ذهب للعمل بفتور على غير عادته
هرولت ناحيته نسرين " كرم..مالك؟ "
" مفيش حاجة..صباح الخير "
"صباح النور بس لا فيه حاجة انت مش طبيعي "
" معلش يا نسرين مش حابب اتكلم في الموضوع جهزي نفسك يلا "
ذهب ليحضر معداته عندما وضع وائل يده على كتفه فنظر اليه كرم بحدة وابعدها
" بردو يا كرم؟..مصر تبعد عني؟..ده احنا عشرة عشرين سنة يا اخي "
نظر اليه بحدة " مبقتش عاجباني تصرفاتك "
" هو انا بدبسك في تصرفاتي؟..ولا دي حياتي وانا حر فيها؟ "
" حياتك وانت حر فيها بس مش حر وانت بتأذي الي حواليك..تعمل كدة في بنت يا وائل ايه الجحود ده! "
تنهد " خلاص بقى يا كرم انا ندمان اوي اصلا "
" انا مش قادر اتخيل الي عملته بجد "
" خلاص انا اسف "
" هو انت بتتأسفلي انا!؟..اتأسف للغلبانة الي اذتها بأنك تبعد عنها "
" مش هقدر.."
" ومتقدرش ليه!؟..هى متنفعكش روح شوفلك واحدة من بتوعك "
" دي مختلفة وحلوة اوي.. ممكن تعمر معايا شوية بشرط انها متخلفش "
" وحياة ابوك يا اخي سيبها في حالها البنت شكلها غلبانة ومش قدك ومش بتاعت حواراتك دي "
" ما انا عارف! "
" استغفر الله العظيم يارب..بقولك ايه اعمل الي تعمله انا مالي!! "
" طب انت لسة ناوي تبعد عني؟ " تحدث بحزن
" سيبني في حالي يا وائل انا مش طايقك "
" يا عم خلاص اوعدك مش هأذيها " ضربه على كتفه ضربة خفيفة
ضحك " لو كدة يبقى نرجع صحاب تاني "
" مقدرش اعيش من غيرك اصلا " ضحك وائل وهو يعانقه ثم تركه وجلس على كرسيه
" يلا يا شباب..تلاتة اتنين واحد..اكشن! "
" انا فضلت طول الليل افكر عايزة تقوليلي ايه " تحدث كرم
حمحمت " كنت عايزة اقولك اني.." نظرت اليه نظرة مطولة " بحبك "
" انا!؟..بس انا افتكرتك بتحبي وائل "
" وائل ايه بس..انا بحبك انت..و انت؟ " نظرت اليه بحرج
ابتسم " مقدرش اسميه حب..ممكن اسميه اعجاب "
" يعني افهم من كدة اني مش مرفوضة؟ "
" لا مش مرفوضة "
" يعني علاقتنا دلوقتي اسمها ايه؟ "
" مقدرش اقول مرتبطين ممكن نخليها مرحلة تعارف احنا علاقتنا سطحية اوي يعتبر مش كدة؟ "
ESTÁS LEYENDO
Womanizer
Romanceالمرأة؟..المرأة هى الجانب اللذيذ من الحياة اقسم اننا بدونها لا نسوى شئ
