرم مش هنا "
" بطني بتتقطع يا تقى الحقيني "
بدأت تقى في فحصها
" متخافيش خير ده طبيعي جدا انتِ حملك صعب وتوأم طبيعي التعب ده..دي شوية تشنجات بتحصل كدة وهتروح بعد شوية صغيرين تقدري تستحملي؟ "
" مينفعش مسكن؟ "
" للأسف مينفعش دلوقتي "
هزت راسها بالإيجاب واغمضت عيناها بتعب
على الصعيد الآخر كان يجلس وائل بغرفته يحتسي كوب من الشاي كان في صراع بين قلبه وعقله قلبه يخبره بأن يفتح الهاتف ويطمأن عليها وعقله يخبره ألا يفعل وان يحاول تجاوزها نظر لصورتها وقبلها
" وحشتيني اوي يا لين " ثم حدث نفسه " يا غبي!..ليه عملت كدة!..ما كنت عشت معاها وخلاص وداريت على الي حصل ونسيته " كان ذلك صوت قلبه عندما تحدث هذه المرة عقله " وتعيش وانت خادعها؟..طب وضميرك؟..هتشوفها كل يوم وهى بثق فيك وشايفاك امانها وانت الي بتأذيها من اول يوم عرفتها فيه؟..كان لازم تسيبها عشان تتخطاك وتنساك وتعيش بهدوء "
" بس يا غبي انت كدة بتأذيها تاني انت كسرتها المرادي..فيه عريس يسيب عروسته في شهر العسل!! "
" ما انا لو فضلت معاها كنت هموت من الذنب ومصيري كنت هتفضح قدامها الكدب ملوش رجلين "
" كفاية كفاية!! " تحدث بصراخ وهو يخبط يده في رأسه
YOU ARE READING
Womanizer
Romanceالمرأة؟..المرأة هى الجانب اللذيذ من الحياة اقسم اننا بدونها لا نسوى شئ
