" بقولكوا ايه..هو مين شكري الخباز؟ "
" انا اهو يا باشا تؤمر بحاجة؟ "
ابتسم " تعالى " وضع يده على كتفه وذهب به خارج الحارة
" بتتشطر عليها ليه؟ " امسكه من ملابسه
" هى مين دي يا باشا!!.وربنا مع عملت حاجة "
" متحلفش بس..شكلك هيبقى وحش اوي " صفعه على عنقه
" اسمعني كويس..لين " صفعه مجددا " متجيش جمبها تاني عشان تخصني سامع ولا لا؟ " مع كل كلمة كان يصفعه
" لا معلش بقى دي تخصني انا! " تحدث بانفعال
" دي هتبقى مراتي يعني اشوفك بتحاول تيجي جمبها والله افقعلك عينك الي بتبص بيها عليها وخلي بالك انا هراقبك كل يوم وهعرف منها لو ضايقتها تاني انت او اي حد في المخروبة دي..ميغركش شكلي لا ده انا عارف اشكالك دي كويس واعرف اتعامل معاهم "
" خلاص يا باشا انت تؤمر " تحدث بضيق
" اتكلم عدل يالا " صفعه مجددا
" حاضر يا باشا " تحدث بانكسار
" يلا غور من وشي "
على الصعيد الآخر صعدت لين للمنزل وعلى وجهها ابتسامة مشرقة
" حبيبة قلبي نورتي البيت الأكل جاهز " تحدثت وفاء
" لا يا ست الكل كلي انتِ " قبلتها من وجنتها ولازالت الابتسامة على وجهها
" شكلك مبسوطة! " تحدثت والدتها بسعادة
" مبسوطة اوي " تحدثت بخجل وهى تضحك
" ايه الي حصل احكيلي "
" ممكن نخليها في يوم تاني اكون اتأكدت عشان محكيش على الفاضي؟ "
" اكيد يا حبيبتي..وقت ما تكوني عايزة تحكيلي انا موجودة "
" مش هحكي لغيرك اصلا يا جميل انت " قبلتها مجددا وذهبت لغرفتها
" ازيك يا بابا..انا عرفت راجل عسول اوي لولاه النهاردة كنت هرجع مقهورة زي كل يوم بس النهاردة انا راجعة مبسوطة اوي يومي كان وحش اوي الصبح بس بقى جميل بليل..تعرف حمادة خلاص مش هيدايقني تاني ووعدني ان شكري بردو مش هيتعرضلي تاني يارب يكون قد وعده يارب "
قبلت صورة والدها ووضعتها ومددت على السرير وهى تتذكر وائل وتبتسم بسعادة ذهبت ووقفت أمام المرآة ونظرت لوجهها بتفحص ابتسمت ابتسامة واسعة ثم نظرت لشعرها البني المنسدل على كتفيها
" هو انا حلوة بجد!؟..يعني حد زيه يبصلي ليه؟..طب هو شاف جمالي ده ازاي وانا بحاول اخبيه من ساعة ما بابا مات بسبب شكري وحمادة " ظلت تلعب بخصلاتها وامسكت بالفرشاة وبدأت في تسريحه وهى تضحك كلما تذكرت حديثه ثم تابعت " بس خلاص محدش هيضايقني تاني!..هرجع زي زمان احط روج وماسكرا وتنت واسيب شعري تاني زي زمان وابطل اعمله كحكة..والبس فساتين ولبس يليق عليا من تاني!..انا مش قادرة لازم احكي لماما" تحدثت بسعادة وذهبت للخارج " يا ماما! " صرخت بأسمها
