" ايه رأيك في البيت بقى "
" جميل اوي وكبير "
" تعالي اوريكي الاوضة الي هتنامي فيها "
" ماشي " امسك بيدها ليصعدوا السلالم وذهب للغرفة
" شايفة السرير الكبير ده كله بتاعك "
" هيه! " صرخت بسعادة وقفزت على السرير فضحك
" اعملي الواجب بتاعك ونامي عشان بكرة هاجي معاكي المدرسة ونشوف حوار حرامية الساندوتشات دي "
" ماشي " بدلت ملابسها وصعدت على السرير واغمضت عيناها
اما هو فهاتف وائل
" ايوا يا كرم "
" مال صوتك؟ "
تنهد " مفيش "
" يا ابني فيه ايه؟..لين مزعلاك؟ "
" لين دي ملاك..انا الي زبالة "
وضع يده على وجهه وتنهد " هببت ايه يا اخي "
" معملتش حاجة يا كرم مخنوق شوية "
" فيه حد يبقى مخنوق في شهر العسل؟ " صمت قليلا ثم تحدث " انت ندمان انك اتجوزت؟ "
" كرم انا بحبها اوي مستحيل اكون ندمان..انا قلبي بيتقطع بسبب الي عملته معاها وهى متعرفش "
" انا مش عارف اقولك ايه..بس اياك تعرفها هتتكسر ومستحيل تفضل معاك "
" طب كنت متصل ليه؟ "
" عايز لين مبتردش على تليفونها "
" كانت بتاكل هروح اديها الموبايل "
" الو يا كرم ازيك "
" الحمدلله ازيك انتِ..انا متصل اقولك ان هنا هتبات معايا لغاية ما مامتك ترجع بالسلامة "
" انا اسفة اوي يا كرم بجد " تحدثت بحرج
" اسفة على ايه!..انا بطمنك بس وبعدين الكركورة دي مونساني عمالين نلعب مع بعض من الصبح ودخلت تنام"
" طب الحمدلله شكرا اوي بجد "
" العفو يا لين يلا مع السلامة "
باليوم التالي استيقظ كرم وذهب لغرفة هنا
" هنا..اصحي يلا يا حبيبتي عشان المدرسة "
جلست على السرير ونظرت اليه فتحدث " صباح الخير "
" صباح النور " صمتت قليلا ثم ضحكت بقوة
ابتسم " فيه ايه "
" انا هقولك على السر بس متقولش لميس سمر "
" قولي "
" ميس سمر قالتلي خالو ده قمور اوي "
ضحك ونظر اليها " وهى كمان قمورة اوي..يلا البسي وتعالي علما اعملك ساندوتشات "
" هتاخدها مني اسراء التنحة دي والميس بتاعتي لما بقولها مش بتعمل حاجة "
" لا متخافيش "
YOU ARE READING
Womanizer
Romanceالمرأة؟..المرأة هى الجانب اللذيذ من الحياة اقسم اننا بدونها لا نسوى شئ
